WM Café & Bar (雅濤居購物商場)

營業中

休息中

馬鞍山探完朋友，向附近食埋野～馬鞍山出左名係美食沙漠，本身都冇太大期望！點知都算過得去wor!!!😆一人叫左一份lunch set.▪️忌廉菠菜煙三文魚菠菜闊條麵 $57忌廉汁好香好滑，份量偏多▫️蒜片墨魚仔蟹籽墨汁意粉 $59中規中矩，不過d意粉就淡左少少▪️意式炸雞翼 $16一份有3隻仔，炸得幾香脆▫️自家制蛋糕 $12有幾款口味，我簡左檸檬tart，細細件！岩曬中意食甜野既我▪️荔枝蜜桃梳打▫️熱情果菠蘿梳打

趁新年還在放假中，天氣又好，故要出去行吓街先得架，經過呢間食西餐嘅餐廳，門口餐牌食物選擇多，價錢又優惠，就進去開餐先得😋。餐廳環境都乾淨衛生😊、座位寬闊，故坐得很舒適。#烤燒紐西蘭肉眼扒配紅酒燒汁跟薯菜，套餐優惠送餐湯同飲品(+$8) #廚師沙津
新鮮沙律配上鴨胸，而醬汁微酸的很醒胃。#是日餐湯 - #番茄🍅湯
湯濃郁番茄味香，很夠味。主角肉眼出場啦-牛扒大大塊的，牛的油脂同肉嘅分佈比例好平均，厚薄適中，咬落juicy，入口好香牛味軟腍嫩滑，非常可口，點埋紅酒汁更加好味😋。另薯條炸得外脆內軟 ，配埋薯條的茄汁食，yummy ☺️。配了朱古力咖啡跟鮮奶咖啡☕️，味道唔錯😚。

.今日帶寶寶去馬鞍山搵朋友食晏見到門面好chill😍打卡一流🤭即刻揀咗呢間午市好多人，爆哂場🤩.雖然係午餐🎉但係食物選擇超級多［香煎牛柳配紅酒燒汁］七成熟嘅牛柳肉質好嫩滑味道適宜，意粉配搭紅酒燒汁香甜惹味🤤配上少許蔬菜，健康簡單又清爽👍🏻.［WM All Day Breakfast］黑松露炒蛋、烤蕃茄、豬肉腸、煙肉、蘑菇、茄汁焗豆、粟米、沙律菜全部質素平均🤩性價比超高＋$8有薯菜，份量出乎意料🤭好似主菜咁大份✨＋$16有三隻炸雞中翼.［cappuccino］正喎☕👍🏻大杯又夠咖啡香，飲得過💞.午市會勁多人，下午茶就好啲可以坐門口瘋狂打卡🤭❤️..

自從Cuove 關門後，幾次行過見這間Cafe 都沒有試過，今天剛到此商場買急需文具，一於入來試吓。看見其裝修與舊店一樣，只更改店名。環境依舊寛敞，尤其是限聚令下，只可二人一枱。Lunch menu 選擇頗多，我同同事一人揀一個午餐，可以分享 。我們叫了香煎魚柳配西西里蕃茄蓉汁（$55）及忌廉菠菜煙三文魚濶條麵（$57），魚柳可選意粉丶飯或薯菜，我們選了薯菜，套餐有湯（湯可選龍蝦湯而無須加錢）及熱飲，這個價錢，抵！湯先上，還有薄薄的蒜蓉法包多士。龍蝦湯稀稠度啱啱好，不似一些餐廳做得太稀。有香濃龍蝦味，加埋奶油，柔滑香口，這個價錢的套餐能有此水凖的湯，就算食唔到龍蝦肉，也覺超值。👍🏻👍🏻👍🏻香煎魚柳先上，很多蕃茄蓉，試了一D味道唔錯，雖然是罐頭蕃茄，酸酸甜甜的。由於蕃茄蓉鋪滿了魚柳，魚食落變得只有茄蓉味，食唔到魚味或煎香的味道，可惜。👎🏻👎🏻👎🏻 旁邊的薯條ok脆口，只要沒有被蕃茄蓉覆蓋。煙三文魚濶條麵上枱時更美，只是我一時心急把麵中央的魚子與麵撈勻。這個濶條麵做得有水凖，麵條彈牙，條條掛上奶油汁。煙三文魚有少少咸香及三文魚獨有味道，香口惹味。加埋魚子及菠菜，味道與口感都豐富，十分之好味

