Walter Bistro (智選假日酒店)

營業中

休息中

位於holiday inn express入邊嘅Walter Bistro餐廳有半自助式晚餐供應，價錢為成人$528加一不過有75折優惠。地方係鬧市區都幾方面，而餐廳環境乾淨、光猛，坐落食落都幾舒服。職員都頗有禮貌而且甚為親切，有密切換碟同埋介紹下食物嘅種類等。🔷半自助晚餐 💰528Main Course 種類有肉有飯，又有海鮮有意粉，都幾多元化。一坐低就有每人一盅靚湯同半隻龍蝦，可以暖下個身先。🔹香煎帶子意大利飯Pan-Fried Scallop Risotto呢款Risotto都幾creamy 不過又唔會覺得濟，飯粒珍珠米而份量適中，岩哂自助餐嘅份量。主角帶子有3大大粒，鮮味十足。🔹烤肉眼扒配薯仔及新鮮蔬菜 💰+38Roasted Rib Eye with Potatoes & Vegetable肉眼扒要左5成，廚師烹調得恰到好處，話5成就5成，切落無血汁但牛扒中心又保留到原生肉感覺，口感柔嫩又無過份調味。🔹自助式食物自助式食物分左幾個部分，其中有冷盤、頭盤、熟食、刺身、甜品等，走一轉食到個肚都脹哂。餐廳有多款火腿同芝士，亦有烤麵包機配中、西式湯，食到好滿足。冷盤部分有任食生蠔，生

見到呢個題目梗係覺得係咪要介紹啲好貴嘅自助餐俾咁多位朋友仔呢？👦🏻介紹得嘅梗係滿足性價比架啦，咁岩朋友生日去慶祝，$4xx就可以任食生蠔、長腳蟹腳、螺、凍蝦、蟹、壽司、熱盤、頭盤、生果、魚生、甜品、movenpick雪糕，再加一道主菜同一杯飲品，另外而家每位仲附送半隻龍蝦同一盅燉湯，呢個價錢真係邊度搵？🤤呢間餐廳位於觀塘嘅酒店，同apm都係步行大約5-10分鐘，所以都幾方便😍一坐低就行左一個圈睇有咩食，相信大家都會食咗海鮮先，生蠔鮮甜亦都有海水味，都無咩點食到蠔殼，清洗得幾乾淨，最後都食左一打🙈、而長腳蟹腳、螺、凍蝦、蟹都好食，尤其鐘意食巨大嘅蟹鉗，好厚肉🤤另外送嘅半隻龍蝦肉質彈牙，一啖食晒好滿足，而燉湯都幾足料而且唔會好濃味，作為開頭可以暖下胃先🥰主菜方面就揀左牛尾同埋烤西冷，兩款主菜都幾高質，尤其係烤西冷嘅肉質好鬆軟，配菜嘅薯蓉同薯仔都好食😋甜品方面最鐘意食佢嘅焦糖燉蛋同埋任食嘅movenpick雪糕❤️鐘意食海鮮嘅朋友仔睇黎又多一個九龍東嘅好選擇啦☺️評分：8 / 10

今晚終於去食左最近呢間係IG好紅又抵食既Semi buffet dinner😍 因為星期一至四晚市有75折，所以加一前只係$396😍😍就有Main Course + 任食生蠔、海鮮、刺身、熟食、甜品... .餐廳位於觀塘Holiday Inn Express CBD一樓，餐廳其實唔係好大間，大約只放到25張枱左右，所以都要預早一星期左右訂位先有位，正價係 $528 (折後$396）.▪️Main course 烤肉眼扒配薯仔及新鮮蔬菜(+38)香煎油封鴨髀配意大利玉米蓉及蔬菜黎得食Semi buffet , 本來對Main Course都無咩期望，但係個RibEye真心正，叫Medium Well岩岩好，牛味好香又濃味；香煎油封鴨髀就無咩特別，個玉米蓉就幾好食，不過要留肚食Buffet所以都剩返DD 🤣.每位包半隻龍蝦同一客燉湯，重點既生蠔😍當日係愛爾蘭生蠔🦪，有廚師一路幫手開生蠔，每碟放2隻，生蠔比較重海水味同Creamy，真心我成晚剩係生蠔都食左50隻 回晒本😜😜.老老實實呢間Semi buffet既種類真係唔算多，主要都係食蠔同海鮮，所以特別要推介個凍蟹、長腳蟹、翡翠螺、大蝦😍 呢

