URBAN Café Commune (MOKO新世紀廣場)

營業中

休息中

同朋友係moko睇完戲,諗住近近地係到食下野,好多餐廳都好似因為family day而好多人,朋友見到呢間餐廳好似幾好,我又ok食西餐,咁就入去trytry la,呢間餐廳gimmick係坐係商場位,可以睇到出面&商場空地既活動,坐低一陣,已經覺得比我想像中噪,係咪因為今日family day,好難聽到朋友講既,its not comfortable.叫左個all day set,野食就不過不失啦,係大份,不過有少少偏咸,無咩都唔會再黎呢到

係火炭上完興趣班，諗住下半場來旺角東行下。有啲肚餓，於是乎來moko搵下野食。一入商場就見到呢個大大個招牌，就醒起每次來都好想食呢間，但都唔捨得食。好啦，今次就來豪下啦。來到大約六點去到，門口無人，入面都仲有少量位置，唔使排隊就入到來。睇完個menu,都幾多野揀，我又係揀左burger (😝我真係好鍾意食burger救命）今次個burger 係韓式style,有泡菜醬，甜甜咸咸都ok.成個漢堡好厚，所以我開頭係分開一層層食架。塊漢堡扒都應該有成寸厚，但牛味無乜，肉質唔會乾身呀（難道我今次食既同之前啲食評人食既漢堡有唔同水準？）我咬落去係juicy ge,但就無乜味，可以係為左中和返bacon既咸。bacon同韓式醬好咸，可能因為咁佢個扒無調味（係掛？）不過認真無牛肉味，過百蚊既漢堡咁既質素係唔太接受到。建議呢樣要改善。至於薯條，係帶皮薯條，炸得脆身，咸度岩岩好！仲有湯同蜜桃飲品都係高水準之作。

朋友生日，朋友揀左呢間餐廳我都未食過就試下啦。龍蝦湯，不過不失，其實無咩特別，所以無咩好講啦，哈哈。叫左一個佢好出名又推介個名又長長地既雞食，其實無咩特別，口感又係普通，唔係滑既，不過呢個係食得飽既多肉嘛。又叫左個所謂龍蝦麵，對龍蝦有少少興趣，賣相一般，龍蝦食落口點知有種 味，可以黑名單，真係唔好味。。。虎蝦麵不過不失啦，又係個句，無特別都無咩驚喜。。。佢個牛扒漢堡可以說是幾吸引 ，咬開肉係紅紅的，不過口感唔錯。而薯條就無咩特別啦。。。之後野飲叫左薄荷朱古力，呢個我就覺得幾好飲既。甜品叫左士多啤梨蛋糕同一個叫good guy既甜品，紫色個舊不過味道一d都唔good ,大家都覺得味道怪，有點酸， 失望啦 士多啤梨就唔錯既，可以試。總結來說，不過不失但龍蝦令我好失望，味道差。。。極之不推介good guy dessert同個龍蝦麵。 店員服務態度就無咩特別好壞，地方位於商場夠光夠闊的。

這間餐廳開業三年以來，今次才是第一次光顧。點了晨光第一炮 （即係 All day breakfast）， 及忌廉雜菌意粉，前者足料份量大算是抵食，賣相又”靚仔”，味道也不會輸給我在英國吃過的及其他本地名氣餐廳的出品；後者都美味但份量少得可憐，收這個價錢不太值，其實是否意粉剛好賣清光啊？餐飲則叫了凍咖啡，只有咖啡色，沒有咖啡味，有點失望。 下午茶menu 除了以上兩款外，還有一系列其他選擇，有機會可以再來試試其他口味。

中伏的一次經歷....平日經過urban 都係好多人排隊，環境又靚，特別係從上層望落去，今次終於同男朋友一齊黎，2點半唔洗等就入座，呢個時間未有下午茶，我哋就叫lunch set.主餐一份配一杯汽水或凍桃茶，我點咗慢煮3小時燒雞，有沙律菜及薯條拌碟，另有蕃茄醬可以點，燒雞是四分之一隻，很多香草，很香，滿心期待，切落先見到雞很乾身，未食已經感覺不妙，又無汁，真的食落口很乾很鞋口，且不容易切，薯條不是很脆，每一條都係一整條，無斷開，而桃茶色很濃但味道淡如水，有香味卻無口味，果真中伏了....服務員很多，但都係冇人比水我哋飲，等咗好耐先有人理....

