The Sky Bar (已結業)

元朗形點好多唔同既種類，全部都食過哂，慢慢會寫番食評，當然當中有好同唔好啦，所以都好老實話俾大家哂，唔想哂左錢！至於呢個，星期五六夜晚唔太多人食，所以唔使排隊都有得食，唔係真係難食到無人排既，只係形點既西餐好多唔同既選擇，所以小人去選擇都唔出奇。豬肋骨 味道係好既起碼有味 同個汁都重味！唔錯！呢個要點既，因為真係ok！豬手，無咩味，係脆既，不過有d失望唔好食。生蠔 呢間真係可以唔使叫，唔新鮮，又重金屬味

係元朗YOHO MALL The Sky 食左個半自午餐，只要你點一個主菜，湯，沙律，甜品，水果任你食，點左呢個所謂煙三文魚黑松露醬意大利飯，碎碎的三文魚都算，食落只食到黑椒味，完全睇唔到食唔到黑松露味道。其他如甜品，沙律是正常

本來去另一間同場餐廳，點知要等好耐，所以就落咗嚟~ 見佢有Semi buffet 幾吸引, 就決定今晚同老公食好D~Salad bar 我無影到~ 不都有十幾款選擇，算多，有日式西式。佢D主菜幾大份，我點咗個雞扒配燒骨真係食完舊雞已經飽！要打包舊骨。老公點咗隻豬手，肉質係ok 嘅，不過除非你唔食皮啦~ 如果係唔想飲特飲落單要講清楚，我地都唔知可以點其他，佢一落就落咗杯特飲，好彩都唔難飲。二百零蚊有semi buffet 其實都相對抵，因為同區都無咩其他同類選擇。

半自助lunch 間中想食下沙津菜既話我會黎呢間普通西餐廳叫個沙津都$60～80 呢到連埋個主食最平$88-$98都有。主菜都不過不失既 勝在有沙津bar、多款火腿、豆腐、貝殼粉都有 仲有湯同甜品 南瓜湯比較浠 唔會好飲到想飲多碗沙津菜新鮮爽脆 有蕃茄仔同脆麵包意式肉丸蕃茄粗管麵 肉丸都幾乾身，但味道唔錯，配偏酸的蕃茄醬幾開胃。唔錯芝士忌廉海鮮焗飯無咩芝士味，但比較膩兩款的賣相都幾好，份量適中，唔會多到令人食唔落其他野食，因為仲有好多甜品同冷盤。其實都黎過幾次，甜品都係個幾款，啫喱、士多啤梨蛋糕、咖啡味蛋糕、泡芙、芒果布甸。其實味道都真係好麻麻，叫做過下口癮各樣食D。主要黎都係食菜 同埋滿足一下想食好多野既心。 平平地算係咁啦。

近期 Sky Bar 開了 semi-lunch buffet, 短期内和朋友們和囡囡已去了幾次，感覺良好！😊首先，環境是舒適的，空間也很大， 放bb車絕對夠位。 小朋友坐梳化位，坐得很舒服。其次，這個semi lunch buffet，十分抵食。最平一個餐有肉醬意粉，由88蚊起，至百多元嘅扒餐等也有。除主菜外，也可以去到沙律 bar 盡情享用湯 ( 龍蝦湯 或南瓜湯)，麵包，甜品和其他菜式， 味道也不錯，每人包一杯飲品。Lunch buffet 時間由十二時至三時，夠時間慢慢品嚐。順帶一提, 有 Yoho 住户証是免加一的。

周日YohoMall拍拖睇完早場搵午食。搵到這間The Sky Bar, 單看門面以為只食海鮮&蠔, 好在有個企架放午餐單, 一望見有"半自動餐", 即被吸引了; 再望價錢也非常實惠。食90分鐘; 2人夠啦, 三五朋友又傾又食或有點趕... 入內看看環境, 任食Salad Bar不俗。二話不說, "唔該,2位"。周日正午12時, 即有位入去都幾多4人枱, 算闊落, 舒服, 又有些園林外景, 幾好feel. 亦見個大Bar枱, 應該晚上都好正。有任食Salad Bar, 脆脆地點2個main course肉丸短麵 $98 焗海鮮飯 $98 份量雖較預期小, 但其實都足夠, 味道不過不失。 反而任食Salad Bar超預期, 有湯, 鬆餅, 多款冷盤, 生果, 甜品都有幾款，好味都好好 食两轉都飽。重包杯飲品, 找數$220。抵呀！見隔離枱個 焗燒豬肋腓伴烤菠蘿 賣相唔錯, 下次會試。再去去望望, 晚餐menu, 似乎都抵食。試左再評。另, 值得讚下, 有兒童價錢!Honey 話呢間可列入 "Our飯堂List"呀

約左舊同事食飯，首選 Sky bar有main dish加自助沙律bar, 餐湯及麵包任食， 甜品任食，價錢由130蚊至200蚊，如果係yoho住客有九折，好抵，啱哂我地班師奶。🤗🤗🤗叫左貝立帆意大利飯，賣相靚，D飯好淋，同事A話啱哂佢😉😉我自己叫左雞肉意大利麵，貪佢冇咁heavy,可以食多D沙律及蛋糕😆😆另外又叫左肉眼扒，啱哂食肉獸嘅同事B，D肉好嫩好juicy原本只可食個半鐘，但我地由6点3傾到9点3都冇人趕我地走，大家暢所欲言，開懷到不得了，大家下次再聚都話嚟呢度🖒🖒

