Upper Bar & Restaurant (已易手) 新餐廳

餐廳：Upper Bar & Restaurant (旺角)地址：旺角豉油街15號萬利商業大廈4樓愛雞翼同薯條之人要留意喇‼️旺角露天酒吧餐廳最近推出咗$99/$149/$199九十分鐘雞翼放題大優惠🤩，$99有6款口味雞翼比你任食，$149有埋薯條同精選甜品放題，而$199仲有埋薯條同Cocktails、Mocktails、生啤、紅白酒任飲添👏星期日晚上6點嚟到已經有10幾個人喺門口排緊隊，原來差唔多晚晚都爆場，要食真係要早啲book位。餐廳佈置成型格搖滾風格🎸，仲有一個鋪咗仿真草皮嘅露天天台，俾你有唔同嘅享受😌我今次就叫咗個$199嘅雞翼放題套餐，除咗有六款雞翼任食之外，仲有三款薯條🍟，同埋十四款酒類飲品同Mocktails，真係飲返三五杯都值返晒😎雞翼有松露牛油雞翼、沙嗲燒雞翼、櫻花蝦燒雞翼、柚子蜜炸雞翼、Hot炸雞翼，同天婦羅炸雞翼配紫菜鹽。我最鍾意嘅喺沙嗲燒雞翼，除咗沙嗲醬係大廚自己調配之外，另外仲帶有陣陣嘅花生香🥜；比較特別嘅仲有混合咗日韓元素嘅天婦羅炸雞翼，先用日本天婦羅炸物沾醬去炸脆雞翼，再配上韓國嘅紫菜粉同海鹽，大廚又幾有諗頭🤣。最重要每隻雞翼都係即叫即炸，放入口仲係熱

第一次寫食評因為見呢個雞翼放題太多打手，唔想大家再中伏！首先book 6點，5:45去到未入得，唯有落去行下先。點知6點正上到去都係未入得，而且電梯大堂冇燈，又黑又焗，仲愈來愈多人！咁細個lobby成20幾人係度等開門！6:10終於開門，原來入面有食環咁都情有可原～但放人入去既速度極慢，因為又要登記，又要兌票，同埋收埋加一錢先俾你坐低！完全唔考慮客人係出面個環境等咁耐係有幾難受！見到第一轉book 6點既客人，6點半先坐低晒！另外坐位非常迫！可惜冇影相！但絕對唔係OpenRice見到個啲相！2人枱大概10張咁拍埋，每張枱中間一塊檔板，前後留走道，坐得勁唔舒服！然後係食物，所有雞翼生炸再加粉同醬，講唔上好食。好多雞翼啲粉係少到食唔出咩味兩個人食咗頭盤每款兩隻既雞翼，另外再點多咗一次4款各4隻。Total 叫咗28隻，但都食淨咗4隻，因為每隻食落都一樣味，完全冇想食落去既慾望。跟住係啤酒，就咁用一隻細膠杯裝，隻杯200ml都唔知有冇，飲兩啖就飲完，只可以不停再落單俾多一百蚊既飲品放題估唔到係咁！最後，遲咗咁多先放人入嚟，7:20就埋黎同你講差不多夠鐘走差啲想講粗口！同佢反映番遲咗好多先入到

網上見到有雞翼放題優惠，就揀左雞翼+薯條+飲品放題$199，網上預先俾左錢訂位去試一試，去到已經見到啲位好逼夾，每兩個人一塊隔板，雖然有隔板，但疫情期間真係好高危——-第一轉自動送上每款兩隻雞翼，幾款雞翼味道勉強可以分別到，開頭覺得放題都唔要求得太多，任食食夠量就抵返，點知...食完第一轉，就即刻寫紙落第二轉雞翼過左半個鐘，都見到啲職員行來行去好忙咁，好多枱嘅雞翼都未出到，我地都冇催，反而職員行埋黎話可能漏左單，幫我地再落過單⋯佢落單之後又再等多半個鐘，第二轉雞翼先到⋯———-第二轉雞翼絕對係劣食！！！全部雞翼都係求其煮熟完，再淋啲汁上去⋯唔同嘅汁，又柚子又沙嗲撈埋一堆，不知所謂！等左一個鐘竟然俾埋呢啲垃圾我地！！！除左雞翼好差之外，松露薯條都係喺啲薯條上面求其放一兩pat松露醬！———-見到其他枱都只係上第一轉雞翼，食完第一轉都係呆等⋯幾十張枱得三個人做，廚房好似得一個人，完全唔夠人手之餘，仲要質素差劣！雖然係放題，但一個鐘先上一轉雞翼，仲要又漏單又錯單，真係好有問題！見到好多訂左位嘅人多到排到去後樓梯！———-值得一讚係職員態度好好，會主動再幫我地跟進啲單，不過落完單都要等多半個鐘

