Trois Cafe (已結業)

朋友之前一直極力推介，今日終於可以拉到男朋友同我一齊試呢一間餐廳🤣門口粉紅色係已經吸引咗少女心嘅我☺️不過因為當日人流有少少多，未能夠坐到粉紅色區嘅座位，不過藍色區嘅氣氛一樣好，希望下次再嚟可以坐到粉紅色區🤩墨西哥軟殼蟹意粉🦀軟殼蟹係用原隻上，同其他餐廳好唔同，估唔到原隻軟殼蟹直接食口感可以咁豐富！超酥脆嘅外皮，食落極香口😍雖然佢係軟殼蟹，但係有滿滿嘅蟹肉，超驚喜！意粉方面用咗番茄醬去製作，每條意粉都吸滿咗醬汁嘅味道，味道濃郁，即使冇多餘嘅醬汁，但食落口一啲都唔乾，至於旁邊用咗一整個牛油果去切成嘅圓圈，賣相一流！整到菜嘅配搭十分新穎又清新！新派意式一上台已經極吸引，三大塊嘅巴馬火腿上面放滿左車厘茄仲有用火槍燒過嘅芝士同黑松露醬😍用料極邪惡！但係邪惡同美食係成正比😆鹹味巴馬火腿配搭上酸味嘅車厘茄仲有飄香嘅黑松露醬連同香脆嘅麵包一齊食，呢個組合十分出色！真係食過返尋味🤤食埋炸薯條，覺得過咗完美嘅一日💯