70
2
0
港鐵西營盤站 B1 出口, 步行約3分鐘 繼續閱讀
電話號碼
52232112
營業時間
今日營業
10:00 - 19:00
星期一至日
10:00 - 19:00
付款方式
Visa Master AlipayHK 現金 八達通 微信支付
其他資料
餐廳運作模式 - B類
食評 (80)
Vibes the Place,故名思義就係一個關於震動既地方。不過可以放心,呢個震動絕對唔係大家想像中受驚嚇時既個種震動,反之就係利用來自西藏﹑以至尼泊爾既頌砵,讓大家可以有個洗滌心靈﹑令自己有個平和感既地方!表面上Vibes the Place位於薄扶林會對好多人好陌生 - 但其實只要大家搭地鐵到西營盤站,經地鐵內隧道及升降機到遲B1出口後,轉左,直行到十字路口 (西邊街),過馬路行多1分鐘就會見到餐廳喇! 由於餐廳內坐位數量有限 (簡單講打卡玻璃2人枱x1; 高櫈位x8; 側邊高櫈位x4; 吧枱附近2人坐位x3),所以最好都會預先打電話預約比較好。尤其如果大家想食下午茶既話,由於要預先準備食材,所以就一定要預約先有得位既!話明係利用頌砵令大家既身心靈有個洗滌既機會,餐廳內除左擺設好多頌砵及相關既用品(例如潔淨頌砵既鼠尾草及精油)外,仲有2個頌砵係俾大家可以一陣享用下午茶個陣使用既,詳情響下文既食評再介紹。好! 事不宜遲介紹返個下午茶(Vibes the High Tea)先。每個下午茶都配有1個迷你既頌砵 (機打砵 - 即用機器研磨而成既頌砵),等你可以體驗,以及作為紀念品帶返屋企或公司,響有需要既時候都可以隨時放鬆自己。而響當中都等小編介紹下自己推介嘅食物啦!1.一口鮑魚配日本淮山蓉:清新,淡口,開胃之選。鮑魚應該係直接煮熟再雪凍,所以保留左鮑魚本身既味道,配以淮山蓉令你唔會維持於咬開鮑魚既感覺,而同時會有少少黏口既口感。2.迷你山羊乳乾酪生果杯:入口個下感覺係羊奶味好香,再咀嚼時原來當中滲有有少少辣味去刺激味蕾,令本身羊奶嘅酥味可以被中和;不過如果覺我太辣既朋友可以即時連旁邊既藍莓食,中和返味道。3.自家製芝士醬三文魚撻:芝士好滑好軟身,完全唔覺得油膩;同時配三文魚一流,所以食完個口好香!4.松露芝士冰壺:表面好似平時食,有紅豆餡為主既大福餅;但其實冰壺既味道完全係冰凍松露雪米糍嘅感覺,芝士味唔算特別重既情況下,食完松露味會繼續留響你口入面。5.咖啡意式奶凍:重點係espresso嘅咖啡呀!(所以記得食個陣要連埋最底層既espresso享用) 好香,完全無甜既感覺,唔愛甜又鍾意食afternoon tea嘅人,相信你會好喜愛呢個奶凍。6.看似普通橙汁,原來係好重薑味嘅開胃薑味橙汁:建議細細啖,慢慢歎,真係好香薑味,飲完個身會即刻覺得暖暖!除左推薦既6款下午茶食物外,其實整個下午茶仲有以下呢3款既食物,令大家更加滿足!享用下午茶既期間,員工有空間個陣都特別介紹我地令食物味道更有層次既方法,就係可以利用頌砵去敲打! 所以,小編都特別再點了來自希臘既即沖高山茶。大家可能會問,唔係用茶葉即沖茶?無錯,呢款高山茶為左能夠保持最原本既味,就係需要大家去體驗手摘茶葉﹑洗茶 (過水)﹑沖茶既所有過程,咁你先可以真正享受到茶既香味。當沖好1杯新鮮既茶後,你就可以將茶放入餐廳內俾你體驗用既手打砵 (即利用人手敲製出黎既頌砵),然後輕輕響砵邊低1-2cm位置敲幾下。利用音頻去改變茶既粒子結構後,當你再試飲同一杯茶個陣,你就會有更多層次既感覺喇!作為洗滌心靈,而又可以享用到滋味下午茶既地方,特別適合「你」同閨蜜黎既打卡之地! 繼續閱讀