馬鞍山想食D精緻既西餐，WM真係一個唔錯既地方。通常我久唔久就會來呢到食，因為佢呢到都有好多唔同款色既食物，而且價錢又抵，質素一向都唔錯。最重要係坐得舒服，而且又乾淨，環境好，所以今次又來食個午餐，好好RELAX一下。$50左右就有一個午餐，真係好抵，定下食快餐店都唔平，而且冇咁好環境。先來個餐湯，羅宋湯好足料又好味。另一個我地點左龍蝦湯，非常之濃郁，我相信真係十足料做的海鮮濃湯。質地好THICK~正。北海道3.6 牛乳 溫泉蛋 卡邦尼意粉好精美的PASTA，個蛋又香又滑，配物個卡邦尼汁，好香又濃郁的奶味，入口即溶好正呀~意粉的質感都好彈牙，牛乳白汁令成個午餐好滿足。明太子貝柱蟹柳蟹籽意粉好大碟呢，而且大大條蟹柳，正到不得了呢~明太子有特別的味道，配上其他海鮮， 令呢個意粉好有鮮甜味。意粉都煮得幾乾身，係朋友LIKE既口感。而且顏色好靚，非常吸引。意式雞翼小食套餐只需要加$16就有一客，做得幾香，有香草味，肉質唔會太干，幾好食。雪糕忌廉梳打，呢個特飲真係好正~上面有D CREAM又有D朱古力~好好味。

周未來到馬鞍山附近的cafe唔算多所以呢間cafe都好多人等位 要拎籌呢度的lunch set價錢好抵食 而且餐牌選擇很多 今次點了香煎豬柳拼海鹽烤雞意粉和招牌的安格斯牛肉燒汁蘑菇芝士漢堡配薯條 前菜有兩款湯可選擇一款是番茄湯另一款是龍蝦湯蕃茄湯比較酸 適合喜歡吃酸的朋友而龍蝦湯就比較香甜 另外更配有蒜蓉包一片 但size比較迷你豬柳拼烤雞意粉 雞肉唔會煎得太老 食落都算嫩 安格斯牛肉漢堡 分量很大如果燒汁再多一點便好了 整體來說餐廳都比較清潔衛生而且價錢親民去開附近可以一試

踩單車前黎左呢度食野望入去有sofa坐 空間感好大 2個人一枱 好舒服食物方面 選擇好多 仲可以追加唔同項目因為好肚餓 都係選擇左lunch每個lunch 都附送餐湯同多士今次既係蕃茄湯 濃味 仲有粒粒蕃茄用黎點多士食 一流！追加左炸雞翼 一咬 外脆内熱 口感嫩滑呢個明太子貝柱蟹柳蟹籽意粉都好足料意粉都煮得剛剛好 醬汁好creamy 唔會杰杰實實仲落左好多 我最愛既明太子同蟹籽一次過滿足2個願望 可以點呢個 有豬又有雞豬肉望到好瘦 無乜肥膏 但食落唔鞋 配搭特別醬汁 真係唔錯雞扒 個皮仲要係脆既 食落其實有陣蜜糖味加12蚊就可以4選1 手工cake 超抵食特濃朱古力 係真係好濃既朱古力味不過略微太實 好難叉開食但係口腔溶化後 好creamy❤️ 呢個一定要試 雖然唔係好流心 但係食落軟綿綿既芝士味入口即溶埋單真係一d都唔貴 仲要係好好食 衛生情況 服務 同環境都係非常好！

馬鞍山Cafe環境舒適乾淨，座位寬敞，燈光柔和有情調～衛生不錯👍🏻另收加一服務費#龍蝦湯濃郁鮮甜龍蝦味，柔滑而且不會太鹹，平時食開會整到好咸，但佢味道岩岩好 😃好喝，沾點多士 也不錯#流心芝士蛋糕 #自家制甜品 +$18creamy香滑又有濃郁芝士味，而且不會太甜·͜·♡值得一試#牛肉漢堡 #安格斯牛肉燒汁漢堡 $63上下層都用了芝麻面包，有芝士蕃茄生菜等餡料，加上秘製燒汁增加層次感，牛肉漢堡扒肉質嫩，味道清淡，感覺健康，旁邊提供鹽給客人用。個人喜歡另外再加鹽撒落啲漢堡牛排上，更加吊味₍ᐢ Ⅰ ̫ Ⅰ ꜀ᐢ₎#牛油果醬煙三文魚牛角包 #🥐 #煙三文魚牛角酥 $41🥐很香脆鬆軟，配清清生菜🥬和小小咸的煙三文魚，再加上沙拉醬味道很搭。新鮮出爐波浪薯條脆卜卜～有蕃茄醬沾點#茉莉青蘋果梳打 +$18大大杯蘋果味梳打，好夠氣～#意式炸雞翼 +$16@3件鮮炸～不會咸，可以沾蕃茄醬吃#熱甘菊茶 （喝餐熱飲）清新超健康👍🏻不會甜#假日精選下午茶 $143底層是咸食，有芝士牛角包、蕃茄粒薄荷多士（薄荷味重，幾特別）、煙三文魚多士等。其他甜甜的甜品適合喜歡甜食的朋友。服務質素：7/10環境舒適度：8/10ᶘ

