WOFT (已結業)

約咗朋友睇戲點知早到, 就打算係附近行下飲杯野坐下. 行下行下, 去呢到間WOFT, 見裝修幾靚幾relax而且專賣手工啤, 就入去坐下. 時間尚早只係5:30pm, 我一個人唔洗等位, 坐咗係高圓枱望街位置.打開Menu花多眼亂, 足足有幾十款咁多手工啤酒. 我想飲支清新少少的, 職員就介紹咗一隻青瓜味啤酒比我 - Steamworks Cucumber Ale. 呢隻啤酒好易飲, 飲落有淡淡青草香味同埋青瓜味, 酒精濃度唔高所以一D都唔苦. 用黎襯下沙律或者淨飲都唔錯. 而且呢度環境好好, 門口唔會太繁忙, 座係近門的位置 (佢係開放式) 望下街景的確好relax.

旺角★WOFT聽講間野成日都好full，好彩１日前打去仲book到位。星期六６點幾黎到都唔算好多人，不過７點半打後就有少量人係門口等位。間餐廳比想像中細，淨係個bar枱都佔左唔少位～入面都裝飾得幾有格調嫁（空間比較細係咁短距離電話既相機影唔到個場）不過總係覺得ｄ枱櫈既擺位有少少奇怪？中間有張長高枱，格開左隔牆既梳化位＆近走廊既２人枱，可能因為咁視覺上令個空間窄左。。我坐係２人枱就感覺上有dd壓迫搵食時間- Fusion白汁蘑菇蜆肉狗仔粉（$98）：見佢咁有創意竟然用白汁煮狗仔粉，真係唔試唔得睇落其貌不揚，都有少少似一條條蟲仔。。哈哈哈～不過不過，唔可以以貌取食物，食一啖就知佢係實ｄ狗仔粉食落勁彈牙，條條都掛滿左白汁好鬼正！蜆肉係細粒ｄ不過都為數不少嫁。轉個角度睇就會發現佢仲提供左ｄ梅菜比你撈埋一齊食韓式泡菜菠蘿雞柳漢堡配手切薯條（$78）：打開左個漢堡ｄ餡料同個菜名一樣一目了然用燕麥包整健康度加分，不過個包食落乾左少少唔係好軟熟。連餡咬番啖個漢堡竟然發現有腐乳味？原來係黎自個sauce，依間餐廳既食物真係好特別，中西合壁～不過d腐乳味略為太出搶左味，正常好濃味既泡菜都係睇到但食唔出..

日日放工行過呢間都好想入去試, 但平時一個人又無理由無啦啦走入去咁傻, 今日同老友有D野傾, 順便約佢去呢間食野.黎到志在搵個地方可以食下好野坐得耐d, 當然手工啤都係其中一個主角. 呢度D手工啤實在花多眼亂, 好彩個Menu 有中文介紹, 可以慢慢揀. 我就揀咗支"新界"黎飲, 係比較清新的手工啤晒, 比起其它啤酒light , 只有4.8%酒精, 飲落好fresh 味道又唔會單調, 唔錯的啤酒!另外我地叫咗一客Ham 黎送酒, 呢隻比較特別, 係60個月黑毛豬from西班牙, 而且係即切. 自己食開最多都係48個月已經覺得唔錯. 呢隻60個月黑毛豬果然唔同, 食落口個陣甘香味道已經出晒黎, 而且鹹味亦都做得啱啱好, 食完之後香味可以last 好耐. 呢個質素$198一客真係一D都唔貴.Main方面我就叫咗個豬肋, 值得一讚的地方係肉汁好豐富, 唔會overdone, 外面烤得好香脆而肉質亦都鮮嫰. 如果伴碟可以有少少蔬菜類就更perfect喇.好多時去飲酒地方, 食物質素都麻麻地. 但呢間Bar and Restaurant 食物方面都幾用心, 見 Menu 都有其它食物好唔錯,

