WOFT (已結業)

工作辛苦, 平時出去食飯都想搵間環境好, 食物好味的地方輕鬆下. 小弟乃一平民, 去唔起高級食肆. 所謂環境好係指坐得舒服, 無乜壓迫感而可以用朋友暢所慾言的地方..之前食完串燒行過見到環境幾好, 今日就特登黎到呢個新開酒吧餐廳試一試. 手工啤多款到眼花零亂, 侍應介紹後我地揀咗隻黑啤黎試下, 道夠酒香濃, 好正!送啤酒小食就叫咗客避風糖薯條, 小弟芝士薯條食得多, 避風塘薯條真係第一次食, 上面D蒜粒好多, 夠晒香辣, 佐酒佳品,越食越過癮Main 方面我地叫咗個黑松露長通粉同蕃茄醬橄欖油蒜片蝦炒扁意粉.呢間D食物好夠味, 如果淨係飲水可能會覺得味道比較濃, 相反黎講襯啤酒就非常之夾! 放工黎食下野飲下啤酒, 人生一樂也! 

小妹第一次係OPEN RICE寫食評 ,自從幾年前無玩BLOG之後都無寫食評囉,多多指教......呢間係新開0既西餐廳 , 0係旺角染布房街 ,以前係一間便利店 ,環境OK靚今次推介佢地0既HAM , 窩夫 , 芝士薯圈窩夫有點鬆軟，味道甜甜地芝士薯圈味道香濃,要趁熱先好食....HAM係大廚現場即切 , 薄薄一塊 , 好刀功 (大廚幾靚仔下 )下次再試下佢地0既雞旦仔 , 聽聞同街邊D好大分別.......旺角0黎講好少呢D食物質素 , 值得一試

對於芝士迷黎講, 芝士火鍋一D都唔陌生. 但好多時食黎食去都係意X屋個隻, 但價錢偏貴. 最近見個friend 屋企附近開咗間新餐廳酒吧有芝士火鍋食, 我地就即刻約好一齊去試下喇!佢除咗有原味芝士火鍋, 仲有黑松露芝士火鍋同埋腐乳芝士火鍋, 兩隻我地之前都未試過, 今日就揀咗黑松露芝士火鍋試下等咗一陣已經上枱喇, 陣陣芝士香同埋黑松露味已經令到我地流晒口水. 等佢”滾”咗一陣, 我同朋友就即刻放D配料落去喇! 配料有面包, 新薯, 西蘭花同埋長通粉. 幾款都有唔同口味, 新薯口感較爽口; 西蘭花就係清新之選, 因為佢個型狀係粒粒花, 所以可以沾上更加多芝士汁; 長通粉個心中空, 芝士汁可以充滿咗中間空心位置. 配料新鮮, 但最重要當然係芝士汁. 芝士汁比我平時食開的香濃, 而且亦加入咗足夠墨松露醬, 令成個芝士火鍋的香味更上一層樓, 芝士汁本身個質地較稠身, 所以亦都容易沾上配料上, 唔會一令上黎就滑走晒.兩個人食份量配對足夠, 以呢個質素黎計, 我個人覺得幾抵食. 下次會再黎試埋個腐乳芝士火鍋!

今日同好姊妹暢聚, 揀咗旺角呢間新開Bar and Restaurant. 一黎貪佢就旺角方便大家, 夜一夜都有車可以返屋企; 二黎見Openrice 都有唔少好評因為到咗食飯時間, 我叫咗個All day breakfast. 賣相好靚呀! 仲有心型蛋, 見到都心情大好! 而且份量真係非常之多, 兩個女仔食都絕對足夠.我最鍾意佢個薯餅同埋磨菇. 薯餅非常香腕, 有別於平時食開的薯餅 (即係M記個隻), 呢隻薯餅係師傳手打的, 食落去口感外層非常脆, 裏面係軟滑的薯蓉, 而且帶有輕輕的芒果香, 我地兩個都好鍾意! 另外個磨菇就煎得好香, 但又唔會有油油的感覺, 好清新!飲品方面, 我地兩個都唔飲啤酒, 所以叫咗兩杯Mocktail, 都係充滿甜甜果香味的飲品. 一杯叫"Old Land Peach" 另一杯叫"LOL Mango" 兩杯都好fresh 同埋好飲!我地仲叫咗個脆焗棉花糖, 作為甜品真係好好味, 甜得黎唔會膩, 外脆肉軟賣相又係好靚好吸引, 好似個雲海咁樣!