馬鞍山揾嘢食，今次黎到WM cafe ,去餐馬鞍山都必食，一黎價錢平又大大碟，二黎坐得好舒服，三黎服務又好所以晤洗唸，去馬鞍山必食💛美式BBQ 烤手撕豬菠蘿芝士漢堡配薯條不得了，黎十次有八次都叫呢個 個包外脆內軟，BBQ 手撕豬好入味，分量又多，加埋芝士同菠蘿🍍超正！ 必點晤該💛烤燒紐西蘭肉眼扒配紅酒燒汁好淋呀，塊扒無筋，配埋紅酒燒汁一流，今次我地擇左配薯條，即叫即炸 ，熱辣辣，好正呀總括黎講，呢到出餐好快，待應態度好好，地方又乾淨舒服，呢個價錢無得輸🤗WM Café & Bar (雅濤居購物商場) (馬鞍山)馬鞍山鞍駿街15號雅濤居購物商場地下G01B號舖

星期日再訪馬鞍山呢間西餐廳，好彩有book位 因為都幾full，入面都係偏暗號裝修，上次夜晚黎，更加有feel ！欣賞呢度嘅防疫做得好好 店員係戴住手套送餐同執枱 夠晒衛生 我地叫左2個set lunch 🔸餐湯 - 忌廉龍蝦湯同蕃茄湯 🥣龍蝦湯好濃味 但唔會好鹹 配埋包食好夾 🦞而蕃茄湯就偏酸 但本身都好喜愛蕃茄 所以都好鐘意 🍅🔸蒜片墨魚仔蟹籽墨汁意粉🦑墨魚汁意粉份量都好多 同埋墨汁味都算出 配料有墨魚仔 蝦 菇 青椒 因為黑蚊蚊所以每一啖都好有驚喜 🔸 烤燒紐西蘭肉眼扒配紅酒燒汁跟薯菜 🥩🥔肉眼扒個軟度岩岩好 即使7成熟都仲好有肉汁同本身嘅紅酒燒汁都好match👍🏻 同埋塊扒都好大塊 好夠食 薯條係粗身個隻 正常發揮 💁🏻‍♀️🔸荔枝蜜桃梳打、茉莉青蘋果梳打 荔枝味好出 相比下就冇乜蜜桃味 而青蘋果味比較出 兩杯野飲都唔算太甜 飲落都好fresh 唔錯😌呢個價錢真係相當之抵食！📍WM Café & Bar (#馬鞍山美食)馬鞍山鞍駿街15號雅濤居購物商場地下G01B號舖

馬鞍山嘅朋友生日， 立即搵咗一間高質餐廳同朋友食生日飯，由於而家6點後禁堂食，只好改下午餐生日飯喇～Lunch Set同Drink Menu都勁多選擇，樣樣都好吸引！餐湯係番茄湯同龍蝦湯，很濃郁亦都有別於一般西餐廳既白湯同羅宋湯~烤燒紐西蘭肉眼扒配紅酒燒汁~點了7成熟並將薄薄既肉眼扒兩面都香煎，造到可以用脆口嚟形容，加上獨特既醬汁，真係完美！本身最愛用番茄汁點薯條既我，都忍唔住轉點紅酒燒汁~~~~~雙層檸檬烤雞拼香辣脆炸雞芝士漢堡配薯條~成日都諗要ORDER烤雞定炸雞，呢個漢堡簡直一次過滿足哂我2個願意呀!一個漢堡內有唔同口感，加上檸檬既清新感，大推！店內仲見到個甜品櫃~OMG!!全部都係自家製，追加都只係需要加$12-18@，又係朋友生日，唔食唔得喇！芝士蛋糕~芝士控一定要點！！！係結實型既芝士蛋糕，芝士味喺口腔久久不散，回味無窮呀~朱古力慕絲蛋糕~朱古力味濃，但唔會太甜，慕絲口感幼滑~

