影片
更多
2021-04-20
142 瀏覽
第一次寫食評因為見呢個雞翼放題太多打手，唔想大家再中伏！首先book 6點，5:45去到未入得，唯有落去行下先。點知6點正上到去都係未入得，而且電梯大堂冇燈，又黑又焗，仲愈來愈多人！咁細個lobby成20幾人係度等開門！6:10終於開門，原來入面有食環咁都情有可原～但放人入去既速度極慢，因為又要登記，又要兌票，同埋收埋加一錢先俾你坐低！完全唔考慮客人係出面個環境等咁耐係有幾難受！見到第一轉book 6點既客人，6點半先坐低晒！另外坐位非常迫！可惜冇影相！但絕對唔係OpenRice見到個啲相！2人枱大概10張咁拍埋，每張枱中間一塊檔板，前後留走道，坐得勁唔舒服！然後係食物，所有雞翼生炸再加粉同醬，講唔上好食。好多雞翼啲粉係少到食唔出咩味兩個人食咗頭盤每款兩隻既雞翼，另外再點多咗一次4款各4隻。Total 叫咗28隻，但都食淨咗4隻，因為每隻食落都一樣味，完全冇想食落去既慾望。跟住係啤酒，就咁用一隻細膠杯裝，隻杯200ml都唔知有冇，飲兩啖就飲完，只可以不停再落單俾多一百蚊既飲品放題估唔到係咁！最後，遲咗咁多先放人入嚟，7:20就埋黎同你講差不多夠鐘走差啲想講粗口！同佢反映番遲咗好多先入到
因為見呢個雞翼放題太多打手，唔想大家再中伏！
首先book 6點，5:45去到未入得，唯有落去行下先。點知6點正上到去都係未入得，而且電梯大堂冇燈，又黑又焗，仲愈來愈多人！咁細個lobby成20幾人係度等開門！
6:10終於開門，原來入面有食環咁都情有可原～
但放人入去既速度極慢，因為又要登記，又要兌票，同埋收埋加一錢先俾你坐低！完全唔考慮客人係出面個環境等咁耐係有幾難受！見到第一轉book 6點既客人，6點半先坐低晒！
另外坐位非常迫！可惜冇影相！但絕對唔係OpenRice見到個啲相！2人枱大概10張咁拍埋，每張枱中間一塊檔板，前後留走道，坐得勁唔舒服！
然後係食物，所有雞翼生炸再加粉同醬，講唔上好食。好多雞翼啲粉係少到食唔出咩味
兩個人食咗頭盤每款兩隻既雞翼，另外再點多咗一次4款各4隻。Total 叫咗28隻，但都食淨咗4隻，因為每隻食落都一樣味，完全冇想食落去既慾望。
雞翼
1 瀏覽
0 讚好
0 留言
跟住係啤酒，就咁用一隻細膠杯裝，隻杯200ml都唔知有冇，飲兩啖就飲完，只可以不停再落單俾多一百蚊既飲品放題估唔到係咁！
啤酒
5 瀏覽
0 讚好
0 留言
最後，遲咗咁多先放人入嚟，7:20就埋黎同你講差不多夠鐘走差啲想講粗口！同佢反映番遲咗好多先入到黎，佢先話咁坐多2、3個字先走我哋其實都完全唔想坐落去，但唔代表想俾人趕走！
總的來說，6款雞翼+3款薯條+飲品放題 係Togetda 個網買每位$199，現場再收正價加一$30， 人均$229。呢個價錢大把更好既選擇！絕對唔會推薦呢間！
張貼
