What The Food Cafe (已結業)

終於一試 wtf cafe既鰻魚蛋包飯～加左鰻魚汁就緊係好食 如果啲蛋無咁熟多啲蛋汁會仲正 個鰻魚都好軟身好好味叫左另一個蜜糖芥茉醬既豬肋骨 係我成餐最鍾意 完全令人眼前一亮 啲肉好腍 個味好濃好滋味然後嗌左芥茉意粉 但就唔太岩口味 真係得個wasabi味（感覺唔太match 可能會叫呢碟既都係咁樣食開wasabi味既餸既？）-係粉嶺站行去唔係好耐 十分鐘左右裝修很美 有超人wallpaper 外面個牆亦有mario裝飾去到就會見到！-另外仲有一次食 每人一碟意粉

今日放假同媽媽出去食lunch，今次黎到工廠區。附近杳無人煙既感覺，但當上到去聽到好熱鬧既聲音，原來餐廳入面好多人，感覺都幾受歡迎。內裏空間感大，我地住左近玻璃窗位置，望出去會見到綠油油既風景都幾寫意舒服。🍞餐包餐包微暖，食落唔會覺得乾，反而軟熟好食。🥄羅宋湯真材實料，每一啖都食到豐富蔬菜，紅蘿蔔、薯仔、蔬菜粒、蕃茄等，仲有大粒牛肉塊，香濃開胃，超級足料丫。🐥芝麻雞翼$50/4炸得十分鬆脆，芝麻香口，肉質夠嫩，媽媽最愛。🍛蒲燒鰻魚蛋包飯 $76鰻魚肥美肉厚，汁濃郁帶甜，無魚腥味。滑蛋做得出色，非常滑嫩，入口軟綿。 裏面係帶少少甜既珍珠米，個人唔太好甜既飯，所以覺得一般。整體份量相當大，一個人食哂應該會飽死。🐖WTF 醬燒豬肋骨 $76醬料有3種：BBQ / 蜜糖芥末 / 咖哩可以配：白米飯 / 意粉 / 薯菜最後簡左芥末醬，帶甜又帶辣，豬肋骨肉質軟腍入味，啖啖肉。不過媽媽就覺得個醬太刺激，唔太接受到。意粉伴上忌廉汁，加上蘑菇洋蔥等，飽肚好食。🍓草莓千層酥伴雪糕 $40雪糕口味有五種：雲尼拿，綠茶，朱古力，豆腐，曲奇，簡左豆腐味。賣相吸引，中間包住雪糕球。食落好有層次感，口感鬆化，吉士醬

週邊環境好差，成間舖得幾枱客，一坐低話用餐時間45分鐘，落晒單，湯都嚟埋，嘢飲都嚟埋先話呢樣冇嗰樣冇，印象好差，既然得嗰小貓三四隻，侍應有咩理由喺落單時唔知咁多嘢冇？嘢食唔熱，唔好食！唔會再嚟！

朋友係咁話呢間粉嶺cafe超級好味 身為食貨梗係要去朝聖😎牛排性價比高 但係都無咩特別 後面個鰻魚蛋包飯真心不得了 鰻魚份量多非常鮮甜 蛋濕潤岩岩好 load埋一齊食有鰻魚既鮮味同蛋香 非常贊👍🏻同場呢個鵝肝漢堡都非常高汁 入面仲有菇 芝士 菜咁 一啖咬落去勁滿足喊埋小食同野飲 真係perfect池既一餐 去到粉嶺都值得！

好開心屋企附近有間甘正嘅Cafe，置身於工廈，內裏裝潢好潮，好寬闊，座位好舒服，服務態度超好，最緊要有種拋離繁忙都市的壓抑，呢個感覺不用去旅行都感受到👍首先一定要點蒲燒鰻魚蛋包飯，燒好嘅鰻魚被超正嘅鰻魚汁緊緊抱住，鰻魚表面小小脆，內裏好滑，再加埋滑嚕嚕嘅蛋一齊食，可以直呼好味好滑鰻魚肉好滑好厚身，好肥美，蛋系整得超好超滑，蛋味好濃，紅米飯好有營養。餐湯係羅宋湯，好足料，小小酸好開胃🤗餐包鬆軟，唔錯👍多款唔同嘅飲品任我選，真係好多都好吸引，我最後選左朱古力咖啡，加一包黃糖的份量就岩岩好喇，好醇香嘅咖啡，朱古力味又調放得岩岩好，唔會搶曬咖啡嘅味道😘👍好好飲。甜品無理由唔食焦糖燉蛋嘅，精緻賣相，蛋好滑，好濃嘅奶味，好香蛋味，焦糖乾脆，味道好夾！份量岩岩好呢餐真係好正，女生侍應又好靚女，服務態度又超好，下次聚會都去呢間。👍

