URBAN Café Commune (MOKO新世紀廣場)

營業中

休息中

我每次經過Urban, 都會睇下排隊 條龍排到去邊? 如果得幾個人呢我都會必定排隊食, 今日我早少少去食lunch， 睇到條龍唔係太長，我排第三 , 等咗大約15分鐘就有得坐低食， 我點左個set lunch 係carbonara 配可樂少冰， carbonara上枱嘅時候好熱 ， 即時撈勻佢食入口暖笠笠 ， 好好味不過可能天氣開始凍所以好快啲醬汁就杰杰地， 入口就開始有種 漿住的感覺 ， 所以一定要趁熱食 ，一如既往， 意粉加埋個醬汁非常Good, 所以黎urban食lunch都係我必然嘅首選

同朋友行完街有d 餓，見到Menu幾吸引，入座後侍應同我地講只有一個半鐘用餐時間。 我地點左兩個dinner set Share 。一個烤雞薯條沙律,另一個係龍蝦芝士麵。本身個set係跟咗一個龍蝦湯同埋一杯嘢飲。但我同我朋友都加咗$35轉白酒同紅酒。烤雞都ok ,好重香草味。而龍蝦芝士麵，真心好食，👍🏻尤其是個麵同汁。真係好香蛋同芝士味。本身自己同對酒冇乜研究，但杯白酒都容易入口，最後都飲得晒。整體食物同環境都唔錯。走嗰時，見到好多款蛋糕好吸引。下次一定再去試埋蛋糕🍰

很多時經過都滿多人在等位子，前天跟媽咪路過人不多就去嘗鮮了～.辣茄汁虎蝦闊條麵🍤🍅🍝虎蝦跟麵條很彈牙，醬汁蠻濃味～唯一是上面那幾片香草葉，應該是Basil吧....像乾草的狀態我吞不下去🤦🏻‍♀️.另一個是鵝肝牛肉漢堡🍔（不準吐糟照片怎麼拍成這樣，是母親大人拍的....雖然真的拍得有點爛😂）牛肉漢堡排調味有點淡，但配甜的麵包味覺上有趣～我跳過了鵝肝，所以不知道好不好吃🤷🏻‍♀️.這樣一個晚餐有湯跟餐飲，連上+10%服務費，大慨200@1人吧，還有限用餐時間90分，還行唄～

每次經過urban都係要排隊食lunch, 仲要係唔畀行開嗰隻, 今日一點鬆啲 行過uber門口， 見得一個人排隊， 拿拿聲 排隊食， lunch其實我可以選擇嘅set唔多, 因為我唔係太鍾意食沙律, 見到set一烤 四分一 雞配薯條係 chef recommend, 咁就order 試下， set lunch配凍桃茶， 我另加15蚊點左個龍蝦湯…… 龍蝦湯先上， 味道 中上， 跟住 試埋杯凍桃汁， 我就唔係太鍾意嗰種味道， 怪怪的， 主菜烤雞上場， 好香烤雞味， 雞脾位好滑， 雞胸都唔算太鞋， 旁邊伴著的薯條值得一讚， 好好味， 有機會一定會再來排隊食其他野。

Urban 餐廳環境夠街頭，位置方便近金魚街,花園街，帝京酒店。Urban 3 小時慢煮雞，真的好一般，雖然慢煮但有點硬，可以看圖。意粉分面是自家制意粉，所以會比較硬身。整體食物一般而家價錢偏貴。每人太約280元。如果再加蛋糕就過300了。我是吃午餐的。我應該不會再去。

同朋友行街，覺得肚餓時已接近晚上九點，便到了Urban晚餐。那時已經沒什麼人在在等，這間餐廳是需要在外面排隊等位的，我們剛到時只有2人在等，大約10分鐘便有位，店員也很好在我們等待時已遞上餐牌門外放住蛋糕，很吸引我們叫了三小時燒雞（$178）及鵝肝牛肉漢堡（$168）。首先來的是龍蝦湯及桃冰茶湯味濃，飲品甜度剛剛好。燒雞配上薯條，皮是脆的，有少許沙律伴菜。雞脾位肉比較滑。鵝肝牛肉漢堡。鵝肝煎得好香，有一整塊，牛肉超正可以encore

朋友請我生日飯為我慶生，叫我去moko..咁我就行下睇下食咩好啦次次行過都要排隊又限時，都未食過呢間野點知行過見唔洗，咪就試下囉。叫左個貴嘅 all day breakfast + 魚柳飽set，再加15蚊有個龍蝦湯，味道ok..餐飲只有汽水同iced peach tea...如要coffee or tea...又加$15.... 食完就加埋件cake比我開心下，呢間d蛋糕都幾靚架，都ok好食嘅下次都可以再下其他款嘅cake.. 期待

下午茶時間光顧，不用排隊等位，可以直接進去坐了。這裡的牛角包評價很高，於是點了All Day Breakfast （牛角包）來試一試。All Day Breakfast的份量不多，都是基本英式早餐的配搭,再配有餐湯，餐飲。雖然是一個Set，但餐飲想配最基本的咖啡是需要另外價錢（好像是$8）。牛角包果然名不虛傳，真的很好吃，很香口，可是吃完一個會有點膩，再吃火腿和三文魚就會更加油膩。所以吃完整個餐會覺得很heavy，很飽滯的感覺， 食物價錢方面有點小貴，不過就幾適合三五知己坐低傾下計，用餐時間大概90分鐘。