旺角搵食一向都係頭痛之選, 並非沒有選擇, 而係難以搵間優質食肆. 今日難得搵到一間食物同環境都不錯的餐廳, 一定要介紹一下.呢間Bar and Restaurant 應該新開無耐, 以半開放式設計, 亦設有室內外坐位, 餐廳雖然不太但感覺舒適. 原以為都係一般Bar and Restaurant 以飲酒為主, 估唔到食物方面都有好多驚喜.飲品方面包括手工啤酒同特色Cocktail. 手工啤多選擇, 望落都有幾十款之多, 非常豐富. 而Cocktail 就賣相吸引, 都以搞笑港式潮語命名, 非常有趣.今日見到呢間舖頭有水煙, 不過今日得我自己一個未有機會試, 下次叫埋班朋友可以一齊試下 

老友疑似失戀 , 一日兄弟一世兄弟 ,咪陪下佢 , 出去睇下佢死得未本來諗住落太平道劈酒 ,點知個FD話有正經野傾 ,靜靜D好FEEL D ,咁0岩有附近染布房街有間新酒吧 ,咪去試下囉 .......果度有幾十款唔同0既手工啤 ,其中有隻ROGUE DEAD GUY ALE樽身幾靚 , 味道甜甜地,少少啤酒苦味 ,口感複雜 , 人生..........另一隻手工啤酒 MONTEITH'S SUMMER ALE有花蜜香同少少薑味 ,0岩晒女仔飲 點解我前面係個佬??? (炸)叫左兩碟泰式生蝦 , 口感肉質緊實富彈性，味道唔錯 再0黎避風塘炒薯條 ,都值得一試 , 建議沾多D辣粉先放落口 仲有好多唔同COCKTAIL , 下次一定要帶女仔來浪漫下 ))))

早兩日放假，女友話想食西餐但係又唔想過海，咪上網搵下九龍區有咩新嘢試，好好彩比我搵到間好嘢....首先點左支白酒同埋半打生蠔，佢地做緊promo 3百幾有交易，生蠔新鮮，白酒易入口唔酸，醒胃醒神跟住叫左碟泰式生蝦，醬汁同平時食開嘅泰國餐廳有D分別，唔太辣 , 啱我地口味 , 但係可能酸多少少更好接住住係白汁蜆肉狗仔粉，西式白汁同中式狗仔粉意外地夾，蜆肉係新鮮有殻果種，細細碟兩個人份量剛好再嚟試左個腐乳芝士火煱，女友開頭唔敢試，但佢見到我食到津津有味又頂唔住要試.....腐乳同芝士出奇地Match,配以麺包、椰菜、味道濃郁！開枝白酒食西餐，埋單都唔駛1000，車錢都慳埋，抵贊!!!!

前幾晚同3個朋友食完安安燒.. 打算行去太平道飲杯野.. 點知我地俾佢門口地下既投映燈吸引住... 原來開左間新式酒吧.. 見個裝修都好靚又唔嘈.. 就入左去試下喇.. 依度主打賣手工啤，waiter話有成60款，仲好主動講解下手工啤同普通啤酒既分別👍幾好！細細間bar 但有7款draught beer 揀.. 👍幾好.. 有個朋友叫左杯maisel draught beer.. 我地3個就試左3支手工啤.. 我就俾一支叫九龍既手工啤吸引住..好地道八掛下拎左本food menu 睇下有咩食.. 都係西餐為主.. 但最suprise係..... 佢有20幾款串燒.. 叫左個一口魷魚仔試下.. 可能係岩岩食完隔離間安安燒.. 覺得個味同隔離好似.. 拍得住d串燒專門店整體黎講我地都好鐘意依間野.. 

