URBAN Café Commune (MOKO新世紀廣場)

營業中

休息中

原本是想在另一間餐廳食早餐，怎知那間餐廳要11：30才有食物供應，便只好移師這裡，怎知10：45這裡也停止了早餐供應，只能等待11：00午餐開始😣，好在這裡的午餐也有類似早餐類的餐點供應😀。其實這間也是我收藏了許久想來的餐廳，今次也終於有機會試到。門面是我喜愛的工業風🤓坐位也寬敞，好在是平日，我們2人也可被安排坐4人卡位lucky 🤞lunch有飯，有意粉，有早餐，有漢堡類，已經算好多選擇👍+$15可加湯+$15可升級飲品我地點了意大利北菇松露意粉+湯（凍桃茶）餐湯係龍蝦湯，比平時出面飲既龍蝦湯無咁咸👍意粉上碟漂亮，菇很有菇味（癈話🤣）汁亦洽到份量，朋友清得一乾二淨。另外點了卜卜脆炸魚漢堡包+散叫朱古力牛角酥炸魚外層脆皮不算厚，唔會變左食麵糰魚既感覺👍，跟餐薯條也炸得脆身，不錯。這裡出名牛角酥，當然要試一個，但可能是已冷卻了，沒有熱辣辣時的鬆脆感，牛油味也差一點點，但仍是可以的。跟餐飲品是凍桃茶，另一杯是升級了的焦糖咖啡，朋友說桃茶好飲，但我這杯焦糖咖啡，焦糖味過重，蓋過了咖啡味，搞到似飲焦糖奶咁😂不過見到有侍應拎住碟香辣意粉，好似好好味咁，有機會都應該會再黎食😋

升CUP晨光第一炮 All day breakfast 經典urban牛角包外邊脆卜卜，內裏軟林林，真心要必食！兩款法式香腸、慢煮蕃茄都唔錯，好juicy 炒蛋平時食有點普通，今次好滑！但略嫌有點淡味帶子紅孩意老實講好奇怪，唔明白點解要放幾條鞋帶糖，又咸又甜一啲都唔夾麵為意大利蛋意粉，其實麵質有點似紅菜頭味道的上海面Urban 3小時慢烤法國肥雞 半隻雞無咩味而且唔太嫩薯仔反而好好食，炸得脆卜卜總結：係urban外賣部買牛角包最好食，仲有好多款式

Pass by the shops and notice that they are promoting their coissant for buy2 get 1 free. Tempted by their chocolate and pineapple flavour, however their service is unbelievably bad. Try to ask them for two paper bags but the so called manager with Bald head said that the cost is high and refuse to separate my bread. Nevertheless, I ask they to heat up my bread but they said no such services. Promised that the shop to be black listed

兩個女仔叫左一個蘑菇意大利飯，升級加個湯同桃茶，一份牛排同一個芝士牛角包。意大利飯最正路，都夠creamy同有黑松露。佢既主打牛角包，凍既，仲要韌既，一啲都唔鬆化。個龍蝦湯唔濃味，係有幾粒龍蝦肉補返數。牛扒叫五成熟，黎到見到好薄，而且熟到有八成了，冇牛味，係啲連鎖快餐店既質素，切到手軟，都係好韌.... 仲要一塊咁薄既扒都可以做到兩個熟度，點做到...薯條就暖既，正常。桃茶就冇乜特別，唔濃烈既桃味。整體而言真係好差，個外表好吸引但質素好一般，唔會再黎

係Moko行街一定會見過呢間Cafe，位唔算多所以晚飯時間多數都要等位。嗌左個新推岀嘅棉花糖烤雞🔥雖然賣相唔算係靚，但味道卻令人有驚喜🤭小小甜嘅棉花糖溶係熱辣辣嘅烤雞上，就好似有一層焦糖咁，十分和諧🤤烤雞熟嘅程度啱啱好，所以好容易就切到，配菜都好有誠意！值得一提嘅係有手工啤提供，不過就要另外問侍應拎Drink Menu啦😏但Smoothies就麻麻地啦，味道假假地咁👋🏿再嚟叫就左個海鮮飯🦞同樣上枱都係熱辣辣，海鮮方面一啲都唔馬虎，又多料又新鮮😍預先通知生日驚喜，餐廳好配合拎個蛋糕上枱，字也寫得不錯👌🏾

