URBAN Cafe (彌敦道)

營業中

休息中

說真, 我不是愛貓之人, 但我家皇上&兩位大子是, 那冇辦法, 我地 lee d 奴脾, 為有 捨命倍太子吧. 為何選這間, 因我公主跟她的朋友去了這間的觀塘分店, 說需有  min $100/人, 但食物 ok, 貓貓也可愛, so 我今次就選了 MK (因觀塘我們有些遠), 我們 BOOK 了 15:30, 但早到了, 不能入, 但告知了店員如有位來電通知我們, 這位店員 OK NICE 的, 過了一陣找打給我, 說有客人早走, 可能是 MK 店, SO 比較多客人, 店面有點逼, 我們有幸坐了近窗口 (咁啱見到遊行), 那些貓貓都打理得好 OK. 我們叫了些吃的. (我在相片中寫了 COMMENT, 就不再在這裡寫了).  結論是 : 我皇上說, 如玩貓貓就還可以, 但來吃的就.... 88 lu...    

💛大量🐱🐱圖，慎入💛最近一放假, 天氣就麻麻地, 冇咩地方好去, 我地又去左搵cafe玩, 今次介紹呢間良心貓cafe仲要連續2星期去左2次😆😆 入店前, 先要踏腳入門口部鞋機, 會自動有膠袋套住隻鞋, 幾衛生, 又唔驚踩到細菌比貓貓唔小心lam左🙏🏻店內Keep住播放港台頭條新聞節目, 整間店都係貓貓嘅活動空間, 有好多隻肥嘟嘟嘅貓貓玩/ 被玩, 一入到去就有好多貓貓歡迎你, 有D仲趴係你食野張台到訓😂 仲要隔一陣又轉個pose再訓XD 完全進入無人之境🤣, 部份貓貓都任摸唔嬲, 有D仲跳上餐枱陪食, 望住佢地食野都特別治癒!☺️野食方面, 一次過同大家分享返2次食嘅野, 有選擇困難症嘅人最岩揀食2人餐, 2個主食仲連前菜沙律、餐湯同飲品各2份, 3百蚊有找仲有貓玩, 勁抵呀!👍🏻前菜係菠蘿沙律, 是日餐湯南瓜忌廉湯, 好香濃, 仲食到南瓜絲, 一D都唔馬虎嫁👍🏻主食先揀左"溫泉蛋煙肉野菌配卡邦尼扁意粉", 黏度岩岩好又唔膩, 意粉軟硬度適中, 芝士醬汁加香滑蛋醬好濃郁, 溫泉蛋好通透, 吉穿佢同卡邦尼汁混合更好食🤤 配有大量蘑菇同煙肉好足料! 超推介呀!另一主食就點左"巴馬火腿拉絲水

今日同朋友放工去旺角行街順便食飯，於是諗住搵間黃店cafe食下，雖然係平日，但都幾多人，所以都等左一陣先有位。值得一提嘅係Cafe好貼心咁準備左鞋套機，確保衛生👍🏻一入門口已經貼滿文宣💛首先就點左個慢烤美國嫩雞胸配檸檬蘋果醬意粉，個雞胸好嫩滑，再加上烤過配埋個醬好香，個意粉份量都好足👍🏻即磨芝士黑松露野菌大啡菇忌廉意大利飯，菇、松露同埋芝士都好入味👍🏻👍🏻挪威煙三文魚拉絲水牛芝士手工薄餅，pizza好香脆，三文魚同芝士加埋一齊好夾🥳咁樣叫完大家share食埋單每人100蚊左右，又可以坐低係個咁舒服嘅環境傾計，cp值都幾高👍🏻👍🏻