同好友慶祝生日, 約埋成班friend 暢聚當然要搵間靚仔餐廳. 見旺角開咗間新Bar, 都幾就腳, 一行6人就決定幫襯呢間.知道呢間餐廳位置唔多, 早一個星期已經book 定靚位!呢間餐廳裝修得唔錯, 感覺好relax, 係旺角呢種型格酒吧真係好少見. 除咗環境唔錯, 呢度d野食同埋野飲都好多選擇, 望一望佢D手工啤有成4-5頁, 大大話話起碼有幾十款. Cocktail 同 Mocktail 都有十數款, 杯杯個賣相都幾靚! 除咗飲品, 野食方面都絕對無令我地失望.(最抵食) 生蠔 - $368 有半打法國天馬拉即開生蠔, 仲送埋支酒, 認真抵食! 生蠔夠新鮮, 食落啖啖海水味, 好夠味.白酒藍青口 - 呢個值得一讚係用上藍青口黎整, 而唔係平時大大隻無乜味個D青口, 藍青口味道較鮮甜, 用白酒黎整更加帶出青口本身個味道! 食到唔得到口芝士火鍋 (原味) - 朋友好鍾意食芝士, 所以叫咗一個黎試, 芝士味道好濃郁, 唔會水汪汪, 味道都好有層次, 食得出芝士有返咁上下質素, 而配料都幾新鮮, 足夠2-3人食.烤豬肋 - 豬肋烤得夠香, 雖然厚肉但都好入味, 肉質鮮嫰而且多汁 (份量

之前睇過雜誌介紹已經有印象, 咁啱今日同事講開話呢間Bar D 野好食, 我地就即興放工走去食喇!好彩去得早, 我地坐左一陣已經坐滿晒人. 但因時間尚早未太肚餓, 我地叫咗兩杯Hoegaarden, 各自叫咗個pasta 當食下野吹下水. 佢D野食幾搞鬼, 有梅菜Burger, 又有狗仔粉, 我自己鍾意試新野, 就叫咗個白汁蜆肉磨菇狗仔粉試下佢.講真狗仔粉真係N咁多年無食過, 只係記得個食過好似碗仔翅咁食. 呢度用咗西餐手法, 白汁同蜆肉炮製, 有新意之餘估唔到又夾到喎. 平時食意粉會比較爽口, 狗仔粉黏性會高D, 所以d白汁撈落去都可以痴到每一條狗仔粉, 而口感食落煙煙韌韌幾得意. 我貪新鮮, 覺得呢個配搭仲好食過意粉! 朋友就試咗佢個千層面都話幾有水準!呢間Bar 都幾就腳, MTR行過去5分鐘左右, 近麥花臣個邊, 裝修都幾型格, 但座位唔多, 要食就最好訂位.

行完街攰攰地, 見呢間Bar and Restaurant 裝修得幾靚又坐得幾舒服, 就入去飲下野relax 下, 是日為閒日, 我地5點幾去到人唔多, 坐得都幾舒服~佢D Cocktail 同 Mocktail 都好得意, 賣相唔錯個名都夠晒搞鬼. 我叫杯"Old Land Peach", 朋友就叫咗杯"Kennedy Cranberry Sor9Lychee". 兩杯Mocktail 都好靚呀, 我地當然相機食先. 望落去粉紅粉紅, 心裏已有準備係D樣靚味道一般的東東. 點知飲落有驚喜! 佢有用新鮮果肉去做, 加埋沙冰好fresh, 一D都無藥水味, 而且價錢都合理. 另外我地仲叫咗個Caesar salad, D 沙律菜都好新鮮, 一邊食一邊飲一邊傾下計, 身心都放鬆晒!

話說我既生日飯局仲未完，朋友選擇左黎WOFT。貪佢就近火車站，食完就撇得。WOFT 環境真係唔錯，下次想同知己踫杯談心可以黎呢度。佢地以手工啤酒作賣點，選擇的確不少。我自己本身唔好酒，喺menu揀左支fruity既酒。食物方面，我覺得以價錢黎講，佢份量係偏少。可能係因為大家都會飲酒既，食物只係用黎佐酒。我地點左蕉糖麵包，凱薩沙律，芝士薯塊，黑松露意粉，千層麵，牛肉漢堡…全部味道都好食既 (傾得太開心，唔記得左相機食先)