今日Fatbrown 一個人去旺角買野，所以lunch 要獨自解決，獨食的優點就系可以簡下自己鐘意食但系平時又大排長龍的餐廳衝入去食平時行開moko 都想試的urban cafe commune 次次都要排好耐隊，搞到fatbrown 一路都無機會試今日一個人應該好易拎位，就去排下先Lunch 時間等左十分鐘左右已經可以入座，果然一個人的位系容易攞的<French Chicken Salad$98>話說Fatbrown 返左新工之後真系愈住愈肥，見到自己慘碼忍暏的肚腩，唯有忍下口叫個salad 食下成個french chicken salad 好足料，沙律菜鋪式，上面有大概7、8條雞胸肉同一隻溫泉蛋，fatbrown 將溫泉蛋撈埋落雞胸肉同埋沙律菜一齊食，沙律菜清爽嘅味道沾滿蛋味，fresh 得番陣味又唔”掛” 好好味呢減肥餐都食到好野，真系好開心<The good guy+$18>Fatbrown 真系死肥仔黎，雖然話減肥，但最後都系忍唔到口叫多舊cake 做甜品🍮不過呢舊the good guy真係好嫲嫲雖然夠蛋糕係紫色，但係完全冇味，仲要乾爭爭咁，

同朋友係 moko 行街見到呢間餐廳裝修唔錯又有d 人等位， 所以就揀左呢度食飯， Dinner 佢主要都係做set 的， 價位都係百幾蚊起， 牛扒就貴d 咁啦。 我地叫左一個牛扒set 同一個pasta set. 🥩牛扒 (肉眼扒）都係慣性的七成熟啦。。。。。。 黎到， 嘩。。。。🥩食香口膠咁， 唔知佢係overcook 定係本身食材問題了。。。 到個pasta...我真係唔識欣賞， fusion 野吧， 唔知咩野 士多啤梨醬汁煮， 真係好難食， 應該係我暫時食過最難食的Pasta 🍝吧👎🏻👎🏻👎🏻👎🏻👎🏻真係好難食

好耐冇寫食評，但係食完呢餐好想寫下對呢間餐廳既評價。成日都見有人排隊，今次我夜晚7點幾黎，2個人都排左大約15分鐘。今次我地叫左2個主菜，包括烤雞半隻同炸魚。其中一個係加錢跟餐，有龍蝦湯同中，甜品同飲品。龍蝦湯味道普通，有少量龍蝦肉。呢到主菜份量都幾大，入面會有少量沙律同埋薯條。先講個雞，皮燒得好香好脆，雞肉就有少少鞋同埋乾。個炸魚都好大條，炸衣唔係太厚，魚肉就好嫩滑，不過就冇味，要點個醬先得。薯條係連皮炸，味道唔錯。最後見個蛋糕好似幾好食，就加左錢試一試。朱古力蛋糕個cream食滑，蛋糕好軟身，整體上做得幾好。因為實在太飽，件蛋糕都食唔晒。

櫻花季節又到啦🌸，好多唔同餐廳都會推出櫻花產品🤭近排小編就睇中左間西餐廳，佢哋個櫻花豬扒真係好似好正咁，即刻心心眼丫😍URBAN Cafe Commune係Urban Bakery既副線😚店舖以單車做主題，主打做西餐，而Urban Bakery嘅招牌牛角酥喺Cafe都食到☺️-🍴櫻花粉紅豬扒豬扒🐖唔算太大件，食完都唔算話太飽肚😂而入口味道方面，豬扒入口帶有少少爽口，入口隱若會食到有少少酒香味🥂。即使沾埋個醬汁一齊食，但其實入口都唔係太食得出有櫻花香味😅同普通嘅燒汁味道差唔多😎只不過係再淡味少少。但豬扒旁邊亦都有一個類似蘋果果蓉嘅東東😝配埋個豬扒一齊食，整體嘅味道都變得比較清新😋而且果蓉配豬扒都非常特別，口感亦相對比較豐富😉整體來講，豬扒嘅味道都算幾好，不過櫻花味就真係唔太食得出啦😌-🍴紫椰菜帶子意大利飯意大利飯嘅顏色同張相都有幾大出入下，相當失望😞入口味道方面，意大利飯入口有淡淡的忌廉香味😙而且紫椰菜嘅味道都幾突出😝不過意大利飯嘅口感就相對比較一般，因為裏面其實並無紫椰菜喺度😅純粹得個顏色，所以整體嘅味道亦相對比較單一🤫至於個帶子方面，雖然個帶子唔算好大粒，帶子本身煎到表面輕微脆脆地，所