之前行過俾佢嘅半自助餐吸引,但因為之前食咗好多嘢，決定下次再戰今日，係結婚1000日，決定食餐好既，就去咗食啦！果然冇令我失望，佢嘅價錢係一般少貴既西餐廳價錢，但抵就抵在前菜沙律甜品係任食嘅，仲要款式都唔少㗎，前菜沙律都有十款，甜品都係，而且味道都唔錯，有啲質素㗎，仲有龍蝦湯同麵包，任拎唔嬲不過呢，因為有主菜嘅關係，都唔可以食太多，要留肚，我哋叫咗一個豬手同一個肉丸意粉，個德國豬手好香，佢雖然有蜜糖係上面，但甜而不膩，而且d皮仲好香脆，個肉丸意粉又好開胃，真心唔錯埋單都係$400有找，我覺得抵過食自助餐呀

今日難得放假所 以約咗細妹晏晝一齊去yoho town 食半自助午餐🤘講下餐廳環境先， 眼見樓底高闊落又播放輕音樂都幾舒適休閒😊我哋叫咗一個意大利牛肉醬意粉另外一個係意大利肉丸野菌 蕃茄汁短麵😀其實講真主菜我就覺得麻麻地啦😜半自助式沙律吧我就極喜歡😍沙律吧食物色彩繽紛 ，保守估計也有多達20幾款有湯、 麵包 、甜品 ，睇到都擰人食慾大增🤩最低消費才不過八十零蚊， 而且星期一 至星期五由十二點可以食到三點 ，對我來說 是一個平、靚、正嘅落腳好地方🤩

Sky Bar ， 經常都會轉餐牌，經上次買一送一後， 又推出半自助餐或晚餐 今日 同家姐放假去試一試原來一至五，都係食三個鐘，可以慢慢歎， 同埋如果係yoho住客有九折最平78蚊最貴198蚊我姐姐叫咗 $88分的意大利肉丸番茄 長通粉, 不過不失我哋叫咗138蚊嘅豬柳配煙肉蜜桃汁， 豬柳厚肉 而且有少少肥， 口感好好， 但係個 蜜桃汁 ， 比較稀自助沙律吧 已經超過十款沙律 ， 若果喜歡食沙律嘅話 都覺得 超級滿足蘑菇湯 ，夠曬熱，用料足 ，配埋麵包一流， 成個人即刻亂曬甜品都有六七款以上， 有好多款選擇 總括嚟講十分超值抵食 ， 一家大細去成都唔會好重皮， 不妨一試

☝🏻😳係yoho 食完飯！行左陣😀😋影完聖誕樹 🌲 ⭐️☃️🎁🎉食飽飯就搵地方飲野吹水🤔 🍸🥃🍹🍻入面係半自助餐👀☝🏻我地選擇左出去outdoor 🍻🍻🥂飲野👀☝🏻😳🥂🍾Happy hour👀店員話酒類半價😱😎😎😎😎咁就當然係開一支三個人摸下酒杯底啦🥰🥰☝🏻🤗☝🏻薯條（$48)份量都幾多去到3分之2 支紅酒咁高身👀又長又脆😄開左支Shiraz ($184)坐左成晚！環境好好🍸好岩傾計☺️☺️☺️

同家人黎食午餐，依家做緊semi buffet，任食appetizer同dessert，幾有新鮮感😆坐落好舒服，佢換左啲擺位，多左卡位，感覺更自在，冇之前咁迫。appetizer有好多任食，而且以蔬菜為主，非常健康🤗牛肉意大利面賣相幾好，肉醬D茄汁幾入味，不太咸。芝士忌廉海鮮飯，賣相靚，但除左鱆魚，食唔到有其 他海鮮。意式肉丸面，肉丸幾香，但比較乾，唔juicy，蕃茄汁令人開胃😉魚柳伴芝士焗扇貝，D魚好滑，有層蛋汁包住嚟煎，都幾香，隻扇貝有D un。南瓜湯，夠熱，幾好味，不太杰，但好似次次黎都係南瓜湯咁😂可以換下粟米湯，蘿宋湯。甜點有黑森林蛋糕，士多啤梨蛋糕，泡芙，啫喱，馬豆榚，桂花榚等，選擇算豐富，味道都幾好！已經食左幾次，D款大部份一樣，要吸引熟客，要轉下菜單，可考慮牛奶果凍，芒果脆脆，鲜果撻仔，如果有汽水果汁飲仲好。🤓價錢由78元至200元另加一，如果一個午餐有主菜另加餐湯、餐包、沙律、甜品任食，最低消費90元全包都抵！

主菜:肉丸通粉即整都係凍嘅，慘到要用是日餐湯送，先吞得落沙律吧:薯仔沙律硬，唔太熟，亦唔入味，另外，沙律菜唔新鮮。。。甜品Bar:難食到可以放棄🧐本人星期一先去過同一集團葵芳店食，簡直天同地比，食M記仲好味😑

依間野真係不可一不可再...d扒一上枱就已經係凍 d自助配菜少款 又唔衛生。咁既價錢食咁既垃圾 建議大家唔好黎食。食完大家可以轉場去食個b仔 都仲飽過佢 同行人無一個人滿意

平時食得太多肉，有人事又好想食下沙律，但要搵一間有沙律又有其他嘢食嘅餐廳，都唔係好多。結果揀左sky bar，因為好想食生蠔，又好想食沙律，又可以唔使叫肉，呢度都係一個唔錯嘅選擇