終於都試到傳說中嘅牛頭角牛嫂喇😋！成日聽姨甥仔講到咁好味，唔嚟試下點得架！今日咁啱要北上開會，回程掛住係車度debriefing唔記得落車， 去到旺角先醒起，於是順便食個靚Tea慰勞下自己先返屋企啦！叫得阿嫂果然好貼地，有齊本土👍👍👍味道元素 ：菠蘿包嘅酥皮式牛角包、成吋厚午餐肉、大大隻荷包蛋，成份野最西式嘅就係塊芝士囉😝。不過佢又確實幾好味嘅， 但試一次就夠喇，事關性價比唔太高囉。餐飲加錢要左杯Flat White, 嚟到好似俾人毀左容咁😕。估計可能係機做的，算，但飲落有啲鞋口同埋有澀味，早知慳番啦😒。

今日同朋友去左太子行街，諗住星期六，都預返早少少食dinner,因為都無book邊間，費事walk in又要等咁耐，所以行到6點到都已經準備食dinner朋友又無咩意見既，咁諗住坐得舒服少少，咪去moko新世紀廣場搵食咁扶手梯上去見到間環境都唔錯既西餐廳，無咩人排緊隊，就二話不說揀左呢間入到去坐低無耐開始睇menu ，揀都未揀好，個侍應（唔知係咪高級少少既，因為制服唔同）問我地食啲乜，我地話未得睇多陣，因為我同朋友以為間野好多野食，點知得一張menu好似啲野唔多岩食，但唔會起走咁肉酸，咁咪再睇耐少少，然後果個男侍應又問我地揀好未，感覺係咁被人催，其實用餐時間90分鐘，就算"如果”我地睇10分鐘，仲要語氣都唔太好，以為自己入左茶餐廳，一坐低就要叫野食，其實真係有啲嬲之後唔知點解個餐湯好耐都唔黎都算，我地無催第一樣黎左我揀既意粉三文魚籽蟹肉番紅花汁意粉個意粉淡到無咩味，真係太淡喇，問侍應攞辣椒仔同芝士粉，好失望，野飲又未黎餐湯又未黎，連水都無杯，叫人先有水比我地，勁無奈加哂兩樣撈埋好食好多，個餐仲要188蚊，個意粉食左一半，跟住再黎既係烤雞，野飲都到左，但個餐湯仍然未黎urban 3小時慢

我今日同我老公去左食呢間餐廳，點左A餐 3小時慢煮肥雞，同D餐牛肉鵝肝漢堡(菜名我不是記得很清楚) 一共買單350幾蚊.首先，講一下個A餐，佢話慢煮3小時，好自然就會聯想到會係入味同嫩滑嘅雞肉，但係完全貨不對辦，只雞冇味不突止，啲肉又鞋，又霉，簡直垃圾！再講下個D餐，鵝肝牛肉漢堡，真心麥當勞仲好食過佢！好難食! 呢間餐廳真係可一不可再，一啲水凖都冇!

今朝吾洗返工, 無聊無嘢做, 俾 Friend 叫左出去行商場.但實在太早啦, 眼都未睜開, 購買慾實在低, 加上 D 鋪又未開晒...行左陣, 真係頂吾住, 要去坐低飲杯咖啡回魂先得.呢間 URBAN BAKERY 係商場中間, 好顯眼, 裝潢又好靚好特別.往時行過成日都見到好多人排隊, 所以一次都未幫襯過.今日當然吾會錯過咁好機會啦, 晨早流流無人同我地掙喎, 仲可以慢慢揀個靚位先坐.不過, 其實真係晨早... 又無咩客... 點解一入座都講明只限用膳90分鐘... ...但我地 OK 嘅, 旨在飲杯咖啡 only ~Black coffee $28+10%, 一人點左 1 杯.咖啡味吾夠濃, 微微酸, 值 70分. 環境就值100分, 坐得好舒服 (因為真係太早, 哈哈)

