WM Café & Bar (八號花園)

營業中

休息中

放假黎到呢邊食晚餐，因為朋友住呢邊附近，所以黎探佢順便食埋晚餐。先來餐湯，係忌廉粟米湯，餐廳自製嘅，口感偏滑，一粒粒嘅粟米用料足夠，非常香滑。跟住係龍蝦汁帶子蘆筍意粉，帶子煎到金黃色官屬嘅程度，所以食落滑溜，蘆筍就夠先甜，仲有沾滿龍蝦汁嘅意粉，味道唔會太濃烈之外，仲夠晒入味，龍蝦汁嘅味道用意粉襯托真係一絕。跟住就係燒汁西冷牛扒，煮到七成熟就剛剛好，因為一切開比較容易，加埋裏面嘅肉汁，令人流晒口水。點燒汁味道就較為濃烈，啱晒食開重口味嘅朋友，如果你鍾意簡單同清淡啲，咁用伴碟嘅粗鹽就啱啱好，因為牛肉點少少粗鹽入口已經將個味道精華出晒嚟，非常夠味。最後仲有餐廳自家製甜品，就係橄欖油意式奶凍，係第一次食橄欖油嘅甜品，估唔到效果唔錯，微微橄欖油香令奶凍不平凡，值得一試。

因為返夜嘅關係，所以經常把握時機捉住阿媽一齊食lunch💕呢間餐廳開喺屋企附近，今日又落雨，近近哋黎呢到就啱哂😌晏就12:30黎食，唔係好多人餐廳環境非常唔錯，幾有feel，坐得好舒服👍🏻媽媽話唔算好肚餓，佢話要揀啲冇咁飽架喎😂我比佢話事，佢就揀咗要燒澳洲肉眼扒伴薯菜配燒汁同夏威夷風光薄餅（我心諗：咁都叫冇咁飽🙈）午餐會跟$25嘅嘢飲同餐湯餐湯係羅宋湯，幾開胃，最緊要夠熱（阿媽嘅標準👼🏻）嘢飲就叫咗杯熱Latte 同果汁果汁係紅菜頭蘋果汁，第一次去餐廳飲到啲咁特別嘅果汁，又幾好飲喎！阿媽話覺得有啲似黑加侖子味個薄餅係薄批黎架！好香脆👍🏻味道很好邪惡嘅芝士拉絲！🤤🤤個扒叫咗七成熟，呢個價位嘅牛扒算唔錯薯菜好出色，外脆內軟，我阿媽食咗勁多😂見到佢menu 有啲慢煮菜式，下次黎想試下個價位都好合理呢👍🏻

平時放假同媽媽飲茶飲到悶, 偶然都要轉下口味, 經過見到呢間新既餐廳, 決定試一試!餐廳裝修風格好文青好簡約, 仲有D紅磚牆, 好有特色!當日order左3個lunch combo, 都有附送湯既!Pizza! 好濃郁既cheese味, 同好香口呀!卡邦尼闊條面, 味道都不錯! 都有好多cheese 係面頭!大啡菇burger配薯條~burger其實唔一定要配肉, 配大啡菇一樣好食!大啡菇好juicy! 薯條熱辣辣, 正!

近年大埔進駐了不少新餐廳，雖然已搬到外區好幾年了，但間中仍需要回大埔辦事. 這次午餐就來到八號花園的WM Café & Bar，餐廳裝潢都幾有特色的，牆上掛上綠色植物，配上灰色牆身以及磚塊，有一種歐陸家居的感覺~ 午餐定價由$65- $98，包是日餐湯& 餐飲，多達13款選擇，總能選到合心水的食物. 跟餐沙律 餐湯已售罄，改為跟沙律，其實對於我來說更好呢! 車厘茄再加爽脆生菜，清新又健康~ 牛肝菌意大利飯 ($78) 即煮的牛肝菌意大利飯熱度十足，面層也放了不少鹹香的芝士片，相當足料. 呷一口，意大利飯很有咬口，啖啖都吃到菇菌，令人相當回味~ 到過不少餐廳吃意大利飯，這間的CP值很高，喜歡吃意大利飯的話，來到這裡不妨一試! 燒澳洲肉眼扒伴薯菜配燒汁 ($98) 8安士的牛扒厚度十足，選了5成熟，切開可見肉質嫩血. 吃一口發覺肉味甚濃亦不會過韌，頗有水準; 伴碟的薯條亦是即炸的，外脆內軟呈金黃色，也很美味~ 凍咖啡 (跟餐送$25熱飲，轉配補$3) 家人說凍咖啡幾香濃，相當不錯呢! 凍青檸紅茶 (跟餐送$25熱飲，轉配補$3) 平時甚少見到有青檸紅茶的出現，