😡人手嚴重不足！做得promotion, 但成間鋪得幾個人，經常無人收單，d單又亂哂，收左單又漏單，有時又將d單調亂哂，就算無漏單，平均等3-4個字先有野食😤😤坐多過食。話幫你跟跟張單，但根本就耍你既。錢就收足，但無預過人手同材料。食到最尾個水既雞翼，連味粉都少埋，根本睇得出連味粉咁基本既野都預唔足🤗 cocktail好似咳藥水味咁，飲啤酒好過總結黎講，似由一班無經驗既人，是是但但搞個快閃雞翼放題🤷🏻‍♂️

之前睇廣告介紹呢間樓上bar 嘅雞亦放題，相片睇落幾唔錯，於是一早book左今日去食。雖然book左位，但上到去餐廳見有幾個人企係門口，餐廳職員話book左位都要等下，等唔係問題，但職員態度差係重點。之後等左差唔多10分鐘入座，成個食嘢過程真係食得好辛苦，樓面職員少做嘢生疏，叫極都無職員理我地，之後上一轉雞翼又耐，雞翼賣相差，味道差，完全食唔出廣告介紹嘅6種味道。甜品方面亦都非常一般，完全係照騙，中曬伏，唔會再光顧的餐廳🤢🤢

對於我呢個雞翼狂其實想試吓雞翼放題好耐，不過冇人陪我卒之我都搵到知音人大大胃王喇😝好想知道自己究竟可唔可以破個人紀錄😆但係......故事是這樣開始的首先入坐嘅時候呢佢應該都驚啲客人可能怕等得耐，所以佢會每一款雞翼上兩隻俾各位先個放題係有六款雞翼味道跟住我哋第一碟已經覺得面頭嗰陣味道係幾好食，可惜嘅係啲雞係冇味道應該係冇醃過，都唔緊要咁因為我哋有三個大胃王，食咗第一隻之後已經嗱嗱聲order跟住第二碟嚟嘅時候呢，數量已經唔係我哋order嗰個數目，我一心仲諗住佢會再上第三碟補返我哋第二張order嘅數量後尾發現係冇不過重點一講就係第二盤嘅雞翼係好食過第一盤，因為夠熱，而且都係煎大大胃王話以為係類似韓國炸雞，落啲粉去炸，即係類似肯德基嗰啲雞咁，不過我就覺得煎仲好啦，感覺健康啲又唔使食到啲炸粉然後.....第二盤嘅時候其實已經嗌咗薯條可惜到薯條上嘅時候已經係一個鐘頭之後嘅事，但係個薯條係好味嘅，好味過啲雞翼雖然我生酮緊冇食，兩位胃王都話好味仲有嘅就係當中我哋係咁吹佢上返啲雞翼俾我哋然後可能我哋三個大胃王太恐怖啦佢哋根本做唔切，然後再上第三碟嘅時候我哋就發現啲煎嘅雞翼變咗烚雞翼本身冇味嘅煎雞

講左最重要既野先：好唔值得，唔好黎。我同朋友見到雜誌介紹來食雞翼放題，揀左149蚊個set (任食雞翼+甜品）準時中午12點到鋪頭，見到陸續有人係我後面排緊。店員順住次序安排座位，首先坐窗口位，然後後面入座既人係順住大枱咁排排坐，我係安排係窗口位。跟住開始上菜，5分鐘見到遲過我地坐既人已經食緊，第10分鐘見到大部分個段時間入座既人都開始食野，我地已經問侍應我地第一份餐仲未黎。第20分鐘問第二次，侍應話佢地雞翼要分幾批炸，會跟順序上，我就問佢係跟咩順序，其他遲入黎既都食緊，仲有人食第二輪。跟住終於無得揀既第一輪終於來（每人一隻六款口味：黑松露，柚子蜜可以，櫻花蝦無印象，沙嗲普通咸，紫菜鹽極度咸，辣椒醬辣到苦）咁我同朋友已經極快食哂，等左咁耐6隻雞翼。寫紙仔準備嗌第二輪，今次雞翼，薯條，甜品都嗌，最後薯條係我地寫三次紙仔都無黎過（一樣又係其他人都有薯條，我地就問極都無黎）甜品4樣我地都填左要一份最後來左咩甜品呢？我同朋友R哂頭，問店員係咩來，佢話啡色係西西里卷，下面係花生脆餅。唔好意思，你是但google 下西西里卷都唔會係呢個樣，仲要個雜誌介紹時係有埋相。花生脆餅係有花生粒既唔知咩蛋糕定

