Upper Bar & Restaurant (已易手) 新餐廳

天氣咁舒服就梗係坐outdoor, 但室內d裝修都好似唔同左，唔係以前咁夜媽媽，有啲台式小酒館嘅感覺。睇到menu唔同左，多左d menu course同小食，八卦問多句原來岩岩轉左新廚師... 咁就梗係要試新野啦！我哋4個人叫左4個小食, 3個main course, 加幾杯健士力draught同gin tonic先係$1800, 坐足成晚好抵食😋🔥Gin愛好者注意🔥最驚喜嘅係杯gin tonic(太興奮唔記得影相sor)，呢度竟然有MUI gin!!!! 識飲Gin嘅就知，MUI gin好難搵到地方飲，仲有青瓜代替青檸，呢個要加分💯有個牛油炒雜菇唔記得影相，但係係好好味嘅😋炸洋蔥圈⭐️⭐️⭐️⭐️好感動終於食到唔係炸粉同洋蔥分開散晒嘅洋蔥圈，唔知落左咩調味，唔點醬都好食，不過佢配個韓式辣醬又真係好出色👍🏻Tacos配個非一般嘅醬⭐️⭐️⭐️⭐️出邊一般都係蕃茄醬汁，佢呢度嗰個入邊好似係有茄子，總之就係好特別又好好味😋炸雞軟骨⭐️⭐️⭐️+0.5standard野，炸雞軟骨不嬲都係食香口唔係食味道，我個人覺得如果有未椒鹽一定會更加惹味。黑松露薯條⭐️⭐️⭐️+0.5都係standard野，無咩特別，黑松露同埋薯

朋友心情不大好, 放工相約我就來到旺角區酒吧~Upper Bar & Restuarant,食野飲野傾一傾心事 ,傾吐出不快及心事。這酒吧裝潢十分簡約,以木系為主,好有西方感覺。餐廳分別有內及外坐位,地方寬敞舒適。這餐廳酒吧不是劈場,可以安靜靜地把酒談心,並播著輕快音樂, 令心情十分relax。**查詢店員有甚麼好推介,我地選了店新出品【北海道帶子配冬陰功汁意粉】  $138意大利麵口感十分彈牙, 麵條掛滿冬陰功汁,帶酸酸甜甜幾特別十分開胃幾特別,配上北海道帶子,味道更豐富好味了！**【露絲瑪莉燒春雞半隻配薯蓉】(跟燒汁) $138上台的春雞十分香噴噴,見到都流晒口水。春雞皮脆肉嫩又滑,沾點燒汁同食會更惹味,令人一口接一口,回味無窮。**朋友點了啤酒, 我就點cocktail*【Pinky Love】$108這cocktail是店員介紹,內有柚子,青瓜,簿荷味,帶少少甜甜地,具清新口味, 女士必愛飲呢!**飲酒怎少得食香口脆小食【脆炸洋蔥圈】  $58油炸的洋蔥圈口感酥酥脆脆,可沽點甜醬,食起上來不會有油膩感,但略有點厚粉。

🌈今日約咗閨蜜去旺角食晚飯，想揾間坐得舒服又可以傾下計嘅餐廳，揾左一輪，俾我哋搵到一間响朗豪坊附近嘅酒吧餐廳。餐廳環境好舒服，仲有個露天酒吧區，坐位之間都好寬敞💕我哋叫左兩份主食同兩杯cocktail 😍慢慢嘆😂食物都好快黎到👍🥘北海道帶子冬蔭功汁意粉-帶子夠新鮮，簡單調味已經好好食，意粉煮既時間啱啱好，夠彈牙💕冬蔭功汁帶少少辣，好惹味，正👍🍔自家秘製牛肉香草漢堡配黑松露蛋黃醬-依個好推介，好重牛味，配料好新鮮，裏面的黑松露蛋黃醬好好味，好有驚喜，個人喜好略嫌麵包個質感係厚實不是鬆軟果種。另外薯條炸得夠脆，正👍🍸Bailey’s colada-依杯係朋友叫，佢話幾好飲，個味道好似bailey’s味milkshake 😂🍹Sex on the beach -Vodka味夠濃，加埋d果汁味甜甜地好易入口，幾推介😍😊總結：食物唔錯，環境舒服，會再幫襯💕

咁兩個人係旺角想搵間可以又食野又飲野既地方，咁就搵左依間Upper Bar & Restaurant，咁我地本身都未黎過，一入到黎幾有feel，少少暗，幾有情調。我地兩個最主要係想傾下計，所以都叫得唔係好多野。牛肝菌汁雜菌意粉，咁依個汁都幾好食，係好濃既牛肝菌汁，加上佢真係加左好多雜菌，所以食落好正，重要唔同菇既口感都唔一樣，有Ｄ切厚Ｄ有Ｄ薄Ｄ，同埋有唔同size，所以食落去都好有層次。加上真係好多菇，所以食每啖意粉都會食到唔同既菇。露絲瑪莉燒春雞半隻配薯蓉，跟燒汁，依個真係有驚喜，平時好驚Ｄ燒雞好乾，老哂，而依到完全無問題！好嫩口，食落仲要有雞汁，好juicy，真係好好食！個薯蓉都整到好滑，加埋雞一齊食又可以食到雞味，好正！Long island ice tea，都係一杯有水準既Long island，都夠strong，好彩可樂同rum都唔係好多,最怕佢好甜。咁依到真係唔錯既。Signature cocktail, pinkylove， 依杯甜甜地得黎又幾fresh，入面有幾隻水果味，問番先知原來有青瓜，青檸，peach，同埋vodka，飲落唔錯。聽講Signature cockta

