WM Café & Bar (八號花園)

營業中

休息中

今日與大埔友來一個大埔的浪漫之夜，來到八號花園的「WM cafe」共度晚餐。是日晚餐set dinner由A至H, 我哋點了set dinner B & G。餐湯是「柑欖油粟米忌廉湯」， 湯裡有很多粟米，忌廉味都十足, 很不錯。沙律方面，就點了「鴨胸沙律」，呢個沙律抵食又好食，鴨胸肉質彈牙，有咬口，味道香濃，加埋蔬菜食一齊食很好味。set B是「香辣番茄醬肉丸扁意粉」 - 扁意粉比較硬身煙韌有口感，肉丸有肉香，質感鬆化。set G是「廚師推介的菠蘿水牛城雞扒漢堡配薯條」, 麵包底部都有烘過的，而且加上牛油, 味道更香，口感更脆。配料是雞扒、生菜、番茄及菠蘿, 水牛城味香濃，酸辣中帶少少甜，味道不錯。薯條炸得脆口乾身，味似番薯條，相當惹味。整體上餐廳客人多，又不會太嘈雜，而且位置就在大埔中心中心點, 坐巴士一定經過，座位亦有情侶座，拍拖來幫襯也不錯, 食物質素及價錢也很合理和接受。

係八號花園既一間cafe，望落似一般連鎖cafe店，但食完覺得佢比一般連鎖cafe西餐好食。芝士pizza 批底夠簿好脆，如果鍾意食芝士既一定會鍾意呢個pizza，上枱時要趁熱食都仲有少少拉絲。帶子龍蝦汁意粉味道濃郁，龍蝦汁配意粉好好食，帶子夠大粒亦煎得金黃香口，有心機既，意粉質地就一般，都係一般餐廳水準又唔係話超好。德國腸拼盤就好抵食，平時食應該過二百，呢盤先百零蚊。不過有啲咸，但我相信係德國既味道，因為德國菜本身好咸，德國腸已亦如是，但呢個拼盤都煎得幾香同腸既質素都可以。

今日去左一間cafe食lunch, lunch set 都幾多選擇，叫左一黑松露野菌意大利飯，一個香煎鹿兒島黑豚扒配燒汁配薯菜，餐包一杯23蚊野飲，我地加左差價叫左意式鮮奶咖啡同凍朱古力鮮奶咖啡。 仲叫左個小食芝士肉醬焗薯皮。野飲味道唔錯，朱古力咖啡好香，cream都算綿滑，2杯咖啡都唔會太甜。燒汁另上，味道不算重，黑豚扒肉質鬆軟，份量一般，而薯條份量唔算少，新鮮炸起，夠香口，而且茄汁另上。忌廉什菌意大利飯調味做得唔錯，好香菌味，汁亦唔會太稀，但可惜意大利飯煮得唔夠諗，份量雖然不少，但食起上黎唔夠軟熟有D硬。芝士肉醬焗薯皮配牛油果醬好清新，隻牛油果醬加左少少醋喺裏面。芝士薯皮比較厚身，芝士比肉醬濃，以價格黎講都算唔錯。值得一讚店內環境好，十分清潔，店員服務都好好。

星期六放假 想搵個地方同朋友食個飯吹下水，就見到尼間餐廳 就去試試叫左一個蘑菇黑松露意大利飯，黑松露既味道超香，而飯的口感也合到好處，因為意大利飯很容易煮到太硬。我的朋友叫了一個漢堡，亦非常好吃，漢堡的肉是煮的剛剛好，所以有點肉汁，亦不會「鞋」口。 極度推薦！

今次去咗大埔呢間隱世平民cafe，呢度環境清幽，絕對可以成個晏就都同朋友坐係度傾計食野，呢度嘅lunch set同下午茶都免加一，價錢都唔貴，仲可以額外加$23嘅飲品，好抵食！芝士吞拿魚粟米長通粉($58)-上面有好多芝士，仲有d吞拿魚食！千島海鮮薄餅($60)-呢個係個人最推薦嘅菜！上面有好多芝士，而且海鮮嘅份量都有好多，雖然好多人都會中意食厚批，但呢個薄批都整得好好食，而且仲有d脆！水牛城雞翼配薯條($42)-雞翼帶有小小辣味，完全做到水牛城嘅味道，薯條就係普通嘅厚切薯條，仲有茄汁提供。特濃朱古力蛋糕(+$12)-呢個都係我第二樣好想推薦嘅甜品，特濃朱古力完全唔係講笑，出面有一層朱古力醬之外，蛋糕都有好濃嘅朱古力味！Tiramisu(+$12)-上面係tiramisu，下面係檸檬味蛋糕。意大利鮮奶咖啡(+$6)-呢杯咖啡可以自己調教糖度，個人幾中意飲！