係香港, 一般Bar and Restaurant 都以飲酒為主, 食物為次. 即使去到中環, 大部份都係喜歡佢個環境同埋杯中物, 而食物質素...真係唔好期望咁高.今次返到黎九龍區, 試下呢間主打手工啤酒的Bar and Restaurant, 室內約可坐40-50人左右, 以半開放式裝修, 樓底幾高, 感覺舒服. 望一望個menu, 估唔到細細間Bar 可以有60款手工啤酒咁多, 而且款款都有中文詳盡介紹, 唔洗怕唔識飲啦! 我叫咗支Hoegaarden Rose, 都係我平時飲開的. 口感較為清新. 而食物方面, 我叫試咗呢個黑松露肉醬千層面.千層面須要焗, 我同朋友一邊飲住啤酒一邊吹水, 好快我的千層面已經上枱了! 望落顏色唔錯, 面頭係有微微焦薰的效果, 增加咗成個千層面的香味, 裏面D千層面與黑松露醬, 肉醬等味道夾得非常好! 首先千層層次分明 , 唔會一pat pat, 而每層的醬料都分佈得好平均, 令到每一啖都充滿咗黑松露同肉醬的香味. 而裏面有些少伴菜同埋蕃茄都可以減少Heavy 的感覺. 成個千層面做得好Balance, 確實值得一讚!其實餐牌上仲有其它Fusion

今日經過旺角見到新酒吧，原來開業大約2個月，係間西餐酒吧餐廳，今日因食左野原固，只係度飲杯野傾下計。入到去都有一半坐滿，我地坐左係最入，當野飲牌黎既時候見到有60+種手工啤酒選擇，不是特別平，但勝在多。最後叫左2枝啤酒加一杯調酒飲品。Wet dog lemon peach $68assion fruit, peach liqueur, vodka ..好香生果味，超易入口又夠甜，但酒量不叫太多，適合吾太飲得既朋友。Whiskey jack ale @ canada $61:味道帶焦糖回味感覺，因為存放在曾釀造威士忌的橡木桶內達半年，味覺可以嘗到威士忌香。Sugarcane stout @ Hong kong $75:甘庶黑啤酒，加上草本元素，釀造時再配上多款不同的深烘烤，色澤深黑色，有獨特甘庶香和烘烤味，但又夠滑順。

今次黎其實都只係為咗芝士火鍋. 見雜誌介紹呢度D芝士火鍋特別濃, 所以一心想黎試一試! 佢有三隻味可以揀, 包括原味, 黑松露味同埋腐乳味. 個人黎講覺得黑松露味會香D. 所以最後揀咗黑松露.芝土火鍋Size 黎講算係唔少. 配料有西蘭花, 面包, 新薯同埋長通粉. 芝士汁如雜誌所講, 係傑身個隻, 唔會水汪汪, 聞落去係陣陣黑松露香味, 食落口係好香濃的芝士味. 我自己會鍾意用面包黎沾芝士汁, 只因喜歡佢的口感, 軟軟熟熟加上濃濃芝士醬汁食落感覺好舒服. 其次就係新薯, 新薯同普通薯仔唔一樣, 佢口感會清爽好多, 而且食落唔會有"粉"ge 感覺, 佢個種清新同芝士個種重口味形成咗個對比, 食落唔會覺得太Heavy.其實芝士火鍋最緊要夠濃夠香, 其次配料夠唔夠Fresh 都好重要, 呢間芝士火鍋各方面都做得好好, 值得推介比朋友!

下午茶與晚餐之間，想找個地方坐坐，休息一下？可以試試這間新開張的旺角酒吧。這店應該是以手工啤作青睞，店舖門口有一整列各式各樣的手工啤作陳列，而酒牌上亦有多種手工啤供選擇。可是我們今次卻是為他們的另一特色「腐乳芝士火鍋」而來。先講講兩個tapas 一口蜜糖腸  $48很喜歡這個小食！！配啤酒應該相當合適！濃郁的蜜糖甜味裡裡外外的滲透了每一粒腸，非常惹味吸引之餘，令人很想即刻去燒烤！而且把肉腸切成薄片再焗至向內彎拱，感覺很可愛！<u style="font-weight: bold;">白酒牛油青口  $98味道不錯👍 有明顯牛油香味，還有洋蔥碎和白酒，令湯汁又香又濃郁。而每一粒青口都充分吸收了湯汁的精華，十分入味，有海産的鮮味還有洋蔥的點點甜味。但是以這個價錢來說我會期待份量可以多一點。 腐乳芝士火鍋  $178其實以腐乳加入芝士火鍋，這個點子大膽又創新。只可惜不太合我胃口。首先，味道方面反而沒有很明顯的腐乳味，只有濃濃的blue cheese發酵芝士的味道。質地比一般的芝士火鍋較為"杰"身，味道也比較濃。感覺比較適合作為dipping sauce, 如果把食物整件浸泡，

早一星期前已BOOK位, 為何我們6個人要坐4個人的狹小位置?!!!幸好最後都安排到另一個位置....Cocktails:全部都係港式粗口名字....好吧, 算你特色吧點了闊條麵, 芝士拉得很長 而且味道很好!咦? 雞蛋仔 ?______________?呵呵~ 這是綿花糖呢, 下面配了朱古力, 甜到入心呀!