預備旅行開始要儲彈藥，挑選了一間低消費的西餐廳。大約一張<紅衫魚>的價錢已嚐到4道菜晚餐，質素更不賴呢。地理位置四通八達，地鐵轉乘免費接駁巴下車只要需步行一分鐘。現今茶記一個餐動輒也要$50-60，這家西餐由$98起跳，以牛排餐為最高價。配餐沙律及甜品Lunch set都沒有供應，換算晚餐真的是超值。是日餐湯為南瓜湯，附上麵包條一條。麵包條脆口但不太吸湯，空口吃倒是𣎴錯。忌廉南瓜湯用的南瓜品種軟綿，纖維幼細。喝至最後幾口有甘荀的甜味，南瓜與甘荀挺合拍。餐後才知道如選沙律作starter，是日為parma ham! 本想著都是田園沙律的質素，這次可惜錯過了。主菜是兩款意粉，一紅一白各有千秋。Carbonara 餐牌中最便宜，卻是最平實的選擇。忌廉汁濃稠剛好，煙肉洋蔥以外還有雜菇及新鮮芝士片。它的闊條麵竟有新鮮麵條的口感，外面挺身內帶嚼勁。令人期待的温泉蛋，蛋白僅僅凝固蛋黃更是刺穿即瀉。另一款帶子龍蝦汁意大利麵五粒帶子排排坐，帶子煎至5成熟。龍蝦汁調味獨特比較含蓄，入口舒服不造作。露筍也很幼嫩，自己曾經因為價錢平而買大露荀下廚，發現只有BB露荀沒有渣，價錢比大的貴幾倍。上菜

我們四人叫了四個西冷扒五成熟套餐，嚟嘅時候八成熟都算，味道可以接受，但係嗰兩個女待應全程黑口黑面，叫埋單的時候都無回應，跟住就攞張單放係你面前，簡直不可接受咁樣嘅服務態度🙈🙈

同友人行經大埔又未食LUNCH 諗住搵間CAFE豪食下 點知一試就試到正野總共叫左一個扒餐 一份沙律同一個薯條 -餐湯-煙三文魚凱撒沙律先黎超FRESH沙律 菜好脆好新鮮 煙三文魚夠大塊 不過咸左少少-黑松露芝士薯條由拎出黎個條路我已經開始索到D香味 真係不得了薯條夠實淨大大份同外脆內軟 加埋D黑松露芝士 真係又香又惹味唔係太飽我真係會叫多一份-燒澳洲肉眼扒伴薯菜配燒汁(8安士)真正既主角 一個人食做LUNCH都夠 外皮燒得好脆 入面又KEEP到好JUICY記得要拎埋芥茉醬黎點 絕配!

同男朋友慶祝1000日專登去搵搵好嘢食 去咗大埔朋友介紹嘅餐廳 平靚正！三文魚凱撒沙律三文魚份量好多好多 係平時餐廳嘅兩倍啦 不過其實我鍾意食菜多啲 菜又真係少咗少少 醬汁都唔錯 傳統嘅凱撒沙律醬 仲有啲好香嘅煙肉碎 芝士黑松露薯條男朋友大讚薯條好好味 由於本人減肥中所以都係食咗一兩條 而佢係成碟食晒㗎 老實講廚師好細心因為個底都有芝士 薯條每一條都有芝士 實屬罕見 黑松露沙律醬都冇得輸 薯條加醬酸酸甜甜 又有黑松露嘅香味 而且薯條仲要係粗身 外脆內軟 依家都仲想食Pizza 呢個Pizza不過不失 我會將塊火腿攤開平均分配係Pizza到先食 因為如果照佢個形狀咁食會好咸 芝士都幾多 不過個餅皮凍左會有少少硬 厚度係介乎薄批同普通批中間 記得要趁熱食肉眼扒好味道好味道 估唔到一間小餐廳嘅配菜都咁靚 牛扒五成熟啱啱好 牛肉味濃 不過我覺得個醬汁味道唔夠 自己叫多咗個芥辣醬 但係男朋友就覺得就咁食已經好好味不得不提佢個湯好高質！唔係話味道100分 而係無味精 味道夠真 料夠足❤️ 係一個健康羅宋湯Coffee latte 咖啡外型精美 侍應上嚟嗰刻我都好驚訝 糖水另上夠細心 不過咖啡比較酸