Urban Café @ Mongkok上星期同左好姊妹去呢間樓上Café食晚餐本來都冇乜為意既 原來上到去有好多隻肥肥白白既貓貓係我地落左Order後等食期間同貓貓玩就變左極速消磨時間既方法啦 因為好熱呢我就先叫左野飲我叫左薄荷青檸梳打 都幾大杯飲落超消暑之後就逐一上食物啦煙三文魚沙律三文魚都幾多喔足夠3人份量已經完全解凍唔會有雪味 沙律配黑醋夠開胃避風塘雞翼係全隻雞中翼黎架 炸粉夠薄食落惹味香脆 一隻接一隻真係肥死我地三文魚芝士墨西哥餅呢個失色少少 因為餅皮偏薄偏軟可以烘脆佢應該會好食D慢煮羊前膝呢個菜係要耐少少時間去煮架要叫既就要留意番!但好野係值得等待既羊膝肉質嫩滑冇”SO”味 而且已經離哂骨不費吹灰之力就可以食到啖啖羊肉黑松露燒汁亦好夾 帶到羊肉既鮮味出來配菜薯條熱辣辣大大條 正呀!呢間Café 野食算係中上水平位置寬敞 再加上貓貓神加持絕對值得再黎食飯同打卡呀~

話說今晚落來旺角同一個舊同事食飯 （因為佢有禮物要俾我🤫），事關佢本人是超級黃派，所以佢話一定要揀黃店食飯🙈我就跟住佢黎到呢間Urban cafe❣️.入到餐廳，即刻見到好多貓貓😍隻隻都好可愛💕有啲仲企咗喺枱、坐咗喺客人大髀上面添🤣投影器投射咗港台節目喺牆上面，餐廳風格整體以簡單、乾淨為主❣️睇睇menu，食物都好多樣化，超多選擇🤩不過最後都係揀返呢個好抵食嘅二人餐😎因為見好多人都係點呢個餐，一定唔會嗌錯啦😜是日餐湯+沙律各2份忌廉湯超濃郁超creamy😍餡料有粟米有煙肉，好似飲緊卡邦尼意粉d 汁咁🤣沙律蔬菜幾新鮮❗️配埋微酸嘅柚子沙律醬，清新又開☺️.我哋仲額外配咗 $28 要埋呢一個 ➡️滋味二人小食拼盤炸雞塊新鮮即炸😍 非常香脆💕一d 都唔乾身，好多肉汁好juicy❣️同日本餐廳食嘅唐揚炸雞味道+口感都非常相似👍🏻 絕對推薦大家試吓佢哋嘅炸雞❗️呢個拼盤另外仲有香煎司華力腸➕薯角～.飲品方面我要咗➡️蘭香子雜莓綠茶仲以為咩係蘭香子🙈其實應該就係類似奇亞籽嘅一種食物，不過可能係有少少唔同，因為呢隻係有少少帶白色，而其奇亞籽浸左會變成全透明嘅～飲品味道清新帶酸，而酸中亦帶少少甜味，幾解渴又解油膩👍🏻

今日同朋友黎到旺角一間都幾出名既貓貓cafe覓食之前已經想黎㗎啦，可惜冇book到枱，咁啱個晚fully booked摸過次門釘之後就學正左，提早左成個月約fd子同book枱了為左保護番d貓貓，進入餐廳範圍前要係門口部鞋套機度著番個鞋套先我地約左平日六點黎，餐廳都已經坐滿晒人好熱鬧餐廳裝修行工業風，環境唔算太大，坐到三四十人度檯與檯之間既空間唔多，所以其實都會有少少吵的呢度有好多貓貓周圍行黎行去，佢地都好得意好乖啊佢地都有帶個刻住佢地個名既頸鏈d貓貓都唔怕羞，會主動行過黎嗲下人比人摸我地都玩左陣貓先叫到野食，我地一行三人黎到我地叫左三個主食share～慢烤美國嫩雞胸配檸檬蘋果醬（$128）慢烤過既雞肉幾juicy同嫩滑，質感很不錯配上酸酸甜甜既檸檬蘋果醬簡直係絕配，大推啊！-挪威煙三文魚拉絲水牛芝士手工薄餅（$98）Pizza size唔算太大，啱2-4人share，多人叫share黎食就要考慮下了中意佢pizza鋪上滿滿既芝士mix沙律醬，雖然個日食落唔覺佢做到拉芝既效果，但個醬汁好好食啊薄餅厚底做得都鬆軟有咬口，食完一份之後已經飽左三成了-即磨芝士黑松露野菌大啡菇義大利飯（$89）

