WM Café & Bar (八號花園)

營業中

休息中

上星期返工難得放半日，當然係要去享受一個人安靜的下午茶時光！見到八號花園有間WM Cafe & Bar，門口裝飾幾別緻，決定去試試！餐廳內部裝修牆身以紅磚裝飾，門口放了一些植物，幾舒服。陽光從窗戶透入，感覺真係幾寫意！如果呢個時候，我手上能夠有一本喜歡嘅小說，就更完美啦！（如果有興趣影返啲文青feel嘅照片，呢間餐廳應該都幫到你，哈哈😆）欖油香辣蒜片蜆肉扁意粉（$98）外表非常吸引，感覺是蜆肉列隊同我say Hello咁，蜆肉又厚又大隻，鮮甜美味，絕不欺場。食蜆最怕就係有沙，蜆肉一粒沙都冇，抵讚👍🏻扁意粉爽口彈牙，炒意粉最怕就是炒得過淋，所以炒意粉的時間需要掌握得好好，而這裡的意粉炒得剛剛好，意粉吸收了蜆肉的鮮甜後，亦不會過乾或過淋，滋味😋完全沒有肥膩之感。清清地但鮮味十足，簡單的用鹽和黑椒調味已經好好味！意式茄汁手打肉丸（混合牛肉及豬肉）—— 8粒（$38）意式番茄手打肉丸，外表幾吸引，八粒肉丸上面加埋紅色的番茄醬汁，上面仲加咗少少芝士粉同香草🌿，更吸引我去開動🍴！手打肉丸真係幾足料，肉質嫰滑，而且juicy。濃濃既牛肉味加上juicy既豬肉，不會有肥膩嘅感覺！Nice~加上酸酸的蕃

專登入嚟大埔探朋友，中午喺大埔中心呢邊搵飯食。八號花園呢頭就有間Cafe，門面幾大，就過去睇睇。嘢食望落幾平，幾十蚊個餐，唔錯咁。可惜十二點幾全場爆滿要等位，咁我哋就行左陣先再過嚟，差唔多兩點再嚟，過左食飯時間，少左好多人，靜靜地都唔錯。午餐供應到2:30，仲有午餐食！冇餐包但有餐湯，味錯可以，可惜唔夠熱。千島醬海鮮薄餅餐$68Pizza係薄底，外邊夠脆，中間又唔會太乾，做得幾好。海鮮餡料亦都有唔少，仲有幾多芝士同千島醬，酸酸甜甜，做得好好食。燒美國肉眼扒配燒汁餐$98揀左薯菜，原來係粗薯條，大大條熱辣辣。肉眼扒用左黑椒調味，外層煎得夠香口，我地叫左七成熟，牛味唔錯，但就唔夠juicy，有點兒乾。餐飲可以揀$25以下飲品：即磨咖啡咖啡味香，難得係奶都有加熱到，幾細心。甘菊茶雖然係茶包，但聞落去真係好香，朋友話好好飲。加$18有是日甜品，都有幾款揀，我地揀左雲石cheese cake，賣相唔錯，細細件，不過好飽呀！出菜時間比較長，但食到飽飽每人都係百零蚊，抵食喎~~

今日又出左大埔做野，難道出得黎一趟，當然要搵我個妹出去食個晚飯啦。大埔佢最熟路，當然叫佢諗食咩，我負責出錢就算🤗佢話8號花園開左間新西餐，裝修都唔錯，不如去試下。咁當然好啦，反正我都係係大埔中心做野。咁方便我我當然卻之不恭啦🤫餐牌都算多選擇，亦都係大路野Lattee 咖啡味濃，牛奶份量剛好，亦唔會過甜小食拼盤，應有盡有，所有都係新鮮熱卜辣即叫即整燒美國頂級安格斯西冷牛扒（10安士）一上枱個陣焦香牛肉味已經叫人垂涎欲滴🤤🤤一切開個個粉紅色真係叫人愛不釋手😚😍肉質鮮嫩，入口即溶，真係上上之作👍🏻欖油香辣蒜片蜆肉扁意粉意粉彈牙，蜆肉煮得剛剛好。除左蒜同欖油味外仲有超香白酒味🤗今餐真係飲飽食醉，細妹果然係名附其實既吃貨一名，下次都係俾佢帶路同我食好西先🤭

