URBAN Cafe (駱駝漆大廈第一座)

營業中

休息中

今日約咗朋友去觀塘搵食，無意中俾我發現咗一間好特別嘅cafe，環境又好又有特色，係依間cafe一坐可以坐幾個鐘。門口仲有一部鞋套嘅機，非常之衛生整潔。佢個menu有四人餐同二人餐，我同朋友得兩個所以最後嗌咗個二人餐。仲有好多唔同小食嘅選擇，價錢都好平民。我哋叫咗個2人餐，好快就上咗沙律同餐湯，個忌廉湯一上枱已經問到香味，個沙律菜加埋啲芝麻醬好開胃令人食慾大增。我哋加咗錢叫咗兩杯嘢飲，一杯去係雲朵oreo朱古力沙冰，另一杯係雲朵乳酸沙冰，依杯顏色好特別同好吸晴。朱古力飲落去淡淡oreo碎，而且朱古力味好濃，又唔會太甜。另一杯乳酸沙冰好好飲酸中帶甜。挪威三文魚水煮蛋黃金卡邦尼意粉~聽個名都覺得好勁，佢哋啲意粉軟硬度剛剛好，而且啲醬汁好濃好creamy，食落口張漿住咗個嘴，好好食。巴馬火腿拉絲水牛芝士手工薄餅~係咪真係手工做就唔知，但個餅底真係好好食，又唔會太乾，好鬆化，滿滿嘅芝士，仲拉到好長嘅絲，一口氣就咁食咗兩塊都唔覺得漏。黃金雞翼~炸得好香脆，但內裡又唔會太乾。佢哋個餐仲可以加錢要埋個甜品，我哋就要咗個抹茶布丁，好香抹茶味入口即溶，剛好做一個完美總結。花絮黎la，呢度除咗有咁多好嘢食，

上次朋友介紹呢間cafe今次終於有時間黎品嘗一下兼撚下貓貓，入餐廳前每個人都必須要帶有鞋套及消毒雙手等才可進入！一坐低二話不說我哋就叫左個四人套餐套餐頭盤有沙律及是日靚湯「南瓜湯」套餐仲可以另外加$48有一個小食拼盤拼盤包括有雞翼、雞塊、魚寶及脆薯每一件都金金黃黃咬落超香脆雞翼超有風味又多汁，薯角香口又大件成碟都大大碟超足料！「慢烤美國嫩雞胸」雞胸啖啖肉口感非常鮮嫩，薯蓉超香，而且入味又幼滑！三重芝士肉醬意大利粉芝士迷一定會鍾意食呢一個意大利粉佢入口香濃芝士味，唔會太鹹唔會太重口味味道和份量都剛剛好小朋友大人都啱食！

放假同囡囡黎到觀塘工廈嘅cafe二人世界一下！呢到有高水準又高質嘅食物仲有有禮姐姐招呼！同呀囡黎個二人餐都好夠食有前菜有、沙律、主菜、飯或意粉及飲品而且選擇都有好多架！前菜沙律酸酸甜甜好開胃是日是南瓜忌廉湯飲落好creamy濃郁，仲有粒粒口感添！仲有我呢杯「400次朱古力」真係超香濃又滑勁好飲！「即磨芝士黑松露菠菜大啡菇忌廉意大利飯」碟邊滿滿的即磨芝士超正食落忌廉味重，仲有陣陣黑松露香味加上大啡菇既菇香味濃郁，整體真係絕配兼好味「挪威煙三文魚拉絲水牛芝士手工薄餅」每件芝士都有一片挪威煙三文魚，再配上滿滿的拉絲又香濃的芝士，口感非常有層次又好味！

之前去過旺角店，又掛住啲貓貓喇，見到原來官塘都有分店，今次就黎幫襯下😍二人行叫左二人套餐，有餐湯、沙律、主菜、飲品，我地仲加左個小食拼盤~呢到係用qr code落單，幾方便👍🏻✨餐湯係番茄濃湯，好足料，應該落左好多番茄！沙律就係沙律菜、菠蘿加日式麻醬✨叫左三重芝士肉醬意大利麵，肉醬亦非常之香濃，亦食到足料既牛肉係入面，唔會只有汁！而且意粉底應該有用蒜炒過，十分香口！！上面仲有好多芝士，推介大家一試！✨另外就叫左夏威夷風情拉絲水牛芝士手工薄餅，配料有菠蘿、煙肉同大量芝士！拉絲無難度🤤兩個人食岩岩好✨加28蚊叫左滋味2人小食拼盤，同埋兩杯乳酸梳打，都不過不失😌食完當然要同貓貓玩下！呢間分店比旺角大好多，有非常足夠既空間俾貓貓飛奔😆😆佢地仲會上櫈同枱俾各位貓奴任摸😍🥰🥰真係定期要去幫襯下先得🤤