晚上要在新世紀廣場內找一間餐廳食晚餐，少不免要排隊等候一段時間。這間餐廳通常都有不少人排隊，但今次去到竟然只等了不用10分鐘就能入座，實在幸運！ 晚餐價錢由$98起跳，包餐湯和飲品，價錢不算貴呢。龍蝦湯不用額外加錢，便能享用龍蝦湯，餐廳算是很大方！ 重要是，這龍蝦湯味道不錯，鮮味濃郁，而且有兩粒小龍蝦肉，不錯喝！ 由於那日並不太肚餓，而且看見這個法國雞肉沙律是新菜式，所以就點了它。法國雞肉沙律 $98 沙律菜很新鮮，質地爽脆，配上溫泉蛋，芝士碎，麵包脆片和凱撒沙律醬，經典又美味。法國雞肉，質地很嫩滑，帶點粉粉的口感，是一道清淡之餘又不失美味的菜餚！ 63°C 溫泉蛋卡邦尼煙肉意粉 $128 以前食過一次，覺得醬汁濃郁，芝味十足，所以這次再食。但這次發現，水準有點兒退步了。 醬汁比起以前較為清淡，而且轉了用另一款意粉。 現在的意粉像是手製意粉，口感較實，我較喜歡以前的口感，但整體還是不錯的。凍桃茶 桃茶酸碟甜甜很清新，飯後飲感覺上能幫助消化！

假日每次看都排長龍，總是決定平曰放工7:00到都要等三四張檯，7:30已入座不是太長時間。三人行叫左三個餐1．香草雞佩薯條味道一般，2.炸魚佩薯條炸粉太厚味道無特別3.再叫一個漢堡牛佩薯條牛肉味道同芝士雜菜算不錯。價值錢算貴。

平時黎親呢間都好多人排隊，今日早少少去，等左大約10分鐘就有位啦等位期間已經唸好食咩啦！個湯好香濃，仲有2隻蝦係入面!3小時慢烤法國肥雞雞肉好鮮嫩，食左1半，朋友已經食唔落!我梗係幫手食埋佢啦法國鵝肝牛肉漢堡平時食西餐漢堡都係係我既首選，鵝肝軟腍，牛肉好厚身，但略嫌較為乾身，整體黎講都唔算失望。凍桃茶之前係另一分店飲過，冇咩味，今次都係懷住再一試既心態。今次桃味比較重，飲落好解渴，特別食包又食薯條。服務員比較少，叫幾次先會有人應，食物份量好多，飽到晚餐時間都未算餓

Really poor service. Not sure if this is what's meant by HK or Mongkok type of behavior. Good environment, but typical HK local tea house service. Ordered cake set and delivered after reminding. Asked us to leave just putting down the bill, with no better words nor smile. Is a smile or politeness so expensive!?

Urban 下午茶餐由3點開始，平日預早10分鐘到已經開始排隊，限時90分鐘。我地叫了牛頭角牛嫂($62)及雙重火腿布里芝士牛角三文治，兩個餐都分別配有餐飲。牛頭角牛嫂的名字趣怪，但畢竟係店舖招牌所以一試，牛嫂原來係指太陽蛋、午餐肉及芝士餡料，特別的是包係牛角包及菠蘿包的crossover，有牛角包的鬆脆得來又帶有菠蘿包面的香甜，配撘意外地夾，內裏的厚切午餐肉更加是口感十足，店舖稱午餐肉均特別選用黑毛豬，果然吃下去沒有一般午餐肉的肥膩卻多了豬肉的香味。另外的雙重火腿布里芝士牛角三文治配有沙律，火腿和芝士的份量相當多，唯獨兩款火腿的味道略嫌過咸，甚至搶去芝士的味道令此款牛角包稍為失色。餐廳環境開揚，下午茶餐的價錢亦能夠接受，是個可安坐同朋友聊天的好選擇。

經過聞到d燒雞好香，就入左去食，唔洗等位龍蝦湯，不過不失，有幾粒細龍蝦，餐湯黎講算係幾好芝士漢堡- 塊芝士好邪惡！但塊牛肉好鮮嫩第一次上嘅燒雞入邊未熟，仲出緊血。所以等左好耐，再上多次。慢煮真係唔同d.. 入邊仲好juicy! 出邊又好脆！粗薯條熱辣辣太飽，試唔到甜品，下次再試下佢其他set自拍照