WOWDON

營業中

休息中

見社交平台經常有人介紹呢間啟德嘅闊條烏冬,於是約咗朋友星期六去試試!!雖然食唔到招牌寬條條烏冬,不過見佢哋出咗夏日新品🤭🍜 明太子牛油拌自家製熱烏冬(HK$125):如果係辛辣明太子,味道應該會開心D,牛油加生雞蛋已經好邪惡,連埋脆脆口感更足🍜飛魚子飯配迷你烏冬套餐(HK$128):配料超級足,而且保溫程度係食到底都仲係暖笠笠兩個套餐都頗大份,同fd 子兩個一人一set,食完已經食唔到Dinner,當兩餐既狀態😂😂呢個價錢又好似黎講幾抵😂😂😂

📍WOWDON九龍城啟德協調道12號雙子匯1期崇光啟德店食匯堂14樓1403號舖知道啟德SOGO開左韓國人氣過江龍手工烏冬專門店Wowdon過咗一段時間終於都可以試到啦!💛冰鎮寬條烏冬套餐 $148配香脆吉列豬扒 +$20呢一個冰鎮闊條烏冬每日限量供應!更加係鎮店之寶！而家天氣太熱食個冷烏冬真係好正！第一次食咁闊嘅烏冬，個感覺有啲似食緊陳村粉！有兩個醬汁一個係昆布鰹魚汁另一個係自家製胡麻醬個人覺得配搭胡麻醬感覺幾好味👍🏻吉列豬扒炸得剛剛好，唔會過燶💛明太子奶油自家製熱烏冬 $125如果你係明太子控一定要試吓呢一個烏冬！再加上奶油醬汁，每食一啖都充滿明太子嘅感覺烏冬夠煙靭彈牙！

網上見到很多評語對此烏冬都是麻麻地,剛巧路過啟德就去試一試是否中伏.當天是星期六的下午兩點左右,排隊等候的時間不算太耐.餐廳環境簡單普通,只是近窗口位置景觀比較靚.（因為樓層比較高）2人點了冷（冰鎮）& 撈烏冬,再加一份炸王餃子. 以為餐牌圖片誇張,原來現實份量係超大份. 共有十件, 足夠3-4人食😆冰鎮竹盤烏冬配天婦羅拼盤~冰鎮效果強, 能夠保持烏冬冰涼的狀態,放在竹盤上,冰水自動洗到碗底,烏冬不會泡在溶解的冰水裡👍🏻. 加上此涼烏冬配上2款醬汁~芝麻醬（香味濃郁）&冷麵的醬油湯汁（唔會太咸有少少似昆布湯的鮮味）. 天婦羅有炸蝦,炸鮮冬菇,炸南瓜.香脆可口,但是份量不多,每樣一件😅明太子牛油拌自家制熱烏冬~有少少像乾拌烏冬,主要靠牛油&半熟蛋及明太子搞拌.可惜牛油的味道太強烈大大搶了明太子的味道.不過整體來說是好食. 這烏冬也配上一碗昆布湯汁（似上面提及冷麵的醬油湯汁）總結：食物味道品質是可以好味,手打烏冬口感彈牙.餃子滿滿肉質（愛食肉的朋友會超喜歡）. 不過, 店員服務的態度有待改善, 可能人手不足, 未能照顧到每一檯客人的需求. 記得必須人齊才可以進內.

啟德開咗唔少商場，咁啱去開SOGO shopping，有間韓式烏冬專門店！烏冬係自家製，新鮮製作！明太子奶油烏冬配炸蝦天婦羅：呢個組合真係無得輸！明太子奶油汁夠晒 creamy，好似carbonara，仲食到粒粒鹹鮮明太子好有Layers，撈埋啲彈牙嘅烏冬，又邪惡又食唔停口！炸蝦天婦羅炸得好酥脆，點埋啲醬汁，正！酥脆吉列豬扒泡菜鍋烏冬：夠晒惹味！泡菜湯底酸辣開胃，夠晒濃郁，仲有石鍋盛載，幾有儀式感。配埋酥脆嘅吉列豬扒，鬆化唔乾柴，食落好過癮！不過可惜嘅係，嗰晚去得太夜，賣晒限量發售嘅手工扁闊凍烏冬！😭唯有下次早啲嚟試下啦！

