WM Café & Bar (八號花園)

營業中

休息中

大埔近大埔中心呢o抖有多個屋苑，有d 有自家商場，有d 設有多個地鋪，超多餐廳，搵食話都無咁易！更重要o既係呢d 餐廳大都係平民級o既價錢，俾多少少錢已經可以食得好好～最後揀上o既呢間西餐廳，d 檯都比較密集，從格局睇唔會話好高級，但價錢當然亦相對較親民。晚餐o既餐湯同沙律係二選一，問o左侍應今日係咩o野湯，話係蟹肉龍蝦湯。佢同時有一個升級版法式海鮮龍蝦湯(加$28)，因為感覺相差唔遠所以無升到，當然如果升o左又會足料好多啦。個湯加上o左忌廉，質感奶滑杰身，龍蝦味唔錯，蟹肉碎本身帶鹹，攪勻之後會剛好。我個餐係軟殼蟹蟹肉墨汁意粉($108 未加一)，上面鋪上原隻大大隻軟殼蟹，蟹腳部份炸到非常鬆脆香口，蟹肚則濃郁多汁，而且佢無一般食o既軟殼蟹咁鹹，真係不可多得。意粉幼身，蘸上惹味o既墨魚汁，混以蟹肉同荀尖一齊煮，食落會有多重口感。晚餐可以追加甜品、焗蠔同埋紅/白餐酒，可以加晒都得o既。加o左一客忌廉芝士煙肉焗蠔2 隻(加$20)，上檯o既時候侍應提醒小心熱，因為真係新鮮炸起！熱辣辣、硬硬o既外層，裡面係仲係微凍o既生蠔，同炸雪糕有異曲同工之妙。好好食，同埋好抵叫，呢個必加！餐飲要o左杯凍c

收左工，近近地，搵左個地方同屋企人撐抬腳，一直撘車路過都好想試下呢間西餐廳。揀左一份西冷牛扒配薯菜，西冷點左七成熟，但師傅煮得熟左少少，下次叫五成試試！雖然有d熟，但都唔影響口感同肉質！最貼心係，同時配上燒汁同鹽，比客人自己選擇！中意濃味既客人可以揀燒汁，中意淡味既客人，可以自己落鹽，夠哂體貼！！！再配埋紅酒，成件事好match！另外，叫左一份BBQ豬肋骨，燒得啱啱好，好入味，以為無咩肉，點知好大份，食得好飽！！！

今日返屋企路過竟然俾我地發現咗一間高質西餐💖 叫咗2個晚餐試下，一個要龍蝦湯一個要沙律🥗個湯幾有龍蝦味，唔似出面有d餐廳得個咸味🥣沙律菜幾新鮮，俾女朋友搶哂黎食😓軟殼蟹墨汁意粉個軟殼蟹分量十足🦀 食完烏卒卒墨汁意粉既女朋友表示好滿足好掛住係意大利旅行日日食意粉既日子🍝我成日都唔知點樣先可以食burger 食到好優雅，結果又食到成手都係肉汁，太juicy啦個牛🐮大埔真係越來越多優質既小店🏡

我最鍾意同人傾計就係靜靜地，唔好去啲太嘈嘅地方，所以有陣時我都會鍾意去一啲cafe或者酒餐廳。成日都去尖沙咀旺角油麻地今日就試下喺大埔入面搵一啲靜靜地嘅餐廳好好地咁食下嘢。今日同朋友去到大埔見到wm cafe外型好似都唔錯，入到去雖然唔太大間但係都要整整齊齊都係我喜歡嘅類型。於是我嗌咗份牛扒我朋友就叫咗一個set dinner食牛扒我唔喜歡太生，叫佢畀八成我，真恰到好處，味道 調教得很好肉質也很鮮味👍值得一提嘅係佢哋嘅醬汁都非常之好， 味道同牛扒能夠夾得相當匹配。 價錢嚟講呢一度性價比都算高，值得推介。

今日同家人喺大埔WM Cafe and Bar食晚餐，環境清幽、乾淨、紅磚牆做裝飾。叫了二份main course:一份七成熟燒美國安格斯肉眼牛扒配薯菜半燒汁：牛扒非常之大塊配番茄及薯蓉，除咗提供燒汁之外碟邊有一啲海鹽提供，我較為喜歡用海鹽半食，帶出牛扒嘅鮮味，還叫了一杯🍷House red wine，配紅肉剛剛好。😋😋另外叫了香烤法式B B Q豬肋骨配薯菜碟邊還有沙律菜半碟，上碟時還是熱辣辣的，上面淋上厚厚燒汁，烤的剛剛好，肉質不會渣。👍我地非常之大食，又點了一份香辣蒜片橄欖油蜆肉意粉，有少許辣加蒜香味，非常惹味😋