早早喺網上book咗枱，然後臨近到嗰日前一日先嚟話因為你哋餐廳滿座而取消我個booking！咁你哋不如唔好開網上booking比人啦！又要單方面cancel人哋嘅booking！食都未食，就已經唔會想再去你哋間餐廳！

慕名而來的「Upper Bar & Restaurant」，地點位於旺角豉油街。到底是什麼『名』吸引到筆者，就是他們的雞翼放題！「Upper Bar & Restaurant」位於大廈4樓全層，有露天和室內座位選擇。吧內座位與座位間留有一定的空間，私隱度高，絕對適合和三五知己把酒談心。當天筆者就選擇了室內座位。雞翼放題分有3個價錢級別，筆者點的是$139免加一套餐，任食6個口味的雞翼。當中有2款成為筆者favourite：『Hot炸雞翼』的醬汁跟水牛城汁有像，雞翼炸香入口juicy，配上甜辣味味道十分吸引。另一款則是『天婦羅炸雞翼配紫菜鹽』，脆身外皮加上嫩滑多汁的雞肉，入口後滲出淡淡紫菜鹽香。其餘的『松露牛油雞翼』、『櫻花蝦燒雞翼』、『沙嗲燒雞翼』、『柚子蜜炸雞翼』味道同樣相當吸引，每隻雞翼上枱時仍然燙身，食用時要小心呢。這碟德國豬手的作法有點特別，有別於德國豬手的烤焗，「Upper Bar & Restaurant」以製作鎮江骨的方法去烹煮豬手。老闆更透露中間過程反覆試做了很多遍，調較最合適酸度出來呈現這道菜式。果然入口帶著酸香醋味，豬手肉質紮實，不會太鞋口，整碟份量都頗多。比起平時

今日咁岩經過旺角，就決定搵間餐廳食午餐見到呢間餐廳Lunch連飲品$58起，價錢好合理就決定入去試下一睇Lunch menu，店員告知最近有全新嘅食品，除左主菜仲有小食，燒物同新推出甜品感覺到餐廳對食物有要求店鋪除室內，還有一個大露台，空氣非常流通，可以放心堂食香煎大蝦配南瓜汁意大利飯大蝦好大隻，煎到好香蝦肉熟度剛好配上香濃既意大利飯味道好鮮甜好夾秘製汁炒鴨脾絲配中東包份量十分多足夠讓每個包都可以佈滿鴨肉好滿足秘製醬汁係靈魂所在，甜度調教得剛好一定要試!另外叫左一杯青蘋果梳打同藍莓梳打完全唔係死甜既味道純天然既果汁沖又FRESH又JUICY!!我留意到餐廳現時可以優惠價食到dinner menu我黎緊一定會再黎試!最後發現原來堂食仲要免加一，外賣自取有額外9折太抵食!!

呢間餐廳Lunch　連飲品$58起（有全新嘅菜單），仲有小食，燒物同新推出甜品😋，優惠價食到dinner menu！蟹肉芝士白汁意大利飯 $78同埋好多蟹肉絲啊，份量充足🍽，lunch嚟講夠曬飽！😉飯的口感較硬身，粒粒分明😆牛肝菌汁雜菌意粉 $68口感就啱啱好😋，個意粉都係份量十足🤣，而且真係有好多不同種類的菇，素食者都啱食，係健康之選😄白桃梳打（+$8）+荔枝梳打（+$8）飲落去甜甜地，白桃仲食到少少桃蓉，唔錯👍🏻👍🏻😄同埋佢地服務態度好好，個老闆好nice啊😙個地方吾難搵，而且以旺角黎講係個安靜舒服的環境，想同朋友靜靜地食餐飯係個吾錯的選擇🤗室內仲可以見到用4個老闆個樣畫的畫haha，出面仲有個室外露台，地方真係夠曬寬敞😆，大露台空氣流通 放心堂食堂食免加一，外賣自取額外9折，電話：2110-0223/ whatsapp: 95402626 落單-📍Upper Bar & Restaurant (旺角)旺角豉油街15號萬利商業大廈4樓#外賣 #外賣自取 #旺角外賣 #外賣優惠

