Uptop Bistro and Bar (已結業)

頭盤Parma ham配蜜瓜，個🍈好甜同parma ham好夾，但加埋三文魚籽就唔係好夾曰！湯係冬瓜湯，上枱嘅時候冬瓜蓉上面有幾條parma ham絲，侍應就過黎倒d湯入變成冬瓜湯，之後鵝肝，雖未至入口即溶，但都可以！主菜五揀一，我要牛排，朋友要燒春雞。雞就胸位唔算嫩滑髀位ok，伴碟蘑菇真係好好味，牛扒都ok，肉味重d粗豪d既感覺，最後甜品烏龍茶雪糕同earl grey mousse cake。蛋糕無咩茶味，雪糕反而似焙茶味，唔太甜i like$ 398一個set既價錢還可以啦〜

睇咗食評咁耐，先決定同女朋友慶祝黎呢間餐廳。見佢依家做緊新菜單不妨一試，經訂枱後到餐廳，由侍應介紹下試咗個晚上套餐。頭盤是水牛芝士但冇味嘅又同綠色汁唔夾又好怪，個湯係意大利菜湯冇味又淡。再來墨魚汁麵有香味但係食落去又係冇乜咸味，得半粒帶子喺上邊睇落去好孤寒。主菜嚟啦，個豬腩卷好肥得二三成肉，食到成口都係肥油。主菜龍蝦湯好淡好似開湯粉咁，樣海鮮又冇煮過嘅色。飲完好口乾。最後甜品Tiramisu OK好食嘅，拿破崙就冇吉士味，白雪雪又好奇怪？總括來講食物未如理想，環境 ok 的，不過侍應係有用心介紹的呢個一讚的。

聖誕節想搵一間環境唔錯既餐廳，見有海景所以就試下佢個Christmas menu，好失望，唔會再黎。味道：得麵包同sorbet 係OK，其它都好難食，呢個價錢黎講好失望，食MCD好過。Black truffle pasta同beef wellington完全無味，個牛生到切唔倒出曬血.....連甜品都食唔落口，個雪糕藥水味，配料又超酸。環境&衛生：非常一般。服務：Christmas要全數落訂，連訂金都計錯數。抵食：Christmas預咗咩都貴，但我諗我寧願100蚊食一個MCD餐囉，呢個5 courses (成$700) 衰過5個MCD sets，真係好唔值！

終於抽到時間同表姐嘆個靚靚下午茶 今次去到尖沙嘴搵食 網上見到下午茶配摩天輪組合 非試不可好彩半個月前已經訂檯 一入門口見到全院滿坐 仲有唔少男士陪女朋友/老婆黎食 下午茶就有兩款可以揀 摩天輪或者首飾盒 我地當然揀咗咸點較豐富嘅摩天輪🎡呢款下午茶包含咗甜點咸點兩部份鹹點方面有香煎吞拿配魚子醬 吞拿魚只被輕輕煎過 外熟內生 保留到鮮味 加上魚子醬帶一絲海洋鹹味三文魚籽蜜瓜帕爾馬火腿 三文魚籽色澤光鮮 大小均勻 風乾火腿嘅鹹香剛好中和蜜瓜嘅爽甜黃金炸雞 微辣 炸得金香唔厚炸粉迷你竹炭和牛漢堡 黑色包好吸睛和牛夠juicy 製成漢堡 肉汁滲入包內 好惹味水牛城雞翼 製成串燒形式 雞翼唔乾身 帶少少甜而甜點方面就包括迷你宇治金時慕絲慕絲嫩滑 而且紅豆香甜 平衝綠茶嘅甘味綠茶芝士蛋糕 芝士味同綠茶味都好平均雜錦甜甜圈 色彩繽紛無死甜 馬卡龍以及朱古力 黃色配粉紅色 好少女 心形朱古力帶香濃可可味飲品我地選擇桃茶 建議怕甜嘅朋友揀熱飲 甜度會更適合今次下午茶除咗食物好 環境更好 只要坐近窗邊位置就可以遠眺維港 性價比100分