一行二人，點了一份西冷牛扒，七成熟，口感滑，入口甘香鬆化，建議配撘海鹽，味道更濃郁！下次建議叫五成熟，大廚煮得偏熟，少少血水從裡面滲出來的牛肉，味道會比較更有層次及口感。另外，點了，本人最喜愛的蜆肉意粉！推薦愛蜆之人的必點菜單！橄欖油煮出的意粉，香滑不粘牙，蜆肉不會有沙，也不會只有蜆殼沒有蜆肉，加上一點點微辣口感，再配上一杯充滿果香的白酒，是最佳的配撘。如果去大埔想食西餐呢間係一間唔錯嘅選擇 環境好 嘢食性價比高

又去大埔約朋友食飯……話說有間西餐朋友想食好耐，所以就搵埋我一齊去試試佢😋 實情大埔我都幾熟悉，所以有咩好食好玩你地都可以問下我🙂😃-☆ 慢煮西班牙杜洛克有骨豬扒伴蘋果蓉 HKD$158一道十分不錯菜式🤤 豬扒可以話俾入口即溶😋 無誇張㗎！豬扒既肉質真係超軟腍，相信就係因為慢煮既關係啦👍 伴碟既蘋果蓉質感似軟綿既薯仔蓉😋 豬扒連埋蘋果蓉一齊食，綿上加綿，好味呀！-☆ 軟殼蟹, 蟹肉墨汁意粉 HKD$108軟殼蟹巨霸嘅舖喺意粉正中間🦀 炸得幾香脆可口，肉質就好似食緊魚肉咁，幾滑溜但又不失嚼勁👍 而意粉口感較為硬身，但我頗喜歡的，微微硬身反為令意粉更有咬口😋 每次食墨汁意粉都食到"黑咪蚊"，今次亦唔例外😆😂 咁先算係食墨汁㗎嘛~

炎炎夏日， 實在 熱到 令人抖唔到氣， 如果唔係需要返工 ，真係唔想行出家門， 咁熱 嘅天氣， 實在令人煩躁 不安， 就算假期都祇想留喺屋企 ， 早前有個朋友約我食飯， 我同佢講天時熱冇胃口呀， 佢聽我咁講即時嘅反應就係…… 只要你肯出嚟食飯 包你有胃口， 聽佢咁講我就半信半疑 應承咗佢出街食飯， 我哋嚟到大埔安慈路八號花園 WM  caf'e and  bar 果然無介紹錯， 當享用食物之時，亦感受 到廚師們的用心，  結果令我飽腹而歸，

今日朋友提議試下呢間cafe係大埔開咗都一段時間都未嚟過門口仲推廣緊生蠔套餐Menu有晚餐set dinner,我地無叫set,叫咗個意粉同牛扒試試，呢度都有好多菜式選擇，有pizza有burger, 仲見到都好多枱客食burger香煎刺身帶子龍蝦汁意粉呢個意粉係menu度有廚師推介的標誌👨🏻‍🍳帶子好大粒好厚肉龍蝦汁似罐頭龍蝦湯的味道龍蝦汁好開胃，係白汁同鮮茄汁意粉的另類好選擇燒美國安格斯肉眼牛扒配薯菜伴燒汁肉眼扒好大塊，仲大塊過塊面🤣5成熟，肉質剛剛好碟邊仲伴有海鹽鍾意濃味少少嘅可以沾點海鹽牛味會更突出伴碟的薯蓉其實都好正，可惜得好少，食到唔多夠喉呢晚Friday night 好好生意，好難先影到一刻寧靜，紅磚牆設計，都算頗舒適的

本身去大埔同朋友行街，想搵間環境好啲嘅餐廳一齊食飯，結果喺昌運隔離搵到呢間Cafe睇落裝修都幾OK，就入咗去試下。鋪面唔算好大，但係環境設計同佈置都好舒服，係一個可以食野傾計聚會嘅好地方。餐牌係有dinner set同埋有得唔同食物單叫。當日嘅晚餐唔係好啱我哋心水，所以我哋就叫左main menu既野。主手餐牌有一般西餐廳應該有嘅嘢，沙律前菜小食主食都有，選擇都多。扒大蝦蟹肉忌廉意粉（$128）。分量足夠，意粉亦都好昆明，裏邊有唔少蟹肉同埋蘑菇中和返忌廉嘅濃味，食落飽肚，亦都唔會淨係食到啲忌廉味。兩隻大蝦質素都OK，係新鮮嘅，亦都有汁，唔會乾爭爭。雖然蝦唔算好大，但係一人份量都食得足夠飽。燒美國頂級西冷牛扒（$198）。我哋叫咗七成熟，牛扒笑得10分入味，肉質嫩口，肉汁亦都鎖得好好，唔會好難咬。牛扒嘅份量足夠大，仲有其他配菜同薯角上碟，薯角香口。個人好鍾意食牛扒，呢間覺得質素唔錯。甜品方便叫咗蘋果金寶配雲呢拿雪糕（$38）。不過不失，蘋果金寶係一般中上水平，上邊的牛油粒粒夠脆，玉桂跟蘋果融合的味道滋味無窮。雲呢拿雪糕上面有朱古力醬，仲整咗佢哋嘅招牌出嚟，都算有心思嘅。總括嚟講覺得呢一間

