WM Café & Bar (八號花園)

營業中

休息中

朝早同男朋友去左大埔廣場買d野順便去附近搵下野食醫肚仔😊 見到E間cafe嘅lunch set好似唔錯又唔貴就入去試下😆 餐廳環境幾舒服, 有少少文青感覺, 我地好快就揀左兩個lunch set, 上菜速度都幾快, 大約等左差唔多10分鐘到就有得食😊Passionfruit Mojito🍹, 甜甜酸酸嘅味道既清新又開胃😊忌廉黑牛梳打🍦🍹, 味道正常而且幾夠凍嘅黑牛😆是日餐湯🥣:南瓜湯, 南瓜味較淡, 但整體味道唔錯嘅, 餐包有一粒粒嘅香辛料, 食落去無咁單調!廚師沙律🥗, 沙律菜爽脆, 加埋巴馬火腿幾好味燒紐西蘭肉眼扒配燒汁(飯)🥩, 我地叫左5成熟, 牛扒幾大塊, 肉質鮮嫩, 牛味濃郁🐂😊巴馬火腿烤簿餅🍕，小妹比較中意食薄批, E個餅底焗得幾脆身而且芝士拉到絲👍🏻, 巴馬火腿份量非常慷慨, 味道剛剛好😊自家製甜品: Tiramisu🍰, 味道香濃, 芝士口感幼滑😊總結: 食物味道同店員服務質素唔錯, 份量ok而且價格非常親民😊

朋友聚餐好去處， 一向鍾意喺大埔搵食， 唯獨是呢間cafe一直未去過，個lunch menu 好多選擇, 價錢唔貴. order了 燒紐西蘭肉眼扒, 7成熟同 西柚parma ham三文魚沙律，先上 一個龍蝦餐湯同忌廉湯， 脆脆的一小片餐包多士， 好啱口味做得好出色， 大少少香草風味。肉眼扒好腍， 一啲都唔嚡口， 配上燒汁將肉味提升saland 配上西柚同橙好fresh, 清新的口味， 減去油膩感。peppermint mojito 好正丫， 好鍾意清新的飲品, 對住窗口位 嘆番杯,真係寫意朋友叫了 Cinderella, 同fruit punch的味道一樣好鍾意呢一款吊燈， 昏黃的燈光好舒服月尾有halloween menu呀, 必食

今日黎到大埔搵食。見到呢間cafe 就試下d set dinner 啦！本身叫左個西斑牙豬扒，好可惜已經賣完。後來叫左個安格斯牛肉漢堡配薯條同香辣蕃茄肉丸意粉，兩個餐都跟左龍蝦湯。龍蝦湯重來都係我首選啊無得彈！個牛肉burger幾香，個汁係千島醬好岩味！個肉丸意粉有d 驚喜，真係有d 辣喎 岩哂我鍾意食辣既人！肉丸大大粒有成6粒，食到好飽。飲品就加錢點左特飲，一杯係colada 好椰子味的，另一杯係cranberry juice 加可樂，呢個配搭樂新鮮，正。另外可以加錢食甜品，不過已經好飽，下次黎到再試試啦!

今日唔想煮飯，又想吃西餐，不如就試下八號花園樓下WM Cafe and Bar，之前假期經過都見到有唔少人等位，今日6點來到唔使等，人少少坐得好舒服，座位空間夠闊，裝修都幾有特色，室內燈光夠充足，唔似一般西餐廳咁昏暗。晚餐都算多選擇，包忌廉龍蝦湯同飲品。鹿兒島黑豚西冷配檸檬帶子青蘋果絲($138)豚肉煎得好香，有少少脆邊，唔會太鹹，啖啖豚肉香味，配菜有燒車厘茄同薯蓉，吃完好滿足。龍蝦汁海蝦蟹肉意粉($98)新鮮螃蟹拆肉，吃到膿膿蟹肉味，有兩隻去皮海蝦，唔洗自己剝殼，仲有幾粒帶子，真係滿口海鮮呀！飲完杯濃濃熱朱古力，見特飲好似好吸引，叫多一杯Passion Fruit Mojito，賣相好吸引，唔會太甜，淡淡百香果味，唔錯。