身為大埔友口既我 當然要趁住happy friday就乘機試下d新餐廳啦吾係賣口乖 係大埔呢個小區黎講 都真係算好多價廉物美既小店 我就不嬲最鍾意幫襯d小店 因為除左佢地d食物水準係高d之外 佢地既服務態度更比連鎖餐廳好~希望大家都會發掘同試下呢d非連鎖式餐廳!門面 紅磚既外牆好易認好近大埔超級城餐廳面前有個巴士站 好似都幾多車經下我地去到果時係7pm 時間尚早 所以未滿隔左一陣就full哂Dinner set menu~都吾太貴 我睇過下Set dinner既價錢比散叫平d 仲要有湯or沙律 加甜品飲品所以如果set dinner啱食 都係嗌set dinner划算餐湯幾creamy good!!我老公睇吾啱set dinner散叫左個burger 都係80蚊度 好足料 抵我個set 牛肝菌意大利飯好香菇味意大利飯亦吾錯 吾會太硬亦吾太淋甜品 有d橙味既chocolate brownie完滿既一餐

呢間西餐新開左幾個月，一直都想去試吓，今晚終於有機會！餐廳裝修以木為主，一進入餐廳右手就係水吧，左手邊就係座位位置，牆上面有一些盆栽及圖畫，非常配襯。而且新張期內有優惠，逢平日星期一至五中午惠顧，即可享八五折優惠，好抵食。餐牌食物分門別類列明，而且仲有精選晚市套餐，當中有餐湯/沙律、主菜、甜品同埋飲品，非常豐富。我哋分別叫咗套餐C同埋E。C餐-龍蝦汁扒帶子意粉賣相好吸引，而且好有份量好大碟，帶子非常大隻，食落去爽口新鮮，可以見到帶子條紋係直紋一條條的。配料當中，仲有我最鍾意嘅蘆筍，意粉更非常入味。E餐-燒美國頂級安格斯西冷牛扒牛扒10安士，好大塊好有份量，配以薯仔、矮瓜、翠玉瓜同埋番茄仔，非常豐富。我哋叫了五成熟，切落去牛肉中間呈現粉紅色，而且肉汁更滲透晒出來，肉質鮮嫩，牛肉味道濃郁。朋友鍾意食香口食物，所以另外order了美式粗薯條🍟，估唔到薯條好大條，而且外皮香脆，熱辣辣嘅薯仔簡直入口即溶。甜品有我最鍾意嘅牛奶奶凍，餐廳職員建議我哋加一點橄欖油落去食，質感會更香滑，咁樣食法非常特別，人生第一次，食落去果然好滑溜，味道又幾match喎。結果呢一餐晚餐都只係$360埋單，每人平均消費$

返工突然想食 pizza 就用偉大既 dexxxxxoo 黎嗌外賣揀黎揀去最後都係食呢間事關佢個2人餐都幾好食今次4個人食，就嗌多個扒，加帶子大啡菇先講個扒，我地冇指明到要幾成熟但邊有人會食牛扒食全熟架丫一心以為外賣水準會跌 watt 估唔到入面仲係粉紅，食落好有肉味之後就係帶子配大啡菇，正常水準，牛油香加帶子係完美配搭仲有個6寸 黑松露 pizza 略嫌黑松露味唔夠，但芝士味道濃郁餅底脆口，幾啖唔覺唔覺就食完2人餐仲有個沙律，意粉同埋一客龍蝦湯沙律估唔到好大份，2人食一定綽綽有餘龍蝦湯就冇乜驚喜啦平均1人百幾，食個外賣都有扒嗌，正！！！

