The Stadium (已結業)

观塘很多工廠大厦改成了食肆，租金便宜，地方寬敞。這次朋友生日，又帶小朋友，所以一早訂位，七大三小，坐得很寬鬆舒服。門口有table soccer, 里面还有飛鏢遊戲，加上室內多部電視劇播球賽，真是大朋友和小朋友的天堂。食物也不錯，除了安格斯牛排汉堡，手搓意粉和炸魚薯條都非常值得推薦。我們帶了蛋糕也免切饼費，还可以包场搞生日party。埋單1500元落樓，算抵吃之选😋。

觀塘樓上店舖近年愈開愈多，尤其是以餐廳為主 ，真是啱哂我哋呢啲為食一族。今日友人介紹這間The  Stadium，感覺好特別。餐廳是一整層，面積非常大，所以座位有很多。 一進門口已看見一個很大的水吧，而餐廳中央竞可擺放一座桌球檯，讓食客可一邊品嚐美食，一邊切磋球技，超捧的食店。餐牌選擇也多，有set lunch多款可選，萬一唔啱口味，也可散點，價錢也不貴。我們分別order了一款set lunch 安格斯牛肉漢堡連湯都是$143，另叫了碟 白汁煙肉闊條麵，再加凍檸茶和西瓜汁，埋單约$350。在咁舒適環境下，加上食物品質好，绝對是超值的。安格斯牛肉漢堡好juicy,賣相吸引，味道一流， 安格斯牛肉煎得把肉汁全锁死在肉內，咬一啖d汁在口内四週流出，已超爽無比。加上肉煎得好香濃，微微焦燶，配上濃厚烤味的煙肉和新鲜蔬菜，口感出奇地滿足。而跟餐的薯條炸得甘黃香脆，薯味甘香，超好食。而白汁煙肉闊條麵好大碟，煙肉粒非常多，加上汁香味濃， 闊條麵好粗身，麵身好彈牙，食落甄韌無比，而當中磨菇好爽身，味道好清甜。飲料勁大杯，讓你食後慢慢嘆，有時間還可把玩這裡清閒設施，正正正

平時食美國菜，多數幫襯連鎖集團，有質素保證但價錢較貴， 今日朋友帶我到這間The Stadium， 才發覺原來還有很多有質素的美國菜但價錢比連鎖食店較便宜。除了室內還有室外，但夏天太熱，要涼一點才能坐出外。精選沙律沙律菜配上蕃茄仔，粟米及黑豆等，加上沙律醬汁，酸酸甜甜，非常開胃。芝士炸魚薯條魚柳大塊肉厚，外層炸得香脆，裏面還夾有芝士，芝士還有少許流心，配上炸得香脆的粗薯條，份量十足。安格斯牛肉漢堡牛肉肉味濃郁，煎得不會過熟，還帶有粉色，肉汁豐富，配上紫洋蔥及芝士等，漢堡非常大個，一啖不能咬下，店員很貼心的切開4份，可跟朋友分享。脆烤雞翼雞翼外面的醃料非常入味，雞翼烤得 外脆內滑， 有肉汁，加上bbq醬，非常惹味。總結，食物質素媲美某連鎖集團，價錢卻便宜三份一，性價比高。