與友人好久不見，想找一個可以吃東西又可以談談少女心事的地方，Cafe實在是一個不錯的選擇！.海鮮龍蝦湯當然吃西餐，餐湯是少不免的。今天是海鮮龍蝦湯，龍蝦殻及龍蝦油熬成的龍蝦濃湯，湯頭口感濃郁綿密。.蘑菇安格斯牛肉芝士漢堡配薯條牛肉煎得很香，厚切，外脆內軟，肉質鮮嫩，漢堡包也是烤過的，因此麵包有香脆的底部，同時也吃到頂部的軟熟。.美式漢堡包，精髓就是要夠厚，最好一口也咬不盡，這才算是豐富！這裡的漢堡，就正正做到這一點，比起那家大型美式連鎖快餐店，可說是完全不一樣呢！.薯條方面，廚師用了很多心機去製作，炸的時間掌握得剛好，口感很香脆，不會感到油膩，也不會成口粉。.軟殼蟹蟹肉墨魚汁意大利粉小妹一直都很愛吃軟殼蟹的菜式，這家意粉居然有大大只軟殼蟹在碟上！蟹殼很脆，炸後不會有油益味，殼內亦啖啖肉，食過返尋味。意粉汁方面，墨魚汁打得好creamy，口感有醬汁應有的漿口感。.加入了的蟹肉也毫不吝嗇，味道濃郁，豐富了本身的忌廉汁的味道，這個值得一贊！意粉也軟硬剛好，火候時間掌握尚算不錯。

呢日黎左大埔中心搵野食，之前都黎食過一次覺得唔錯，有時經過見到餐牌都好想試下，今次一於再食一次啦！入面既環境令人幾舒服，坐得唔會好逼Lunch menu!有好多選擇呀，我地真係睇左好耐不過好可惜冇哂Ｍ餐，如果唔係都想据下牛扒我地叫左Ｆ同Ｋ～＃忌廉龍蝦湯跟餐有個龍蝦湯，好香濃既龍蝦味呀＃美式BBQ烤手撕豬菠蘿芝士漢堡朋友叫左呢個漢堡，個漢堡好厚手撕豬味道唔錯喎，塊菠蘿仲好厚切，食落超多汁好juicy＃香煎鹿兒島黑豚西冷扒拼北海道檸檬鹽烤雞配意粉我就叫左個西冷扒＋烤雞既意粉西冷扒唔會好韌，配埋個洋蔥汁正呀烤雞好香，個皮仲脆脆地餐飲Overall都好滿意呢個lunch，坐得舒服之餘食物又幾高質！

入大埔一定經過WM Cafe附近。見到晚餐都算平。今晚👣咗入去試下Dinner Set 價錢由$88-$158 。選擇算多。豐儉由人。是日餐湯🥣龍蝦湯味道香濃。香煎刺身帶子南瓜🎃意大利飯～帶子輕輕一煎。口感煙un軟淋。大大粒仲有三粒Tim 。抵食之選。慢煮西班牙杜洛克有骨🐷扒伴蘋果蓉～厚切🐷扒肉嫰味濃。唔洗（點）醬已經好好好夠味道。伴菜都唔輸蝕。薯條熱辣辣脆扑扑。食得出係即炸。而唔係炸完又炸熱O茶～用上茶包嘅熱O茶。感覺升級。

今日出開大埔，費事太夜食飯，所以諗住食埋先返屋企經過呢間餐廳，好大間，門面又好光猛。見佢Dinner set好似幾正又唔貴，一於入去食、醫肚先🤩蘑菇安格斯牛肉芝士漢堡配薯條 $78漢堡一黎到，已經見到佢嘅醬汁满瀉👍🏻正👍🏻蘑菇同醬汁都勁多，好足量😍一咬落去就食到牛肉味好香，不愧係安格斯，味道就係香😋😋漢堡嘅包唔知係咪餐廳自製，因為好特別，除左熱熱地外好鬆軟外，仲好有彈性，麵包有黑芝麻同白芝麻, 一咬就有好香嘅芝麻味係口里邊滲出黎🤤身為配角嘅薯條都唔輸蝕，有薯味又炸得香脆🥰廚師沙律沙律新鮮爽口，除左有醋同香草嘅味道外，仲有蕃茄仔同少量蕃茄蓉，味道好fresh，配一件薄身而大件的Hams，正👍🏻慢煮西班牙杜洛克有骨豬扒伴蘋果蓉 $158豬扒好厚身，因為係慢煮嘅關係，肉質一啲都唔韌，仲好juice，一切就見到有汁流出黎。豬扒肉質唔肥，而且爽口彈牙，肉味仲好香。沾左蘋果蓉后就變左一感覺，甜甜地、好fresh🤗真心值得推介👍🏻👍🏻👍🏻法式海鮮龍蝦湯 +$28 升級法式海鮮龍蝦湯，濃蝦味濃郁得黎又滑，湯入面仲有蟹肉、大蝦同蜆，加少少錢就有個咁正嘅湯，抵呀👍🏻👍🏻+$20 加配2隻炸蠔本身係忌廉芝士