訂呢度嘅原因： 1.openrice見到好多笑臉, 2. 有Early bird discount結論係：不會再光顧訂位： 職員經whatsapp send畀我嘅訊息係 “價錢：698一位（只要在21/12前訂的話，即可享用八五折優惠已連加一服務費)"最後確認價錢嘅時候, 係要加原價10%服務費, 打去問職員 “唔係已連加一服務費”了嗎？ 職員態度一般, 淨係答一句 “總之係呢個價錢啦”.... 由於懶得再搵地方, 亦唔差少少錢, 所以最後都係定咗環境： 成間餐廳400呎唔到, 好似租咗一個商業大廈單位, 放幾張枱做生意, 一入去唔知係唔係抽風系統唔好, 會有輕輕的廁所味道. 位於十八層樓高, 本身係可以望到少少夜景嘅, 但係因為佢好多窗框, 樓底又矮, 而佢室內d燈又開到寫字樓咁光, 所以基本上睇唔到夜景.服務： 侍應係好有禮貌嘅, 但係真係好唔專業. 斟酒嘅侍應, 竟然可以唔拎布包住支白酒 , 而直接手揸住, 斟酒斟到七成滿. 食到一半嘅時候, 可能已經冇乜人, 佢哋要準備第二日, 竟然開始喺我哋隔離枱, 收枱布移檯. 所以佢哋嘅服務水準, 係冇受過任何專業訓練.食物： 除咗湯,

如題，因座位不多，建議預早訂位或去前打電話留位，所以去到係唔洗等位，而服務人手都足夠，提供到應有既服務水平。當日同朋友慶祝生日，可以預先聯絡係甜品寫生日message個日叫左dinner set，整體食物不錯裝麵包既袋，有三款麵包，芝麻包最好食菇湯帶子煎得剛剛好 海鮮, 叫左3個main course當中最好食Pork Belly，要襯熱食，凍左皮會硬加左錢有3杯wine，當中sparkling最好， 紅白酒普通景觀幾好，係幾開揚係尖沙咀建築景加維多利亞港景 (不過忘記左影相哈哈)

餐廳環境舒適、氣氛很好, 幾適合和朋友在這裏吃個寧靜的高級晚餐，亦是情侶們吃晚餐的好地方。這次吃了餐廳推出的晚市套餐。首先, 店員會呈上麵包籃, 麵包籃入面有麵包餅乾條、香草麵包和法包。香草麵包很軟熟, 帶微微的蕃茄和香草味, 我自己比較喜歡吃餅乾條, 很脆口。Italian vegetable soup - 這個湯帶羅宋蕃茄湯味, 裏面有蔬菜。Porcini, Shiitake & button mushroom soup - 質感杰杰的, 蘑菇味濃郁突出。墨汁意粉上面有香煎原隻帶子, 意粉充滿蒜香味, 帶點辣辣的味道, 很惹味和開胃。很喜歡意粉的質感, 有微煙韌彈牙的口感 , 墨汁味道夠濃郁。海鮮以意大利式煮法烹調, 裡面有大蝦、蜆、原隻帶子、青口, 旁邊還附上烘過的牛油多士。Affogato - 雲呢拿雪糕會倒入 expresso, expresso來到的時候是熱的, 將熱的espresso放進冰冷的雪糕裡, 幾特別, 雪糕不會太甜膩。

第一次去到Uptop & Bistro high tea，地方雖小，但餐廳喺19樓，望落去仍然有少少境提提大家，如果想影相，最好book定窗口位！我同友人無book窗口位，所以去到嗰陣只能坐無咁靚嘅位！但幸運之神眷顧我哋，有人cancel booking，餐廳嘅服務員主動offer窗口位比我地，仲細心幫我地搬野我地叫左Dazzling Ferris Wheel Afternoon Tea set好味又靚！鐘意食炸雞粒嘅你一定要試下！佢個炸雞粒有少少辣，就算擺左成個鐘先食仍然好juicy唔會好乾仲有串雞翼真係好入味🍩同macaron 都好好味！唔會太甜！macaron應該係咖啡同綠茶味2小時雖然唔夠我同友人相聚，但環境同服務都一流highly recommended

