URBAN Café Commune (MOKO新世紀廣場)

營業中

休息中

星期日同老公行街，指拖食好西。早啲行下街，早啲出黎食飯，諗住無咁多人，食6點幾包無死。行到邊食到邊，平時老公超。。超。。。怕等位，一見到要排隊就要走人。不過今日放假早出黎，睇下商場有咩食，老公竟然話想食哩間cafe....但行到門口就見到10幾人排隊。。。心諗老公一定叫走點知佢話放假又早時間，就排下啦都排左半知鐘有多。。終於有位啦！叫左兩個dinner set, 老公食炸魚薯條，我食意大利飯。 以我啲 C 拉仔覺得。。。係有啲價勝比底嘅餐廳。價錢每位平均大約 $200多。。但唔係特別出色。。。。炸得幾好，唔太油膩意大利飯味道可以，但有啲膩

我從來未食過唔好食嘅卡邦尼意粉，但居然今日我終於見試到何謂難食？！只能怪自己無好好留意什麼叫做用蛋麵做嘅意粉了，似中式車仔麵中嘅油麵，但比佢更硬身，食落既粗糙又鞋，感覺十分不良好.... 令人非常失望，而且價錢也不合理。好彩有個龍蝦湯頂住，否則我一定向經理反映食物質素。

中午lunch 時間未到，正好經過Moko,見到平時好多人排既urban cafe仲有位，拿拿聲坐低，堂食牛角包，之前經過打佢主意好耐了，終於有得食，仲一個人獨霸一個圓拱位添，好爽。龍蝦仔咖哩牛角三文治，酥脆外皮超吸睛，份量ok大，夠滿足，龍蝦仔都有鮮甜味，一啖咬落去，d醬汁逼出來，中間有沙律菜，略顯fresh,牛角包不太油，包身酥脆得來有韌性，坐低堂食，新鮮熱騰騰，享受一個early lunch🥙 。

相約舊同事食lunch,當然要食好啲。想到好耐無去moko既urban cafe,雖然知無得訂位要排隊，但都決定去試下。好彩早啲去，只係要等5分鐘左右同事點了最出名的燒雞，而我則點了好邪惡的牛肉burger。據同事話，燒雞尚算嫩滑，但無咩雞味，而且份量比較細，男生應該未必夠飽。我點的牛肉burger份量則相當大，對女生的我真係有點over。burger的賣相很美，包亦帶香脆，但牛肉漢堡肉身很dry,又無咩牛肉味，個人感覺MacDonald 的漢堡包比佢仲juicy唯一比較好係伴菜既薯條，即叫即炸，很香口。Set lunch 平均要$100 位，只包指定果汁，以食物質素計，係比較貴既午餐。

時常到Moko逛街，也路經這家座落在商場內的Cafe很多次。每次經過都看見有不少人在排隊等候，這天終於在下課後與好友來嚐嚐他們的食物～招牌後是一輛單車，不知道他們跟單車有什麼關係呢？入座後本想點好友安利的Tea，卻不料服務員說今天沒有Tea，只好點All Day。（想吃下午茶卻沒有下午茶，有點小失落）但是不要緊，有美美的蛋糕！！排隊看著櫃子裏那大大的蛋糕，口水流滿一地，20分鐘都在考慮要先吃哪個入座後，我們各自點了一份「金銀潤牛肉漢堡包」，再跟餐點了抹茶和草莓的蛋糕（原價$38，跟餐點只需$18）。不過首先送來的是龍蝦湯。這湯不只有龍蝦味，還真的有龍蝦肉，超出我預期啊～喝完湯，服務員問蛋糕要先上還是稍後再上，為了拍照我讓他先送來了這招牌蛋糕真的一定要吃這大小，這價格，CP值滿滿的抹茶是我吃那麼多抹茶蛋糕裏最好吃的，糖的甜味不會掩蓋了抹茶的苦味，而抹茶的苦味在糖的甜味的襯托下一點也不苦，反而有種甘甜的享受。草莓也挺好吃的，不過並不突出，個人來說是比較喜歡抹茶啦～主菜上桌了～份量很大，桌子都快放不下了哈哈——薯條熱辣辣點番茄醬一流；漢堡包很厚，那培根長到根本沒法蓋起來吃（嘴小的我吃漢堡包從