之後幫襯過旺角分店，見味道唔錯，經開觀塘約朋友又試下幫襯下，觀塘店地方大好多，環境寬敞原來觀塘menu同旺角有少少唔同的。一樣都叫左個抵食2人餐$328揀左要豬肋骨同特色咖喱牛肋條飯，豬肋骨好軟熟好滑，整得好好食，最鐘意佢配菜既薯蓉，好香滑，好食！咖喱牛肋條飯同樣出色！咖哩濃味好送飯！我仲叫多左個煙三文魚pizza食，Pizza估唔到咁好食！夠熱外脆內軟，芝士夠多！一人一片，勁快就食曬👍而佢既花茶都好值得叫，係中女養生之選，洛神花紅莓🍓茶，酸酸甜甜好飲！

唔使返學，但又考試困獸鬥左2個星期，今日出關啦咁開心既日子，當然要出街食餐啦~ Urban Cafe,  我黎啦~~話時話，我又真係幾鐘意黎呢度，除左近屋企價錢又唔貴，雙人套餐好抵食而且呢度既消毒做得好好，入門口除左噴手，仲要著埋對鞋套係呢D時候，咁既清潔消毒措施真係大大加分呀~呢度用QR CODE 落單2人餐 HKD 298 包沙律，湯，2個MAIN COURSE 同飲品仲可以加28蚊配多個小食 前菜的話就不過不失啦~ 不過沙律加左菠蘿同沙律醬又幾好味我鐘意留番少少沙律 同MAIN COURSE 一齊食，清下味蕾又可以消膩個忌廉粟米湯，其實味道唔錯的，仲有粒粒粟米係入面可惜唔夠熟，扣左少少分~呢個就係加28蚊的小食，估唔到，咁大份........有爆谷雞柳條、魚寶、同埋薯塊每件都炸得金黃，而且仲熱辣辣架~~ 非常香口 (仲燙口~XD ) 值得讚既，隨碟有2款醬汁呀，唔使淨食茄汁咁DRY 3款入面我最鐘意呢個魚寶， 佢外型似Ｘ樂雞，但外脆內軟，魚肉好滑。反而個雞柳條就比預期中實，不過外皮夠脆，ＯＫ啦~ 主食點左三重芝士肉醬意大利麵真係幾多芝士呀～滿滿的碟邊都係芝士雖然多芝士，不過唔會好

Nice Urban Cafe☕️ with Lovely Catssss🐱🐱🐱💫..觀塘工廈內，真係有好多特式餐廳🍽。今次又黎左一間貓貓Cafe🐱，環境十分寬敞，除左供應主打西餐Menu，店內仲有10隻貓貓陪你吃飯。岩晒愛貓之人，可以一邊食飯，一邊做貓奴，寵幸一下得意又可愛又活潑又討人喜歡的小可愛。每次唔想諗，最方便就係點選：ll $357。一個套餐已經有：餐湯, 沙律, 頭盤, 主食, 意大利飯/麵, 飲品，十分豐富。 .✨2份是日餐湯 ✨2份是日沙律 ✨滋味2人小食拼盤 ✨挪威煙三文魚水煮蛋黃金卡邦尼扁意粉 ✨西班牙燒烤醬烤大豬肋骨.小食拼盤一客已經極豐富：3款小食，香口惹味之選。Pasta🍝 好creamy，加上水煮蛋半生熟，更多滑口蛋香。豬肋骨🐽，3大條肉肉，肉質鬆軟又入味，岩晒食肉獸。.✨Oreo脆脆朱古力雲朵冰沙 (少甜)✨特濃鮮奶朱古力 (熱) (少甜).餐廳一貫味道濃郁既Special Drinks☕️，朱古力味道真係好rich 又香滑，加上雲朵fresh cream 更香又滑。..一間有得玩貓🐱 又坐得舒服、食物不差既Cafe，最岩同fd or 貓奴一齊黎Gatheri