Cafe位於工廈入面，比較隱秘。由火車站行過去都有一段距離，所以我地選擇搭的士入去，直接係工廈門口落車，搭𨋢上一樓，沿指示就可以搵到。星期二的下午2點半入座，除了我們就只有另一枱客人，完全是包場的感覺😸我們選擇了靠窗邊的梳化位。睇過之前既食評，呢度必點既係蒲燒鰻魚蛋包飯同埋威寧頓扒。但威寧頓扒已經冇再賣，唯有轉戰紐西蘭肉眼牛扒，要左7成熟配黑椒汁，另外叫左杯焦糖脆脆咖啡冰沙，每份餐都會配餐包同羅宋湯。餐包上枱係凍既，餐湯都唔夠熱，有小小失望。但幸好咬落軟綿綿，配埋足料羅宋湯，挽回一點分數。冰沙上面既焦糖脆脆好正，好似食緊叮叮糖咁，咖啡同冰沙比例岩岩好。但脆脆要趁早食，浸耐左會變林，影響口感。出面比較小見呢款飲品，建議可以一試，相信你會喜歡。先黎既主菜係蒲燒鰻魚蛋包飯，份量十足，相信用左起碼兩三隻蛋。先食一啖蛋，炒得好滑，但食得出有陣油味，相信落左唔小油去炒，確保蛋夠滑唔易乾。輪到鰻魚，呢個價錢都俾到咁大條認真唔錯。鰻魚無骨值得一讚，而醬汁調配都得宜，唔會一味死咸。飯都用左醬汁先炒再上碟，所以每一啖都好滋味，心思位加分💯一啖滑蛋一啖飯一啖鰻魚，連我咁細食都食得哂成碟👅之後上埋個肉眼扒，意

真係要多謝女朋友成日幫我手搵好野食，連今次咁偏僻的地方都俾佢搵到。星期日的工廠區四周圍都好靜，唯獨係呢度仲有唔少人氣。 餐廳名玩食字用左接近粗口，擺設都有唔少二次創作的元素，環境闊落。本來想叫佢「頹飯」入面果堆野食，因為平d，但係星期日唔供應，似係俾平日返工人士點的。 最後自己揀左蒲燒鰻魚蛋包飯，因為見多人揀。鰻魚有兩條。汁比較多同偏甜，蛋比較滑，似滑蛋飯多過蛋包飯，不過好味的。 女友要左份香煎帶子黑松露燉飯，帶子有三粒，都幾大下，係咬落有少少韌，似意大利飯，帶有好香的黑松露味。 最後叫左份「非工業用小食拼盤」，亦都係最gag果樣，因為佢真係用左工具箱黎上，入面裝左四款唔同的炸物：炸薯角、蝦、炸魷魚同炸芝麻雞翼，伴泰式辣醬。最好食就炸芝麻雞翼，因為上到黎係最熱，炸到唔太淋又唔太乾。蝦就唔算好大隻，炒到個穀好淋可以一齊食埋，椒鹽味好香。炸魷魚有少少失色，可能係炸得太多或者擺得耐左少少，外面果層炸皮幾硬下。 整體黎講野食水準ok，不過因為地方太遠要搵到呢間野都唔易。

Went in for lunch, this place was located inside an industrial building.I wanted to order the foisgras burger but they said the froisgras was sold out.So we gone for the Australian ribeye (medium rare) and the garlic shrimp pasta with poached egg.The ribeye was served well done and it was flavorless. This is the worst steak I've ever had.The pasta was OK but because of the poached egg the sauce become watery, instead of creamy.Maybe remove some egg white before serving?Would not come here again.

位於粉嶺工廠大廈 ,由粉嶺火車站行去大約十分鐘上到一樓開始見到門口有特別的牆身佈置別懷疑就係佢入到去係另一美味天堂由於一早訂位所以唔洗等仲有 梳化位點完餐,侍應隨即送上熱辣辣ga包再加上非常足料堵ga羅宋湯從小小ga餐湯睇得出佢ga誠意鰻魚蔥油卷($58)好創新的配搭香脆可口的蔥油餅配上肥美堵ga鰻魚GD!!. 加埋生菜中和當中ga肥膩好多時出面的餐廳只有中間有餡料,頭尾只有配料但係LE度絕不欺場,由頭到尾都係肥美ga鰻魚豬肋條(蜜糖芥末)配薯菜 (店主推介) ($76)有3種醬:原味芝士蜜糖芥末原本我想食芝士但係可惜售罄><”唯有試蜜糖芥末豬肋條配上蜜糖芥末出奇地夾再配上條條香脆ga薯菜更加加分黑松露帶子燉飯($108) 香濃ga黑松露味又大又肥美ga帶子煎得咁恰當好處意大利飯配上ga各種香菇口感味道更豐富朱古力沙冰 (+$18)Hot latte (+$18)連加一先係$306，cp值高有質數!下次要試埋另一主打 滑蛋鰻魚飯同甜品