之前Bookmark左啟德SOGO呢間烏冬店好耐！開張到而家都係人氣爆登、大排長龍✨上星期特登同老公早少少到訪，好快就可以入座😚餐廳有唔同特色既烏冬🍜冷熱都有供應，選擇頗多🫶🏻其中冰鎮闊條烏冬係每日限量供應💕除左冷熱烏冬，仲有自家製咖喱飯，啱晒鍾意食飯既朋友🍛❥ 日式炸雞澆汁烏冬 $118自家製冷醬汁搭配烏冬同日式炸雞🤎烏冬煙韌彈牙，澆汁鹹香味濃，食落層次豐富！有3隻炸雞，好嫩滑厚肉🍗烏冬上仲有溫泉蛋、蔥、白蘿蔔、紫菜等等，滿足感up up😙配菜有泡菜同小黃瓜，清新開胃🤤夏天食呢個冷烏冬好爽✨❥ 酥脆吉列豬扒配自家製咖喱飯 $138擺得好靚✨豬扒外脆內嫩，份量多🫶🏻自家製咖喱醬汁濃香飽滿，食落口感層次分明😋 咖喱醬撈飯食真係一流！

《WOWDON》冰鎮寬條烏冬套餐🍜 - 配天婦羅炸蝦 🍤📍九龍城啟德協調道12號雙子匯1期崇光啟德店食匯堂14樓1403號舖本身我唔係太好食烏冬，不過見到介紹，呢間店有寛條烏冬，口感好似好特別咁，所以都係決定試一試。跟沾蘸醬三款，鰹魚汁，咖哩汁同芝麻醬。如果由淡到濃去排，最淡係芝麻醬，之後就鰹魚汁，最濃味係咖哩汁。寛條烏冬因為我係第一次食，所以冇前設預期，亦冇比較。响咁嘅大前提下，我係相當滿意，因為每一片嘅口感煙煙韌韌，軟軟糯糯，又夠滑身。至於配三種蘸醬嘅效果呢，我就最鍾意係鰹魚汁，最對味。其次係芝麻，雖然淡味，但正好特顯左芝麻嘅香味，同烏冬本身嘅麵味。咖哩汁雖然比較惹味，但呢款咖哩風味太普通，明顯係超巿求其揀隻即食咖哩都搵到嘅味，唔夠有誠意。天婦羅方面，炸蝦 🍤都係普通急凍貨色，意料之內嘅質素，蔬菜都係正正常常啦。個套餐有另一個選擇，唔一定要跟天婦羅，可以跟炸雞。我就覺得炸雞嘅味道完勝天婦羅。整體，我認為如果你本身好少食寛條烏冬，絕對可一試，因為口感真係好特別。

人氣烏冬專門店WOWDON由韓國Oppa主理，主打每日新鮮自家製烏冬及麵食！WOWDON用上頂級小麥粉經過18小時以上熟成，每日早上新鮮製麵，提供烏冬、闊條烏冬（白布烏冬）及蕎麥麵三款選擇，口感煙靭彈牙，又富小麥香！最近又再去食多次，人流絡繹不絕，午市滿座仲要排長隊添明太子牛油拌自家製熱烏冬 $125明太子、溫泉蛋與高級牛油拌入熱烏冬，搭配鰹魚片與香蔥，濃郁滑順！明太子嘅鮮味配上牛油嘅香濃，層次感豐富，每一啖都係滿足！香濃紫蘇油蕎麥麵（白芝麻風味）$118WOWDON嘅蕎麥麵口感彈牙，散發天然堅果香氣！加入紫蘇籽與紫蘇油，低溫健康，富含奥米加-3與抗氧化營養。混合紫蘇油、全粒白芝麻與香蔥、紫蘇葉拌食，口感濃郁，香氣層層散發，健康又美味！推薦配菜：溫泉玉子 $15 - 蛋黃軟滑，配烏冬一流！柚子醃蘿蔔 $12 - 清爽解膩，夏天必備！WOWDON將韓式烏冬文化帶到香港，從選材到製作都好用心！每日新鮮製麵加上自家製醬汁，質素絕對有保證！快啲去啟德試吓，感受一下韓國Oppa嘅用心製作啦～

