WOWDON

啟德開咗唔少商場，咁啱去開SOGO shopping，有間韓式烏冬專門店！烏冬係自家製，新鮮製作！


明太子奶油烏冬配炸蝦天婦羅：呢個組合真係無得輸！明太子奶油汁夠晒 creamy，好似carbonara，仲食到粒粒鹹鮮明太子好有Layers，撈埋啲彈牙嘅烏冬，又邪惡又食唔停口！炸蝦天婦羅炸得好酥脆，點埋啲醬汁，正！


酥脆吉列豬扒泡菜鍋烏冬：夠晒惹味！泡菜湯底酸辣開胃，夠晒濃郁，仲有石鍋盛載，幾有儀式感。配埋酥脆嘅吉列豬扒，鬆化唔乾柴，食落好過癮！


不過可惜嘅係，嗰晚去得太夜，賣晒限量發售嘅手工扁闊凍烏冬！😭唯有下次早啲嚟試下啦！