有日經過染布房街, 已給餐廳裝修格調吸引今天就來試下, 餐廳有點英倫Feel, 似中環灣仔一帶酒吧餐廳, 我就最鍾意呢D Feel 既餐廳 !間野除左Draft Beer外, 重有丑大量手工啤酒, 我就叫左杯有花香味既黑啤, 不錯不錯, 鍾意飲啤酒既值得推荐, 跟住我地三個人重叫左個漢堡包, 芝士薯條, 黑松露芝士火鍋 同海鮮意粉. 個人極之推介黑松露芝士火鍋, 用通粉同麵包點黎食, 超香黑松露同芝士味, 我D 朋友都話好正, 加上芝士火鍋唔係好多地方有得食 總括價錢合理, 食物有水準同有手工啤酒, 加上裝修有Feel, 以旺角區西餐黎講, 呢間餐廳好高分下

好耐都無係OPENRICE到打過食評啦, 今次打返係因為去左間好特別既酒吧餐廳難得有幾日假, 緊係約下班姊妹食飯做節慶中秋啦有好幾次坐的士經過鋪頭, 見到入面都好FULL下,今日可能係禮拜5又幾日假期, 更加多人,所以都等左一陣先有得坐首先睇下MENU有D咩野好食先,我地一行5人, 因為都係女,所以野食叫得好多, 但好多野都好想食,我諗下次都係叫埋老公黎先再叫過其他啦,今次叫左軟殼蟹窩夫, 略嫌個窩夫唔夠脆, 個軟殼蟹就好脆啦一個生蠔餐(6隻蠔跟左支白酒),呢個餐真係好抵, 六隻蠔跟一支白酒蜆肉狗仔粉,蜆肉好新鮮,配狗仔粉幾特別, 無諗過白汁同狗仔粉都夾到PARMA HAM雞蛋仔,好特別, 雞蛋仔本身甜甜地, 加左PARMA HAM粒粒咸咸地好得意 ALL DAY BREAKFAST,雞泡魚乾, 一口蜜糖腸, EGG BENEDICT, 芝士薯圈(呢幾樣食物都唔記得影相, 呢幾樣都幾好食)野飲方面就叫左一杯OLD LAND PEACH, 一杯LOL MANGO因為有兩個姊妹唔飲酒, 問左妹妹仔有咩係無酒精,妹妹仔話底下3杯都係無酒成份,因為蠔餐跟左支白酒, 所以我就同另一姊妹飲白酒,有

依間野睇住佢裝修到開張，終於有機會試下，本身仲以為佢係酒吧，點知係間新式手工啤酒西餐廳，裝修好靚好舒服，同朋友提起屋企附近開左間咁既野，大家都即刻話想試下。一入鋪服務態度好好，好好笑容，好主動就有人serve，可能係新開張關係啦，希望佢可以keep到。野食野飲都有新意

今日試呢間旺角新開Bar and Restaurant – WOFT.餐廳大小適中, 格局舒適, 有種放工Relax 感覺. 同一般Bar and Restaurant 唔同, 雖然裝修幾靚同埋野食望落去都好靚, 但價錢都好平民化, 係門口望咗個Menu 之後我同朋友都放心入去食!好彩我地黎得早, 過一陣間廳餐已經坐滿人了. 侍應都好Nice, 會同我地介紹有咩好飲好食. 我地其實睇到個Cocktail Menu 已經覺得個名好搞笑. 我叫咗一杯”Till Last Shake”, 係士多啤梨味的奶昔cocktail. 朋友叫咗杯”Fa Diu La Ma” 係花雕酒的Cocktail, 賣相都好靚~一見到心情大好!食物方面, 我地都係細食之人, 所以淨係叫咗兩款野食+甜品. 第一款就係英式Benedict, 佢同我食開D Benedict有少少唔同, 個薯餅細心D食會食到有香香的芒果味, 好得意! 而佢個波蛋整得啱啱好, 上枱時仲震震下, 食落好滑!我地叫咗另一款就係蜆肉狗仔粉喇! 真係第一次係西餐廳食狗仔粉, 感覺好特別! 佢係用白汁煮狗仔粉. 估唔到”港” 西合壁又幾夾喎! 狗仔