有follow開我既人都知我係好鍾意去d有靚景既餐廳今日黎到尖東一間酒店既頂層食tea雖然天氣唔太好但係都睇到小小海景未食心裡已經加分叫左一個 幸福摩天輪下午茶 $348/2ppl (經openrice訂座85折)咸點同甜點質素都中上份量都好多食tea食到會有飽既感覺值得一提既係生日月份既顧客都會有一個小小既cake送相當貼心總括黎講食物會比7.5分環境9分員工服務質素都有9分今日之後係我既抵食靚景餐廳checklist入面又多一間了 Uptop Bistro and Bar地址: 尖沙咀漆咸道南117號珀薈酒店19樓電話: 21173526 

好中意呢間餐廳！成日出新menu👍🏼製作又有心思❤️.我地揀左set dinner，$398/位每人有六個courses食😳😍首先係前菜哈蜜瓜巴馬火腿加上三文魚子，好味！哈蜜瓜夠晒鮮甜😋餐湯係非常清甜既冬瓜蓉湯💕好想飲多碗🤣跟住有好肥美juicy既鵝肝🤤主菜部分有香煎鴨脾及安格斯牛排😳係每人分別有兩碟一人份量既main❗️兩樣都好味！好正有咁多個courses可以試多啲野🤣👏🏻最後，甜品係伯爵茶蛋糕配烏龍茶雪糕！我中意茶味雪糕呀！😍味道都幾突出👍🏼估吾到係大份的😳開心仔😋.

今晚燭光晚餐，各自点咗個dinner set頭盤大家都一樣是 Rock Melon Prosciutto，用 Parma ham 包住 melon，加少許三文魚籽在頂，突顯甜味，加上擺盤精緻，未食已經開胃Parma ham 未算太濃，適合大眾，配上甜密瓜，一絕餐湯分別是鮮甜而带有冬瓜味的Winter Melon Soup同Spring Green Minestone 菜湯味道清淡，較為普通。接住再黎頭盤，係味道比較濃的鸭肝。雖然冇鵝肝咁肥美，但味道濃沃，入口即溶，加上瓜放在底，中和咗肥膩感，不錯跟著是主菜，我叫左Ribeye (8oz)，味道不錯，可惜我嫌佢太薄切啦，仲要另加$68，有些不值😓另外叫左黑毛豬扒，肉質夠霖身，切開带有微微粉紅色，似用慢煮方式烹調，沙律菜伴碟最後是甜品，我点了一個Mix Melon Cup，放了幾粒不同品種的蜜瓜粒，加上 cream 及朱古力條，可惜我不太懂欣賞蜜瓜，甜蜜蜜。另一個是Melon Cake，好味。飲埋杯茶，埋單。地方雖細，但玻璃外牆，遠看尖沙咀，夜景一流，加上有個 skylounge，邊食邊享受。平均每位四百八，如果只說食物一流，環境加分，值得

遲左5個月的食後感5月時同朋友想找個經濟high tea食下，見到openrice當時有85折，即刻卜！餐廳比較細小，不到10張枱，平日walk-in 應該都未必有位，等左一陣tea set就準備好啦～同平時的tea set唔同，今次春日主題，鹹點甜點都分開上，個presentation都幾靚，花花世界。我地先食鹹點，發覺都有驚喜，差不多全部都好好食。反而甜點就不過不失，唔算好食，被鹹點比下去。之不過呢，一分錢一分貨，平日85折除番開都係$170/位，仲想點？