同屋企人一行6人去到大埔8號花園「WM cafe & Bar」食生日晚餐，一進店店員既樣己經黑過鞋底，點野食既時候望都無望過我地，吾係重點，個重點係我哋坐嘅位置正正係冷氣風口位，由於冷氣太凍，我哋要求店員幫我地關細同風口唔好吹住小朋友，店員拎個遙控黎，同我地講距唔識調教叫我哋自己搞，著左，😡本身你黑面你嘅事，我哋嚟食飯，要睇你面色，個冷氣係你哋嘅你哋可以唔識搞？我地帶左蛋糕黎，同事走埋黎問蛋糕係影咗相先幫我地切定切好先拎過黎，咁搞笑既，你見過人地會買個蛋糕嚟，唔係影咗相先切嫁咩🤷🏻‍♀️，一定吾會再去吾怪知得晚市都坐吾爆啦🤷🏻‍♀️，不過公道講句，野食還可以，但服務態度真係超差😡

今日好想食西歺見open rice 依間D食評都吾差就入去試下！果然不負眾望！我地兩個人叫左一個黒松露炸薯條，一碟蜆肉意粉仲有一個雞肉凱薩沙拉🥗價錢親民！！！質素真係超出預期咁好食！先講個沙律，生菜新鮮，雞肉好多！非常好味！食完沙拉飲龍蝦湯， 大大碗先$48 去邊到搵蜆肉有至少二十幾粒，食落好鮮甜！意粉夠爽口又吾左淋pat pat ! 正！ 一定要試，加埋D蕃茄仔酸酸甜甜好開胃，哈哈😄所以我仲食得多過我朋友，差D吾記得，我叫左杯凍cappuccino 淨係賣相都灜曬，咖啡香濃，cream 夠滑仲係自已加糖水所以吾會太甜！ anyway 價錢真係好抵食！下次一定再黎，舖頭又夠大，坐得好舒服，吾會好似出面大商場有限時

今次同朋友2個人去食晚餐，叫左1個Salad, 1個湯, 1個意粉&1個薯條. 食完失望！首先講下個Salad先。- Chicken Ceasar Salad烤雞好正。呢個應該係我全晚食過最好食既一個頭盤啦- 小龍蝦湯個湯略嫌佢稀同埋唔夠味（成個感覺似洋蔥湯。而且得一粒蝦肉。有d寒酸（衰d講，之前M記既小龍蝦湯都好過佢😪）- 黑松露芝士薯條嘩。呢個不得了😵 個扁薯條黎到淋到一個點。叉一叉佢就爛。完全唔似平時食開既咁。而且個黑松露醬。我淨係食到沙律醬味。呢個要改善下！- 香蒜蜆肉扁意粉同我想像既有出入。而且同我平時食開果種好唔同。咸左d。辣味都有既。但意粉煮得太淋。

星期五晚帶著疲累的身軀回到大埔晚餐，在這餐廳門口窺探店內的環境看似不俗，結果等了一會就可入座了。 實在不想用腦，乾脆從set dinner著手，隨意點了兩個套餐～ 小妹選了跟餐沙律，沙律尚算新鮮，竟然鋪了兩塊parma ham，很有誠意！灑上小量沙律醋，refresh了疲倦的我！ 而友人則選了龍蝦湯，龍蝦肉在濃湯中若隱若現，以餅乾條伴碟，賣相吸引～ 主菜登場！龍蝦汁帶子意粉上的帶子煎得金黃，意粉稍林，龍蝦汁不算突出。最令人驚喜是燒汁西冷扒伴薯菜 ，牛扒大大塊，切開有點粉紅，正是我們要求的七成熟 牛扒表層煎得恰到好處，亦能保持肉汁，而伴碟的焗薯夠晒林，澱粉質萬歲😂😂為減輕罪疚感，飲品揀了甘菊茶，是頗有名的Dilmah茶包，味道清新，把倦意一掃而空😊餐廳環境頗寧靜，我們談天談到過了10時也沒被趕～ 食物方面，點塊扒已經值回票價