行過見到有間cafe做緊新張期內優惠，星期一至五（中午時段11:00-2:30）全單85折，好吸引!! 入到去都幾多人，似係大埔街坊們都中意去既落腳店。店內環境好舒適，餐牌選項都多，咁見到有lunch combo當然叫set，奉送餐湯，主菜及飲品。好中意個餐湯，我飲得好快，因為唔會太膩但又帶點好清新感覺，薯仔蓉同湯融為一體。至於主菜我地揀左龍蝦汁帶子意大利粉，肉眼扒配薯菜。帶子非常足料，有4個大大隻既帶子，外層煎到略香，內裡好嫩滑!!我地一致認為好好味，意粉又夠彈牙。薯仔熱粉既我好中意肉眼既配菜----薯條。香脆唔乾，咬落入面好軟，好似食緊薯蓉，好好味!! 餐飲配熱朱古力，好濃郁，應該係飲過最濃郁既朱古力，哈哈。如果唔好甜既人可能覺得甜左少少。Anyway，會再去，亦推薦大家去!

店內環境很乾淨舒適，裝潢走的是優雅簡約風，坐得很舒服。LUNCH 時間是11:00 至2:30。午餐有13個餐可以選擇啊，有選擇困難症的朋友可要煩惱好一會吧~經過一輪掙扎，我們最後點了大烤菇素菜芝士漢堡配美式粗薯條($65)，和燒澳洲肉眼排伴薯菜配燒汁($98)，再加兩杯熱意式鮮奶咖啡~先是餐湯上場~一喝就知不是罐頭湯，因為可以喝到磨成蓉的材料~!塊澳洲肉眼排份量超足啊!非常JUICY! 點七成熟，一點也不乾，還有著微粉紅，食落口好有彈性，$98的價錢明顯是非常超值啊! 順帶一提，西蘭花和蕃茄配菜非常新鮮同FRESH，一食落口就知是上好的QUALITY!! 仲有，美式粗薯條真係非常好食!!!炸得非常脆口香口，一點也不油膩，厚度十足，份量也是超多啊! 熱騰騰的可以一條又一條咁接著食!我覺得是普通連鎖快餐店食唔到既惹味!大烤菇素菜芝士漢堡~個烤菇真係好大塊XDD 女生一個人食完應該可以不用食晚餐XDD 烤菇非常JUICY! 配料還有芝士、炒洋蔥、大蕃茄同生菜~都幾夠健康~好O岩想食D香口野但又想食多D菜既女生們啊~~ 而且我見餐廳其他客人也有點漢堡餐~雖然有點遠就看不清他們是點了大烤菇素菜

大埔中心開咗一間叫做WM Café and Bar，我哋兩個人就入去食晚餐。這裏環境優美很簡單，很舒服。首先就來咗套餐嘅蘑菇忌廉湯，味道很濃郁，每啖熱辣辣飲落口，好香忌廉蘑菇味，相當好飲。有很多嘅飲品選擇，我們叫了一杯凍檸茶同埋熱檸檬柑橘蜜。凍檸茶相當新鮮，茶味香濃，檸檬亦足夠，糖漿可自由任添。熱檸檬柑橘蜜水，檸檬有三塊，金橘份量較多，一啲都唔會覺得甜。龍蝦汁扒帶子意大利粉，帶子分別有五大隻，意大利粉軟硬度適中，成碟意粉好有份量，帶子方面大大隻，廚師煎到外脆內軟，金黃色，食落去啖啖肉，還有一些蘆筍配搭，相當好味吸引。燒美國頂級安格斯西冷牛扒10（安士），牛扒有我兩隻手掌咁大，我們叫了五成熟，煎得啱啱好，真係有外脆內軟嘅感覺，牛味香濃美味，再加埋一些矮瓜、青椒同埋翠玉瓜，呢度嘅頂級安格斯值得一試。美式粗薯條，每一條都大大條，點埋佢最佳配搭嘅茄汁，食落去非常香口，熱辣辣每一條食落口，非常滋味。

