WM Café & Bar (八號花園)

營業中

休息中

放學路經太和站，見有啲肚餓，揾咗間望落都整齊嘅cafe食下野。本身諗住試下佢呢間鋪嘅生蠔，點知賣曬咗呀呀呀。心情直插谷底，無曬食野嘅mood。所以隨隨便便叫咗一個沙律同埋漢堡包，又ok好食喎。先上嘅係大啡菇煎帶子沙律，叫呢個沙律主要都係想食個大啡菇。個大啡菇係黑椒調味，另外個菇又唔會太多水搞到無曬味。另外帶子同埋個黑醋汁沙律醬相應成趣，好味又開胃。後上嘅安格斯雙層牛堡就比較遜色少少啦，主1要都係因為個雙層牛扒有啲乾，個漢堡唔夠汁，食落雖然無渣但係比人感覺有啲老，唔夠好食。薯條就普通，夠熱又有靚茄汁都唔會難食得去邊。整體而言，呢間cafe都不過不失，可能下次黎食都要係再有機會經過呢頭先得架啦。算係咁啦。

自己煮唔到軟殼蟹意粉，出街食見到餐牌有，會好樂意叫份試吓。通常廚師會將一隻原整的軟殼蟹，放喺意粉上面奉客，呢度的大廚亦唔例外，加上配搭墨汁意粉，兩者顏色深淺差距大，視效非常凸出，夠搶眼。阿蟹大細適中，入口唔油膩，少少脆口，咬落唔係得個殼；意粉冇煮到過腍，啱晒情傾硬麵族，煮生啲仲正。燒春雞配牛肝菌燒汁意大利飯，賣相靚，好彩唔係得嗰樣。飯夠熱，略嫌軟身；菌味低調，飯汁份量啱啱好，並非水汪汪浸飯，撈埋芝士食，香味撲鼻。燒春雞用雞下莊，啖啖肉，黃金雞皮夠誘人。切開雞肉有肉汁，肉滑，醃得入味。碟飯帶嚟的滿足度，高過蟹意。

咁啱同朋友都返妟，可以約食個brunch朋友介紹呢間唔錯，就一齊嚟試啦☺️☺️我哋好早就嚟到，餐廳都係開門無耐，又未到lunch 時間，所以可以任揀座位。Lunch set 都有唔少選擇，價錢都唔算貴，我同朋友就揀咗肉眼扒同黑豚扒。等咗一陣，嘢食就嚟啦。我叫咗肉眼扒，五成熟，跟餐配薯菜，份量都唔少，食完都幾飽啦。朋友都話佢塊黑豚扒唔錯👍🏻我哋都加咗甜品，特濃朱古力同Tiramisu, 一凍一熱，兩款都好味😋😋整體嚟講，餐廳環境好舒服，食物唔錯，好啱同朋友嚟飲杯咖啡，食下嘢傾計👍🏻👍🏻👍🏻

今晚想食西餐就去左呢間餐廳食佢不太起眼所以人流都比較少啊 去到門口就見到佢有得食生蠔餐廳裝修幾靚 氣氛幾好 見到都有人黎呢到chill下 識合朋友聚會既地方佢有幾個dinner set包一杯$23野飲 或者加錢轉其他 同埋可以加配其他野 我叫左個餐湯 今日係栗米忌廉湯 都幾creamy都算唔錯終於都黎主食 叫左個軟殻蟹意粉 原來係配墨魚汁好黑好黑既墨魚汁 食到成個口都黑色軟殻蟹都唔錯 不過個麵就鹹左少少 但係配埋蟹肉食都唔錯另外就係蜆肉意粉 呢個意粉係有少少辣辣地 夠開胃 終意食辣可以試一試呢個啊 蜆肉都唔少 抵食呢間既份量偏少 所以大食既淨係一個set應該唔夠飽 可以叫多幾樣小食我地食左兩個意粉 冇叫到其他野 埋單$200幾 都還可以啦下次可以宵夜時段黎飲番兩杯啊

WM Cafe and Bar 位置係大埔中心，座位都算多。晚餐時段都有d位剩。晚餐餐牌有幾款ser dinner揀。除此以外，仲有不同小食同主菜揀，仲有幾款pizza選擇添。小食叫左碟黑松露醬芝士薯條。黑松露嘅味都幾香，配埋都幾夾。如果可以有多d醬就正啦。薯條係厚身嘅薯條，好正。我地仲叫左個pizza食。個pizza有好多芝士，好足料，而且熱辣辣好好食。值得一大班人叫黎食。小食拼盤都唔錯。$98有不同款式嘅小食，有腸仔、肉丸、炸魚柳、雞翼等等。每樣都有幾件食下。而且味道不錯。之後，我地叫左個set dinner食燒春雞配意大利飯。燒春雞燒出黎肉質都幾滑，而且燒得好香。意大利飯配左d芝士片，食落味道更豐富。