由於約了最近搬到大埔的友人吃飯, 令我終於有機會踏足這個將近20年沒去過的地方。來到了位於安慈路的這家WM Café and Bar進餐。餐廳面積不大, 但裝潢看得出有花過心思, 整體環境乾淨衛生令人感覺舒適。是夜我們各自點了一份Dinner Set, 友人的選擇是軟殼蟹﹑蟹肉墨汁意粉配法式海鮮龍蝦湯; 我則點了一份菠蘿水牛城雞扒漢堡配薯條以及一份廚師沙律。另外, 我們還追加了一份鐵板黑松露芝士薯條。上菜速度很快, 菜式賣相也挺吸引, 友人對她所點的墨汁意粉評價甚高, 唯一美中不足是醬汁不太夠, 意粉有點偏乾身但整體尚算不錯。而我的漢堡讓我蠻有驚喜, 帶點辣味的水牛城醬汁雞扒配上酸酸甜甜的菠蘿, 口感﹑層次均相當豐富。至於黑松露芝士薯條味道不會過於濃郁,也值得一試。其實看了餐牌後, 有其他幾款食物都很有興趣嘗試, 但我們人數有限,「食力」不足, 期待下次約多幾個朋友再來光顧。

大埔實在有太多選擇，想找一些新嘗試，這次確是投注錯誤🥴。這家西餐廳🍴好評不斷人流如常但竟然如此令人感到失望😞，餐前沙拉🥗沒有汁醬，真的是新鮮蔬菜🥬加上燻肉，就是這樣😏，自行加點黑椒吧！漢堡🍔配薯條🍟真的很一般，不明所以就是唔太好吃！好戲在後頭：軟殻蟹🦀墨汁意粉😩😩😩😩😩真係好墨汁同好鹹，鹹到食唔到，同埋用水點都洗唔甩口中嘅墨汁，相信應該使用過量🥴餐廳很好換過一份白汁意粉，但白汁意粉竟然又完全無味😞，係好無奈的情況之下，最後決定埋單走了......希望日後有更大嘅改善吧！🥴

公眾假期前一晚，梗係要食餐好慶祝下！ Happy Holiday ~~~ 🎉🎉🎉大埔不嬲出名有好多好嘢食，今次都吾例外!!!! 今次呢間野係食西餐嘅，有晒todays special 俾你揀, 唔使驚選擇困難症發作........ 餐廳環境好舒服!!! 啱晒一家人或者三五成群你食嘢吹水!!!! 👍🏼👍🏼 其中有樣嘢勁抵讚嘅就係佢哋嘅服務態度!!!!! 有問必答, 態度超級好, 而且不斷幫你refill水, 你食完一碟course即刻會有侍應埋嚟幫你收碟，唔會搞到成枱都係野!!!!!! 食物方面, 價錢reasonable! 令我最有驚喜嘅係佢個beef burger, 同我之前去其他餐廳食相比，水準係高嘅！尤其面底兩塊包唔會比啲汁整到淋晒，食落去仲係脆bok bok !!!! 同埋塊牛煎得勁香😋

難得的週五休假，忙裡偷閒跟E先生來到WM CAFE' & BAR吃個悠閒午餐。餐廳位於八號花園，附近有停車場，非常方便。餐廳座位尚算寬敞，挺舒適的，而且午市免加一。粟米忌廉湯 +$8煙鴨胸沙律 +$8 餐飲即磨咖啡，味道香濃。英式炸魚薯條 $78整整六件炸魚柳，下面還有放得滿滿的薯條，份量十足。魚柳炸得香脆，外層入口鬆化，裡面魚肉軟滑多汁，讚。燒澳洲肉眼扒配燒汁 (配飯或薯菜) $88 外層焦香的燒澳洲肉眼扒亦十分吸引，厚薄適中肉質軟腍，而且牛味香濃粗，粗薯條亦香脆可口，這個價格非常超值。

今日放工同同事去左大埔行街買野 朋友係港女 識去既就當然係去CAFÉ醫肚順便打卡啦 行過呢間WM CAFÉ 係門口已經聞到陣陣香氣 非常吸引 入面唔係好多人最岩靜靜地係到傾計 咁我地就決定入去試下啦我地都係鍾意食PIZZA既人 所以就叫左一個食肉獸PIZZA 材料有雞肉 辣肉腸同埋牛肉 全部食材都非常之足料 肉味香濃 而且有少少辣味 十分開胃之後就叫左個芝士四重奏PIZZA 材料係有車打芝士 藍芝士同兩款水牛芝士 最濃味既係水牛同車打芝士 反而藍芝士既味道唔太突出 但亦能滿足一眾芝士控 包括在下既食慾

第一次來WM, 看見餐牌發現比我想像中便宜，大約是平均70幾至100幾已經包括湯/沙律和餐飲，酒精飲品也是超值，現在求其吃個粉都要50多元的年代，舒舒服服地點地又就腳方便, 我認為訂價十分吸引！但當然，食物品質更重要！頭盤的Parma ham加沙律菜配少許黑醋醬, 簡簡單單, 但不求其, 開胃。然後我們點了香煎帶子南瓜意大利飯, 有驚喜噢, 飯上有南瓜子, 看似很趣怪, 但味道十分配, 飯的口感剛好, 軟硬適中, 而且帶子也是少有地煎得生熟正好, 不過熟但也不生。安格斯漢堡也是出乎意料地有牛味, 本來以為78元的burger餐應該不會太高質, 但吃過後覺得原來平嘢都有好嘢! 配菜的份量也絕不失禮, 薯條也很好。加20元有兩隻焗蠔, 作小食配酒會很不錯, 也千萬要配旁邊的沙律菜一塊吃, 不要浪費。服務也十分到位, 招呼很好也細心, 讚! 老實說, 這個價錢, 這個品質, 我認為與其幫襯連鎖大集團餐廳, 不如支持獨立經營的小店! 