官塘新開半自助餐，環境都算舒服，可惜食物款式種類選擇較少，沙律菜只有一款，無配料可供選擇，格仔餅只能配cream,沒有其他，魚生及甜品選擇都少，除非是生蠔及蟹控。

為左慶祝男朋友升職🥳所以我地專登去左食自助餐，今次我地近近地揀左觀塘區既酒店，揀佢既另一個重要原因就係因為佢做緊Openrice訂位七五折既優惠。酒店環境勁靚！牆身係我最鍾意既Tiffany blue❤️而且座位之間有一定既距離，坐得都好舒服。而且哩到既海鮮夠新鮮，自助既食物都有質素，仲要有得任食生蠔同movenpick雪糕❗️❗️❗️🦞🥣每位客人會有半隻龍蝦同一盅燉湯。龍蝦肉新鮮彈牙，蝦膏頗多。燉湯火喉十足，清甜潤燥，無加味精，亦唔油膩。半自助晚餐主菜五選二，我地揀左：🎈香煎帶子意大利飯有三大粒帶子，每粒都煎到金黃，內裏半熟，火喉啱啱好。而意大利飯用上大量芝士同忌廉烹製，味道香濃，米飯偏硬，口感煙靭好食，值得推介👍🏻🎈香煎雞胸配薯仔及新鮮蔬菜雞胸烤到金黃，胡椒味同香草味濃，雞肉完全冇脂肪，啱晒正在健身中或減緊肥既男女生。出邊有好多唔同種類既冷盤、沙律、海鮮、壽司、熟食同甜品，以下幾樣係我特別推介嘅😆🎈生蠔🦪生蠔新鮮，有淡淡既海水味，🎈剌身🍣三文魚、吞拿魚同帶子都新鮮肥美，八爪魚彈牙爽口，當中最推介帶子刺身。🎈翡翠螺鮮味彈牙，有海水味，肉質爽甜，配上辣椒仔能提鮮。🎈海蝦🦐煮得啱啱好，蝦肉結實，

Walter Bistro 的確係官塘食dinner嘅好去處，原因係環境清靜，枱與枱之間寬闊，唔似得附近啲大型商場餐廳又話要限時，枱與枱又好迫咁。呢度係食半自助餐，其實都算幾好，有即開生蠔，長腳蟹，帶子刺身，龍蝦，movenpick ice cream，燉湯，翡翠大螺，主菜可以再揀一樣，真係好多我中意食嘅嘢，餐廳6:30pm開始可以食到9:30pm,真係乜都夠皮，啲嘢食質素真係算幾好，埋單仲有75折，每人450左右，真係超值😋😋😋😋😋👍🏻

好耐冇食過自助餐，但係又唔想食到太飽， 見到呢間餐廳推出咗半自助餐，正合我心意！每人會送半隻龍蝦、燉湯！非常名貴嘅食材🥰龍蝦好多膏！！燉湯更可以滋補身體，提升免疫力， 對抗COVID🥰主菜有5款比我揀！💞新鮮車厘茄伴香煎大蝦扁意粉有兩隻大蝦，肉質幾爽~茄汁吸收大蝦嘅精華更添美味🧡❣️💞香煎帶子意粉好可惜今日冇意大利飯🥲醬汁就比較清淡，以白汁為主~另外，帶子煮出鮮甜味，3粒都有豐厚的肉身，有驚喜！去到自助餐區域，其實都好多種類，而且都好夠飽！特別推介任食生蠔🦪鹹鮮甜美，帶有少許海水味😋海鮮:有阿拉斯加長腳蟹、加拿大翡翠螺、波士頓龍蝦鉗等等，非常新鮮！當然唔少得香港人至愛嘅日本刺身~沙律吧、中西式湯、熱葷都無限量供應！特別係熱葷冇曬有機會推出另一款，所以隨時會有新款菜式駕到！最後當然要狂食movenpick確保回本🥰🥰🥰今次食得幾愉快，職員都會成日收碟，refill得幾密，餐廳以藍綠色為主調，帶比人柔和舒服嘅感覺🤓❣️