去moko睇戲前搵野食下醫肚先見urban都有幾個人排緊 又夠時間 就跟人一齊排啦兩個人撐枱腳 叫左兩個set share嚟左個餐湯先 幾香濃 係好味嘅然後我又要叫牛扒喇🥩呢份牛扒都算唔錯有牛味 幾juicy 肉質部分tender 但係都有d筋 同埋薯條係我中意嘅淋度 仲有另一份係卡邦尼麵 夠蛋香 好味道題外話：用開張信用卡食肆簽帳會抵d 但urban竟然唔計 原因係返單時商戶係寫maxim catering所以可能當左係麵包鋪 大家要留意下喇

今日同男友去左旺角urban cafe食西餐，我地點左龍蝦芝士意粉，薯條，2個龍蝦湯同士多啤梨cakeurban cafe設計都幾特別，佢係波浪紋既設計，都幾得意 (附圖)凍蜜桃茶都幾好飲，清清地既蜜桃味龍蝦湯都幾好飲，但龍蝦肉就少左d,意粉屋個龍蝦湯多龍蝦肉過佢，但相對價錢都比佢貴一陪~薯條都幾好食，加埋d鹽點茄汁，正呀這個比麥當勞還要好吃龍蝦芝士意粉，龍蝦肉好食，意粉硬度都剛好，唔硬唔軟，好濃既芝士味，但有點漏，所以覺得這個一般士多啤梨蛋糕，這個好好吃，個賣相好搞笑，有支針筒咁，針筒裏面係d士多啤梨醬,比d客人吱落d cake到，個蛋糕好軟好鬆化，連埋d士多啤梨肉一齊食總結，環境舒適特別，服務員態度有善，食物質素都可以，會再次光顧

與相識十幾年的舊同事飯聚，選了一間可以坐低傾計又唔趕人走的餐廳。星期六要在旺角、太子找這樣的餐廳真的不容易，最後選了新世紀廣場的urban cafe。等位的時後見到好多人點了燒雞，我地都俾佢既外表吸引，所以點了一客燒雞和卡邦尼意粉。慢煮燒雞皮脆肉厚，不過肉唔夠嫩口，略嫌有少少鞋。如果皮加少少蜜糖會好食d。卡邦尼意粉有別一般意粉，可能係新鮮手打既意粉，質感好特別，好似一咬就斷。可能我唔識欣賞，還是喜歡傳統質感既意粉。另外，味道略嫌唔夠咸。最後點了一件芒果蛋糕，芒果味香甜清新，芒果摩士和蛋糕1:1，比例恰到好處，一掃之前的飽滯感覺。

去咗 Moko 閒逛，發現有間餐廳D烤鷄賣相好吸引，決定去試試！可能因為星期五夜晚，人比較多，要排隊，不過大約等5 分鐘就可安排入坐，用餐時間規定90 分鐘。佢有 dinner set , set 包湯，主菜和飲品。Set 選擇都算多, 不過我大約7:00 到已經有兩個set sold out 🙄 , 最後我選擇烤雞和帶子紅意粉。是日餐湯係龍蝦湯，個湯內有小龍蝦肉👍🏻但就唔夠龍蝦味。 帶子紅鞋意其實係帶子+ 意粉，個意粉汁係用紅菜頭汁煮成再 mix 意粉，還加咗兩條鞋底糖，所以整碟粉都係紅色，感覺幾特別！個帶子煮得唔錯，熟度剛剛好 ，但意粉就冇咩味道，份量亦頗細，有D失望😞 到烤雞出場，佢有沙律菜同薯條伴碟。烤雞聞落好香，雞皮卜卜脆，切開雞肉，肉質嫩嫩，唔”鞋” 口，可能因為慢煮關係。不過，我覺得香草太多，佈滿雞皮，但雞肉略嚴唔多夠味。。。總括視覺享受大過味覺享受 !

朋友話呢度嘅招牌菜係燒雞- 3小時慢烤法國肥雞(個名好得意) 都等得唔算好耐，首先薯條同沙律就冇乜特別。不過隻肥真係冇想像中咁好食。賣相係ok, 個皮都烤得好脆。不過冇想像中咁滑，唔夠juicy, 同埋唔夠鹹...不過佢哋個龍蝦湯真係好抵讚👍🏻👍🏻👍🏻好香濃！仲有佢哋個桃茶都好好飲。配角仲出色過主角。

每次嚟到都一定會叫慢煮雞同埋鵝肝漢堡！今次同朋友仔嚟食都推介左佢哋㗎啦，不過佢哋係都唔肯跟我，最後仲想同我爭食添！跟餐有龍蝦湯同埋餐飲，龍蝦湯香濃有啲龍蝦仔。餐飲唔使諗就一定係凍桃茶㗎啦，清甜好味，肯定好過跟其他野飲（唔使加錢嗰啲）慢煮肥雞烤得皮脆肉嫩重保留到肉汁份量有足足半隻雞，一個女仔嚟食真係食完隻雞都唔使食佢d薯條啦。鵝肝漢堡都係一樣，大大份！鵝肝超香口，爆汁咁濟，入口咇曬d油出黎，漢堡都係肉汁豐富！又係食完食唔落啲薯條.. 好彩啲唔信我推介嘅朋友仔叫咗啲意大利飯份量比較少而咁啱佢哋有比較大食，就幫我兩個女仔食晒左啲薯條啦

今日經過新世紀，見4點幾有點餓，就去 Urban cafe 食下午茶當晚餐。門口只有2人在排隊，等了大約10分鐘可以入座， 點了 slow cooked roasted chicken 1/4 with mixed green and fries, 另外要了杯熱檸茶。等左10分鐘食物才上枱， 烤雞好鞋又乾，沙律菜味道正常，粗薯條最好食夠熱又脆口的， 熱檸茶茶味一般。 以 $88+10% service charge 嚟講，真係唔值。 下次我都係去番 6樓 outback, 比較啱我口味。