難得同男友食飯，緊係發掘下d好野食啦！ 今次黎到粉嶺嘅工廠大廈，呢間係朋友推介俾我的，話性價比高，有我最想食嘅威靈頓牛入到黎見到有3張sofa位坐即刻霸住。但望下餐牌先知威靈頓牛已經無了希望佢快d推出番啦！！！！我同男友簡簡單單食左個risotto 同埋兩款甜品餐包鬆軟，麥味香羅宋湯好surprised!! 好多料之餘，有幾塊牛肉 估唔到餐湯咁有誠意！香煎帶子黑松露燉飯$108最鐘意食risotto帶子大粒，煎到兩邊金黃，食落一啲都唔鞋 。飯粒偏稔，但勝在入味。問店員拎碟，剛好黑色碟 配飯很美 所以忍唔住影下相心太軟，一切開就洗晒d朱古力漿啦！！ 雪糕有幾款口味揀，我揀左雲呢拿。雪糕之下係忌廉，口感更creamy芒果拿破崙，兩層酥皮好脆中間同埋上面都鋪滿芒果，上面有cream, 中層好似係吉士，再淋上芒果漿。甜而不膩，比想像中加分！！跟餐加$30有水果茶，好多水果：桃、士多啤梨、橙、椰果、柚子，茶有花香味呢個價錢我覺得好抵！ 甜度適中可惜我同男友黎之前食左d小食，如果唔係就試埋其他野！ 呢幾款都無令我失望值得再試！

個friend之前介紹係粉嶺工業區有一間西餐，觀塘同葵涌嘅工廠大廈之前都會有驚喜，今次山長水遠黎到粉嶺希望有好嘢食啦佢個地點唔近火車站要行大約15分鐘左右，如果揸車去就真係方便好多，佢裏面環境都好寬躺舒適, 完全同佢工廠嘅格局不符合個羅宋湯真係好足料，有香濃嘅蕃茄同牛肉味，同平時出邊飲嘅湯好大分別脆皮開心果烤羊架，烤到佢嘅開心果表皮好鬆脆，食落個皮甜甜地，好香開心果味D羊肉煮到粉紅色，幾嫩！ 但羊架本身不嬲都無乜肉，唔夠喉呢個我覺得真係幾有特色，我開頭都唔知係咩黎，原來佢裏面係小食拼盤成個感覺真係好有英式風味炸魷魚圈脆口彈牙芝麻雞翼放題就食得多，估唔到呢度嘅芝麻雞翼都好好食，炸到咁脆都可以keep住雞翼嘅肉汁熱情果益力多碎冰果味清新配搭香口嘅小食拼盤真係一流心太軟，朱古力非常流心而且表皮係鬆脆，內裏嘅蛋糕係半熟狀態工廠區可以食到咁多款式嘅食物，價錢都值得再去

星期日晚，同行友人剛從北京出差回來。辛苦了一星期，吃了很多中菜，不想去太遠，決定在偏遠的粉嶺找好吃的東東。粉嶺沒有太多好吃的西餐，這一間位於粉嶺工業區工業大廈中的小西餐廳。之前已經來過一次吃午飯，覺得不錯，再來試一試晚飯。提一提各位，工業中心地址比較難行難揾，如果沒有開車，建議在粉嶺地鐵站坐的士。餐廳裝修算有心思，有牆上的繪畫和食物照片，很多都寫了WTF不過由於係開放式廚房，本身地方又唔大，所以比較長，如果想二人世界嘅朋友就諗諗先喇。本身以為星期日夜晚冇咩人會特登入工廠區食飯，但門口竟然不斷有人排隊，全場爆滿，所以都要等一陣。如果夜晚過嚟食，建議都係訂枱比較穩陣。🚶🏻🚶🏻🚶🏻🚶🏻🚶🏻Signature的威靈頓牛扒沒有了，有點失望羅宋湯每一個人都有，好濃好入味，有好多餸有牛腩、薯仔、蕃茄，夠熱，同行友人飲完好開心。紐西蘭肉眼個牛扒煎得啱啱好，點餐時叫7成生熟適中，肉質都OK ,但因為黑椒汁味道太重，搶了牛肉本身的鮮味。反而係個意粉水平幾高，乾身之餘唔會有太多忌廉汁將住。香煎帶子黑松露燉飯- 同行友人想食呢個係全場最貴嘅飯，因為有黑松露，但好可惜，完全冇黑松露嘅香味或者味道。不過，帶子好厚

