影片
更多
2020-03-05
21 瀏覽
之前成日聽講呢間雞翼好正，今日終於有機會試下！雞翼分為乾身同濕身，一共有成14隻味，如果揀放題就真係可以試晒咁多隻，好正啊😍特製有三款，分別係雞翼雞煲，金雞同埋自家製鹹蛋黃！除咗散嗌，仲可以揀拼盤或者放題，任你選擇～乾身同濕身都係$69@6隻，一開始覺得6隻有啲多，想試多啲唔同味道，店員好好人主動提議比我地6隻可以分兩種味👏🏻最後我地揀咗乾身嘅「咖啡香味」同「印度唐杜里烤雞味」，濕身嘅「新加坡辣蟹味」同「日式吉列咖哩味」～雞翼係由法國嚟嘅，肉質好嫩滑有雞味，唔同口味都會有唔同口感，以下會逐一介紹！先講我最鍾意嘅新加坡蟹味，賣相好睇之餘仲好入味，辣度啱啱好，食得好過癮！覺得呢隻味放落雞翼度仲好食過原本炒蟹😂 雞皮唔乾身，咬落無咩油，like！日式咖哩雞翼真係第一次食。。。發現好好食😂咖哩味好香，夠日式！我平時好少食吉列炸物，但呢隻雞翼令我刮眼相看。炸粉只有薄薄一層，但口感超酥脆，食完一around放耐咗再食都仲好脆！高質😋印度唐杜里烤雞味，味道似譚仔嘅土匪雞翼😆到底係有唐杜里烤雞先定土匪雞翼先呢？？點一點旁邊嘅薄荷味汁，感覺好清新～Espresso味比我想像中淡，可能係因為食咗其他味道比
雞翼分為乾身同濕身，一共有成14隻味，如果揀放題就真係可以試晒咁多隻，好正啊😍
特製有三款，分別係雞翼雞煲，金雞同埋自家製鹹蛋黃！
除咗散嗌，仲可以揀拼盤或者放題，任你選擇～
乾身同濕身都係$69@6隻，一開始覺得6隻有啲多，想試多啲唔同味道，店員好好人主動提議比我地6隻可以分兩種味👏🏻
最後我地揀咗乾身嘅「咖啡香味」同「印度唐杜里烤雞味」，濕身嘅「新加坡辣蟹味」同「日式吉列咖哩味」～
雞翼係由法國嚟嘅，肉質好嫩滑有雞味，唔同口味都會有唔同口感，以下會逐一介紹！
先講我最鍾意嘅新加坡蟹味，賣相好睇之餘仲好入味，辣度啱啱好，食得好過癮！
覺得呢隻味放落雞翼度仲好食過原本炒蟹😂 雞皮唔乾身，咬落無咩油，like！
日式咖哩雞翼真係第一次食。。。發現好好食😂
咖哩味好香，夠日式！我平時好少食吉列炸物，但呢隻雞翼令我刮眼相看。
炸粉只有薄薄一層，但口感超酥脆，食完一around放耐咗再食都仲好脆！高質😋
印度唐杜里烤雞味，味道似譚仔嘅土匪雞翼😆
到底係有唐杜里烤雞先定土匪雞翼先呢？？
點一點旁邊嘅薄荷味汁，感覺好清新～
Espresso味比我想像中淡，可能係因為食咗其他味道比較重嘅雞翼之後，唔係好食得出咖啡味。
值得一讚嘅係，乾身雞翼一啲都唔燶，而且鎖緊咗肉汁，食落juicy之餘又唔覺得油膩！
另外，我地仲叫咗好多人推薦嘅灸燒牛油果！
燒過之後嘅味道好正，加埋個酸酸辣辣嘅汁，好開胃。
有創意又好食，牛油果fans決定比滿分❤️
食雞翼又點可以唔配啤酒？
Super Bock偏甜，麥味香，而Gwei・lo 鬼佬就係Pale Ale～
食完已經即刻介紹咗比朋友，同埋book咗下個星期食中環個間分店！
咁好食，又係黃色，點可以唔支持呢？食過一定翻尋味啊😎
張貼