太耐冇出街食好野，如果要揀嘅話，就一定要食buffet，所以就揀左依間，佢係semi-buffet，每人都係$422。依間酒店係工廠地方，其實好少酒店會開係到，係幾有趣嘅配搭。入到去地方都幾寬，夠私人空間。👩🏻‍🍳主菜每個人都可以揀個主食，係常見西式餐有嘅餸菜，今次揀左燴和牛面頰配薯蓉同香煎大蝦扁意粉。「面珠登」不嬲都係最腍嘅部位，食嘅時候就感受到肉嘅軟腍，食落有油花味，仲有少少膠質，好似快溶係口到，而薯蓉食落幼滑如絲，好鍾意個口感。香煎大蝦扁意粉都唔錯，佢用嘅蝦係有蝦膏，同時都幾大隻，咬落仲幾彈牙鮮甜，扁意粉有酸甜嘅茄汁，總體成個意粉都唔錯。-👩🏻‍🍳海鮮魚生依間嘅主打係海鮮，佢有唔同嘅海鮮可以揀，最重要係任食法國生蠔，佢嘅生蠔肥美又爽甜，食多幾隻就值回票價。除左可以食生蠔，佢仲每人送半邊冷盤波士頓龍蝦，隻龍蝦有好多膏，啖啖都係肉，佢嘅肉爽口，非常好味。龍蝦鉗、翡翠螺同長腳蟹都非常新鮮，仲可以任食。魚生壽司都同海鮮一樣咁新鮮，佢有三文魚、帶子、八爪魚同吞拿魚，仲要即叫即切，特別係三文魚同吞拿魚，佢地係厚切。-👩🏻‍🍳熟食唔食生冷野，都可以食熟食，蔬菜同肉類都有。最特別嘅係，佢每人都會

位於觀塘巧明街智選假日酒店內的「Walter Bistro」西餐廳，晚市時段設有半自助晚餐，成人收費每位$528，最高可享七五折優惠自助餐區域設有凍肉及芝士冷盤區、壽司刺身、凍海鮮、沙律、熱湯、熱盤、甜品、蛋糕、水果等等，款式種類頗多先有源源不絕供應的新鮮生蠔🦪每次可以拎兩隻，唔算好大隻，但係勝在夠新鮮芝士及凍肉各有兩款，配以蜜瓜、乾果及餅乾日式刺身有吞拿魚、三文魚、帶子及魷魚，壽司也有數款，每款都好鮮味精選凍海鮮有：蝦、蟹腳、螺、凍蟹、龍蝦鉗等等，款式都幾多每位有波士頓龍蝦半隻及花旗參燉湯一盅。龍蝦都幾厚肉，頗鮮甜！花旗參燉湯好足料，湯頭充滿花旗參的甘香燴和牛面頰配薯蓉及新鮮時蔬和牛面頰肉有兩大件，半筋半肉，炆得香軟又入味，同時帶有彈性，好好食呢！伴碟嘅薯蓉勁香牛油味，邪惡誘人新鮮車厘茄伴香煎大蝦扁意粉車厘茄扁意粉，酸酸甜甜好開胃，意粉都幾彈牙，伴香煎大蝦，飽肚滋味之選最後甜品有桂花糕、木糠布甸、紅豆糕、香蕉蛋糕、提拉米蘇、麵包布甸等等，賣相精緻，甜度適中

環境清靜，侍應服務態度良好，好可惜是第一次嘗到自助餐不足夠雪糕分配，並不是每位顧客都可品嚐，當時有另外幾枱食客同時投訴後，職員作出跟進後補償各位客人自家制雪糕，另外自助食品種類不足，生蠔味道欠佳，而且生蠔開後放櫃台上等食客取，可能温差令生蠔鮮美降低，甜品亦有需改善， 桂花糕味道有點怪怪的， 綠茶糕沒有綠茶味，其它糕點亦需改善，主菜帶子意大利飯味道適中，西冷牛扒肉質尚可但牛味欠佳，牛面頰夠霖不過形態很似雜碎。

種類繁多的半自助晚餐，位於觀塘鄰近地鐵站，令好多鍾意食嘅朋友都為之雀躍，海鮮類、刺身類、甜品類、意粉、意大利飯、牛扒、雞扒、魚，裏面都一應俱全，應有盡有，令人食到抱腹叫好😋.晚餐主菜另加$30揀咗烤西冷牛扒200g（五成熟），火候啱啱好，肉質juice且調味亦好配合，實在令人回味。.$528 + 10%，星期五六日公眾假期有25%off, 為番500到一位，有咁多嘅選擇又有即開生蠔，而且裏面環境舒適，無論慶祝節日，朋友晚餐共聚，都係值得考慮嘅地方。

