Woke (裝修中)

超高身三層tea set架唔係傳統上尖下闊果隻, 而係三層面積一樣, 外面仲有好似鳥籠咁既cover, 都幾特別, 呢個style亦好襯背景玫瑰花牆👍🏻 tea set for two每款當然有兩舊, 個menu款式都好多, 全部都好好味💜三層分別係甜品, 魚子醬, 同鹹品, 睇過間餐廳其他menu相, 見其他餐都有Bean curd napoleon, 咁特別既款式睇黎似係signature dessert🥰 吉士同鮮果不嬲都係napoleon既好拍檔, singature創新既地方就係用左腐皮代替napoleon酥皮, 所以食落好soft好mild魚子醬份量俾得幾多, 二人份俾左成盒, 好每人幾塊餅, 連同Condiments一齊食好正宗既感覺😆

Woke有做tailor made menu, Anson Kong之前來食過所以後人都有得跟住佢搵食🤤Boston Lobster Cappuccino: 湯用杯裝, 真係成杯Cappuccino咁🤣 個湯打到好綿滑, 泡狀既湯入口好soft, 用左黑芝麻同沙律菜好似拉花咁裝飾杯面🥰Italy Sausage Stuffed Morel Mushrooms Casareccia: Morel菇本身比較大隻, 都幾適合釀野係入面, 餐廳巧妙地用左比較重味既腸放入去, 令到比較plain既忌廉同菇有D點綴Black Cod Carta Fata: 一上菜top shot影左唔記得再影入面😂 好味!! 個魚係呢個AK餐必選, 果然係signature, 用左Carta Fata去煮個魚, 入面有其他海鮮, 一齊食好鮮味Bean Curd Napoleon: 軟身拿破崙又幾特別, 腐皮豆味重, 同custard cream幾夾👍🏻

之前冇得去Gym咁耐, 肥肉都慢慢走出來了🙃 我d gym友成日食即食雞胸我真係頂唔順😂 lunch點都要食好D啦, lunch time係公司附近周圍行下, 係威靈頓街7-11隔離woke個lunch menu幾吸引, main dish選擇唔算話好多但款款都幾吸引, 為左影相比食即食雞胸既朋友睇, 就叫左個慢煮法式雞胸卷, 連松露泡, $238連頭盤同coffee/tea/頭盤係珍寶蟹肉南瓜濃湯配多士, 湯好滑好香南瓜同蟹味, 蟹肉除左打左落個湯, 另有蟹肉絲放係湯面, 落左D cream係面好香🤤主菜慢煮法式雞胸卷超吸引!! 雞胸卷包住蘆筍, 底有少少薯蓉同parma ham, 所以食落一D都唔寡, 松露泡好香, 仲有埋松露片, 菇同粟米仔, 香氣同口感都層次十足!

中環高級餐廳好多, 但要搵到價錢合理又質素高ge真係十隻手指數得晒, 而今日試呢間woke就可以加入個favouritelist啦😆 地方大, 裝修靚, 野食正, 服務好👍🏻同朋友去叫左兩個lunch set, 頭盤各自揀左煙三文魚藜麥沙律同牛油果沙律 + 炸薄脆牛油果沙律係mexican style,蕃茄同紫洋蔥酸酸辣辣好開胃, 個tortilla炸到好脆, 溝沙律食岩晒; 三文魚藜麥沙律落左柚子醋, 又係開胃之選, 南瓜墊底夠飽肚👍🏻香煎伊比利亞豬鞍厚切但熟度控制好好, 有D類似豆ge野係面, 我就唔多愛🤣 但sauce就超正, 胡椒味cream sauce好香, 同個豬鞍好夾, side dish仲紫橙兩色薯ge gratin, colorful又甜甜地好好味🥰 澳洲龍蝦沾麵我只係試左同事一啖, 個龍蝦湯超香濃😍 沾麵個質地好彈牙👍🏻