今日同朋友嚟開大埔，見到呢間餐廳嘅門面同裝修都幾靚，就決定入去試下～呢間餐廳入面嘅裝修都有少少格調，有唔同裝修品，環境都幾舒服餐廳嘅menu～個人好鐘意食意粉，見到意粉方面都幾多選擇，好多都好似好好味咁！由於我同朋友好肚餓，我地叫左兩個意粉一個pizza！香辣蕃茄醬肉丸扁意粉，味道唔差，個辣味都幾出&幾香，肉丸都有5-6粒，幾juicy幾好味，意粉唔會太淋，有𡁻口，個人好鐘意食呢個意粉～～ 份量正常～另外仲叫左煙三文魚香草忌廉扁意粉，呢個味道比較清，個人認為忌廉味重少少會較好味！三文魚嘅份量算多！最後仲叫左個蕃茄芝士pizza，味道都唔錯，芝士夠多夠香，仲可以拉絲🤣我地今次無叫野飲，但一去到餐廳，就俾左兩杯暖水我地，仲會keep住加水，幾貼心，唔錯唔錯總括嚟講，都幾好味，值得一試😍

今日同小學同學聚舊，小學同學推介八號花園WM Cafe &Bar ，每次小學同學推介都唔會介紹錯，今次都冇令我失望7:30左右到達，餐廳已經一半滿座。餐牌好多選擇，有頭盤、沙律、湯、薄餅、漢堡、主菜、小食、甜品等等。朋友推介意大利四式芝士餅薄-送到埋黎，非常濃郁芝士味道，有四款芝士，仲有超長拉絲，餅底夠脆同薄，鍾意食芝士既朋友一定要試呀香煎挪威三文魚子扒配白酒忌廉汁-三文魚扒好大舊，三文魚皮煎得夠香脆，肉質肥美滑嫩，完全鎖住魚肉既濕嫩肉質凍檸檬茶

每次黎以邊八號花園都會見到，今日心郁郁想食，所以今日同埋老公一齊入去食個晚飯。餐廳以木式為主，牆上掛以相架同小盆栽做裝飾，簡潔又舒服其實我真係好鍾情食扒，所以今日我叫左燒安格斯肉眼扒配燒汁（$218），仲可以追加沙律、餐湯、頭盤、自家製甜品、法式龍蝦湯、紅白餐酒，價錢亦唔貴，我怕食唔晒，最後只追加了餐湯。是日餐湯-忌廉粟米湯燒安格斯肉眼扒配燒汁肉眼扒好大塊，我地點了5成熟，煎得剛剛好，切開後肉還帶粉嫩，還保留了肉汁好Juicy ，但口感有一點點柴口，另外配菜夠新鮮，特別喜歡佢既薯角，整得好入味，同出面餐廳與別不同。

想同朋友食飯傾下計，黎呢間餐廳係一個好選擇。呢度係大埔中心附近，非常方便。Dinner有幾款set可以選擇，有牛、雞、豬、意粉等。除左set dinner外，亦可以散叫小食、pizza，主菜等。小食叫左黑松露醬芝士薯條，薯條係厚身嘅，食落好豐富，黑松露味都有，但如果可以有更多醬就好啦。芝士味都好濃。正。個人非常推介意大利四式芝士薄餅，原因好簡單，因為個芝士味真係好多好香濃，即叫即整，上能時真係熱辣辣。食得好滿足。小食拼盤有雞翼、肉丸、薯條、炸魚、腸仔同埋洋蔥圈。樣樣都有d，味道都唔錯。炸魚都炸得幾鬆化，雞翼甜甜地，幾好食。Set dinner叫左燒雞意大利飯，燒雞幾好食，肉質唔鞋口，雞皮脆脆地。意大利飯如果可以整林d就會更加好食。

基本上只要係去未踏足過既cafe我都係點carbonara，因為通常點整都唔會太難食，唔咁容易中伏。呢間WM其實之前經過過不過就未試過，所以今次都係點穩陣之選carbonara。呢個carbonara食落唔錯。撈埋隻蛋一齊食就更加香更加creamy。份量唔算話特別多，一個人食啱啱好，不過因為餐廳係用闊條麵所以食完其實都幾飽。不過因為闊條麵都厚身所以麵粉味亦都會重d。

👫約左朋友食飯傾計，最適合就係去cafe架啦，食物價錢唔貴，又可以坐耐少少唔使趕著走。本來想點西冷牛排🥩不過店員話賣晒，於是就改做肉眼扒。點5成熟，上檯大概6-7成，都接收到既。塊扒算幾大塊，不過都幾薄，份量都OK。因為塊扒本身唔厚，所以食落肉質都算嫩，配埋個汁都OK，而且唔會有好多肥膏。🥩🥔旁邊的薯仔反而幾好食，煮得夠耐所以唔會太硬身，加埋有調味過所以食落都OK。其他配菜就一般般無咩點食。