今天是Happy Friday，約咗好友在大埔區食飯聚舊，她說此店不錯，所以來嚐一嚐。餐廳位置很方便，就在大馬路旁，門面裝潢很精緻吸引。😀🍽👍🏻地方不大，但佈置很有心思，是Happy Friday放工後與朋友消遣閒聊的好地方。🍹🍸☺☺與朋友一起選了兩個set dinner（C & E），有沙律🥗、餐湯🥣、餐飲、甜品。沙律有大大塊Parma Ham，正👍🏻餐湯加了$20轉龍蝦湯😋有真龍蝦肉，好驚喜😍 龍蝦味非常濃郁，不過對於我有點偏鹹，嗜濃味者應該大愛。跟餐包含一般餐飲（咖啡、奶茶、檸茶、檸水、汽水），還有多種酒精飲料，健康的我們點了晚上可以安睡的檸檬柚子蜜和甘菊茶。竟然是真蜂蜜！杯底有真柚子皮！頂級安格斯西冷牛扒，厚度十足，7成熟剛剛好，非常juicy。牛扒裡面保存肉汁，紅紅的又不會血淋淋，非常好👍🏻 烤薯塊很香口，蔬菜亦很新鮮，好好味😋大大粒帶子，好有咬勁，非常有誠意😌👍🏻👍🏻龍蝦汁一樣濃郁，番茄仔和蘆筍好新鮮。總括而言，食物味道不錯，環境舒服，價格合理，是朋友飲嘢聚舊、情侶拍拖談情的好地方。😁

朋友在大埔嵐山的新居入伙， 我們去拜訪他的新居之前去到大埔八號花園用午膳 。到了wm Cafe & Bar ，貪佢勝在夠寧靜舒適，可以享受下晝時間。大家一齊吹下水，傾下裝修心得。😍😍午餐餐牌種類繁多，價錢亦可以接受。裝修風格以暖色英倫紅磚為主題😇。店內壁畫及小盆栽裝飾甚為有心思。很有綠色，很green，很小清新的裝修味道。牛扒約八成熟 ，這類快煮quick cook牛扒來說，很不錯🐄。巴馬火腿芝士pizza 🍕，pizza底很有咬口， 一層一層濃濃芝士融化在口中。隨餐附送忌廉餐湯及餐茶☕。看來漢堡包賣相也很不錯。下午茶價錢更是超值優惠。🙂

最近呢排都等緊返新工 ，所以我晏晝去大埔行下。 去咗大埔超級城一田掃貨，掃完貨之後就想搵嘢食，諗住搵間靜靜地食完嘢，飲杯咖啡可以hea到四五點。 去到八號花園見到有間wm cafe and bar🙂， 餐廳裝修不錯， 環境唔差，一於入去試下。北歐簡約風格設計， 帶有紅磚灰牆復古味道。店來有盆栽作擺設，很有氣氛。點二人套餐 ，有跟餐廳忌廉湯。蕃茄仔帶子炒意粉都幾香口😄， 意粉煙韌有嚼勁。同行友人吃不慣比較硬身的意大利飯， 但我覺得其忌廉汁 ，奶味香濃 ，甚是入口，十分不錯😋。香烤豬肋骨顏色豐富，應該很不錯，下次來必點😂。午餐價錢頗親民。

今日同個朋友入大埔去朋友屋企，玩完去附近食晚飯，大埔中心附近有好多餐廳，其中一間西餐廳非常好食，朋友極力推介，所以去試一試。餐廳環境非常之舒適，服務員亦都非常之有禮貌，入到黎感覺已經好正。忌廉粟米湯忌亷味好香滑，粟米味道好香龍，整體感覺非常之滑，亦都好香粟米味，唔錯。燒汁西冷扒西冷牛扒好重牛肉味，亦都非常多汁，燒配合西冷扒係非常之啱口味，絕配。個西冷扒亦都煎得非常之香，非常鍾意。加上旁邊既燒汁可以令牛肉更濃味，又或者點粗鹽令牛肉味更突出，很簡單的調味料就能夠令味道變化，實在睇得出廚師的用心。配菜亦都非常有心思，用咗原個薯仔去焗，谷到啱啱好，外脆內軟，其他配菜都好新鮮，正。餐廳食物質素高，環境非常舒服，絕對值得一試。

個晚去食飯得2個人，見開左咁耐都無去食過，諗住試下，點知出事。叫左個卡邦尼闊條面，夏日風情薄餅，粗薯條，朱古力咖啡。但卡邦尼硬到要咬好耐，好似岩岩熟就起水咁，咖啡啖而無味。環境好嘈，唔知係咪舖面積比較細，傾唔到計。