(以上食評乃用戶個人意見 , 並不代表OpenRice之觀點。)
初初睇Openrice揀呢度,以為純粹係間cafe,冇諗過黎到個theme有d「身,心,靈,健康」,牆邊都有d產品可供參考。入到黎,環境係木,啡色為主,感覺好舒服平靚。枱位唔多,所以如果想坐枱唔知可唔可以最好book定位,walk-in一定冇枱坐。側邊有d平排坐嘅櫈,同bar枱。首先黎咗杯冰凍Iced Americano,正☕️同我睇餐牌見到Turmeric Latte 薑黃咖啡係香港比較少見到有,咁特別,所以即刻試呢個☺️ 佢哋仲加咗少少黑胡椒,可以提升薑黃素吸收率,事半功倍👍🏻可能因為溝咗奶,意外地,味道唔苦唔辛辣,好飲同特別,推介!!另外,大家最近都好流行生酮飲食,因為自己脂肪肝,唔敢只食肉食油生酮飲食,所以只係奉行多蔬果🥗咁啱個menu見到呢個Vibes早晨全餐生酮版,都幾特別好味,特別個Ricotta芝士唔騷,好易入口。🥗All Day Vibes🥗Keto Foccacia,Chiaviar,Almond Ricotta,No Goat,Seasonal Fruits,Ginger Orange Juice最後唔少得我最愛嘅Tiramisu🍰 好味好香,好滿足!! 繼續閱讀
(以上食評乃用戶個人意見 , 並不代表OpenRice之觀點。)
等級2 2021-11-10
301 瀏覽
「𝐕𝐢𝐛𝐞𝐬 𝐓𝐡𝐞 𝐏𝐥𝐚𝐜𝐞」,故名思義,氣氛相當濃厚嘅一個地方。呢度無論係環境或燈光,都俾到人一種好放鬆嘅感覺,不經不覺就會逗留咗幾個鐘,可能亦因為受到氛圍嘅影響,成個人即時都覺得舒暢,非常減壓。餐廳裝修以木同磚為主,樓底高,燈光偏柔和,中間有張大嘅樟木長餐枱,而旁邊嘅走廊邊座位上面都有放住一塊木,據聞係樹化石,有靜心嘅作用,全店佈置都相當溫暖🪵。呢度一入門口嘅右側已經可見擺放住唔同大小嘅頌鉢,其實係用嚟俾客人體驗「頌鉢飲食學」。頌鉢係近年相當流行,據聞頌鉢嘅聲音頻率可以幫助恢復並保持思想靈魂嘅「平衡」狀態。聲音可以係承載治癒同埋振興品質嘅能量容器,通過頌鉢係可以幫助你放鬆,並有助減輕壓力嘅,當你敲打頌鉢時所發出嘅聲音就代表當時嘅情緒。而「頌鉢飲食學」嘅意思就係萬物皆有能量,無生命嘅物件其實都有量子磁場,可以透過頌鉢將正能量輸送去食物同飲品裡面。體驗方法就係首先試吓飲品嘅原味,再將佢放入頌鉢嘅中心,諗住自己嘅心願,再用木敲頌鉢,同時用手感受震動,再拎返飲品出嚟品嚐,味道就會有所唔同。當日我想試試呢個玩法,都叫咗杯Americano,第一口飲時覺得相當苦澀,但當放完落頌鉢再試飲,竟然變得唔再得苦澀味,有非常香濃嘅咖啡香,即刻變得非常好飲,相當神奇,不過就唔知係個人心理作用定係真係有能量嘅加持haha,不過個人係相信的🤪。