小編口袋名單Cafe😍🍅蕃茄湯好味指數：👍🏻👍🏻👍🏻👍🏻👍🏻蕃茄香味超濃郁，食到粉粉地嘅材料質感，口感仲好creamy,而且酸度剛好❤️果然呢間cafe 嘅湯係唔會令我失望。🥗沙律好味指數：👍🏻👍🏻👍🏻👍🏻蔬菜都係好新鮮，加上有胡麻醬同菠蘿粒，好開胃。🍖西班牙燒烤醬烤大豬肋骨好味指數：👍🏻👍🏻👍🏻👍🏻👍🏻配有薯蓉、茄子、蘿蔔同翠玉瓜。配菜都有調味先再燒，好用心。肉質唔鞋口，啲肉唔痴骨，一切就分開，可見熟成度剛剛好，仲有好香bbq味，脂肪入口即溶。🍲即磨芝士黑松露忌廉意大利飯好味指數：👍🏻👍🏻👍🏻👍🏻👍🏻入面有黃椒粒同洋蔥粒，帶泥脆卜卜口感。忌廉汁均勻沾滿每一粒飯，大啡菇彈牙。🍗黑松露拉絲芝士香酥雞上脾好味指數：👍🏻👍🏻👍🏻👍🏻熱拿拿新鮮整，芝士忌廉汁唔會太濃，配上經調味嘅雞肉，味道剛剛好。雞肉嫩滑，粉醬微脆。🍹金橘檸檬梳打（右）及菠蘿檸檬梳打（左）好味指數：👍🏻👍🏻👍🏻👍🏻👍🏻金橘檸檬梳打方面有好濃柑桔味，仲有爆爆珠。菠蘿檸檬梳打就有好濃菠蘿味，而唔會太甜，清新解油膩。🪑環境環境都好闊落，適合1-8人入座。

今日咁啱黎觀塘做嘢，我同朋友都非常喜歡貓，所以下午茶就選擇左位於駱駝漆大廈第一座6樓既URBAN Cafe。餐廳注重消毒清潔，會先叫客人著上鞋套用消毒雙手，對貓貓有保障。👍🏻Cafe 非常寬闊，位置亦好多，最重要係貓貓好多活動空間，睇住距地行黎行去，好治癒😍。菠蘿莎莎 伴 香草烤春雞(半隻)跟餐湯、牛油芝士條。菠蘿沙沙酸甜開胃，烤春雞肉質嫩滑，伴薯蓉份量好幾多，好飽肚，性價比頗高。☺️另外仲點左西班牙香酥雞翼，有四隻，外脆內軟，少少辣，好惹味。跟餐+$3有藍糖乳酸梳打同凍奶茶，都幾好飲！😍

之前去過旺角個間 今次有時間去埋觀塘個間 觀塘環境比旺角大好多 而且瞄瞄仲有更大既活動空間 又得意 不過食物質素就一般～仲可以買罐罐餵瞄瞄 ～一揸住罐罐瞄瞄就會痴埋黎 有隻「馬蹄露」最為食 為遞手比你㩒住罐罐 令到你唔可以唔餵佢😂😂😂😂此食評並沒有接受任何試食優惠

*mug9doueat #79太耐冇蒲頭 唔係（被）消失純粹係因為疫情少咗出街食見疫情好返啲今日再嚟幫襯一間好耐冇食嘅店Urban Cafe見佢依排開咗分店即刻嚟試下內裡比起旺角分店大好多 亦都光猛咗一如以往有好多肥嘟嘟嘅貓店長駐場😻QRcode落單 非常方便朱古力咖啡沙冰甜度適中 唔會太甜飲落去又夠質感極濃厚原隻蟹蓋蟹肉忌廉意大利飯一送到嚟好得意真係有兩個蟹蓋仔係面喺佢裏面都釀咗啲蟹肉同蔬菜意大利飯就好啱香港人口味唔會太硬芝士味好濃仲加咗好多菇超級無敵香竹炭肉眼漢堡配薯角份量都唔算少架肉眼夠晒厚 但略嫌少少乾薯角新鮮炸起夠脆🤤貓貓真係好可愛謝謝都超級肥啲毛毛都剪到好整齊但係都會擔心佢哋有癡肥嘅問題大家記得去玩貓嘅時候唔好喺走廊度塞住晒因為你又行啲貓又行 啲侍應姐姐會好辛苦㗎