係女仔都鍾意食甜野😌 但男仔就通常冇咁熱愛甜品, 我男朋友都唔例外, 搵到Woke有賣savory tea set佢先肯陪我黎🤣 但我眼中只見到D甜品😍 丫佢個caviar都好正, 所以都講下啦😌中間係意大利既Caviar配餅乾同配料, 加蛋加洋蔥一齊食口感好豐富, 個魚子好鮮味, 哎落會有D好似醬油既感覺, 係口腔同洋蔥粒, 蛋碎, 同餅乾一齊食好正👍🏻到咗我嘅主菜即係甜品, 我特別鍾意creme brulee cake同sconeCreme brulee 超滑但夠挺身唔濕, 焦糖面雪到好硬都唔輸蝕俾出面燒過既creme brulee Scone連埋jam同 butter cream另上, hi左勁多上去好 rich😆😆 scone小麥味好重好香, homemade新鮮奉上🤩🤩

 去中環上workshop前同男朋友搵下附近有咩好食, 法式餐廳arm晒我😆 樓上雅座裝修豪華, 坐得好舒服🥰我地一人叫左一個set lunch, 我諗住light D, 叫左煙三文魚藜麥沙律+白酒馬拉蜆肉意粉, 點知頭盤同主菜都好大份😂 好彩好好食我自己最後都食得晒😌 藜麥果仁香味好重, 同煙三文魚一齊食會冇咁鹹, 隻蛋黃半熟好香, 成個dish都夾👍🏻 白酒馬拉蜆肉意粉又係超大份😂 中間意粉捲到好高好靚, 側邊鋪滿馬拉蜆, 特別大隻! 蜆肉爽脆鮮味又多汁, 食食下都送晒D意粉了😂男朋友就叫左牛油果沙律 + 炸薄脆, 個牛油果醬撈得好勻, 牛油果味好重好香, 薄脆雖然係炸但又唔會好油膩, 同個沙律一齊食都好fresh, 又加左脆脆口感比佢😌 Main叫左日式照燒汁燴牛面頰配薯蓉, 汁唔多但滲晒係個牛面肉度, 牛面比平時食開更滑更juicy🥰

俾著有個mirror成員黎我餐廳食飯, 我都會好似WOKE咁叫佢簽名再過晒膠錶起佢😂 雖然我就唔係生粉, 但個tailor made menu本身都幾吸引, 就試試佢, 順便同Miro friend晒下命啦🤣 天使蝦他他: 同天使一樣純淨冇腥味, 柚子泡加埋魚子食落超fresh!燒珍寶帶子: 用左鹹肉炒椰菜花做side, 更帶出帶子鮮味, btw隻帶子本身好實淨, 好味波士頓龍蝦湯: 好杰好濃, 用龍蝦肉打唔係開粉, 高級😍摩里菌意粉: 呢隻菇個菇味特別濃郁, 大隻厚身口感更好, 菇味出所以煮個意粉汁更perfect, 好creamy👍🏻黑鱈魚: 連蜆一齊煮非常鮮甜, 用紙包trap住D汁好正, 最後不埋黎飲🤤澳洲羊架: 見開羊架比較矮身, 呢度處理方法就開左邊, 令個羊更薄, 易熟, 入味, 又一定唔會overcook, 羊脂好夠, 肉都嫩滑😋

 同同事出去食野, 偷食人地果份試下是常識吧🤣 所以總共試左兩款前菜同兩款主菜, double 開心😍前菜方面我自己就揀左珍寶蟹肉南瓜濃湯, 真係好濃, 南瓜融和係湯入面, 蟹肉都好多, 但人呢, 總係隔離飯香😂 同事果個牛油果沙律+炸薄脆, 我叉左一啖想再問佢但又唔係幾好意思🤣 薄脆新鮮炸起一啪就斷, 有少少印度脆餅風味, 個沙律除左有牛油果粒, 其他切粒既番茄/紫洋蔥/生菜都沾滿牛油果醬🤤 超香日式照燒汁燴牛面頰 $288主菜有好幾款, 牛面頰好吸引😍 default配薯菜就係薯蓉加雜菜, 薯蓉超creamy, dip燒汁食好好味😁 牛面頰有三塊厚既, 滑過我個面頰😂 切開肉質超鮮嫩, 燒汁完全融入左去肉入面, 好正🤤