因為天氣太凍🥶所以下午茶時間同朋友是但入咗間餐廳諗住食下下午茶飲杯熱嘢暖下胃🤣下午茶餐價錢大概2x - 4x 都有！我就揀咗個美式炸魚薯條配他他醬 ($40)！呢個價錢食fish n chips 配熱飲已經無得頂！薯條唔淋，少少脆配埋他他醬一流😋又或者就咁食都有薯仔味🥔不過炸魚嘅粉漿就比較厚🙈魚肉比較少，不過呢個價錢過得去🤩朋友就有啲餓所以叫咗個午餐，跟餐湯同嘢飲，呢個明太子貝柱蟹柳蟹籽意粉🍝（$61)份量極多！料都幾足🥰意粉同醬嘅比例適合，唔會過鹹👍蟹柳都幾甜幾好食，朋友都差啲食唔曬！不過呢間餐廳通風太好，果日太大風就算坐舖頭入面都好凍🙈可能無咁凍嘅時候去食會好啲👌

呢間餐廳見多人推介，又無食過就去試下～因為平安夜限聚令中沒有晚市T^T，所以一早預約左個日12:00同朋友去食午餐慶祝～我12:05去到說預約左2位貴姓，店員就即時安排了入座。一開頭有份平時既午餐menu及聖誕menu, 店員之後趁我無為意，收走左我午餐menu。後尾發現聖誕menu餐極貴, $200-$500不等，隨即就叫店員給我lunch menu。他給了我lunch menu，但過一陣又話我bk左枱只可食聖誕menu，而我電話bk枱時無講過最低消費要二百多元，我黑人問號時，店員行開左收錢-_-？之後，佢行過黎問我電話號碼，又話我唔係book呢個時間，跟住我又再次黑人問號-_-？？，明明我好記得我講12:00，因為我book完send左msg俾朋友都係講話12:00。跟住店員禮貌地話我無book枱咁唔可以係度食-_-？，跟住店員講完呢句，又走左去收錢。我滿頭問號，我坐低左成15分鐘，然後話一定要食聖誕餐，再話我地無book枱，再暗示我地要走，感覺係度食都背脊骨落。之後朋友亦提議咁食第二間啦，我就起身同店員講，咁我地宜家走啦，佢亦有禮貌地講唔好意思，暗示：係呀，你地要走架咁。所以，呢

我哋今日在馬鞍山食晚飯，好想鋸扒，一定要食牛扒！餐廳環境好舒適，企理乾浄，好有傳統扒房的格局，我哋兩個人坐在真皮6個梳化上，好好享受我倆的晚餐！我哋柯打咗2個啖啖肉主菜1）威靈頓牛柳價錢好實惠，$138包飲品，香脆牛油味濃嘅酥皮包住粉嫩牛柳，肉汁豐富，牛肉生熟程度剛好，味覺大滿足！2) 法國慢煮鴨脾配慢煮櫻桃鴨胸鴨脾配丁香，煮得原全沒有騷味，煎封住鴨肉汁，啖啖肉香不過最驚喜係慢煮櫻桃鴨胸配上甜甜酸酸嘅櫻桃燒汁，鴨胸肉質細𡟹，油脂分布均勻，煎得香脆不膩，與櫻桃汁超夾！龍蝦湯：鮮味香濃，仲有龍蝦粒配上熱辣辣鬆軟麵包係性價比高的晚餐

吃貨小妹早排去左馬鞍山搵閨蜜撐枱腳 佢帶我去試威靈頓牛柳同好好食既西班牙黑毛豬扒餐廳嘅環境都幾舒服 位同位之間有一定距離 卡位更係非常闊落呢餐晚餐由閨蜜發板 佢話必試呢度嘅黑毛豬扒同埋我未食過嘅威靈頓牛柳餐湯可以揀忌廉蟹肉龍蝦湯或者是日餐湯 但由於帶得口罩多有少少皮膚敏感 所以都放棄咗試龍蝦湯呢個烤西班牙伊比利亞法式有骨黑毛豬扒果然係必食 淨係睇個賣相已經有90分肉質好靚 煎得剛剛好 切開仲見到粉紅色食落肉嫩爽口 配埋個特製既檸檬胡椒蘋果蓉一齊食更錦上添花好味道威靈頓牛柳成日聽 但一直都未有機會試 今次終於一試究竟食開5成牛扒既閨蜜就略嫌酥皮下既牛柳有點熟 但對於怕食生既小妹我就覺得岩岩好dinner set 仲一客朱古力香蕉忌廉pancake做甜品 甜度適中 熱辣辣香噴噴 果然朱古力+香蕉永遠都係最佳配搭