經過幾個月嘅上堂+做功課嘅折磨，終於去到present日，完成曬的確要同3位組員好好慶祝一下！極速逃嚟上堂嘅地方，出到嚟旺角搵食。有2位組員原來未食過urban，就帶佢地嚟試下食肥雞。六點前仲可以叫下午茶餐，結果我地叫左4份肥雞，半隻一份。香草燒雞的確係佢嘅王牌食物，濃郁嘅香草味，雞皮燒得香脆不在話下，不過今次肉質比以前燒得乾左少少，無以前甘juicy。薯條炸得好香脆，又有啲雞汁流左係薯條面，好食到停唔到口呀。餐飲係桃茶。頭先係門口排隊，見到蛋糕櫃嘅蛋糕好靚好吸引，食完肥雞之後都想叫兩件開心share!蛋糕好大件，又好食，好滿足呀！

Chosen for their early service. At 11am, the place was quiet and unusually peaceful. The place has a nice seating setup with a view of the centre of the shopping mall. It was a good choice for coffee. Coffee is not that strong but it isn’t bad either. Choice of a fusion dish like the carbonara was interesting both in flavour and texture. It is a mix of noodles with onsen egg providing a creamy texture. The noodles was nice and firm which differs to your usual spaghetti. Overall flavour was excel

来这里，纯粹是因为有100蚊的商场餐厅代金券，从广州天环嗰度攞嘅，可以喺呢度用。某人话要去翠园，我最后拣咗呢度。一百蚊多啲，饮个high tea。贵的东西点不了，点下面包咖啡蛋糕还是够的。某人指定，味道还可以，不过不失，和牛角包相比，确实算比较清淡了。朱古力牛角好好味，朱古力够厚，几足料下。焦糖牛角又点会难食。感觉这里的牛角好味过Paper Stone，当然都贵啲啦。冻拿铁，不加糖都够了，因为牛角包太甜了。咖啡味很浓郁。买单要加一，124，唔算便宜。

星期日終於吾洗返學 同朋友去左moko行街 行行下朋友話不如去cafe休息下 於是我地就揀左urban high tea🤤🤤🤤🤤 我就叫左蛋糕🎂set strawberry cake陪peach tea😍😍😍 蛋糕mousse不太甜 好creamy 但士多啤梨味吾係好濃 仲要無果肉🤔🤔🤔 但海綿蛋糕都好鬆軟 整體都吾錯😋😋次次嚟urban我都會叫peach tea 茶味會濃過果味 所以吾會死甜 推薦大家試下😇😇推薦:⭐️⭐️⭐️

今日與朋友聚舊，大家一聞到牛角傳黎的香味就決定試呢間餐廳。我地大概下午兩時先排隊，可能因為係星期六，所以排隊人數約10人。不過不算排太久便可入住，約15分鐘。餐牌選擇多，包餐湯和飲品。我選擇了supered big boner breakfast。朋友則選了炸魚薯條和carbonara。上菜速度快，大概等了15分鐘便可以上菜。以all day breakfast 黎講， 整體味道不錯，略嫌雞蛋不夠滑，牛角包味道香甜和最為出事。75分鐘左職員便會提醒我們離場，可惜不能夠坐多一會兒

有一日行旺角Moko諗唔到食乜嘢，見到呢一間餐廳唔使排隊咁就入去試吓。雖然唔係中晒伏，但係啲嘢食都唔可以叫做好食。我哋一行五人分別叫咗三種唔同嘅菜，但我就冇試朋友嗰啲。就只係食咗呢一個烤雞配薯條，薯條都叫正常嘅，但係個烤雞肉就整得好老。啲雞肉都乾晒身，識落完全唔juicy。至於伴碟嘅沙律望落去啲菜一啲都唔新鮮，同埋擺啲都擺得好亂。所以整體我會比唔合格嘅分數佢。至於蜜桃茶呢一杯餐飲都係唔合格，完全好似係溝出嚟既極甜飲品。我都係飲返水算啦。但係問返朋友佢哋食嘅主菜又好似唔係咁差，我哋一行五人食咗$500，好在都唔係太貴。但係下次除非要陪朋友黎，否則都唔會自己嚟食嘢間餐廳架啦