想同成班friend吹水、睇波又有得玩？喺觀塘嘅就啱晒你啦！睇個名都知佢地以體育為主題，去到有好多部電視都播緊體育賽事，仲有足球機、鏢機同桌球玩，甚至連露天位抖氣位都有埋，目測都有成7000呎咁大！一齊睇下有咩好食啦！餐廳內單單係啤酒已經有50種，仲未計cocktail同其他酒類選擇！實有種酒啱你啦，唔知有無人成功挑戰晒佢咁多種酒呢？嚟到想飲酒配返份小食，可以試下，個樣夠晒得意趣緻！用巴馬火腿卷住無花果，食落既有火腿鹹香，又有無花果嘅鮮甜。上面嘅醬係特製嘅蒜蓉沙律醬，味道好特別，啱晒飲酒果陣食。話明係美國菜又點可以唔食Burger呢？牛肉帶有炭燒香味，牛肉味濃郁又多汁，入面仲夾住勁多配料，好似煙肉、芝士同portobello蘑菇，食落口感超級豐富！跟住個漢堡仲會有埋一份厚切薯條，啖啖薯肉夠晒香口又豐富！呢個極黑毛豬煮到大約7成熟，食落鮮嫩又有濃香豬肉味。加埋香草、茄汁同芝士，真係好惹味呀！如果大家怕佢唔夠熟，仲可以落單嘅時候講明要全熟，都一樣好食！手搓粉形狀夠晒可愛，細細條好似螺絲仔咁，扭紋形狀可以輕易沾滿濃香醬汁，食落啖啖都係菇同粉嘅完美結合，就算唔係素食者都會愛上！

放假又是外出覓食時間，今日約了表姐在她家附近的工廠大廈找尋美食。這間餐廳在openrice的食評算中上，下午兩點還有lunch set，價錢不算太貴約百多元。 餐廳地方闊落座位舒適，下午茶時間座無虛席。我們二人點了兩個lunch set另外加了一個甜品，分量頗多，兩人都吃不完。是日餐湯是椰菜花湯有很香濃的椰菜花味，另外還有小小罐頭粟米湯的味道， 質感濃郁幼滑。精選沙律沙律菜配上蕃茄仔，粟米及黑豆等，加上沙律醬汁，酸酸甜甜，非常開胃。蘑菇雞肉寬條麵寬條麵軟硬度適中，雞肉片肉嫩但不多，忌廉汁比較淡，不夠creamy。燒牛肉牛肉很嫩滑，充滿牛肉味，肉汁豐富，配上薯餅及沙律菜，非常滿足。美式蘋果批蘋果批外型精緻，吸睛度高，下面是蘋果批上面有一球雲尼拿味雪糕，蘋果批充滿了肉桂的香味，另外蘋果肉甜度適中，雪糕雪得夠凍不易溶化。總括而言，食物質素中上，價錢不合理，分量頗多，服務優質，收碟很快， 是假期吃午餐的不二之選。

今日去開觀塘做嘢,唔經唔覺又到食飯時間,以前在觀塘食午飯通常選擇一些地舖茶餐廳或酒樓，永遠都是人山人海。自從上次試過一些樓上cafe後，便開始懂得在這些地方食飯， 一來貪其舒服沒有這麼多人，二來食物質素更有水準。今次去這間The  Stadium 非常特別,地方夠大之餘， 更有多種消閒活動給食客鬆一鬆手腳。 一進店內就有一張非常大的桌球檯，正中間酒吧旁邊還有迷你的美式足球機，更甚的還有兩台大的飛鏢機，真是又有得食又有得玩。食物方面選擇非常多，我和同事分別order了 特式炸物拼盤$158元和美國極品黑毛豬$168元。加上兩杯特飲 Fruit Punch $58和Pussy Foot$58,極其享受，寫意自在。特式炸物拼盤分別有炸魷魚鬚、 炸洋蔥圈、水牛城雞翼、炸雞塊、炸玉米…等等，配上不同醬料，超豐富美味。而美國極品黑毛豬，大件又厚身，肉質上乘，鲜嫩味濃。加上啖啖肉，味香之外，口感還實實在在有咬口。配料方面又出色，分別有燒茄子、紅椒、翠玉瓜、青瓜和薯仔，食落味道濃郁之外，還帶點bbq燒香的味道，好食！肉身厚肉而嫩滑，正兩款飲味各有特式， Fruit Punch以雪碧味為主打之餘，還夾雜