旺角染布房街附近有不少食店，相較進入內區或內街，這裏只是車較多，但街道人流或熱鬧程度沒有內區多，不過是在週五晚，六，日不少食店外總會有排隊人流，所以這間woft選這附近位置是有這因素，當然這附近有不少外籍人士經過，這裏是旺角少有的半酒吧式餐廳。白汁烤焗大蘑菇 $58用了外國常用的洋菇，色澤及形狀有點像日本蘑菇的放大版，這種菇最常用來燒或烤焗，這裏用烤焗，當中的菇類香氣更易釋放出來，加上放滿了有煙肉、洋蔥粒的白汁忌廉，亦是絕佳的配搭，菇不會烤得過於乾身，咬下去有軟身質感，亦沒有苦或菇腥味，而白汁更提起總體味道之外，亦很細滑惹味。伴碟的秋葵條有點清新化膩之用，惟太乾身，纖維感太重。Woft 腐乳芝士火鍋 $178這裏不少都有點fusion 的風格或加點另類食材，讓食客有點新意,這個是其中一樣，三種芝士外加了少量的本地八珍腐乳。來到時候即使不是大量腐乳，但細意聞是聞到突出的腐乳味道。食芝士火鍋剩吃芝士當然是很膩，還是配跟芝士搭配的小食好點吧:麵包粒、薯仔粒、長通粉、西蘭花。芝士火鍋內的芝士混和了腐乳并沒有預期那麽配合，而且口味上更重一點，是突出了鹹香味。當中跟薯仔或麵包粒會好吃一點，薯仔質感

同朋友食完晚飯, 係旺角街頭見到有新開餐廳, 見到佢個餐牌有甜品食, 我地見時間尚早, 就入去坐下傾下計因為張相好吸引, 我地叫咗個”脆焗棉花糖朱古力夾心批” 同埋兩杯Cocktail. Cocktail 個名好得意, 我地分別叫咗一杯”CLSespresso”, 同埋”Ball and Law”, 頭一隻係有coffee的cocktail, 後一隻就係有菠蘿的cocktail, 淨係睇到D名我地已經笑咗好耐~好有創意!!然後到主角甜品上場! 一上枱我地覺得好靚, 好似個雲海咁樣, 我地影晒相就開動了! 用隻叉桔到落最底, 中間一層係流心朱古力, 最底層係用咗蘋果! 好sweet 好好味, 相比起心太軟, 呢隻甜品更加有層似, 因為唔係一味朱古力味, 而係加入咗棉花糖脆脆的面層, 濃味流心朱古力, 同埋有果香的蘋果. 如果覺得太sweet, 可以將佢放上餅乾度食, 多一層脆脆口感又可以減底膩的感覺.呢個甜品好大兜, 以甜品份量黎計, 似4人份量 @.@ 但由於我同朋友都好鍾意食甜品, 雖然好飽但最尾都清晒! 估唔到誤打誤蹱都搵到好野食, 而且價錢抵食. 環境唔錯~ 下次去食甜品唔洗去D

同幾位幾姊妹暢聚, 最緊要係搵個舒適環境座下食下野. 睇雜誌旺角開咗間新Bar and Restaurant, 今日就特登去試下!環境係半開房式, 望落幾舒服同埋幾多野食揀, 我地三個女仔志在傾下計, 叫咗幾款野食:1) Melted Cheese Twister Fries ($58) 香濃芝士旋風薯條炸到好香脆, 加埋芝士汁係面頭, 作為小食送野飲一流!2) All Day Breakfast ($83)份量好足夠, 一上枱煙肉香氣撲鼻, 已經急不及待想即刻食, 磨菇同腸仔都煎得好香, 仲有法式長包墊底, 三個女仔食完已經半飽!3) Classic Eggs Benedict ($92) 傳統班尼迪克蛋淨係睇賣相已經好吸引! 放係最上面的波蛋上枱時仲震震下, 裏面仲加入咗蔬菜同埋下層薯餅, 薯餅食落好香口好鬆化, 而且仲有少少芒果香味. 感覺好特別!食物水準不錯, Cocktail 都好夠特色. 員工好Nice, 有個靚女仲主動幫我地影相添!