WM Café & Bar (八號花園)

營業中

休息中

星期六放假，係時候放鬆一下，一教訓天光，就搵個地方填下肚先。上openrice睇下附近有咩好介紹，見到依間wm cafe & bar,好評如潮，於是就過尼試下啦到步見到個大門口，裝潢都不錯但入到去原來空間都吾算太大，但就佈置得幾靚牆壁有不少掛相是日下午茶：英式班尼迪配薯條一個係煙火腿，另一個係煙三文魚，包底係豬柳蛋嘅包，味道都ok另外叫左個香煎刺身帶子龍蝦汁意粉麵身偏硬，汁都夠濃，帶子煎得還可以另外加左杯凍朱古力

今日去左大埔行街順便食埋晚餐，經過見到呢間食西餐，就入去試下。9點零鐘都9成坐滿，好彩去到仲有一張，坐低就叫左兩個set dinner，一個係黑松露牛肝菌雜菌意大利飯，是日餐湯係龍蝦湯，追加兩隻炸蠔，飲凍檸檬蜜糖。一個餐係慢煮西班牙杜洛克有骨豬扒伴蘋果蓉，配廚師沙律、追加左一件藍莓芝士蛋糕🍰，飲凍朱古力。先來左餐湯同沙律，餐湯好濃既龍蝦味，好多一粒一粒剪碎嘅菇。幾特別。意大利飯嘅配料好多，唔會偏向飯多配料小，出到嚟佢嘅飯一粒一粒好分明，食落黑松露味好濃，好味！要特別推介呢個慢煮豬扒，佢嘅厚度啱啱好唔會太薄又唔會過厚，煮得岩岩好，切開細細舊來食點埋佢既醬汁一絕！仲有佢隔離嗰塊大大嚿嘅蕃茄，平時食西餐好多時候食蕃茄買蕃茄都會煮都好乾，今次呢塊好多汁好甜！😍😍

今日晏晝喺大埔約咗女朋友一齊食lunch，行過WM， 因為見到餐廳幾特別所以入去試下。 餐廳offer lunch set，咁我就梗係叫 lunch set啦 ，包埋飲品，見過set又reasonable price。芝士焗龍蝦汁蟹肉墨汁麵： 墨魚麵重芝士味，每一口嘅麵充斥著墨魚汁都係黑色的， 而且蟹柳成條上，肉身都幾爽 ，個人自己覺得十分喜歡同埋送上嚟食時都係熱辣辣的所以我覺得呢個餐都幾好食。紐西蘭肉眼扒配燒汁意粉： 呢個餐嘅主角就係牛扒， 牛扒質素自己覺得高質量，我叫咗八成熟， 所以牛扒亦都仍然軟熟， 同埋肉質亦都算鮮嫩，所以食起上嚟有口感再配埋佢個燒汁， 自己個人覺得一流。最後飲埋兩杯飲品 ，我同女朋友都十分之滿意離開，所以行過呢間餐廳嘅朋友可以試下。

最近響大埔區發現一間門面裝飾格局都唔錯嘅Cafe & Bar，見倒佢有抵食生蠔拼盤同埋任飲Happy hour優惠。今次下午咁啱經過，先嚟試下佢嘅Set Lunch水準先呢度裝飾幾靚，下午響店內嘅光線舒服，如果咁啱可以選擇窗邊位置，仲可以一邊享受日光浴一邊嘆咖啡Set Lunch嘅款式都幾多，意粉、薄餅、漢堡包、 All Day Breakfast、燒牛扒等等一應俱全。而且價錢唔貴。飲品方面除咗咖啡仲有無酒精嘅Mocktail。天未黑唔想飲酒都有好多選擇。餐湯-忌廉湯跟餐嘅餐湯我地選擇了忌廉湯。附送嘅多士烘得非常香脆，有淡淡提子乾香甜味，有畫龍點睛之效凍朱古力咖啡$29，跟餐+$6朱古力味香濃，飲落口幾幼滑，唔錯。燒紐西蘭肉眼扒配薯菜$98（+$8）唔想食得太飽，原本可以選擇跟飯或意粉，最後決定加$8改配薯菜。我選擇了5成熟嘅熟度，可能塊扒比較薄，略嫌熟咗啲，大概應該有7-8成熟。不過牛扒就算燒得比較熟都唔會韌，口感唔錯亦幾香牛味WM安格斯牛肉芝士漢堡 $68見每檯客都幾乎有點漢堡，再望一望個菜式名稱，應該係招牌菜果然除了賣相靚，味道都非常得 安格斯牛味香濃，漢堡包皮香脆內軟，好好味。