話說啟德新開咗SOGO，上面仲有條食街！😎 行到一半，見到一間鋪頭大排長龍，啲人龍仲要排到拉曬幾圈欄杆，咩咁誇張？！一問原來係韓國過江龍手工烏冬店，話所有烏冬係即日新鮮製造，經過18小時熟成，口感煙韌彈牙，仲要全部現點現做，怪唔得咁多人等！🔥爆紅冰鎮闊條烏冬每日限量20份 🧊朝早11:00同傍晚17:30開賣，點知我去到已經sold out，喊都無謂喊😭 下次一定要早啲嚟霸位！🧊🍤🍜冰鎮竹盤烏冬配天婦羅拼盤烏冬下面墊住冰塊，食落超彈牙，煙韌到一個點，入口冰涼爽爆！😍 仲配咗清新得黎帶點鹹香嘅鰹魚汁，同濃郁但唔會膩胡麻醬，兩款醬汁各有千秋，點烏冬都好match！天婦羅拼盤有炸蝦、南瓜、青椒同冬菇，炸粉薄脆得黎唔厚，食落唔油膩😋 仲送泡菜同白蘿蔔，酸酸甜甜超開胃，岩曬夏天🌞🐷🍛 酥脆吉列豬扒配自家製咖喱烏冬炸豬扒外皮香脆，咬落仲有肉汁！自家製咖喱醬汁濃郁惹味，掛滿每條粗過筷子嘅烏冬，食落好有咬口，咖喱香得黎唔會太重口！ 同樣有泡菜同白蘿蔔配搭，解膩一流🌾🍵飲品方面，店員會唔定時幫你添免費嘅麥茶，茶味清香，解膩之餘同烏冬嘅麥香好match

主打超人氣自家製布形烏冬！烏冬每日店內手工製作, 經過18小時熟成, 必試招牌限定冰鎮闊條烏冬、冰鎮竹盤烏冬 (๑❛︎౪❛︎๑) 🍜冰鎮寬條烏冬套餐每日數量限定❗️寬條烏冬底下鋪滿碎冰🧊, 用冰鎮方式將烏冬保持冰冷嘅溫度, 烏冬又寬闊又長, 口感煙韌滑溜, 帶點嚼勁～跟餐可以揀日式炸雞🍗/ 天婦羅炸蝦🍤, 另外會配上3款醬汁, 包括：咖喱汁🍛、昆布鰹魚汁、胡麻醬。我個人比較鍾意昆布鰹魚汁, 可以自行加入Wasabi同埋蔥去調味, 沾上寬條烏冬後入口冰涼, 食落好清爽！沾上咖喱汁, 更加惹味！🍜香炒牛肉炒配高湯自家制熱烏冬(另加溫泉玉子🥚)將蛋漿撈勻嫩牛肉、順滑彈牙嘅烏冬, 更添濕潤感同蛋香！

超人氣嘅烏冬專門店嚟到啟德啦🙈 烏冬仲要係手工熟成18小時，再每日新鮮現製，保證夠哂煙韌又彈牙😏 而且位位都有麥茶同迷你咖喱飯～ 好可惜今次晏咗食唔到闊烏冬🥹大家下次一定要幫我試吓啦😚1️⃣ 吉列豬扒配迷你熱烏冬🐷廚師推薦就總有原因，醬汁真係夠晒特別✨一個價錢兩種享受😌 食到香脆嘅吉列豬扒之餘，又有碗仔烏冬，配料亦都唔孤寒㗎😆啱晒想食飯又想食烏冬嘅朋友仔😍2️⃣ 香炒牛肉燒汁自家製冷烏冬🐮烏冬真係好煙韌🔥 而炒過嘅肥牛好香，份量亦都唔少㗎😎有隻半熟蛋蛋，又有蔥花、脆脆、蘿蔔蓉同Wasabi，撈好嘅烏冬真係超邪惡😈

見佢開左兩個月，好期待終於試到，首先品嚐嘅係店員嘅態度，冇人等，有吉位，但完全冇入座安排，有兩個侍應擺明見到我地但冇任何入座安排，可能真係太忙掛；等左勁耐我忍唔住話Hello?! 店員先問幾多位，仲問等一陣得唔得？okay 真係唔知等咩啦 咁多吉位，見佢傳菜抹嘢果啲已經唔見左人.跟住再等10分鐘都係冇人帶入座，再講多次係有好多吉位，起碼4、5張枱，個收銀位終於有人，我問佢其實等咩？佢又即刻手指指門口果張話可以坐，咁我頭先等咁耐係做乜？我就話你個店員叫我等，唔知等乜，先至帶我地去入面坐，果下差啲想走架喇.好啦叫嘢食，叫左個明太子撈熱烏冬同鰻魚飯+細烏冬，個明太子撈烏冬隻碟同舖碟都好夠大喇，但大部份都係配料，炸碎/蔥/鰹魚碎，撈埋就唔覺明太子味，不如叫飯素撈烏冬啦，重點烏冬偏硬，完全唔覺係煙韌…比平時硬同粗，食完ung胃果隻，有碗湯，睇落正常，飲落靠味精吊味；鰻魚正常，啲飯都硬，hey, 唔識煲飯唔洗開舖架喇.我果個烏冬$12x , 鰻魚飯+細烏冬$148 仲要加一？你個加一加係邊個位？嘢食？服務？環境？完全係浪費錢，我上網睇寬烏冬每個時段十份，真係唔食好過食，唔慣咁多生意？好快如你所願架