之前同friend上過黎飲嘢，咁啱今日收工又想搵個地方坐下食啲嘢，我個朋友話轉左Menu同埋裝修咗，所以就上黎試吓佢先。一入嚟見到用啲雜木板做裝修，感覺幾warm唔錯，比之前個空間感大左好多，整齊左同舒服咗好多。我叫咗杯健力士生啤，飲咗一陣有職員埋黎問我使唔使食啲嘢，都好呀坐坐吓又有啲肚餓，即刻醒起我個friend話有新Menu，好肚餓就不如試吓食意粉啦，有carbonara，牛肝菌意粉，香濃蕃茄雞肉意粉同埋北海道帶子冬陰功意粉。居然有冬陰功意粉，梗係要即刻試吓啦。佢哋上菜都幾快，幾分鐘就炒好，一擺落枱個樣已經殺曬，北海道帶子有2粒，大大粒添啊，帶子煎得好靚，少少焦面，聞落去冬陰功嘅味道飄出嚟，幾有誠意，配料有紫洋蔥同車厘茄，完全唔係出面食嗰啲得個味，配料只得少少。個冬陰功汁辣得來唔搶喉，仲有椰漿份量啱啱好，唔會太濃味太漏，每條意粉都有汁，廚師手勢唔錯，食到用心煮嘅味道👍🏻值得一讚一個人就食唔到咁多野，一杯酒一個意粉差不多啦，佢哋仲有其他新嘢食，其他意粉應該都非常好食，見到其他人叫嘅嘢食賣相都一流，下次等我叫埋啲朋友一齊上嚟食嘢先👍🏻我極力推薦呢間舖頭，估唔到有間清泉。

本身黎之前OpenRice 見到有室外位置同埋啲相都幾吸引，又有串燒食所以就嚟咗。嚟到見到個環境唔係靚室內無乜特別裝修，d枱好密，室外都係得d燈開d唔開d。有個職員係到較黑d燈，一時光一時黑唔定算啦志在有個地方同朋友兩個人坐低食嘢飲吓嘢，環境其次。餐牌串燒嘅種類好少，我哋叫咗燒牛柳粒，燒四季豆，原條茄子呢d大路野，真係無諗過都可以整得咁難食。牛柳粒好硬要咬勁耐，四季豆好少又太霖，茄子係就係蒜蓉好多但食落都無味。。。。食串燒預左價錢貴量少，但真心起碼要係好食先🤦🏻‍♀️我哋仲有叫一個豬鞍扒，上碟睇落幾好心諗終於d好既嘢食，但切出黎食落入面好乾又鞋又硬，好明顯係料唔好亦都煮太耐！覺得冇食到啲乜嘢所以又叫咗個肉醬意粉，諗住意粉一定冇死，點知佢係最難食！ ！佢係焗意粉然後得面有醬都ok la，但個底係完全冇油咁好乾仲係硬硬地一塊撈唔埋d醬！Long Island 太多冰，好快就淡晒，white sangria 太多薄荷葉，飲管一吸就全部都係薄荷葉阻住，亦都太酸。本身真係好有興致想飲Shot, 後尾完全唔想再喺呢度叫任何野，轉場再飲算，唔會再嚟。

星期五晚放工想飲嘢食飯chill下， 朋友介紹黎到呢間酒吧餐廳。環境幾正氣氛好好，outdoor位闊落都算開陽，有d風。繁忙時段野食出得比較慢，但order服務員都幫你跟足，有禮貌又好貼心💓食物飲品都好有心思，特別推介牛油果焗飯🥑啖啖牛油果好滿足，creamy得黎又唔膩喎! 另外佢嘅燒物都有驚喜，牛舌，雞翼，同羊架都相當唔錯🤩飲品方面選擇超多，有冇酒精嘅都絕對可以揀到心水🥂位置方便價錢又合理，想同朋友聚腳飲嘢傾計，呢個絕對係一個非常好嘅選擇😚

8點幾burger就冇. 跟住轉義粉. 義粉整成個幾鐘.點知出到黎同7仔食個冇分別（🍝賣成100蚊）同圖片差太遠.水煙太多水好希. 成間鋪得一個廁所. 等超耐.........