難得和男朋友一齊放假，我平時最鍾意就search 下特色cafe 叫佢陪我去！The stadium 一直係我to do list入面～The stadium 位於觀塘興業街，但不算難搵，見到新翻的工廈The Wave 黃色大Logo 就搵到喇～一出Lift 就見到美式足球遊戲機，如果晚飯時間要等位，可以一邊等一邊同朋友玩打發時間～The stadium 位置十分寬敞，不論裝修，擺設都顯盡心思，餐廳佈滿遊戲供客人玩樂，我見到有人玩美式桌球，飛鏢⋯很適合一班朋友一邊玩一邊chill下～是日lunch menu 餐牌menu 及餐枱紙設計都帶點玩味元素，可見餐廳在細節上一絲不苟！粟米南瓜濃湯，味道夠濃郁夠creamy～～寬條麵煮得剛好咬落有少少煙韌，係我鍾意的口感，雞肉配搭磨菇、番茄及火箭菜，食落較清淡健康～雖然跟我平時食的黑松露薯條有點不同，薯條撒上芝士粉另配黑松露醬～薯條新鮮炸起，賣相金黃香脆，點上濃郁的黑松露醬果然十分可口美味～單看賣相已感到誠意滿滿，超厚實的黑毛豬，約莫七分熟左右，內裏仍保持粉紅嫩滑，外面烤得色澤金黃，可想而知食落口感充滿油香～～連埋烤茄子，番茄等配菜，都算十分豐富

又去咗觀塘嘅樓上餐廳，今次試吓美式餐廳，因為我好想食水牛城雞翼。坐得都幾舒服，而且唔錯，幾啱正整地同朋友傾吓計飲吓嘢食雞翼，做得美食餐廳食物通常都大大份佢份量都OK適中，而且幾好味推薦bufflo wing!!!

一入夜 觀塘工業區猶如死城 唯獨the stadium 越夜越精彩餐廳好大但係都好多人 雖然聲浪大 但係唔會令你覺得煩厭反而 有種好熱鬧ge氣氛 所以好適合一大班朋友聚餐叫左倆個set一個豬排 一個手搓意粉可以慢慢坐 好多手作啤酒供選擇 叫翻支啤酒 度過一個relax 的星期五晚

返左五日工 終於到左放假既日子約左朋友食返個下午茶訴說下呢個星期既工作壓力呢間想黎好耐架啦因為佢係以球場為主題擺設同環境都係同主題有關一d都唔馬虎唔好以為星期六既下午無咩人都一樣好多人黎食同傾計我地今次黎係輕食黑松露薯條賣相唔算特別但薯條有鹽有好多芝士粉 另外配黑松露醬未食已經嗅到香味沾上黑松露醬 松露的香味慢慢從口中滲出令人食唔停口之後就叫左個特式公司三文治見佢既材料都好豐富好新鮮所以食果時都要小心d真係咩都有 呢個價錢有三份三文治我比較欣賞個麵包有用心烘過再另外有個薯條仔雖然無黑松露甘出息 但勝在又香又脆最近叫左個白酒煮蜆蜆肉鮮美肥美 嗒嗒都充滿白酒和香草的香味蜆肉唔算大粒 但係粒粒都有肉食白酒味道香濃兩個人係甘舒服既環境食野傾計真係好chill最衰唔識打桌球 如果唔係可以篤場波開心下

