The Sky Bar (已結業)

之前行過俾佢嘅半自助餐吸引,但因為之前食咗好多嘢，決定下次再戰今日，係結婚1000日，決定食餐好既，就去咗食啦！果然冇令我失望，佢嘅價錢係一般少貴既西餐廳價錢，但抵就抵在前菜沙律甜品係任食嘅，仲要款式都唔少㗎，前菜沙律都有十款，甜品都係，而且味道都唔錯，有啲質素㗎，仲有龍蝦湯同麵包，任拎唔嬲不過呢，因為有主菜嘅關係，都唔可以食太多，要留肚，我哋叫咗一個豬手同一個肉丸意粉，個德國豬手好香，佢雖然有蜜糖係上面，但甜而不膩，而且d皮仲好香脆，個肉丸意粉又好開胃，真心唔錯埋單都係$400有找，我覺得抵過食自助餐呀