今日在旺角購物，記得上次食過呢間Upper Bar & Restaurant很不錯，故今日又去開餐啦！ 下午客人不多，聽住音樂感覺很放鬆🥳，餐廳有個大露台，空氣流通，可以令人放心堂食。Lunch連飲品都係$58起，好抵食，依家仲轉左lunch menu，現有全新嘅食品, 優惠價仲可以食到dinner menu時間添😋。#香煎大蝦配南瓜汁意大利飯大蝦煎得香口，南瓜味濃郁，很Creamy非常好食😋。#秘製汁炒牛脷絲配中東包肉質順滑，夾埋包一併食，口感有層次感豐富😋。#黑松露芝士煙肉焗大啡菇焗得好香嘅芝士，面上洒上香濃嘅黑松露醬，個啡菇香且爽口。除左主菜仲有小食，燒物同新推出甜品🍮，故晚上限聚令完左之後，會再上去食番餐先。堂食免加一，外賣自取額外9折，電話：2110-0223/ whatsapp: 95402626 落單#外賣 #外賣自取 #旺角外賣 #外賣優惠

今日天氣有啲麻麻地，灰灰的天，但都冇損我要到旺角購物嘅心情，行到倦倦地，係搵野食時候😛，友人提議上Upper Bar & Restaurant,說呢度啲嘢很好食😋。 由於是下午時份，故客人不多，餐廳播放着音樂, 令人感覺放鬆🥳。  #香煎大蝦配南瓜汁意大利飯大蝦煎得很香口，個飯新鮮熱辣辣,南瓜味濃郁，很Creamy, 醒神晒。#秘製汁炒牛脷絲配中東包肉醃得入味, 肉質順滑，夾埋中東包一併食，口感一流，感覺好夾.🥳#黑松露芝士煙肉焗大啡菇賣相非常吸引，焗得金黃色嘅芝士，面上有着香濃又幼滑嘅黑松露醬，而且個大啡菇又好爽口。

今天同朋友行旺角，行到攰攰地，想搵間坐得舒服又經濟既餐廳醫下肚，朋友提議去左依間樓上餐廳 Chill 下入到餐廳，環境十分寬敞，出面又有大露台空氣流通，就算疫情期間都好放心係度堂食見到個Lunch Menu 真係好有驚喜，Lunch連飲品都係$58起，店員服務殷勤，推介左幾款全新推出既食品芫茜薑汁蒜汁魷魚配意粉芫茜控既我, 見到依款菜式真係即刻心心眼，食完之後真係果然無令我失望,意粉醬汁好Creamy 濃郁，醬汁剛剛好掛住D意粉，芫茜味薑汁蒜汁三種味混合，味道好有層次，好味，讚！秘制汁炒鴨脾絲配中東包依個直情係驚喜之作，好有特色，秘制汁味道一流，鴨脾真係手絲的，一梳梳，好有誠意，將鴨絲蔥絲夾入中東包一齊食，味蕾真係好滿足，好味！BBQ 金沙骨除左主菜仲有小食，燒物同新推出甜品，我地就揀左BBQ 金沙骨試下，少少微辣，味道非常惹味 最後黎返張大合照先 埋單都係$252，堂食免加一，以優惠價食到Dinner menu，好滿足的一餐提提大家，而家餐廳外賣自取仲有額外9折，有興趣既朋友仔可以致電：2110-0223/ whatsapp: 95402626 落單

正好趕到禁夜晚堂食前一日同朋友食lunch，心情真係莫名其妙嘅低落😞同到朋友食飯係開心嘅，但成兩個禮拜冇得出街食飯真係好dry。。同朋友嚟到旺角鬧市嘅樓上酒吧，喺正朗豪坊附近好方便👍🏼一於同朋友好好珍惜呢個下午☺️一入到去店員都好有禮貌，安排我哋去室內角落嘅一個位置，呢間餐廳特別之處係除咗室內其實仲有室外嘅area，空氣流通，同樣可以安心進食，仲可以喺出面食shisha~食完野可以飲嘢傾偈直落🤩不過不論室內定室外其實都好有氣氛。除左主菜仲有小食、燒物同新推出甜品等等，小食同燒物都系$100以內😳咁平嘅原因系呢家以優惠價就食到lunch menu!話到明 bar & restaurant，又點少得酒類🤤酒類真系有吾少選擇，有draft beer、special cocktail同埋比較常見嘅cocktail。仲有紅白酒、mocktail，吾飲酒都可以飲mocktail、奶昔、梳打、花茶。除咗以上嘅餐牌，餐廳其實都有定期嘅special menu可以向職員查詢🔍首先叫咗個番茄雞肉意粉，一嚟已經聞到好濃郁嘅蕃茄味🍅果然係色香味俱全☺️一食落口啖啖都有蕃茄蓉，好足料啊！之前食過嗰啲淨係有啲汁，睇嚟