影片
更多
2021-04-22
93 瀏覽
唔使返學，但又考試困獸鬥左2個星期，今日出關啦咁開心既日子，當然要出街食餐啦~ Urban Cafe, 我黎啦~~話時話，我又真係幾鐘意黎呢度，除左近屋企價錢又唔貴，雙人套餐好抵食而且呢度既消毒做得好好，入門口除左噴手，仲要著埋對鞋套係呢D時候，咁既清潔消毒措施真係大大加分呀~呢度用QR CODE 落單2人餐 HKD 298 包沙律，湯，2個MAIN COURSE 同飲品仲可以加28蚊配多個小食 前菜的話就不過不失啦~ 不過沙律加左菠蘿同沙律醬又幾好味我鐘意留番少少沙律 同MAIN COURSE 一齊食，清下味蕾又可以消膩個忌廉粟米湯，其實味道唔錯的，仲有粒粒粟米係入面可惜唔夠熟，扣左少少分~呢個就係加28蚊的小食，估唔到，咁大份........有爆谷雞柳條、魚寶、同埋薯塊每件都炸得金黃，而且仲熱辣辣架~~ 非常香口 (仲燙口~XD ) 值得讚既，隨碟有2款醬汁呀，唔使淨食茄汁咁DRY 3款入面我最鐘意呢個魚寶， 佢外型似Ｘ樂雞，但外脆內軟，魚肉好滑。反而個雞柳條就比預期中實，不過外皮夠脆，ＯＫ啦~ 主食點左三重芝士肉醬意大利麵真係幾多芝士呀～滿滿的碟邊都係芝士雖然多芝士，不過唔會好
困獸鬥左2個星期，今日出關啦
咁開心既日子，當然要出街食餐啦~
Urban Cafe, 我黎啦~~
話時話，我又真係幾鐘意黎呢度，除左近屋企價錢又唔貴，雙人套餐好抵食
而且呢度既消毒做得好好，入門口除左噴手，仲要著埋對鞋套
係呢D時候，咁既清潔消毒措施真係大大加分呀~
呢度用QR CODE 落單2人餐 HKD 298
包沙律，湯，2個MAIN COURSE 同飲品
仲可以加28蚊配多個小食
前菜的話就不過不失啦~
不過沙律加左菠蘿同沙律醬又幾好味
我鐘意留番少少沙律 同MAIN COURSE 一齊食，清下味蕾又可以消膩
個忌廉粟米湯，其實味道唔錯的，仲有粒粒粟米係入面可惜唔夠熟，扣左少少分~
呢個就係加28蚊的小食，估唔到，咁大份........
有爆谷雞柳條、魚寶、同埋薯塊
每件都炸得金黃，而且仲熱辣辣架~~ 非常香口 (仲燙口~XD )
值得讚既，隨碟有2款醬汁呀，唔使淨食茄汁咁DRY 3款入面我最鐘意呢個魚寶， 佢外型似Ｘ樂雞，但外脆內軟，魚肉好滑。
反而個雞柳條就比預期中實，不過外皮夠脆，ＯＫ啦~ 主食點左三重芝士肉醬意大利麵
真係幾多芝士呀～滿滿的碟邊都係芝士
雖然多芝士，不過唔會好膩，肉醬夠野味，而且濃稠度適中煮意粉既時候控制得不錯。
我唔太鐘意好硬，中間要留白心既懶正宗的煮法，亦好怕入口變溶溶爛爛個種
呢度既意粉就好啱我口味，軟得黎帶有韌性。
切餅啦~同小朋友黎，又點會無PIZZA呢~
呢個夏威夷風情拉絲水牛芝士手工薄餅小朋友就最愛啦~
切出黎既芝士拉絲真係睇得見，望得到~ 無呃人架~~餅底係半厚底，脆脆的，都幾飽肚架~
呢度既沙冰比其他飲品都好，推介下菠蘿沙冰，有菠蘿香味但又唔會太甜
另一個OREO 沙冰係女女既必點，次次黎都要點本黎以為OREO 會好甜，點知又唔會喎，有OREO味但又唔會甜到膩，有驚喜
餐廳的一角，住左好多貓貓~
貓貓一D都唔怕生，好悠閒咁係度行行，企企，瞓下覺~ 有時會行上張枱企定定俾大家影下相，之後就好高傲咁行左去，好搞笑
有時食緊飯，佢地會係你枱底經過，條尾掃下你，跟住又行走左
有咁多咁乖既貓貓陪食飯，又真係幾得意~
雖然餐廳用餐時間係90分鐘。不過所有食物都好快上枱，所以絕對夠時間食飯同睇貓既而且餐廳都幾多顧客，建議大家先訂枱呀~
題外話/補充資料：
記得係駱駝漆大廈第1座, 不是第2座呀~唔好去錯~
(以上食評乃用戶個人意見 , 並不代表OpenRice之觀點。)
張貼