個個都話隱世 真係個個都隱世咩 觀塘工廈愈開愈多餐廳 大部分都附地鐵站好易去 今次第一次夜晚黎粉嶺工廈區 落巴士行過去段路又黑又冇人都幾得人驚 不過一上到一樓就聽到好熱鬧 沿路入餐廳幅牆畫左得意公仔 入到餐廳個下感覺探險完終於尋到寶見識到真正既隱世點完兩個main就上左餐包同湯 望落係普通蘑菇忌廉湯 但飲落蘑菇味唔係好重 反而係有d好似係雞湯既鮮味 湯入面有蘑菇絲同肉絲 個餐包拎上手係微暖架!! 入口甜甜地又好軟熟 非常特別 我以為係黑糖 因為個甜味好特別 之後埋單八掛問店員可唔可以買到 佢話我知係自家製既蜜糖包 佢地另外仲有整芝麻包 (見我咁為食靚女店員話請我試下 不過食到太飽就冇貪心試喇 留番依個期待下次黎試!)比起公式化既餐包餐湯 依度既餐包餐湯都睇得出佢地既心思 係咁細微既野都用心做 未食main都已經鐘意上依間餐廳了第一個main - 紐西蘭肉眼 (黑椒汁 五成熟 配薯角)我一向食開七成 (朋友食開三成🤦🏻‍♀️) 所以打和要五成 切開見到好紅既肉有d怕 不過食落發現完全唔腥 而且好多肉汁同好淋 個黑椒汁甜甜地又唔會搶左個肉味差唔多食完就上左第二個main (私心覺得係店員見

睇到個名，估計應該係一班年青人創業嘅餐廳，全場嘅 staff 大部分都係後生仔女。我比較支持呢 type 嘅餐廳，支持有夢想兼肯試嘅年青人。其實已經嚟過幾次，覺得應該要寫返篇食評，不過幾次都唔記得影相。睇 openrice 話佢哋開 11 點 ，我哋 11 點 3 到達，但其實佢哋係開 11 點半，當時佢哋食緊飯，不過佢哋都比我哋入座坐低先，所以做咗今日第一個客人。到咗 11 點半過啲啲，佢哋主動嚟幫我哋落 order，值得欣賞！🖒嘢食方面，首先佢每個餐都有羅宋湯，飲過幾次都有牛肉粒，感覺上好足料。不過如果可以有忌廉湯選擇就更好，因為唔係人人都飲羅宋湯。今日我叫咗個白酒香蒜蜆肉忌廉意粉，基本上我次次都係叫呢個，因為真係好香好好味不過唔知係咪改咗食譜，覺得今日好似有啲唔同咗，啲蒜重咗好多，我覺得之前啲蒜嘅份量已經足夠。而老公今日就叫咗個明太子蟹棒忌廉意粉，我試咗少少，都幾好味。另外，老公叫咗杯朱古力咖啡，不過我無試味。之前老公叫過芥末煙肉野菌意粉，都好好食，不過無影相。食物好味，環境幾好……可惜今日食食下有 4 位大媽嚟幫襯，坐正喺隔離枱，對啲 staff 既無禮貌又無知，大煞風景。如果

雖然在工廠區，但附近有咪錶位，我們駕車來也很方便。去到門口看見一幅幅的馬賽克拼貼，很有趣，為工廈增添不少藝術感。點菜後首先送來了一客麵包及羅宋湯，個包還是暖的，外脆內軟，十分好味羅宋湯湯料有很多蔬菜及肉，用料十足鰻魚蛋包飯，鰻魚好味，蛋很滑，這個配合十分之夾，很美味，不愧為店中熱門食品。煙鴨胸意粉，味道很好，忌廉sauce 不像其他店那麼膩，第一次吃到這麼有水準的意粉。之後來了一客小食拼盤，它的賣相給我們驚喜，初時以為是一寶盒，點知真的內藏美食寶藏，內有炸薯角、炸魷魚圈、炸芝麻雞翼及煎蝦，份量十足，我們四位也吃不完。最後點了一客草莓千層酥配曲奇雪糕，從這甜品看得出廚師的心思，因為雪糕是藏在甜品內，酥餅與雪糕二為一體，而且酥餅與cream的比例十分恰當，配上草莓肉及草莓醬，酸酸甜甜，提高了味覺的享受。不得不提是店員的親切態度，服務一流及有禮，令我十分滿意這晚餐，下次必會再光顧。