今日晏晝會喺新世紀廣場睇戲， 所以諗住中午喺新世紀解決！平時經過呢間餐廳 ，覺得幾靚，於是今日就食呢間啦！午餐選擇都幾多 ，我哋叫咗兩個煮食。 一個卜卜脆炸魚漢堡包 配薯條（ 92元 ），漢堡包冇乜驚喜， 只能說炸魚個size都幾大， 但味道普通，有啲炸得過耐，搞到魚有d乾同*hi*，薯條係粗薯條，但就比較咸另外仲叫咗個一山不能藏二虎蝦意粉 ，128蚊。 意粉係闊條意粉嚟 ，入面加咗啲茄醬而且，辣辣地， 係幾開胃嘅 ！而蝦都大大隻，不過就冇咩味啦， 以呢個價錢嚟講，我就覺得唔太值啦丨

同一個同年同月同日生的朋友食過一次, 覺得D 烤雞有D 「鞋」。呢次組合一雞一漢堡, 雖然呢間主打招牌菜係雞, 反而覺得漢堡先係最好食。當時在新世紀簡呢間, 其他少少因為行過見到冇人排, 朋友之前都想食呢間, 咁O岩又冇人所以入去。今次第二次食,遇O岩結婚周年紀念去開多左人叫MOKO的新世紀, 又係行過見到冇人排, 仲要有個靚卡位。呢樣真係好重要, 全場其實得3個靚卡位, 其餘有3-4 個冇頂的卡位, 其實都唔錯的, 有時又唔好太高要求, 不過坐過好位, 下次都真係會想坐返。 分別在於, 我第一次去坐出面果d 圓檯真係感覺差太遠, 迫迫狹狹, 同其他檯又近, 冇私人空間感。食評都係講返少少野食先, 第二次去食烤雞今次真係冇上次咁「鞋」。不過個人覺得香草真係落得重手左少少, 攪到蓋過左雞皮味道, 肉就照樣ok 好好食。 把刀都好好用, 片落去都爽。最後蜜桃茶唔洗加錢, 多數都係簡呢樣架啦, 第一次同第二次去都一樣。不過太太唔飲得凍野, 如果想要轉熱檸水要加8蚊...最後我飲左兩杯凍蜜桃茶。

這間位於新世紀室內而露天的咖啡菜座，裝修很特別，座位也很有特色。好姊妹結婚派帖，匆忙地放工來到這裏，快速吃了一個美味的下午茶，我們選擇了綠茶蛋糕配英式紅茶。因為沒有熱狗，我揀選了油封鴨漢堡配薯條及即磨咖啡。綠茶蛋糕好大件，抵吃!英式紅茶沒有太特別，正常發揮。油封鴨漢堡最出色，廚師把油封鴨煎香，然後拆絲，不會太鹹，也不會太硬，有料到。配酸瓜不會太油膩，麵包搽了牛油烘底，薯條大大條，食到停唔到口。咖啡不夠熱，感覺有點怪怪

今日下午經開旺角新世紀廣場，所以就再去飯堂幫襯下喇，對上一次食左全日早餐，所以今次就試下其他喇。今次叫左香辣熱狗配薯條，飲品就照舊一定係凍桃茶。熱狗都算幾大隻，而麵包上鋪滿醬料賣相幾好，薯條就係粗身果隻。麵包食落口好軟熟，醬料亦都好惹味。呢杯凍桃茶真係超正，如果大家有機會黎呢間餐廳，真係要試一試。

原本諗住同男朋友到新世紀廣場睇戲，但因為時間既關係趕唔切，唯有轉plan，行街食飯💪其實一直都冇係moko食過野，因為旺角食飯既選擇好多，moko亦唔係成日需要黎既地方。一去到見到間露天既餐廳，覺得幾得意，所以決定試下。2個人各自嗌左份set dinner,會有龍蝦湯同1杯桃茶跟。海鮮意大利燉飯好香，陣陣芝士味好正，每1粒飯都好夠味道，飯既軟硬啱啱好，啲帶子亦都啱啱好熟透，好出色卜卜脆炸炸魚薯條要等耐少少，但魚外脆內嫩，絕對唔係雪藏魚炸出黎，好鮮味唯一要講既就只係炸魚同薯條都比較咸，但可以接受既。最後我地仲加左$18 有個蛋糕揀，蛋糕就不過不失，唔需要特別加。總括黎講，呢間餐廳色香味具存價錢亦都好合理男朋友同我都話必定encore