慶祝生日食食食第n擊今日去左high tea再咁食法真係要日日跑返幾十個圈先夠不過食得是福呀麻Uptop 既環境真係超靚，好治癒幸福摩天輪🎡真係好幸福可以坐窗邊，對住大玻璃同最愛既人嘆下午茶，人生係幾咁幸福呢！價錢仲要好優惠，$348，openrice預訂有優惠啊！果茶好好飲，唔會話太甜摩天輪set有甜咸點樣樣都咁好食！特別係個鬆餅，好鬆軟炸物都製作得非常精緻仲係熱辣辣添仲有邪惡既炸雞🍗好脆好香口，又唔會炸到太過硬———————————————————呢到既服務都好好，侍應好有禮貌，有笑容，亦都有主動既招呼！就咁就過左一個悠閒既下午，真係好減壓啊

好不容易約到大忙人和我共進晚餐，他說讓我揀，吃什麼也可以，只要我喜歡就好。 那麼就來到uptop，靜靜地吃頓summer大餐。剛好推出了個summer menu，不用頭痛吃什麼，每人不過$398，而且以夏日瓜果入饌，夠健康也正合我意。 這裏比想像中小，但環境夠靜，而且位處高空，可眺望維港景，比起一般海景西餐，這裏晚餐是相宜多了。美景當前，先點了兩杯香檳。 坐低先送上餐包，新鮮又鬆軟。 然後送上巴馬火腿配蜜瓜作前菜。啖啖鹹香伴鮮甜的哈密瓜，再加上三文魚子，簡單又清新。 餐湯是二選一的，我們都揀了冬瓜湯，上碟時先上冬瓜蓉，然後侍應再將熱辣辣的冬瓜湯倒進碟內，加上少許火腿乾，入口輕怡，喝了很舒服。 Middle course是香煎鴨肝伴蘋果，鵝肝吃得多，鴨肝反而是第一次，想不到味道不輸鵝肝!!!兩邊煎得焦甘香，中間juicy帶鴨香。加上酸酸甜甜的蘋果，中和了鴨肝的油膩感，兩者很夾，很好味。 主菜有5款，我們選了法式燒春雞，小小的春雞肉厚又多汁，加上皮薄，配上雜菌、南瓜汁、蔓越莓汁，肉質入口嫩滑，有質素！ 另一款主菜我們加了$68選了燒美國肉眼扒，扒

奧莉花師奶日日忙著湊佢的可愛艾女，野口同學又去左旅行，大家兩個月無見喇，八月之星都未慶祝，拖到今日十月終於出黎聚聚high個afternoon tea 🍵,happy gathering!熊妹之前聽聞過《Uptop Bistro & Bar》景靚，high tea set又非常吸睛，所以慕名而來滿足一下少女心❣️熊妹一早訂左位，可留枱十分鐘。不過餐廳地點距離尖咀地鐵站🚉真係有點遠，快行🚶🏻‍♂️都快行左起碼十分鐘，熊妹最後係九分鐘成功抵壘⚾️，保得住張枱！奧莉花師奶同野口同學就例遲咁黎喇。餐廳原來唔係好大，係一間尖沙咀平民酒店🏨的頂樓酒店餐廳🍴，唔係大型酒店，當然餐廳都唔會好大喇。有幾張二人枱，四人枱同一張多人大枱。熊妹訂左位，原來預留左個窗口位🍽，好驚喜！一黎到，就可以影下出面的街景，海景就無乜喇，因為唔係近海，主要就係對住歷史博物館同科學館，日頭其實無咩好睇，相信夜晚有啲燈飾會好靚的。《Uptop》tea set 有兩款，分別係以首飾盒呈現的珠光寶氣，咸點係主打三文治🥪飽類🥐，同成座摩天輪🎡呈現的幸福摩天輪，咸點主打係炸物，而甜點🍮就無咩分別。熊妹，奧莉花師奶同野口同學一致都贊成揀幸福摩