上一次食呢間「WM Café and Bar」，覺得好有驚喜，啲野食有水準。今次同朋友煩惱係大埔食咩，於是再諗起呢間，好期待再食到好野。😍—Menu同上次唔同左啦，始終都隔左成年啦。—龍蝦湯加左錢試下個龍蝦湯，不能不說，呢個係藍妹飲過最稀既龍蝦湯。😵平時飲既都會比較濃稠，雖然唔知濃係咪就代表好，但至少有種煲得耐啲足料啲既感覺。（不過藍妹都知好多都可能加左粟粉之類去勾茨🤣）今次呢個係好水，仲稀過平時啲白湯，不過味道就幾濃既，有龍蝦味。🤔—慢煮西班牙杜洛克有骨豬扒配蘋果蓉（呢個係朋友叫既，食評係藍妹復述佢既意見）係評價之前，不能不提係我地足足等左40分鐘，呢個豬扒先上菜，真係等到人都燥。幾好食都好，真係冇辦法接受到要等咁耐先有得食。🙄仲要唔係好好食，豬肉唔係煮到熟哂，不過未做到好林既口感，都係有啲鞋。😕而且佢明明話配蘋果蓉，點知黎到見唔到有，問佢，佢先話冇哂蘋果蓉。😡冇唔緊要，係咪應該早啲講，唔應該等到客人發現然後問先講呢？淨係呢樣野已經扣哂分。🙁—燒美國安格斯肉眼扒配燒汁肉眼扒大塊既，5-6成熟左右，冇血水，粉紅既色澤，煎得唔錯。🤔肉質合格，係個燒汁稀左啲。—香煎鱈魚扒配香蒜忌廉汁藍妹好

七點半已經滿座全場都坐滿人～～～有基本嘢飲同酒精飲品，呢間係西餐主要都係食漢堡包🍔、薯條🍟、薄餅、意大利粉同飯。叫左三樣東西：鐵板黑松露芝士薯條🍟、煙三文魚洋蔥薄餅🍕同埋香煎刺身帶子龍蝦汁意粉🥘🦞🍝呢個黑松露芝士薯條份量好多👍🏼👍🏼好多汁好香黑松露味，但食到後尾啲薯條開始變稔有啲special既係個煙三文魚薄餅有啲蜜糖味，同平時煙三文魚嘅感覺冇咁鹹，感覺健康啲批邊好脆，係薄批黎加，煙三文魚嘅份量都好多，接到好似一朵花咁～ 攤平佢係絕對夠大塊，唔洗就住就住食咁呢個香煎刺身帶子龍蝦汁意粉🥘🦞🍝帶子係糖心嘅，唔會煮得過老，意粉亦都有龍蝦汁的味道，唔錯唔錯不過我好欣賞帶子既煮法，岩岩好唔會un

難得放假入大埔玩，見到呢間既Lunch combo 幾抵食。叫左黑松露野菌意大利飯（$55）同千島海鮮pizza($60), 每個lunch都會跟一杯普通熱飲，另外我地俾多$12加甜品。先上意大利飯，都煮得幾creamy，黑松露味香濃，上面有幾片好香既芝士，一齊食好好味呀！千島海鮮pizza 個批底又薄又脆，餡料有4隻大蝦、蘑菇等，大蝦幾爽口同鮮甜，整體幾滿意個pizza，好惹味。因為做完運動好肚餓，我地仲叫多個小食—-焗芝士肉醬薯皮配牛油果醬（$58），估吾到呢個小食都幾高質，個焗薯多芝士，配埋肉醬汁又係好惹味，個牛油果醬就岩岩好平衡到肉醬既油膩。加$12就有甜品，仲有兩款口味簡，咁岩我地兩個人，就一人一款share, 真係好滿足。

今日同朋友去咗大埔食飯 搵咗間位於市中心嘅 wm cafe 貪佢人唔太多 氣氛有幾好 夜晚入到去人唔多 唔洗等位 枱櫈分得幾開 算係有私隱 叫咗個啖啖肉薄餅 材料包括辣肉腸 牛肉 雞肉同海量芝士等等 餅底係薄批脆卜卜 一個人都食得曬 上面有勁多芝士 有拉絲嘅效果 配上番茄醬 唔錯 整體嚟講都幾油膩 食完已經夠飽肚 有啲漏 叫咗個晚餐 軟殼蟹蟹肉墨汁意粉 軟殼蟹原隻上 炸到脆卜卜 夠曬香口 特別之處係入面仲有蟹膏 好鮮甜蟹肉一啲都唔吝嗇 足夠撈曬成碟意粉 墨汁亦都好夠味 意粉軟硬適中 整得幾好食