平時去大埔都係食粉麵，因為出名而且方便，但今日好想食下西餐所以就search下有咩其他選擇。揾到呢間餐廳，外表裝修吾係太特別，但週未lunch set價錢都很相宜，平均$60 至$90已有主菜包埋餐湯同飲品，而且選擇都幾多。餐湯係忌廉龍蝦湯，龍蝦味幾濃，吾係溝水貨色主菜叫左牛肉漢堡包同牛扒，前者的漢堡好juicy, 而且配上酸酸甜甜的沙律醬，包仲係微暖，吾錯另外以午餐黎講，佢既牛扒已經幾厚身，肉質吾鞋，份量幾足，加埋意粉或飯男仕都足夠飽有餘。

叫左個沙津，兩個主菜，同埋兩杯野飲，完全係份量足足的晚餐，好飽飽呀😊🍏青蘋果牛油果蟹肉沙律前菜食個沙津真係會令人加添食慾😋青蘋果好青甜，牛油果🥑熟d會更好味，沙津菜亦都好新鮮，加埋vinegar dressing 更帶出菜既清甜，食落仲有聲架🤣扒大蝦🍤蟹肉🦀忌廉意粉好香呀！真係煎得兩隻大蝦好香！蟹肉份量都ok，不過大蝦真係搶晒d風頭🥰意粉好滑身，軟硬度好適中，加埋黑胡椒更加可口😋特別一提，佢個黑胡椒好新穎，再唔係自己打動扭下扭下，係電動架，㩒個制就攪掂，Easy👍(唔知係米小妹大鄉里呢😂😂)燒美國頂級西冷牛扒🥩配薯菜伴燒汁西冷扒要左7成熟，剛剛好，係近根位有d難咬，其餘肉質都好嫩，切既時候都有好多肉汁流出黎。🤔我覺得唔點燒汁仲好味，不過點多少少碟邊既海鹽更帶出牛既肉味同鮮味🤤最後仲點左2杯野飲：Virgin Mojito - 好開胃，加左好多青檸，酸味味，好鍾意Virgin Colada - 好重椰子味，甜甜的

成日經過依間餐廳但次次都無機會試，今日終於同男人去食啦!一入到去服務員好快就帶左入位，仲介紹有咩食比我地，款式都有好多種，意粉，意大利飯，pizza，小食，主菜都有。今次擇左個晚餐set dinner 「軟殼蟹蟹肉墨汁意大利粉」，我同男人都好推介依個，橄欖油味好香但又吾會食到個口油林林，仲有一絲絲蟹肉，好岩我地口味，軟殻蟹都恰到好依個餐仲。包左個湯同野飲。湯就係龍蝦湯，比出面既湯係2倍，所以我地分黎飲。另外就叫左個主菜「西冷扒配薯角」，我地叫左5成熟。仲叫多左個小食拼盤，我地好似好大食甘。小食拼盤包左好長既德國腸，雞翼，洋蔥圈，薯圈，魚柳同茄汁肉丸，洋蔥圈同肉丸好好正，食到勁飽下次叫埋屋企人黎叫下pizza食先！

WM Cafe係大埔都開左一段時間，終於有時間去食🤣裝修都幾休閒優雅青蘋果牛油果蟹肉沙律呢個沙律作為開胃菜非常合適，蟹肉量多又甜，青蘋果酸酸甜甜切片好易咬，牛油果醬好滑又香，成個沙律都無用沙律醬，主要用醋調味，非常健康！慢煮三文魚香草意大利飯慢煮三文魚魚肉滑而香，燴飯亦好多汁，配上薄薄芝士片，味道豐富。燒美國頂級西冷牛扒配薯菜伴燒汁意想不到嘅大份，有3cm厚，可選成數。伴碟有大大嚿嘅燒蕃茄，同粉色海鹽，不過本身牛扒味道都好足夠，唔需要另外添加海鹽👍🏻西冷牛味道較重同香口，口感偏煙韌。兩個人食到一半已經好飽🙈

心血來潮去大埔搵食，見WM Cafe喺科學園都有店，價錢好大眾化，決定一試。先來龍蝦湯配脆多士，龍蝦湯是我飲過最香濃夠味最足料的。揀咗鈕西蘭肉眼扒．焗芝士龍蝦汁蟹肉墨魚汁麵。加少少錢就可以配埋薯菜．沙律．甜品，薯條熱辣辣即炸。沙律菜爽脆好Fresh, 加配自家製甜品有三款選擇，揀了藍莓cheese cake, 同埋Tiramisu, 兩款蛋糕都好好味，又唔會太甜。唔怪得餐廳座無虛席，見門口仲要等位添，下次要再嚟呢度試下晚餐先👍🏻