人氣烏冬店睇網上平台介紹呢間餐廳 星期六決定去試裝修比較實而不華，最緊要食物質素好鏗魚湯配日式烏冬竹輪天婦羅！大碗烏冬上面有豆皮、海帶、紫菜、蔥花同啲炸天婦羅脆米，有埋小碟泡菜。前面有南瓜、青椒同竹輪等天婦羅，烏冬煙韌有咬口。首先食頭啖湯，清甜，再加柚子七味粉，好香好味道，啱曬夏天食。另一份好正嘅日式冷烏冬：烏冬鋪喺大量碎冰上面，面頭灑咗少少海苔絲。配埋幾款醬汁、蔥白、蘿蔔茸、芥辣同埋香氣十足嘅芝麻醬，仲有一份香脆炸豬排、小碟泡菜同日式醃黃瓜，全部都好開胃又消暑！芝麻汁稍為失色，個人比較喜歡香蔥wasabi 天婦羅汁。炸雞多汁香口，外脆內軟，但 豬扒有點太薄

前排見到好多人推介呢間「韓國人氣烏冬專門店」😍 Google評價高達4.4粒星！🌟 到底係咪真係傳說中咁好食呢？時不宜遲一於試下先！我地1:30到達餐廳時未坐滿人，可能因為過咗午餐時間 店面整體裝修偏簡約風，缺點係冇卡位 + 枱細 想嗌多兩份小食都冇地方擺...好在打開 menu有驚喜 除咗飯類仲有烏冬、蕎麥麵，搭配多款小食，整體種類都算豐富 雖然標榜韓式烏冬，實則更偏向日韓fusion風🇯🇵🇰🇷 唯一估唔到既係，招牌冷寬烏冬咁快就已經售罄，有啲可惜由於當日成36度我地最後嗌咗凍烏冬同凍蕎麥麵，一個熱拌烏冬，一個鍋烏冬，份量中等，男仔食完唔會餓，每份都附有少量泡菜同醃黃蘿蔔👍🐷香脆吉列豬扒配冰蔬菜蕎麥麵😌呢碗凍蕎麥麵啱晒夏天食！麵質爽彈掛湯，湯底有唔少冰碎 十分之透心涼～ 重點係冰過之後依然好夠味，蔥香同柴魚鮮味完美平衡 但… 個麵有幾好食，塊吉列豬扒就有幾失望！豬扒睇落炸衣過厚，明顯炸過龍 食落果然乾碀碀，一啲都唔juicy既 雖然蕎麥麵本身好食，但豬扒呢個水準配埋個價錢，真係有啲唔抵🥲🍜冷鎮竹盤烏冬套餐😋配角係炸天婦羅三件套：蝦、南瓜同冬菇，蝦身大大隻 咬落彈牙鮮甜，南瓜甜度爆棚～

聽講呢間烏冬店剛開業嘅時候就大排長龍，大家都為咗試佢哋招牌冰鎮闊烏冬，不出我所料去到已經賣晒🫣.試左天婦羅炸蝦澆汁自家制烏冬👩🏻‍🍳，烏冬的確煙韌彈牙，配左天婦羅炸蝦🍤、炸冬菇、南瓜🎃、青椒，味道算是中規中矩來sogo行街肚餓可以試吓，但沒有為了食這個而特登嚟食嘅衝動🫢🫡

早前睇social media 吹捧呢間烏冬食店，就記住搵日要試，遇啱雙子匯做藏傳佛教嘅唐卡展覽，咁就啱啦睇展+食烏冬！知道烏冬店冇得book位，又驚好多人要等好耐，於是未到6:00已到（當日係星期六），去到門口見有幾個人排隊，但望入店有40%吉枱，心諗好快有得入，點知等咗一陣店員都冇意欲叫人入座，後來店員出黎話因為廚房唔夠人出唔切食物所以限人數入座，心諗都可以俾人入去飲住茶等呀？再等多陣有排緊隊嘅人唔耐煩走咗，原本我都諗住轉第二度食，等行開咗嘅朋友返黎問吓意見轉邊度，點知呢個時候就有得入。最想試嘅冰鎮闊條烏冬賣晒，咁就叫咗冰湯蔬菜蕎麥麵（冇味）、明太子奶油烏冬配炸蝦天婦羅（個醬係好味嘅烏冬就唔覺好食）、檸檬冰湯自家制冷烏冬（一般），整體覺得麻麻哋，唔值百幾蚊碗，試一次就算！