平時真係一年都唔會去一次大埔，weekend極度難得入大埔搵朋友，當然要食只有大埔有的餐廳啦。呢間WM係朋友揀既，話平時既set dinner幾抵食，不過因為我地係weekend黎所以就無得點，不過望落cafe價錢都正常唔會話好貴。menu有好幾款pizza，最後我點左個黑松露蘑菇pizza🍕細細個批唔係好大，不過勝在係薄批所以唔會搞到好似係咁食緊麵粉咁。批底都幾脆幾香口，上面既芝士同蘑菇其實都唔算多，不過見佢價錢唔貴所以其實都無咩咁多要求。

晚餐未揸定主意，遊喺條街搵目的，如果次次齋睇人流決定幫唔幫襯間餐廳，似乎太主觀，所以今次大胃決定入呢間人流唔多嘅餐廳試吓可能消費水平稍高，加上大埔太多平嘢食，所以冇咩人啦，不過計埋飲品同追加小食，還可以嘅加$10就有杯Mocktail，雖然有啲甜，但令成件事唔同晒大胃嗜蠔如命，平均$10一隻焗蠔，不禁連聲叫好！蠔殻下面啲薯蓉都幾好味㗎雞肶配意大利飯的確未食過，一食覺得牛肝菌同雞肉味幾夾，而且雞肉份量好多吓食到大胃幾烏嘴狗嘅就係呢碟意粉，墨汁一啲都唔慳皮，軟殻蟹好脆埋單時朋友忍唔住問候吓老細生意如何，佢話係就價錢貴啲，但確實係真材靚料，希望大埔街坊識欣賞啦

星期五同friend約埋試新野呢間餐廳好似都開左一排，每次行過都自得裝修幾warm咁望完個menu好多野都想試,有沙律,pizza, 小食同埋飯意粉, 仲有食肉獸至愛嘅扒由於有選擇困難 最後決定叫個西冷扒set dinner, 可以有埋湯/沙律，甜品同野飲, 試多幾樣野，應該係最抵😆而朋友就要左個龍蝦汁帶子意粉set dinner。頭盤沙律唔止好新鮮,仲有parma ham添,有誠意😆而朋友叫嘅雜菜湯都唔錯，唔會太咸清清地，仲有條餅乾脆條伴碟。主角上枱，西冷扒份量十足，好厚好大塊！個扒叫左七成熟，煎得剛剛好，切開好粉嫩，好juicy而且好有牛味。點埋放起碟邊嘅岩鹽, 味道更加有層次，而且食落冇咁膩👍🏻👍🏻另外都有唔少配菜同煎薯角，比起平時西餐配開嘅薯條炸薯角更特別😋而朋友個帶子意粉嘅帶子都好鮮甜好大粒，而且唔會煎得過熟，意粉亦煮得好有彈性👍🏻野飲方面佢餐飲嘅選擇本身都好多，我見佢有啲特飲，就叫左杯virgin mojito試下，酸酸地好開胃，入面仲有啲檸檬葉/薄荷葉(?) 好fresh!👍🏻😋最後食埋個意式奶凍，好滿足！個奶凍有啲羅勒，食落好特別，店員仲介紹我地加啲油落去食添，更加滑溜

平時搭車就成日經過呢間餐廳，今次第一次去，氣氛很輕鬆，店員都好親切咁介紹特色食品。但我一眼就被dinner set吸引咗，以呢嘅價錢可以食到正嘢？真係要試試！Set dinner 可以揀是日餐湯或是日沙律，今日嘅湯係蔬菜湯，個樣雖然似羅宋湯，但飲落係偏蔬菜味又清清地，仲有一支脆脆比你送湯。沙律有巴馬火腿，加埋芝士令沙律嘅味唔會好悶，其實湯同沙律嘅份量都唔細，咁嘅價錢有呢個高質素真係好抵。黎到最重要嘅主菜，一個係牛肝菌意大利飯配63度溫泉蛋，上菜個陣已經聞到好香，飯粒唔會太硬，飯入面都加咗牛肝菌，而溫泉蛋嘅蛋汁可以提升個飯嘅層次，但個飯係多汁的對女仔黎講食落會較吃力，食食下都有少少漏的感覺。另一個係龍蝦汁扒帶子意大利粉，賣相已經好吸引啊☺️四粒煎香的帶子，加入胡椒後令帶子嘅味道唔會太單調，意粉好有驚喜！係有龍蝦味㗎！最後有餐茶同是日甜品，$23以上飲品要補返差額，我地叫咗咖啡同檸蜜。咁就飽？仲有是日甜品，係意式奶凍，呢到有個好特別嘅食法，係加入少少橄欖油，令奶凍帶出另一個香氣，好新鮮啊！Set Dinner咁多正嘢食，最啱同friend 一齊食，一邊傾計 一邊share食，加埋餐廳輕鬆嘅氣