另外亦有空靈鼓俾客人拎嚟玩,空靈鼓發出嘅聲音都好好聽,仲好貼心有埋本樂譜可以跟住啲數字嚟敲出唔同歌曲。好有趣。🔸𝐁𝐚𝐠𝐞𝐥. 𝐌𝐚𝐧𝐢𝐚 (𝐄𝐯𝐞𝐫𝐲𝐭𝐡𝐢𝐧𝐠) + (𝐇𝐚𝐦 & 𝐂𝐡𝐞𝐞𝐬𝐞)($𝟔𝟖):佢有幾款Bagel可以選擇,而我食呢個時就相當狼狽,可能因為影咗幾分鐘相又掛住講嘢,佢好快就變得非常乾身同埋好難切開,切到上面嘅芝麻跌到周圍都係都未切到,最後食咗少少就放棄咗,反而裡面Ham n’ cheese 就幾好食,夠味又唔會過咸。🔸𝐕𝐢𝐛𝐞𝐬 𝐅𝐮𝐥𝐥 𝐇𝐨𝐮𝐬𝐞($𝟏𝟑𝟖):朋友叫咗呢個Full House,整體上全部嘢都好食,正常發揮,包係Keto Focaccia,所以食落嘅味道幾特別。🔸𝐃𝐞𝐯𝐢𝐥’𝐬 𝐂𝐡𝐨𝐢𝐜𝐞 - 𝐓𝐢𝐫𝐚𝐦𝐢𝐬𝐮($𝟔𝟓):蛋糕比例多,好滑同埋有淡淡嘅酒味+咖啡味,味道唔算好濃郁但係偏輕盈,食完都無咩覺得好罪惡感咁٩(ˊᗜˋ*)و♪! 地方太靚,日光射入嚟太好,嘆件cake都心曠神怡啲👍🏻🔸𝐁𝐞𝐞𝐭𝐑𝐨𝐨𝐭 𝐑𝐨𝐬𝐞 𝐋𝐚𝐭𝐭𝐞($𝟓𝟎):餐牌上太多種唔同類型嘅咖啡同茶等,所以都諗咗好耐⋯最後揀紅菜頭玫瑰Latte係無悔嘅選擇👍🏻顏色好夢幻之餘,店員都有問我會唔會唔想有太濃郁嘅紅菜頭味,幫我平衡返,結果相當唔錯,入口順滑,又有淡淡嘅玫瑰香,又健康又好飲,好喜歡☺️!🔸𝐑𝐨𝐦𝐚𝐧𝐭𝐢𝐜 𝐑𝐨𝐬𝐞($𝟒𝟎):佢呢度啲茶個名都好特別,朋友叫咗呢款有啲橙味同玫瑰味嘅花茶,味道清新之餘,仲好大壺( ˶˙ᵕ˙˶ )!成個用餐體驗都係好有趣,環境又舒服,相當放鬆,餐廳嘅概念亦好好,食物飲品等都係健康之選,絕對洗滌到心靈💆🏻‍♀️,就算無特別信能量呢回事,亦都係一個好適合同朋友傾偈嘅地方😆。 繼續閱讀
(以上食評乃用戶個人意見 , 並不代表OpenRice之觀點。)
等級2 2021-09-14
168 瀏覽
西營盤一向好多好嘢食,今次去咗一間融合頌缽元素嘅特色Cafe,享受一個自助Mindfulness下午session。今次叫咗一個signature tea set同埋牛油果沙律除此之外呢度仲有純素生酮食物可以選擇。 繼續閱讀
(以上食評乃用戶個人意見 , 並不代表OpenRice之觀點。)
等級1 2021-09-08
117 瀏覽
It’s a good place to unwind yourself, feel the slow pace and quiet. Warm decorated with woods, stylish and comfortable. Friendly and attentive staffs with great food too! It’s my first time but definitely not the last time! Go now! Sometimes later becomes never! 繼續閱讀
(以上食評乃用戶個人意見 , 並不代表OpenRice之觀點。)