***觀塘***Walter Bistro*** 抵食生蠔半自助晚餐，平時食開自助餐都好多人，觀塘黎間酒店晚自助餐因為餐廳唔太大，容納既人唔太多，變相就成為左佢既好處，就係拎野食唔洗搶🤣環境都唔錯，坐得舒服 自助區有生蠔、翡翠螺、蟹腳、蟹鉗、蝦任拎，仲無限refill，食到走個刻都仍然見到放滿晒海鮮。刺身都一定會有，另外每人仲會有半隻龍蝦同燉湯。除左海鮮之外，仲有凍肉，芝士。中湯西湯，熱盤，甜品 黎到main course，每人可以點一個主菜，我地每人都揀左3成熟既肉眼扒，牛扒厚身，3成熟岩岩好，保持到肉汁同鮮味 最後點少得任食movenpick雪糕

凍盤的海鮮太吸引了，有生蠔，蟹腳，蟹鉗，東風螺，蟹，蝦及沙律等!海鮮都很鮮甜新鮮，而生蠔還要是供應從未間斷過!熟食方面，有煎魚柳，兩大條蒸魚，菜數款，滷水鴨，炒蜆，麵包布甸等，味道調味都剛好，款款都有水準不錯👍另亦有刺身及壽司，刺身眼看都有數款的，有三文魚，珍寶帶子，吞拿魚，八爪魚!刺身沒雪味，新鮮肥美，肉質冧軟👍燉湯及龍蝦是每位跟送的，每人有半隻龍蝦及一盅燉湯!主菜!是的，吃了這麼多才是主菜，有5款可選擇，我選了香煎帶子意大利飯，新鮮車厘茄伴香煎大蝦扁意粉，餐廳很體貼，都不是很大碟的份量，適中!甜品有一截Bar枱及西餅凍櫃，還有Movenpick雪糕，種類也多，價錢值，很滿足!

同朋友去左觀塘假日酒店食半自助餐，復活節要放長假啦，當然唔少得要去食好野。 去到先上左隻龍蝦，好多蝦膏，肉爽味甜。仲有個螺頭燉湯配上金華火腿。主菜叫左個燒香煎鱸魚配薯仔及新鮮蔬菜朋友就叫左個新鮮車厘茄伴香煎大蝦扁意粉。鱸魚外皮煎得好香脆，魚肉都好嫩滑，啖啖肉無骨，配埋薯蓉剛好。大蝦鮮甜多肉，扁意粉掛上滿滿既酸甜茄汁，意粉有咬口，軟硬適中。半自助餐黎講，餐廳所提供既沙律及海鮮吧，選擇都好多，仲有生蠔、蝦、蟹鉗等。沙津菜爽口，薯仔蛋沙律又好食。仲有刺身壽司等、吞拿魚、三文魚、帶子、八爪魚，都新鮮可口。甜品方面仲有Movenpick 雪糕4款味道任食，蛋糕味道都唔錯，檸檬味蛋糕好清新，另外仲有木糠布甸、桂花糕、蘋果金寶、焦糖燉蛋，甜品款式都好足夠。仲有窩夫，可以自己加cream 同紅豆。

好耐無食過自助餐，好想任食生蠔同刺身。所以好興起約朋友去左呢間Hoilday Inn 既半自助餐，因為我想食同朋友想食既長腳蟹都有，我地都超期待。呢度裝修光猛時尚，空間大，出出入入拎野食都好舒服。一黎到未睇main course 有乜食已經急不及待去拎海鮮食，長腳蟹、螺、蟹鉗、蝦、生蠔。呢度海鮮鮮味十足，加小小檸檬汁已經好正。仲有一人半隻既龍蝦，同一盎燉湯，都好正。呢度好多野食我自己都好，刺身、芝士+密瓜+Parma Ham、蒸魚、燘牛腩、蘋果批，其中一個甜品仲係Movenpick 雪糕添。都Main course，我點左燴和牛面頰，無得頂，自己未食過，點解可以咁腍架。朋友叫左香煎雞胸，話都唔錯，叫我試啲，但我已經飽到上心口試唔到啦。而家黎食仲有75折，都好抵食。