叫左burger...炸魷魚圈...卡邦尼意粉，過左25分中左右黎左個burger.....再過多15分中先黎個魷魚圈，食完個魷魚圈個意粉都未黎，搵店員問問，佢話出緊，再等多20分中都未有....埋單問個店員點解無又話出緊，佢話岩岩查緊牌整唔到野食，話佢又唔通知....佢個態度勁差又串串槓咁唔出聲走左去！野又唔係好食，又唔值呢個價錢，啲店員態度又差，唔會再有下次！！！！！！！！！！！！！！！！！！員工態度散漫，極度不推薦

放工想同朋友喺旺角happy hour下又唔想俾人劏，上網search完見到呢間bar d飲品價錢唔太貴就試試嚟到先發覺附近都係黃色招牌，本身都有d擔心會唔會好雜，不過上到去見到環境都幾清靜幾闊落，客人多數係返工人士或後生仔，幾適合朋友傾下計野食選擇都幾多下，叫左：Tabasco炸雞腿 – 超級惹味，不過略嫌炸粉厚咗啲燒雞皮 – 朋友叫的，以為會油膩但食落完全唔覺，非常香脆燒牛舌 – 第一次見原條上嘅牛舌！口感軟腍，灑左大量芝蔴一齊食好香燒豆卜 & 燒四季豆 – $28 兩串，非常抵食；豆卜好脆口；四季豆加埋啲咸甜嘅醬汁食唔停口即場join member送薯條，雖然免費但絕不欺場，薯味香濃，炸得鬆脆👍🏻

放工係旺角行行下，突然之間落雨，咁岩見到有間樓上酒ｂａｒ，未試過。咁咪上去當避雨兼試新野，睇下會唔會有個新落腳點。入到去，坐低左。有個侍應就比左ｄ紙巾我，話比我抺身，轉過頭仲比左杯暖水我。雖然我係好凍水之人，唔飲暖水，但都覺得好ｗａｒｍ。我點左杯１６６４，順便問佢有咩野食推介。佢話呢到燒物唔錯。諗左陣，我落左客燒茄子，同一客五花腩。６４好快就到，但野食等左２０分鐘，佢話因為即燒關係所以係耐Ｄ。不過等都值得既，ｄ野食送酒一流，可惜等間仲要返屋企食晚飯，唔係實點多幾樣野。

真係無諗過喺旺角會有一個咁正嘅地方，行到入UPPER好似去左另一個世界咁！太enjoy唔記得影相Sor...環境：勁大個有蓋露台有埋bar喺出面serve draft beer，勁chill，落雨都唔怕濕！室內有live band setting, 台同台之間唔會好逼，傾計大聲d都唔會太嘈到人！尋晚7點幾上到去有3台客，自成一角，舒服飲品：有酒精同無酒精都有，算幾多。我飲左Mojito同Gin Tonic，都ok! 朋友飲1664 draft, 不敗之選。下次試下其他酒先😁食物：我真係無諗過酒吧會有咁高質嘅野食！佢有串燒，炸物，意粉，牛扒，沙律⋯ 日式加西式咁。我叫左：1. 🥒燒翠肉瓜: 我後悔叫左一串，應該叫原條燒！因為好好味2. 🍠一口甜薯：好夠甜！3. 🐥炸雞軟骨：💛最誠意推介💛 終於食到真正嘅雞軟骨喇🤤🤤🤤出面食雞軟骨成日都勁乾同得炸粉，呢度嘅雞軟骨真係好大粒軟骨，有質感！仲有辣粉俾你自己加！堅好食！4. 🍆原條燒茄子：💛另一誠意推介💛燒茄子都可以整得咁靚（sor太興奮掛住食唔記得影相）香，林，美味😋5. 🐣鹽燒雞翼: 好大隻，幾香唔乾👍🏻6. 🍝香辣蒜蓉蜆肉炒意粉：叫左小辣，

系正旺角中間，地理位置優越，食物有心思，質素都很高，如果吾系怕阻人收工，隨時不知不覺飲天光。室内装修有feel ，室外大露台燈夠暗，仲可以食水煙，價錢非常大眾化，三五知己摸下杯底吹水好地方。服務員態度友善，熱心協助點餐，我點左個芝士焗龍蝦，好弹牙好正，朋友點左個雪魚扒，好滑好香，整體色香味俱全，有板有眼。而家Happy Hour白啤買一送一，花生豆任食，埋單仲有九折卡派，下次再來试埋串燒類同冷盤沙律。

朋友介紹我來飲紅酒, 話價錢公道, 但選酒一流, 常有名不經傳, 但係滄海遺珠嘅正野, 我都係慕名而來, 估唔到真係有啲料到, 呢間有支澳洲酒好得(下圖), 我同另外2個同行的朋友幾乎每人一支入口隨和, 木桶味香, 唔覺唔覺就係咁追, 老細本身都好紅酒之人, 見我地咁鍾意, 就好詳細解釋俾我地知, 原來係twinwoods酒莊的flagship, 傾傾下後來主動開多支坐底飲埋一份, 埋單時老細特登計平我地, 搞到我地都唔好意思, 唯有俾多啲貼士, 又識一酒友真係好

旺角區少有環境清靜嘅酒吧餐廳，食物質素亦不錯，下次會再去👍🏼飲黑啤嘅朋友應該會鍾意飲佢地嘅Murphy's，屬於區內少見嘅黑啤品牌，連我唔太飲黑啤嘅人都鍾意，Murphy's有別於一般黑啤，不太苦，帶點咖啡味，泡沫很滑。