見到呢道咁多好評又咁少負評，諗住夜晚去試下啦，應該都唔會差得去邊掛。入到去環境都ok，坐得鬆動。座位枱面都乾淨，裝修都新淨。佢有dinner set同散叫，價錢比起出面西餐廳平少少。我叫左兩個dinner set，分別係"黑松露牛肝菌什菌意大利飯"(98蚊加一)同埋一個" 慢煮西班牙杜洛克有骨豬扒配蘋果蓉"(158蚊加一)。餐湯係龍蝦湯，味道唔算淡，不過冇乜龍蝦味。不過就有個插曲，我仲有幾啖未飲哂就比人收左，當下有d愕然，不過都算啦。沙律係沙律菜加ham，ham就得一塊細細塊，菜都正常啦係冇乜汁。然後係黑松露意大利飯。我心目中既risotto應該係好creamy好濃既，不過呢個就好稀同冇乜汁，好淡口，而且份量好少，得正常既七成左右，加上好稀所以完全唔飽。我冇影到相，可以參考隔離d 評論。豬扒都幾厚，咬口算爽，面頭有d海鹽同香草，不過本身舊肉咬落又係冇乜味。最過份係蘋果蓉，少到呢…不如唔好寫落個名好過。薯條暖暖地同淋。好彩份量OK，如果唔係我真係要食多餐。埋單290左右，比錢個下心都痛，食d咁既野…呢個價錢出面大把好野食

星期六想搵個地方chill吓！喺屋企附近竟然有一間高質嘅餐廳。內裏裝修行小清新路線，店員都係年輕熱情！呢個set lunch係60蚊至到98蚊不等， 豐儉由人，set已經包咗餐包同埋忌廉龍蝦湯，仲有一杯咖啡或者茶添！但係難得星期六有時間， 就當然想飲啲特別啲嘅嘢啦！所以問佢攞咗drink menu過嚟睇，最終叫咗兩杯mocktail！龍蝦湯及餐包~ 龍蝦湯非常濃味配烘過嘅提子餐包！ 簡單嘅動作奠定咗佢係一間有heart 嘅餐廳！Cinderella~ 甜甜帶有果味嘅飲品，果然比起一般港式嘅飲品更加配合假期嘅心情！ 真係愉快得多！紐西蘭肉眼扒配燒汁飯～ 肉眼非常之淋，而且夠肉味，肥瘦參半，同燒汁簡直係絕配！！香煎鹿兒島黑豚西冷配北海道檸檬鹽烤雞意粉～ 一個主菜可以滿足曬食靚豬同靚雞嘅願望，黑豚同雞皮帶有脂肪 ，一上枱已經聞到油香，吸引力非凡！terimisu（左）～ 唔會太甜質地啱啱好，最怕食到好濕嘅 Terimisu ，呢個係絕對適中！blueberry cheesecake（右）～ 帶有酸味嘅blueberry夾埋cream cheese同埋餅底，三個口感，層次分明，帶出唔同嘅享受！

路過一個餐牌，驚喜發現下午茶餐最便宜的是$28, 沒加一小費，便有一份迷你肉醬意粉配芝士多士連飲品! 這個價錢在茶記，一般只是菠蘿油、油多之類，不會是意粉！於是便決定試試。意粉的醬汁不多，剛好足夠掛上每條意粉上，一點也沒剩。怕水汪汪的人該會讚賞不已，但汁控的我就稍嫌乾了點。免治肉雖有點兒硬和"嚡口"，但整體味道還算不錯的。 一心一意的吃完了意粉後，才吃那片多士；多士還沒放進嘴邊就驚覺次序錯了-- 該先吃包啊! 原因是熱度減退的話，包的質感就會轉差。我嚐了一口 -- 果然包是有點兒韌了，最美味的包該是鬆軟的；而且包上的芝士硬化了，味道當然亦比新鮮時遜色。看到餐茶的茶包是我最喜愛的牌子時，心裏暗自高興。但入口後發覺味道比我喝慣的淡多了 (大概是不同系列吧) 不禁有點兒失望，只好自我安慰：這個時間喝這個濃度的茶絕不會影響睡眠呢!