早前在網上購物, 要從觀塘偉業街一間中途站提貨, 所以約了家人今日下午一起去交收,。在回程行去地鐵站時, 不經意地望到近街口這間The Wave大廈身處在其他大廈中好像鶴立雞群般, 很新淨時髦的樣子, 所以我們轉弯前往大廈望--望, 在大堂𨋢口發現這間食肆嘅易拉架。 在我的印像中, 觀塘區還是以前的充滿一幢幢的工業大厦, 豈會有一間咁西化新穎既餐廳在其中呢! 橫掂我們仍未吃午餐, 就乘lift上去看一看這餐廳。一出𨋢口就令我們大開眼界了, 在𨋢口大堂擺放了一座木製的手動足球機, 餐廳內的座位超寬敞, 好像走咗入外國足球場內的餐廳、設備新穎和西化, 我覺得在觀塘區很難找到與此格局相似的餐廳吧!我們叫了: 1) 安格斯牛肉漢堡午餐($128) : 麵包夾住安格斯牛肉漢堡扒, 加上烤貝羅、生菜、番茄薄片、烤過嘅洋蔥、酥脆嘅烟肉同埋 jack芝士, 咬在口內真是一番滋味, 醬汁creamy, 肉質juicy鬆軟嫩滑, 蔬菜新鮮....薯條鬆脆…2) 茄子手搓粉配香草蕃茄醬午餐($128) : 茄子加意大利燻火腿、羅勒、香蒜醬, 和手搓粉加在一起吃, 味道與別不同、火腿酥脆加上茄子很協調、

工廈上面嗰間餐廳，環境地方寬，敞都算幾大，坐位都唔算太逼。今次有小朋友，一出就睇到有部桌球，好啱有帶小朋友的大人，可以一路食，小朋友就出去玩。最緊要係個環境可以大聲講野大聲笑，最啱就係有細路，同埋好耐冇見嘅朋友，喺度傾計，又可以大聲講大聲笑，非常之relax！食物方面，都唔錯。可能大家都掛住傾啦，就冇乜特別去試食物的味道，感覺又唔係特別難食，但係又唔係有一試難忘既種感覺。價錢方面，唔算太貴，所以有時夜晚想成班人食下野，傾下計，都係個唔錯嘅選擇！

和男友去，叫美國極黑毛豬和茄子手工意粉。不要期望你去到有人招呼你，你要自己好主動行入去搵waiter同佢講你幾多人佢先會比飛你，佢地係不屑企門口等位既人。 冇緊要，我唔在意個service. 豬好厚，可惜煮太耐豬肉太硬，冇牙力唔建議食，味道就好淡冇咩味，醬只係茄汁同好少果粒碎，不balance的，塊肉又厚又硬又冇咩味，醬料偏hea, 煮法和配答都不合格。但你可以叫佢比芥末醬你點，叫做有d味，唔係既話有d難入口。我同bf都覺得個豬係好唔應該嗌的。茄子手工意粉相比下變得美味，不太咸，香味同味道都合格，手工意粉質感好，掛汁力強，所以食落去淡淡都有味。值得一試。

Went there for lunch with few friends on Sat. Arrived at the restaurant around 13:30, and we have total of 4 people, and waited for about 20mins in line. They have a set lunch menu. Each set comes with a hot or cold drink. We ordered a mushroom hamburger, fish & chips, roasted spring chicken, and grilled beef with gravy.The mushroom hamburger was quite big and came with some green salad and french fries. There are lettuce, mushroom, onions and tomato. The patty is not bad and not too dry.

係觀塘工業區原來有間大型西餐廳，以運動做主題，非常適合放工同朋友一齊睇波飲酒，仲有桌球，美式足球機玩真係玩味十足。擺設設計好有nba style ，好想睇番場明星賽!!! 叫左個炸物拼盤，勝在多款式，水牛城雞翼，粟米球，mozzarella 炸芝士條，雞塊，魷魚圈同洋蔥圈，配他他醬，酸忌廉，酸辣汁，藍芝士汁，好啱一路睇波一路同朋友飲啤酒，食炸物。最正係拉絲芝士條，滋味十足。主菜叫左肉眼扒，五成熟火喉剛好，肉質夠juicy, 牛肉味濃，有炭烤香味，配煮過嘅磨菇燒汁，下面有大量炸薯角同四款烤蔬菜，兩個人分飽哂。食飽可以活動下，有標準size嘅桌球枱，設備齊全，仲有一個美式足球機可以同朋友玩，真係可以玩一番餐!場地氣氛好好，價錢合理，服務亦不錯，坐位充足，如果下次朋友想睇波一定會提議黎呢度。