AK Menu 都好latest, 六月頭佢先食完😱Starter個燒珍寶帶子好正, 真係超大隻! 燒到個面少少焦焦地, 仲有小小魚子係上面, 另外有炒過既煙燻肉&椰菜花都放左係貝殼側邊, 鮮味同鹹香水乳交融, 作為starter十分開胃👏🏻Soup就有我最愛既龍蝦湯, 係用左波士頓龍蝦, 色水好橙好靚, 放左好大塊龍蝦肉上面, 勁彈牙, 仲有灑左D黑芝麻係面, 好香同埋同龍蝦鮮甜味好match 🤩Main course 揀左Black cod carta fata, 即係用透明既意大利烹調紙包住魚肉黎煮, 可以完全鎖住肉汁同香味, 除左個cod fish仲落左蜆肉一齊煮, 味道更鮮甜😍 口感又豐富D甜品係鮮果腐皮拿破崙, 唔知點解睇menu時感覺bean curd同dessert大欖都扯唔埋, 但賣相靚, 食落覺得仲正, 好有反差🤣 腐皮個豆味超重, 好soft, 同佢黎做「拿破崙」好創新! 食落個口感就唔再係好似傳統咁酥脆, 又係soft既, 所以咬落個吉士更容易湧出黎好澎湃🤣 吉士本身一定甜但被豆香中和左少少, 感覺好舒服👍🏻

港女high tea我都食得多🤣 WOKE既算係我top 3餐廳😍 今日試左佢$488 / 2 pax既Savory tea set, 好高身既3層tea set架, 每層中間都好多space拎野同影相, 唔計野飲總共有10款野食😍😍Top layer 個earl grey 奶凍超好味!! 首先係夠大杯, 出面食果D個杯細到匙更都放唔入😂 有士多啤梨片做topping, 奶凍身好滑, 茶味好出又唔會太甜🍵🍮中間係黎自意大利既魚子醬, 配左勁多唔同配料, 包括蛋白, 蛋黃, 紫洋蔥, 同蔥, 就係俄式siberian正宗食法, 但我通常都唔係好識欣賞, 都係就咁放上餅乾食, 清清地先食到魚子醬香味😍底層又點名講我食過返尋味既黑松露酥皮盒, 食完我果個差D想食埋男朋友果個🤣 成塊truffle放係面勁豪華😍 中間有菇絲, 好Juicy, 重點係酥皮超脆又唔油, 食落冇膩既感覺❤️❤️

三層tea set架超好味! 除左講野食, 間餐廳都係三層好大, 好唔似香港地方🤣 裝修勁靚好打卡able, 餐具擺放都好fancy! 梳化又勁舒服, 嘆住個afternoon tea 好似去左旅行咁🥰Fresh baked scone雖然都係甜食, 但就分開放, 上碟時仲係熱辣辣🤤 我個人比較鍾意butter cream, 少少熱溶左入口更滑, 蛋黃好香, 平時較嗜甜既好姊姊就鍾意Jam多D, 但其實食落如果唔係點太多都唔算好甜, 主要都係細味個homemade scone牛油味好香 😋 除左個scone係homemde, 有個croissant都係!! 蛋沙律牛角包好大舊, 一見到我嚇親, 佔左成層一半位😂 亦驚會好膩好油, 但原來又OK, 個蛋沙律好fresh, 仲有片生菜, 令個croissant 食落感覺light好多👍🏻 homemade零舍唔同, 好鬆酥好新鮮😌魚子醬超正, 連左蛋碎同洋蔥, 成層都好grand 🤤 平時見得多魚子醬魔鬼蛋, 但原來蛋白&蛋黃碎同魚子醬一齊係更滑又香!