黃店，力撐！💛💛💛難得嘅貓貓Cafe，有高質嘅食物，態度友善。如果大家平日7點個d繁忙時間過嚟，一定要book咗位先啦，如果唔係就有排等㗎啦~今次我哋叫咗個二人餐，包前菜，餐湯，意粉或飯，主菜，飲品。+$28 有小食拼盤沙律較為普通餐湯有驚喜，係南瓜忌廉湯，真係飲到一條條南瓜絲㗎~小食拼盤，$28 十分掋食意大利飯有驚喜，好香嘅蘑菇同芝士味Pizza亦都唔hea，每人2塊岩岩好啊貓貓特集***如果大家上黎想玩貓，真係要係非凡忙時段過嚟啊~ 如果唔係啲貓真係只會周圍行嚟行去整體:🤤🤤🤤🤤

防疫措施好足,準備曬鞋套，乾淨又衛生！店內文宣好有震懾力！同路人真係多多支持。當然，餐廳質素亦勝人一籌先推介！簡單唔洗煩，二人套餐hkd 278，有餐湯、沙律、主菜及飲品濃郁忌廉南瓜湯，香濃好creamy。配番個清新沙律，好balance!即磨芝士黑松露野菌大啡菇忌廉意大利飯 面頭有滿滿嘅芝士碎，risotto 有忌廉香味，味道都唔錯，因為芝士唔會太濃，又有菇菌香味。巴馬火腿拉絲水牛芝士手工薄餅Pizza餅底好正，少少厚度，脆得黎又吾會太硬，而且又好足料，滿滿水牛芝士，仲有得拉絲！套餐可以配$38飲品，另外就補差額，我地叫左呢兩杯青檸薄荷蜜糖梳打蜂蜜生薑茶整體環境 食物都好令人滿意，分量又女仔黎講都有好夠！

呢間貓cafe好出名，因為佢入面有最少十隻貓貓，而且客人係可以一路食飯一路同貓貓有接觸~我預早左一星期經openrice book枱，去到發現成日餐廳都坐滿晒人，非常熱鬧咁我地叫左個二人套餐，另外加左錢叫左杯紫薯拿鐵同埋oreo 朱古力~個餐係有包埋餐湯同埋沙律嘅，個湯係南瓜湯呢個南瓜湯好濃奶香味，而且好滑，配埋南瓜絲，可以提升個口感!沙律都好清新，配胡麻醬好味~跟餐南瓜湯及胡麻醬沙律主食方面我地揀左個日式青蟹籽大蜆大蔥忌廉扁意粉，個忌廉汁又係好香奶味，而且仲好掛麵蜆肉份量都唔少，配埋d菇食好味不過食食下可能會覺得有少少膩日式青蟹籽大蜆大蔥忌廉扁意粉呢個pizza上到黎仲係熱辣辣，要拉絲完全冇難道!個芝士仲要好咸香，餅底又脆，超好味意式辣肉腸拉絲水牛芝士手工薄餅飲品方面就冇食物咁出色，不過都唔錯~個紫薯拿鐵好濃奶味，不過紫薯味就唔係好覺喇紫薯拿鐵個朱古力就好飲d，甜度岩岩好，而且真係飲到有oreo味Oreo脆脆特濃朱古力

父親節機緣巧合下黎左呢間餐廳食飯，入到黎先知原來係貓cafe ,,好多貓貓，反而囡囡見到好開心﹐野食方面，亦比想像中出色，Pizza整得幾好味，雞鎚有香辣味，Oreo 飲品最出色，下次有機會再嚟

呢間Cafe啲嘢食有驚喜！入去之前可能因為係貓貓Cafe，所以要着鞋套。員工嘅服務態度好有親切感，上菜速度都好快，環境好有新鮮感就唔使講啦！我同朋友叫咗個二人套餐加一份小食，份量好如好足夠，二人套餐入邊有前菜沙律，南瓜湯，一個自選意粉，一個自選主菜。我哋就揀咗三重芝士肉醬意大利麵同安格斯牛肉手工竹炭漢堡，肉醬意粉嘅芝士味好濃，意粉軟硬度適中。個安格斯牛肉非常好食，係我喺cafe食過最好食嘅漢堡，入口即溶，肉質嫩口，非常好食👍🏼套餐加少少錢仲可以食埋甜品，我哋加咗個心太軟，可以揀朱古力味或者抹茶味，我哋就揀咗朱古力🍫，個甜品又有雪糕又有心太軟，仲有一個好靚嘅cream！小食就叫咗個水牛城雞翼，啲雞翼勁大隻，味道都好香口，汁多肉嫩，出面果皮脆脆地咁，口感好好！我哋仲加咗兩個飲品，分別係水蜜桃🍑沙冰同Oreo脆脆特濃朱古力🍫，熱辣辣飲沙冰真係好爽！兩杯嘢飲甜度適中，佢仲有好多唔同款式嘅嘢飲可以揀添！