平時去開大埔個邊都係食陳根X，但自從知道老闆係藍絲之後，就不了不了🤭所以都係支持小店食個西餐好了😇是日dinner Set價格由$78-$158，包埋餐湯同飲品，好抵食👍🏻餐湯+$28更可升級為龍蝦海鮮湯，鮮味十足，而且龍蝦湯入面仲有龍蝦肉，creamy得泥又吾會太漏，如果有個蒜蓉包點湯又仲正啦😝-軟殻蟹蟹肉墨汁意粉($108)酥炸軟殻蟹炸得香脆，味道適中，入面啖啖肉仲有少少蟹膏，墨汁意粉彈牙爽口吾會一patpat，醬汁甜甜地吾會淡而無味喔😋-慢煮西班牙杜洛克有骨豬排伴蘋果蓉($158)依個係dinner set 入面最貴既一款菜式，個名睇落都好威威咁🤭豬扒份量十足啖啖肉，食落無雪味，利用慢煮方式烹調，鎖住肉質鮮味而且好淋！可惜伴醬蘋果蓉份量太少，因為配埋一齊食好fresh好夾😚👻配菜薯條🍟都好新鮮，充滿薯仔蓉又脆卜卜，係兒時茶餐廳食個種波浪薯條😋-另外加$20有炸生蠔2隻，炸粉漿吾會太厚，留住蠔味，吾會腥👍🏻

連鎖餐廳食到厭 今日就係大埔random咁入咗間小店😝店嘅裝潢行簡約木系🧚🏻‍♀️ 坐得都幾舒服😽-🍝軟殻蟹，蟹肉墨汁意粉 $108意粉充滿墨魚汁味而且硬度適中🐙俾嘅軟殻蟹份量亦都好大方😽-🐖慢煮西班牙杜洛克有骨豬扒伴蘋果蓉 $158因為慢煮嘅關係 豬扒係超級嫩!!普通出面真係好難食到咁腍嘅豬扒🥺連平時食野永遠唔過一百蚊嘅男朋友都話要返黎encore-🐚套餐追加炸蠔 $20/2隻放題炸蠔就食得多 次次都係食到啲炸粉only但今次係完全顛倒咗我對炸蠔嘅睇法🤯因為佢出面炸得香脆 但入面係勁鮮嫩嘅蠔☺️仲要係大大隻(有成隻手指公咁大🤣)-🦞套餐升級法式海鮮龍蝦湯 $28好足料嘅湯🍲 入面起碼有成十粒蜆肉但略薄太咸🤔-估唔到隨心都入到間幾高質嘅小店🤣個人認為依度幾啱情侶拍拖食飯💏舒服簡單好味又一餐😝

今日同男朋友入開大埔，是但行左入呢一間cafe，見到佢啲lunch set唔算好貴，同埋有好多款揀。睇咗好耐最後決定叫個All Day Breakfast，而我男朋友因為太肚餓，所以就叫左個西冷牛扒配飯。先黎左個跟餐嘅忌廉龍蝦湯，仲配左個包，個味道麵唔錯，唔會話好稀。WM All Day Breakfast with Toast - HKD78個賣相都唔差有個牛角包、有煙肉、兩隻太陽蛋、番茄、仲有炒蘑菇粒同一條腸。US Sirloin Steak in Gravy Sauce - HKD66男朋友叫個西冷扒都唔細份，塊扒夠大，肉質夠淋，配埋個紅酒燒汁同埋蕃茄。

昨晚同屋企人逛街之後， 老婆好想食西歺， 於是去咗大埔嘅一間位於八號花園嘅餐廳， 外面裝修唔錯， 雖然入到去地方窄少少， 但係感覺都好乾淨， 服務態度亦都相當唔錯。我哋睇完餐牌之後， 叫咗個燒美國頂級西冷牛扒，個西冷扒啲牛肉好嫩， 好有質感， 而燒汁味道亦都相當唔錯， 配埋個特制燒汁， 真係食到舐舐脷 。我哋亦都叫咗個扒大蝦蟹肉忌廉意粉 ， 隻蝦食起上嚟好爽口， 意粉亦都好彈牙，相當唔錯。 見到隔離枱食緊pizza， 我哋亦叫咗個芝士四重奏pizza, 啲芝士好香, 幾種芝士混埋一齊，食上嚟好有層次感， 呢個pizza亦都值得推介。 整體感覺相當唔錯，有機會都會再去幫襯。

平日嘅夜晚又唔想煮飯好攰 於是呢就去咗附近嘅W M Cafe食個晚飯呀 佢個set dinner選擇都有好多款 每款都包一個餐湯或者沙律仲有餐飲添 仲可以加錢配甜品今日個餐湯係龍蝦湯 有驚喜 唔係一般頹西餐個d羅宋湯 龍蝦湯味道好濃主食方面我哋揀咗個軟殼蟹蟹肉墨汁意粉 隻蟹擺得好靚 haha 個皮炸得好脆 好好味 墨汁意粉味道有d淡同埋汁唔夠另外仲有叫左西班牙慢煮有骨豬扒配蘋果蓉 薯條係普通茶餐廳個D 不個佢炸得好好食 望落去其實賣相麻麻 不過食落好有驚喜! 豬扒好juicy 食落好有豬味  蘋果蓉甜甜地點住嚟食好好味 除左蘋果蓉佢仲有少少海鹽可以點 我覺得點鹽食好味d餐飲都係例牌Coffee/tea 食哂成個餐都好夠飽 同埋D野食都嚟得好快 唔洗點等

