What The Food Cafe (已結業)

走廊墻身會有可愛既公仔指引你到餐廳,到餐廳後有個很有禮貌和笑容既女職員帶位及幫忙點餐。我和朋友分別點了蒲燒鰻魚蛋包飯和鵝肝黑松露薯餅漢堡包,在等餐期間 餐廳職員很快便為我們送上餐包及羅宋湯。餐包味道唔錯,而且夠熱,我成個食晒 。如果係平時一般果種餐包我最多只會咬一啖。羅宋湯味道就一般,冇咩特別,不過就好多料。蒲燒鰻魚蛋包飯$76依個價錢有依個份量可以算係好抵食。滑蛋炒得唔錯,鰻魚都好大塊同厚身。鵝肝黑松露薯餅漢堡包$108薯餅炸過頭,因此有少少苦味。此配搭油膩感有點重。價位中等位置較為偏遠 去既話最好都係開車,附近泊車都算方便

近年來隱世cafe的熱潮方興未艾有很多更是打著高消費高品味的旗號相比之下我認為以特色小店為賣點的會較為吸引畢竟要試環境優美的餐廳市場上選擇甚多實在無必要刻意去到工廈相反工廈樓底高空間大以特色主題作賣點會更為吸引要到這What The Food Cafe先要過的第一關是交通雖然餐廳是位於粉嶺的工業區但是其實只要乘途經"塘坑"站的巴士下車後步行數分鐘便可到達第二關要過的是身份"審查"在訂位的時候其實職員已經會問你是否該大廈的員工基於一些法例的問題很多工廠大廈的餐廳只能供員工使用面對這儼如女朋友問你她漂不漂亮的問題若果也能答錯的話實在沒有怪責別人之理了餐廳的環境相當寬敞內裡更有樂隊表演的設備實在是善用工廈空間的一個好例子餐牌方面也來得有特色理解香港網絡文化的人看到應該會會心微笑食物方面先來的是餐包和羅宋湯羅宋湯用料十足可惜沒有下鹽味道清淡了一點著名的鰻魚蛋包飯賣相吸引蛋也炒得嫩滑飯的鰻魚汁味很濃略嫌飯裡欠缺鰻魚的味道當然這涉及成本的考量但整體要言也是不錯手打漢堡賣相也相當不錯可是用籠上會有難以切開的問題若果能在落單時問一句用不用預先切開會較好麵包、菠蘿、芝士、醬汁也相當不錯薯角則炸得過久了至

走進粉嶺工業， 原來是十分清靜，而且幾乎了無人煙， 可以舒舒服服地、悠閒地吃過晚餐。坐完lift，正迷茫餐廳的方向時，只要跟著充滿電玩風的卡通走，就會指引你來到餐廳。餐廳內裏空間感大，有日光的時候還可以在大玻璃窗看到戶外綠油油的風景。 在這裏進餐，感覺特別寫意，完全沒有工廈的拘束感。青檸梳打、柚子梳打，味道很淡 、很遜色！是日例湯羅宋湯， 絕不馬虎，足料有水準。用中式蒸籠放著西式漢堡，賣相精美破格！ 漢堡份量十分足料，大大塊燒菠蘿燒得惹味又多汁。漢堡牛肉有驚喜， 喜歡漢堡冇筋且牛肉肉汁被鎖住，並不是又硬又實。 配菜薯角都冇得輸，令人食過返尋味！雖然鰻魚份量只有不足半條，但厚肉，食得出鰻魚質上盛，精髓更在於滑蛋做得相當出色， 滑溜混油蛋漿，在鰻魚及蛋上灑有少許燒汁，而飯底並不是一般的白飯，而是每一粒飯都充滿著燒汁，十分惹味，令人一試難忘。

餐廳位置有少少隱世，入去會問係咪本大廈員工，我會答係。。。。意粉好食，餐湯味濃，地方簡潔，d好細微地方都擺設有心思，湯碗係膠制青花瓷款，連廁所都好卡通。二人食意粉、salad、豬仔骨連飲品260元，不貴。會帶朋友再去。我去的時間係夜晚，樓下保安教我地搭lift上一樓，位置在工業邨工廈入面，真係唔講唔知有餐廳，因為樓下無招牌or指示，服務員姐姐都係後生靚女，手腳快，有禮貌。食物好快到，有歌聽，係拍拖好地方。