做完義工大約5點男朋友提議食個early dinner, 就選了這間餐廳不用排隊，就入坐了car 位叫了2個餐先來2客龍蝦湯味道也不太差，再來就是海鮮飯撈起後，有拉芝效果，味道亦濃郁海鮮份量不多，但飯粒粒被湯包裹，算合格啦再來就是十分期待的慢烤春雞半隻配薯條完全沒有令我失望雞外皮香脆，帶濃郁香草rosemary 味雞肉嫩滑，可見是慢煮的功勞笑笑係俾呢半隻雞既加$18 就可以有件蛋糕決定加了紫色這個忘了名字，不過有少少伏個texture 同味道都不太合心意而呢個士多啤梨蛋糕就正常得多，仲幾好味個人認為唔好吱個士多啤梨醬，清清地咁食先最好味

過了一個繁忙又辛苦的早上，一到午飯時間即刻搵美食慰勞自己！去新世紀諗兩諗決定去Urban食個All day breakfast 嘆下！點餐必問是日餐湯是什麼，一聽係龍蝦湯唔洗諗即加！加$15有龍蝦湯，抵到跳舞！個牛角包勁鬆脆，啲菇好好味，個滑蛋滑不留口

從來都無寫投訴既食評今次係第一次為urban cafe 寫和舊同事聚舊，是旦揾間餐廳食晚餐，都無特別做過Research 見乜食乜拉，點知就中伏拉叫左個龍蝦麵都海鮮燉飯Share餐包左龍蝦湯同蜜桃茶先黎龍蝦湯，略偏咸，算！主餐，我先食龍蝦麵啲蝦先，其實都幾硬似食緊膠，算！然後再食啲麵，橡筋黎架？因為覺得同耐無見既朋友食飯廢事發爛影響心情，所以無出聲點知对方都忍吾住話，這餐廳下次吾駛黎我即刻試下，X ! 啲燉飯未熟架煮食基本要求都做吾到，開餐廳？做廚師？最後徐消左個飯，但照收返200幾個麵真心問你憑咩？最後要再換餐廳食，浪費時間！

今日honey生日，都唔知去邊食好，星期六食lunch周圍都好多人，又少地方可以訂位，就實行一路行一路搵！嚟到Urban，一般多人排緊隊，加上之前同honey行過幾次都話想試，於是就襯今日呢個好日子排陣隊！好好彩畀我哋第一次嚟食就排到個卡位！ Honey想食牛仔同魚，於是就哂佢啦今日！首先嚟個龍蝦湯。本身我好怕飲呢個湯，因為我怕腥，點知呢個冇，我覺得甜甜地，幾好飲喎！對我嚟講係有喜出望外嘅感覺嘅！再嚟上咗個Fish & Chips 先，好大條魚囉！個炸醬好薄，魚肉好juicy、好滑！薯條都好多、好脆！ 不過真係好大份，我同honey share 都食唔哂。。。最後上個牛仔肉，肉好易咬得開，好有肉味！個感覺就好似食buffet攞嗰啲燒牛肉咁，都幾好味呀！ 不過都係嗰句啦，份量都幾大㗎！個餐送飲品只限桃茶同汽水，其他就加錢。咁我食Fish & Chips 就當然飲汽水啦，但我honey 就飲桃茶。佢話陣桃味都幾香、唔假、幾吸引㗎！其實個餐加少少錢仲可以叫件蛋糕食㗎！我哋排隊時經過個蛋糕櫃已經見到啲蛋糕好靚，仲諗住今日honey生日可以食返件蛋糕，點知太飽食唔落啦。。。 不過唔緊要，下次嚟，

之前行商場時已經見到呢間Cafe酒桶設計好得意，而且之前試過外賣咖啡飲覺得好濃好岩飲，所以今日決定試下堂食不過條龍都幾長，最終等左成半個鐘先有位，咁岩可以坐酒桶我地3個叫左黑松露燉飯，一個芝士牛肉Burger同一個All day Breakfast, 每個都around $158, 包餐湯同桃茶，但我地加錢改2杯咖啡，因為都幾掛住佢咖啡味野食都上得幾快，首先蕃茄湯，冇特別，但冇腥味，到燉飯，冇意大利飯咁漏，仲好重松露味，幾正。到Burger, 塊肉好唔得，因為好乾好鞋，煮得太熟，即使我地每人食1/3都好難堅持。到All day, 好豐富，個牛角包仔好脆到最期待既咖啡，果然冇令我失望，依然咁濃咁香，好鍾意焦糖種香味加濃咖啡，唔洗再落糖，如果咖啡唔夠濃會好甜，所以呢到真係岩岩好，呢度仲有拉花架