跟家人來屋企附近晚餐，想吃pizza , 想到了來這間cafe. 餐廳環境簡約優閒，挺合適情侶朋友聚餐。晚餐： 香煎刺身帶子南瓜意大利飯 $108刺身帶子大粒夠份量, 輕輕香煎了, 保持軟綿. 南瓜意大利飯, 南瓜味偏淡了一點, 加了淡淡芝士, 整體味道清香不膩. 飯粒粒分明, 口感剛好適中. 是日餐湯 龍蝦湯 龍蝦湯非常濃郁，帶點香鮮龍蝦味。煙肉忌廉芝士焗蠔(兩隻)$20跟餐加$20，可加配焗蠔，舖蓋了芝士，忌廉芝士煙肉汁好濃好香，炸到外脆內軟的蠔肉略偏小但帶鮮味。青蘋果牛油果蟹肉沙律 $78喜歡牛油果有益健康來作沙律，沙律菜好鮮脆，蟹肉鮮甜肉爽，再加酸酸甜甜青蘋果，沙律已混好了沙律醋,一道清新有營前菜。煙三文魚千島薄餅 $88即叫即焗，薄批的pizza, 配傳統千島醬，配薄餅好夾，薄底好香脆鬆化，而煙三文魚厚厚一片，魚肉煙香味濃，大眾化又清新健康的款式。地點方便，食物不俗價錢ok, 下次會再來吃。

大埔出名多餐廳食肆，今次去朋友屋企附近食西餐慶祝生日。當晚七點半來到，已經有不少客人等，相信味道會有保證🤓——————————🔸燒美國頂級西冷牛扒配薯菜伴燒汁 $198這個西冷牛扒五成熟，算厚身☺️肉質細嫩且多汁，牛味濃郁，配上甜甜的燒汁，冇得彈👅 唯一薯角炸得不夠脆🤨🔹扒大蝦蟹肉忌廉意粉 $128這個蟹肉意粉，外觀有點可惜😐 蟹肉和意粉是分開煮，所以意粉食落只有忌廉味，沒有蟹肉的鮮味.. 大蝦尚算新鮮，蝦肉彈牙😋🔸特濃朱古力蛋糕配雪糕 $32一上甜品，雪糕下墜😂 但味道更重要～ 朱古力蛋糕果然很濃郁，不會太甜，配上雲呢拿雪糕🍦大大中和甜膩感☺️

星期六12:30pm左右周圍都好多人等位，見WM開左咁耐都未試過，今日就同媽媽去試下喇我叫左個美國西冷牛扒配紅酒燒汁，加$8要薯菜，媽媽就叫左個WM安格斯牛肉芝士漢堡。佢lunch有送餐湯同餐包，湯係龍蝦忌廉湯，味道唔錯，加上佢個包脆脆地，點湯食唔錯佢個牛扒就令人失望啲，係燒野食個啲牛扒，加上太咸，無下次了好彩薯菜夠熱同新鮮，挽回返啲分數。個漢堡係無醬嘅，無醬都幾好食，怕乾可以加少少茄汁。包幾香同軟身，但個牛肉同麥當勞差唔多。整體黎講，麥當勞個安格斯仲好食過佢WM環境幾好，唔洗等位，唔會嘈，不過冷氣就唔係好夠。至於食物方面就一般，我地應該試一次就算喇

今天和家人吃飯想試新嘢 就試WM cafe 冇訂位 等了半小時 1945入座 叫main course 十樣冇六樣 dinner又十樣冇三樣未到2000乜都冇 餐廳細 吃飯客人好嘈 我家人話冇下次

今早要到科學園開會，第一次來這裡便先嘆個早餐。進了這間並點了煙三文魚牛油果牛角酥，因比較喜歡三文魚和牛油果。餐飲要了熱㗎啡。㗎啡比較細杯而且不太濃。牛角酥配煙三文魚和牛油果是簡單而又美味的食物，份量適合我。

星期日休閑cafe　經過大埔超市買完野，之後就男朋友想去食返個午餐，平時都係食粉麵，因為多粉麵店而且又方便。行過見有間西餐廳都多人食，於是就排個隊都去試下呢間餐廳，外表裝修吾係太特別，星期日午餐價錢都好合理，平均$70至$90已有主菜包埋餐湯同飲品，而且選擇都幾多。我地叫左兩個餐，我地叫左e餐wm安格斯牛肉芝士漢堡包同f餐燒紐西蘭肉眼扒配燒汁配意粉。餐湯係忌廉龍蝦湯，龍蝦味濃，吾係普通貨色。好入味，應該足料，好早已經煲定所以濃香味重。wm安格斯牛肉芝士漢堡包牛肉多汁，芝士仲溶溶地，兩邊包都有輕輕煎過，所以微暖脆口，配上酸酸甜甜的沙律醬，吾錯。加埋即炸薯條，飽晒。燒紐西蘭肉眼扒配燒汁配意粉午餐黎講，牛扒已經幾厚身，五成熟，吾好un，肉味都幾好。跟餐配意粉，份量都唔少，點下燒味食都吾錯。仲有餐飲配埋，好飽。以呢個價錢食呢個份量午餐，幾抵下。