今日放半日，與朋友一起去大埔8號花園附近商場行街。途中經過有間是紅磚設計.....好有英式建築物色彩，又是新開店又做優惠，於是入WM Cafe & Bar 內吃午餐。環境不錯，坐得好舒適，正好行完街，食下野及休息下。是日餐湯是粟米忌廉湯，好味道，好大碗。好有心思，有花妏 。餐飲： 一杯是甘菊熱茶及一杯意式咖啡。甘菊熱茶，味道不錯，咖啡味道香濃。煙三文魚凱撒沙津，煙三文魚大大塊，有咸香味，再配上新鮮的沙津菜，中和味道，令味道剛剛好。再加上芝士，更惹味。黑松露醬烤菇Pizza, 即做即焗，侍應離遠拿過來，巳有一陣陣黑松露香味，新鮮出爐，拉絲的芝士，爽滑的雞脾菇，香濃芝士及黑松露味 ，好味道，滿足了嗅覺，視覺，味覺，三種享受。我朋友好喜歡望隔離檯客人吃咩，她話隔離檯個三文魚牛角酥及厚切薯條，好似好好味感，她說下次再來幫襯。

之前新開張食過好味，所以再嚟幫襯😋今日試吓set lunch嘅扒先.....肉質好juice 同 tender ,不過我略嫌細塊咗少少...唔夠喉！配上原條甘筍仔同什菜.....仲有我最鍾意食嘅扒房薯條🍟😍😍😍侍應生好有禮貌。。會主動問意見嘢食得唔得同埋個個都好健談！突然有種vip 嘅感覺😅後來從侍應生口中得知原來佢哋個老闆係唔怕做蝕本生意⋯⋯佢哋所有食材都係用酒店級😱有機會真係要試埋佢哋個自家製意大利奶凍據聞呢個甜品好出名🤔老闆係意大利米之蓮廚師學習......我真係唔係好信要試過先知！呢間餐廳真正值得推薦比大家👍🏻👍🏻👍🏻👍🏻👍🏻仲有一樣忘記講，佢哋原來新張期內中午做85折🤭🤭🤭我埋單先知道🤦🏼‍♂️$83 食到一個好似晚餐咁高質素嘅扒！最後都俾咗小費佢哋👍🏻自己都唔好意思服務好價錢平食物高質素。

又來到五月份啦，就是妹妹的生日，由於她喜歡吃 好西，一家人就到了位於大埔中心附近的西餐去食生日飯啦！餐廳用上了紅磚牆設計，好有feel 呢！空間感十足，裝修走簡約風！打開餐牌，有好種菜色可以選擇！有pizza、burger、 意粉及沙律等，價錢也十分合理親民！凍青檸紅茶🍋餐廳用上青檸檬，感覺更清新，茶味濃淡適中，很消暑解渴呢！凍朱古力鮮奶咖啡🍫入口順滑，滿有咖啡香又不失朱古力味！煙三文魚薄餅🍕即叫即製，用上薄身的餅底，更香胞可口！用上足夠的芝士才有拉絲效果呢！芝士愛好者必選！BBQ醬雞翼🐔雞翼烤得嫩滑肥美，BBQ醬十分入味，忍不住要吃多幾口，好快就俾我地KO哂啦！龍蝦汁扒帶子意大利粉🍝整整又五大粒帶子，粒粒又大又厚肉，十分重本！而且外層輕煎好，內裡保持幼嫩！意粉每口也嘗到龍蝦汁香味，真的是攞足100分呢！想不到在大埔區內也搵到有誠意及出色的意菜，加上價錢親民，地點方便，適合一家大細或是購物黎醫肚的好選擇呢！🤤

去年十一月曾到科學園的「WM Cafe & Bar」享受下午茶，感覺不錯；食肆最近於大埔市中心增開店舖，再去支持。看看餐牌，食物款式頗多，我們四人分別叫了自己的喜愛，然後一齊「些呀」。「煙三文魚薄餅」熱辣辣端上桌，又香又脆，薄餅厚度合乎我們的要求，煙三文魚肉質肥美、結實。「龍蝦汁扒帶子意大利粉」面舖上鮮味的帶子，被龍蝦湯汁燴煮過的意大利粉軟硬適中，與帶子同吃，味道很配，入口美味。「卡邦尼闊條麵配63度溫泉蛋」用料十足，闊條麵煑得軟稔濕潤，加以滑溜的溫泉蛋，非常惹味，滋味無窮。「焗芝士煙肉薯皮配牛油果醬」賣相精緻，薯仔由芝士和煙肉焗起來，香氣撲鼻，加上牛油果醬，好吃又飽肚。大熱天時，來一些冰凍飲料吧；「凍意式泡沫咖啡」泡沫豐富，咖啡獨具意式；「凍青檸紅茶」的酸澀能化解意式食物的濃味。「WM Cafe & Bar」位於八號花園地下的一個舖位，對區內居民當然熟悉，轉彎已是K12站，外來食客可在大埔墟地鐵站轉乘，交通方便。而餐廳內環境優雅，食物水準高，職員態度好，值得光顧享受！