而家出家食餐西餐閒閒地都要人均三舊水，真系唔平呢今日俾女朋友捉左去Urban Cafe食野加玩貓仔，估唔到呢間貓貓cafe 野食水準又幾高，仲要幾抵食<二人餐$278>二人餐包沙律、前菜、兩個主食同野飲，真系抵餐湯、沙律南瓜湯清清地，有南瓜絲，好飲呀小食拼盤$28拉盤跟餐加二十八蚊，有齊司華力腸、薯角同炸雞塊，份量十足，炸雞鮮嫩有雞汁西斑馬黑毛豬肋骨豬肉軟腍，油脂分布平均，性價比好高日式青蟹籽大蜆忌廉意粉健康之選，青蟹籽食落幾fresh，有少少芥末味，配大蜆唔錯

難得有間就腳 價錢又親民既黃店cafe當然要幫襯下😚2個人叫左1個pizza 1個主菜 2個小食最推薦既係挪威煙三文魚水牛芝士pizzaPizza上枱唔大 大概6/8吋 2個人分食啱啱好 唔會太飽或者唔夠Pizza面有滿滿既芝士混合千島醬醬既甜加上芝士同煙三文魚既鹹香好食到唔捨得食完兩款小食都同樣擊中要害😍水牛城雞翼係睇相已經覺得吸引上枱好有驚喜 58蚊5隻大大隻每一隻雞翼既炸皮都有滿滿既醬汁包裹住個汁就唔算太辣 偏重香料味同茄汁既酸甜食落相當惹味！另一款係黑松露芝士薯角開頭以為會用芝士醬 點知係真芝士！！薯角炸得夠脆 黑松露同芝士味濃郁實在太好味啦❤️反而係主菜西冷牛扒就一般黑松露燒汁好味 但塊扒本身就無咩牛味勝在薯菜都好多 塊扒又大 就抵食

👧🏻😋👅🍽✨.🐈🥪🧀🍔🐮🐑🥗🧁🍎🍵🐱.一句講晒：好食、黃、抵、靚 ❤️💯.🐈🥪🧀🐱溫泉蛋芝士明太子醬厚多士 $58✨多多多芝士✨明太子醬好香濃但唔會太鹹.🐈🍔🐮🐱安格斯牛肉手工竹炭漢堡 配薯角 $92✨沙律好正fresh有柚子醬✨薯條熱辣辣☁️個包唔多覺有竹炭味不過整體都正.🐈🐑🥗🐱新西蘭露絲瑪莉羊前膝 配黑松露燒汁 再配薯角 $168✨啲肉好滑好嫩呀✨少少鹹香✨成條rose mary睇得又聞得.🐈🧁🐱Oreo脆脆朱古力沙冰 $58✨朱古力香濃✨oreo又出味✨cream好滑.🐈🍎🍵🐱蘋果醋荔枝伯爵茶 $58✨荔枝味fresh✨茶香☁️少少覺得甜左D.加一服務費

從未試過同🐈貓貓甘近距離一齊食晚飯，好開心🥳入到去，感覺好意外，完全冇異味，仲好衛生入去之前要穿鞋套！我哋坐低左已經有貓貓坐扒左係我哋張枱到，好似想同我地打招呼甘👋貓仔好乖架，吾會周圍跳來跳去，佢哋好懶洋洋甘瞓覺，鐘意貓貓嘅朋友仔一定要去試吓👍我哋叫咗有水牛雞亦，辣辣哋幾好味，另外叫左日式青蟹籽大蜆大蔥忌廉扁意粉、巴馬火腿拉絲水牛芝士手工薄餅好大碟，D芝士真係可以拉倒架。其實佢仲有好多其他選擇，樣樣都好正！飲品我點左壺花茶，可以消下滯。甜品係有第二個胃，所以再加份雪山心太軟，真係超級滿足。下次我哋一定再返黎探下D貓仔！