今日搞掂咗個Project, 同同事放工鬆一鬆. 之前見雜誌介紹旺角呢間新酒吧有手工啤酒飲, 就特登黎試下.手工啤酒其實我唔係飲過好多隻, 呢度有好多款但好彩Menu 裏面有介紹每隻酒的味度, 我就揀咗隻light D, 試下. 呢隻New Zealand 手工啤帶有檸檬味, 飲落清新, 酒味唔算重, 感覺好Fresh.我另外叫咗泡菜菠蘿雞柳漢堡試下. 個漢堡都幾大個, 而且餡料都係重量級, 泡菜, 菠蘿同雞柳呢個配搭第一次試, 估唔到幾夾, 泡菜本身帶微辣, 爽口, 加埋清新菠蘿, 可以令雞柳無咁Heavy, 加埋有少許配菜同埋芝士, 口感豐富有層次. 係一個幾開胃的Burger.呢間餐廳環境唔錯, 幾熱鬧, 而且侍應有禮貌有笑容. 整體感覺好relax 價錢唔貴, 不失為三五知己吹水聚腳好地方

呢度d cocktail名真係好搞笑 叫既時候好想講出黎xd不過waiter上drink時係會飛左前面d字的~!好似baileys 好甜 上面啲朱古力豆好得意支飲管好短!!是伏嗎？XD一拎即彈出黎就是lemon peach soda咁啦麵包粒燶燶地味 加小小甜甜地咁 唔算太特別除左焦糖仲有啲白糖係麵包粒面 但真係有點無從入手說好的焦糖呢?! 係底"痴"住晒 彈到成枱都係~~~!求食法!😱香噴噴芝士香 唔係淨係面果層 底果啲都一樣有芝士 唔錯薯格都炸得岩岩好~香脆可口是我想多了 以為真係魚 哈哈 原來係平時既零食不過都幾好味 整到脆脆地 芝士味亦濃 太"淋" 無爽口既感覺 味道還好等了很久很久 耐到我懷疑佢漏左追追原來佢話焗既野係要排隊.....所以大家小心選擇麵睇落就有5層 覺得都唔係好夠 同埋都好細碟 麵黎講 好似軟左啲 可以硬返少少味道方面 芝士味唔夠 肉醬味ok 呢度既野食雖然都好似濃味野咁 但其實全部都唔會太咸 呢方面覺得幾好=]

今日黎到呢間新開Bar and Restaurant, 完全係為左芝士而來. 見有D Blooger 食過佢地D芝士都話正, 特登黎試下, 果然無令我失望!我地叫咗個原味芝士火鍋, 芝士味非常香濃, 而且好滑, 加埋份量充足, 夠沾晒成盤配料有多. 配料有新薯, 西蘭花, 長通粉同面包. 我個人比較喜歡西蘭花, 貪佢有種清新味道, 而且佢接觸面比較大, 沾上芝士的範圍都相對較多, 食落有濃陏芝士香又唔會膩. 見佢仲有腐乳同黑松露可以揀, 今日試咗原味OK, 下次可以試埋其它口味.第二道係香烤芝士, 呢度菜我係外國食過, 當年食完之後就一直想搵返個味道, 無耐香港serve 芝士的西餐廳不多, 有都會好貴. 今日竟然比我重遇返呢個味道! 香烤芝士比其它芝士更濃味, 烤焗令到薄薄的芝士變得更香更脆而且提升了整個味道的層次, 芝士帶有微微鹹香, 夾雜微微焦香味道. 層次豐富, 餘韻悠長. 如果覺得芝士味太濃可以配新薯一齊食, 但本人就喜歡淨食芝士個種味道! 呢款芝士真係一試難忘! 極力推介另外我地仲叫咗D pasta, 味道都唔錯! 配埋手工啤酒都好夾!