中環返工周圍都好多人, 就算等外賣都有排等, 今日有多D時間就係openrice搵左間好野食, 威靈頓街好方便👍🏻 Set Lunch有頭盤同主菜, 另外可以加錢配甜品頭盤我揀左珍寶蟹肉南瓜濃湯, 個湯好creamy南瓜好清甜, 蟹肉好多一大jar浮到上面, 同南瓜好夾, 片薄多士好脆, 夾埋南瓜濃湯一齊食好正😋香煎伊比利亞豬鞍係五個主菜其中一個, 厚切超正, 肉汁鮮甜好juicy, 少少粉紅色熟度岩岩好, 豬鞍近骨位仲嫩滑😍 汁唔算好多, 但因為豬鞍本身都好夠味, 少汁都冇問題☺️ 配菜方面有D長豆角, 熱辣辣

記得之前疫情仲好嚴重時, 同事買過呢間餐廳既外賣返公司食, 賣相好掂! 而家餐廳開放返, 約埋男朋友上去一探究竟😍 果然野食同環境質素相對應, 我坐個位對正綠色玫瑰牆, 金屬顏色既餐具同養眼綠色既餐紙好襯餐廳既格調😘Starter 🥗輕盈既煙三文魚藜麥沙律, 煙三文魚份量好多, 大塊又厚切, 就咁食就一定鹹D, 但連埋沙律菜, 南瓜, 仲有藜麥一齊食就岩岩好Main course我地一人一個share食🍝份量超多既白酒馬拉蜆肉意粉, D人又話西餐廳貴夾唔飽, 估唔到咁多意粉, 仲要蜆都多😍 一隻隻開晒口鋪係碟邊, 蜆肉勁鮮甜, 白酒輕輕帶出鮮味, 好睇又好味😍 🫔慢煮法式雞胸卷 + 松露泡, 三件雞卷雖然係雞胸但完全唔鞋, 慢煮威力真強😜 松露泡勁特別好滑, 個泡本身都好香松露味, 仲要有松露片再加重個香味, 成塊片食真係好正, 味覺同嗅覺都攻陷左😌

早排由於太想食港女tea 上網睇咗一堆介紹 最後就揀咗喺中環嘅WOKE  佢有三層高 每一層分別係酒吧餐廳同埋私人派對嘅地方🎼 呢個環境坐得幾舒服 唔會太迫 兩個女仔嗌左呢個$488/2嘅三層高下午茶🫖包括嘅嘢都幾豐富同多 除咗係平時見得多既tart 同埋蛋糕 仲有我覺得幾好食嘅scones食落幾夠牛油香 咬落去入面脆脆地 帶少少濕潤 配有奶油同果醬 加埋一齊幾正🤤黑松露雞蛋酥盒都幾出色 酥盒外層好脆 入面包裹住既黑松露雞蛋份量同味道都啱啱好👍🏻 底層以自家製既牛角包配蛋沙律黎講 印象最深刻 大大個 飽肚之餘 味道都好夾🥰成個tea set仲好「IG-able」🧡🧡🧡

朋友係AK粉，話中環依間餐廳有Anson Kong「加持」過，要同我一齊去試試，小妹只好捨命賠君子，出錢又力去食依餐晚餐今晚我地食既係Anson Kong l Woke Tailor Dinner Set ，依個係AK食過既餐，餐牌仲有佢既親筆簽名😍介紹返以下Dinner set既食物：🔘波士頓龍蝦湯用上波士頓龍蝦🦞做濃湯，香滑濃郁既龍蝦味，好似將啖啖龍蝦精華注入去湯入面，仲食到不少新鮮龍蝦肉🔘摩里菌意粉摩里菌我之前未聽過，上網做資料搜集先知又名羊肚菌，係珍品，係法國料理🇫🇷既重要食材（孤陋寡聞🫣）而且依種食材具有多種療效，摩里菌有機鍺含量較高，具有強健身體、預防感冒、增強人體免疫力的功效。🔘西班牙燒豬仔燒豬仔有5塊（約1/4隻）上枱個陣勁香‼️ 我已經留哂口水🤤 乳豬食落肉質嫩滑，加埋肥膏一齊食入口即化，正正子！基本上唔洗點咬已經食到，係好好好好好食既乳豬，配燒汁粟米仔同車厘茄，可以清新口腔🤭好推薦依一道菜式