今日同開朋友行山，行完出返黎粉嶺就已天黑，就搵下附近有咩餐廳好食，見好多人推介what the food 就試下，但有點偏僻&遠，都係問路人先搵到，而且在工廠區，附近冇咩人，到步後原來餐廳都有唔少人,等左陣就入得首先前菜有羅宋湯，很濃味之後叫左傳說中既鰻魚蛋包飯，好似好出名，一定要試，幾特別，不過我覺得太多汁，好像很肥仲有蒜香大蝦溫泉蛋卡邦尼意粉，蝦很脆很可口，如果多d 蝦同大隻d 就更好,意粉亦重忌廉汁味很美味，值得推介

山長水遠行到去公廈諗住食what the food行到入去職員同我講只開放俾大廈工作既人。咁我只好離開，餐廳唔開放俾其他人唔該早講。我由粉嶺站行去都覺遠，仲要地方偏僻難搵朋希望其他人唔好中伏。

筆者以what the food作飯堂至少十次，自開業捧場至今，所以它必有特別之處，捉住筆者的胃。一般來訪，都必點滑蛋鰻魚飯，吃得太多次，所以今次沒有再選。威靈頓牛柳是看master chef的人必會點的一個菜牛柳略韌，但該菜工序繁複，整體看來性價比很高，還有配筆者很愛的蕃茄醬點炸薯角。另有吃到一半才記得影相的白酒蒜香硯意粉和芒果奶昔，一上枱意粉蒜香就吸引了筆者。 芒果奶昔意外好喝（假如你喜歡飲許x山的飲品的話）

平日晚飯相約朋友補食生日飯，友人話留意左呢間餐廳一排，今日終於可以一試離粉嶺火車站都有十五分鐘路程，沿路都無咩人，餐廳位置都幾偏辟去到工業大廈果時我心諗，會唔會無開/無人食架點知一搭lift上到去就已經聽到好多人聲，哈哈 餐廳裝修都幾用心，牆上有唔同既畫，又有架電單車，幾靚幾有情調我諗中午黎陽光直射入餐廳內又會係另一種風味事不宜遲，即點餐，值得一讚既係，餐湯紅湯好足料，啖啖都有餸威靈頓牛柳原來係有酥皮包住件牛柳一上枱略嫌份量較細，點知一切開，大驚喜雖然切完之後酥皮同牛分離左，但食落好香口，加上有蘑菇粒，估唔到係咁夾第一次食呢到呢種味道滑蛋鰻魚飯，蛋真係幾滑，鰻魚份量都唔少不過少d醬汁好似好味d，而加既汁有d over左但都好食既本身想叫埋甜品食，但點知芭菲果類餐牌有，但就無得供應無得食添杯牛油果奶昔味道都品錯！兩個人埋單價錢好合理，性價比好高～我諗我會再黎呢度幫襯 好食好食

第一次食威靈頓牛柳，明白一分錢一分貨，所以都唔會抱太大期望。食之前睇其他評語話韌到似香口膠，心諗有冇咁誇張。點知，真係難食到不堪回首第一次會食到咁想嘔，話佢似香口膠真係冇誇大，韌到我同男朋友一齊食都放棄左半舊冇食到。所以突登開個account比劣評成碟野最好食就係啲薯角同沙律菜。不過公平講句，鰻魚飯係好食嘅。奉勸大家去呢間食千萬唔好貪得意試威靈頓牛柳。

因為有人睇左電視覺得好食又揸車去試下，超失望！1/限時係無問題，open time明明係寫11點又變左11:30，無問題，野好食的話唔介意等，但一班90後表現唔pro,仲要同我time,只好回一句2/點左個鰻魚蛋包飯同鵝肝黑松露漢堡包 一個芒果益力多沙冰同一杯柚子soda ok先來個餐包同湯，餐包十分我比七分因為真係好食，個包鬆軟外皮有咬口，但個羅宋湯超辣，唔知想點，之後野飲到，芒果益力多沙冰似藥水有兒時咳水feel,柚子soda無咩氣但好甜，我估佢係用七喜，再加個攪極唔混的柚子蜜成為一杯超甜飲品，老實講女仔可能會喜歡，但我實在飲完仲口喝，，，，3/鰻魚蛋包飯先到，成件事錯晒，佢係蛋勞飯，唔係包飯，自問都煮開野又周圍食都知實甜爆，喜歡燒汁朋友會勁like因為個飯應該都係落左燒汁，加個無味蛋，外加一塊超多汁鰻魚，加起上來超超超甜，我身邊女仔都甜到頂唔順！！！4/個黑松露鵝肝漢堡居然要我等左一個鐘，好啦，如果好食都無所謂，一來到，，，，點解係變左魚柳包外加大蕃茄outlook,算話唔定好食，先來個大啖咬，，，，omg,,,,,,感覺一pat野，再望返個包，，原來唔係魚餅，係個好