大埔市中心想搵間西餐廳悠閒啲食返餐，呢間真係唔錯。晚餐選擇多，意粉、飯、漢堡包或扒。我哋就揀咗‘軟殻蟹、蟹肉墨汁意粉’ 及 ‘慢煮西班牙有骨豬扒‘。友人揀沙律，菜新鮮而且仲有片西班牙火腿。而我就加錢要‘海鮮龍蝦湯‘，龍蝦味濃，而且好足料。主菜個意粉好好味，又夠熱。成隻軟殻蟹，拎起佢呢，好多蟹肉喺個底㗎！至於個扒，加咗黑椒喺個面，更加香，但唔會搶咗豬扒嘅味。慢煮，鎖住啲肉汁，唔‘鞋’。另外就單點杯pussy food，幾好飲，唔甜，最怕好似飲糖水多過果汁。輕鬆悠閒傾下計，嘆個晚餐，呢間會再幫襯。

· 大埔食飯飲嘢好去處🌟依排去大埔發現開咗幾多新餐廳個人幾鍾意CAFE 皆因可以坐得耐啲見到呢間💗 WM CAFE & BAR 💗環境清新簡潔好舒服💖食物味道賣相都唔錯👍煙三文魚前菜沙津 好正· ·💎軟殼蟹蟹肉墨汁意粉💎除左會食到咀仔黑炆炆好過癮外意粉嘅軟硬度適中軟殼蟹都幾大隻好香脆··💎忌廉龍蝦湯💎 龍蝦湯夠濃郁仲有粒粒龍蝦肉食，正😋追加套餐忌廉芝士焗蠔2隻外香酥內軟，加埋忌廉芝士一齊食都咪話唔邪惡，食完一隻又一隻會上癮😛··💎黑松露牛肝菌雜菌意大利飯💎黑松露牛肝菌非常香好配合😋食呢個清清地唔油膩又夠惹味最後食番個甜品朱古力蛋糕日頭下午嚟又或者吹下水坐下飲杯咖啡呢度都係一個唔錯嘅選擇!

講飲講食 點可以唔提大埔專做街坊生意既食店真係多到數唔哂近期食得太多中菜 想轉轉食過個西餐望望餐牌 每晚都有set dinner 相信總有一款岩你口味望真d 仲有我最喜愛既龍蝦湯 二話不說就決定要加返個結果冇令我失望 非常香濃 仲有蜆肉食架小食方面叫左個吉列蠔香脆得黎唔油膩 值得加點丫Main 方面分別叫左軟殼蟹蟹肉墨汁雖然食完之後 個咀會黑蚊蚊 但係都值得一試軟殼蟹大大隻放係意粉上面 影得又食得軟殼蟹非常脆口 另外叫左個香煎帶子南瓜意大利飯大大粒帶子煎得非常香口 意大利飯冇我個意粉咁濃味 味道剛好甜點叫左個藍莓芝士蛋糕 同 特濃朱古力蛋糕惠實說 係有d 喜出望外咁努食朱古力蛋糕表層倒落少少暖暖地既朱古力醬落去 非常好味飲品方面其實個餐都包左一杯 不過天時暑熱 都係每人叫左杯mocktail 飲 清暑又解渴

今日晏晝喺大埔約咗朋友一齊食lunch，行過WM Cafe， 因為見到餐廳都幾滿人，同價錢大衆化，所以入咗去試下。 餐廳入面大多數人都嗌咗lunch set，咁我就梗係跟大隊叫 lunch set啦，lunch set又抵。餐前個龍蝦湯，龍蝦味超級濃郁，再配埋佢塊麵包口感一流。 他們粟米湯畀我揀但係我都係加咗龍蝦湯。安格斯牛肉芝士漢堡： 個漢堡其實都幾大塊 ，加上旁邊有好多薯條 ，其實一個人的份量係十分足夠呀 。講番個漢堡，非常之juicy,再加上麵包皮上D牛油非常之香。 食緊個burger每層都係肉汁!Yummy!香煎鹿兒島黑豚西冷扒配 北海道檸檬鹽烤雞飯： 雖然呢個飯係我朋友点，但我試咗個豬扒同埋個雞少少，豬扒煎得啱啱好， 再加上嗰黑椒汁非常之惹味。 個人觉得雞扒好嫩口，D汁吱曬出嚟!另外我叫左兩杯飲品 ，係一個吾錯的點綴.好的食物配個l饮品才是完美的一餐。Iced Latte 除了賣相不错，手调咖啡味突出。 總括嚟講呢間餐廳啲水準不俗。 唔怪之得咁多人幫襯!