今日下午想搵間cafe食嘢，去咗有貓貓玩嘅urban cafe，原來佢啲食物都幾高質，有驚喜！我哋點左一個主菜、一個小食、一個甜品share。安格斯牛肉手工竹炭漢堡，配有沙律菜、脆薯 - 漢堡入邊有塊超厚身嘅漢堡，好juicy，再配車打芝士、蕃茄、生菜，我真係要用刀叉切嚟食，因為料好多😆個竹炭漢堡包都係巨型size，好似成頂帽咁。最欣賞佢有好多沙律菜，唔會淨係食漢堡包同埋薯角咁dry，佢放嘅沙律麻醬汁夠多亦好味😋脆炸爆谷雞塊 - 一碟都有好多條，喜歡佢炸完唔油膩、好乾身，而且個脆皮唔厚、唔係粉狀，肉質唔”鞋口”。美式熱香餅再配朱古力雪糕 - 有兩小塊熱香餅，其實好啱小朋友，份量唔會太多，再加上上面鋪滿咗楓糖漿、棉花糖、少量嘅藍莓同士多啤梨粒。今日嘅雪糕係Oreo味，正！凍400次玫瑰咖啡 - 上面打出嚟嘅咖啡泡沫好幼細，味道濃但唔苦澀，再配下面鮮奶同清香嘅玫瑰花味汁，原來咁夾！凍Oreo 脆脆特濃朱古力 - 加入左Oreo 餅醉，口感比起普通朱古力特飲更加豐富，甜度適中。

朋友一直都好鐘意貓咪但屋企無得養週末聚會就想去呢間空間大又舒服既CAFE坐下！旺角比觀塘分店細，呢間位置會大好多，都坐得舒服！一去到店內都要先把鞋，套入鞋套機戴上鞋套，雙手要消毒先可以去啊。今次我地決定單點因為想試下美國安格斯西冷牛扒，嘿嘿，牛扒五成熟配上黑松露醬真係正，而且牛味濃郁又多汁，估唔到有西餐廳水準，唔會失望，我自己就鐘意五成熟啦，大家可以自行選擇。另外朋友食既蟹蓋意蟹肉意大利飯，真係2個完整蟹蓋，配上鮮甜蟹肉，十分夾！飲品我試了菠蘿蘭香子伯爵茶，感覺清新又健康，同埋夠料，酸甜開胃！會再光顧，野食選擇多又服務態度好

成日都聽到Urban Cafe呢個名，今日終於有機會嚟試吓。佢既野食真心全部勁高質，好後悔冇早啲嚟食。我哋去食呢一日係平日嘅夜晚，所以唔使等位就入得。餐廳用QR code點菜，我哋因為唔食甜品所以冇叫套餐，就咁散嗌左唔同嘢食。所有嘢食其實都好好食，但如果真係要排名嘅話會咁排：青蟹籽意粉>巴馬火腿薄餅>西冷牛扒=四重芝士野菜沙律=三文魚牛油果墨西哥餅。逐樣嚟講吓先。青蟹籽青口忌廉扁意粉，想講佢所有嘢食嘅賣相都整到好靚😍影相100分。上呢個菜嘅時候仲未除口罩，但係隔住口罩已經聞到勁濃勁香。第一次食青蟹籽，口感同平時食嗰啲橙色蟹籽一樣好爽口。佢嘅意粉係我鍾意嘅軟熟度，比較偏硬身，忌廉芥茉醬嘅份量足夠令每一條意粉食落去都唔會乾爭爭，味道同聞落去一樣勁濃郁，仲有我最鍾意食嘅冬菇，無論係麵定係配料嘅份量都非常多，青口好大隻食落好新鮮。真心無論味道定賣相都極吸引，超級推介！！🤩巴馬火腿薄餅，薄餅唔算好大舊，兩個人分啱啱好。薄餅皮係有少少似麵包質地嗰款，上面嘅配料一睇就勁足料，每一塊薄餅上面都食到厚身嘅芝士，番茄醬唔會蓋過左芝士嘅香味，所有配料加埋一齊perfect match😋沙律叫

我之前係旺角個間都去過，今次就中午同同事觀塘新開嘅分店。 分店地方更大，貓貓活動範圍更廣，而且裝修開陽簡潔。食飯時，身邊會有好多貓貓🐱行嚟行去，偶爾仲跳上枱/櫈，甚至大脾🤣，感覺好有活力生氣。挪威🇳🇴三文魚青醬忌廉班尼廸配墨魚汁包（$88）每次見到班尼廸都忍唔住點，好想食佢超級流心蛋黃，又香又滑，再配上滿魚油香嘅三文魚及口感濃滑嘅青醬忌廉。下面仲有烤得香脆嘅墨魚汁包😋法式胡椒燒汁伴牛肉眼扒（$108）牛扒煎得好香，灑上香濃胡椒燒汁，增添香味。伴碟有香煎蔬菜及炸得脆卜卜嘅薯角，唔太油膩，不知不覺會愈食愈多🤣藍花皇家伯爵荔枝紅茶（+$31）原壺上嘅紅茶，入面材料滿滿🤩，花香滿溢，仲甜甜地，飲落成個人都好舒服😌抹茶拿鐵（$17）抹茶🍵味道都想像中濃厚，加上牛奶嘅幼滑。每個套餐都包是日餐湯及麵包。