黎到粉嶺工廈搵呢個隱世蛋包飯 想食十世因為係蛋包飯控 所以真係想食好耐好耐蒲燒饅魚蛋包飯 ($76)蛋包飯包住係入面既豉油飯底好味到傻個滑蛋再加埋個饅魚汁真係可以添多十碗飯個蛋滑到我差d跣親 絕對無誇張btw個跟餐既羅宋湯好足料入面好多菜好濃味 唔係hea貨個包都係高質包推介另外媽咪就嗌左紐西蘭肉眼牛扒配薯菜 ($108)個牛扒唔算特別好食 唔太值過百蚊爸爸嗌左廚師沙律($96)好足料 有成4款主要既菜(西冷牛片、青蘋果、煙鴨胸同煙三文魚)配埋一齊 絕對唔洗擔心齋食沙律唔飽同埋d材料都幾fresh幾好味西冷牛切左薄片仲好味左環境幾舒服 只係離火車站太遠都可以再黎

真正隱世cafe，唔係黎開粉嶺都唔知幾時會食到☕️首先粉嶺我咁大個都係第一次去😂而且地點係工廈，係mtr仲要行多10mins，沿途又冇乜人，好似行左去世界盡頭咁😂蒲燒鰻魚蛋包飯🍳($76)，不枉我山長水遠黎到，淨係賣相已經好吸引😍上面放左半條燒過既鰻魚，好肥美又啖啖肉夠入味🐟滑蛋份量超級多又嫩滑有蛋汁，估計都有3隻蛋🤔切開滑嘟嘟既瀑布蛋，入面包住用燒汁調味過既飯，好香麻油味😗最後仲淋上照燒汁，味道濃郁食落唔會乾身 😛lunch仲包埋餐湯、麵包、飲品同甜品💁🏻勁飽勁滿足💗

估唔到工廈入邊都有咁特別同幾浪漫既cafe, 而且價錢合理，雖然份量就屬一般(唔適合大胃王)呢問名為WTF( WHAT THE FOOD) 唔好諗衰野, 唔近火車站,要近10分鐘有多,但偏偏就係好多人識,好多人去最出名係鰻魚蛋包飯,好多人都係為左呢個飯而黎,當然我都唔例外,專登黎朝聖鰻魚燒得好香味道調較得剛剛好,蛋食落口好濃蛋味同好滑唔會太乾,最特別之處係呢度既飯,因為混左照燒汁咁煮,好有鰻魚味,大家可以試下蛋,鰻魚同飯同一時間食,真係無得頂!!!漢堡飽份量足.大大份,而且充滿肉汁,超JUICY, 薯仔都好味

朋友神神秘秘咁帶我地去座粉嶺工廈 距離火車站大約十五分鐘路程 行過去果陣都要成條街都無咩人 靜英英 心諗個fd係咪玩我地 好彩朋友無介紹錯💗1️⃣香煎帶子配黑松露意粉帶子大大粒 唔會煎得太熟 幾鮮味 黑松露可以再多啲2️⃣威露頓酥皮牛柳配薯菜塊牛柳好厚 煎到好林好有咬感 加埋酥皮食 一脆一軟 係個幾得意既配搭 呢個酥皮牛柳入面仲加左少少黑松露 點埋自家製既蜜糖芥末醬 好特別3️⃣明太子雜菌忌廉意粉 好濃好入味 配料份量都好足 超推介4️⃣wtf醬燒豬肋骨（原味bbq醬+蜜糖芥末醬）呢個真係好出色 個ribs軟硬度適中 煮得好入味 個意粉都有淡淡既忌廉香味好推介大家去試下呢間用美式漫畫做主題既特色cafe 環境舒服 店員都幾nice😛 每人跟set送左碗羅宋湯同黑芝麻味餐包 足料又醒胃既😏

好值得重來的餐廳。今次試小食同甜品。一個特別的名子⋯"蘇格蘭塲非工業用小食拼盒"非試不可登⋯登⋯登⋯估下係士巴拿定螺絲批係炸雞翼 、薯角 、蝦 、魷魚圈呢個魷魚圈很有驚喜。估佢吾到咁爽口 非一般魷魚圈呢個芒果拿破崙 都好特別。個芒果雪到結冰，不是一般芒果質感。很滿足的悠閒下午