The Point - Pizza & Pasta (The ONE)

營業中

休息中

最近的family dinner選擇多了因為波仔長大了定性了很多（母親老懷安慰中）不過小孩子扎扎跳也是天性，所以選址開放式，有大走廊還是比較方便。The one的The point可謂全棟商場中最適合的食店，難得合我老媽的口味，一試極度有驚喜！驟眼一看好像百多元一款菜挺貴，但原來非常大份，而且用料不嗇色，同樣價錢即使在元朗區亦未必吃得到的高質素，人在尖沙咀，覺得不單止合理，直情是抵食（笑）雞胸海撒沙律，材料正宗，非常出色。坊間的所謂海撒，不是欠麵包糠，就是欠煙肉碎，甚至連海撒沙律的醬汁也是不是那回事。The point這個海撒沙律簡直有「尋回最初的感動」的感覺（沒誇張）下一次回來也必定會再點這個沙律。The Point名物必數多款pizza！花朵眼亂也不知道選哪一個好，最後決定要有辣雞肉加上香草醬的Pesto Chicken。The point有開放式烤爐，看著pizza烤熟內心很想快點上桌～（笑）除了雞肉，還有烤茄子，大量芝士，餅底脆卜卜，沒揀錯！薯仔芝士通粉真是太。邪。惡！海量芝士，包裹著每一粒特大的通粉，面層烤至焦香，欲罷不能。看似小小的一碟，其實份量挺大的，可能因為用料大量芝士

今天下班後跟朋友一起去了尖沙咀the one。本身也對西餐很有好感，看到這個就決定進去試試。一進去氣氛也不錯，餐牌的選擇也有很多，由於想多談天決定要叫多一點小吃。aniplasto platter，頭盤的芝士及黑毛豬片都非常好吃，芝士味剛好，而黑毛豬片也是我最愛的調味。叫了tuffel fries .黑松露薯條，不是普通灑上去的黑松露而是用自家的黑松露醬攪拌之後再焗，非常惹味。之後是chicken lollipops！雞捧chicken lollipops也是必叫之選，皮脆肉滑，完全不覺油。再叫了chicken potato Mac。可是煙斗粉就太多芝士了，不過芝士控應該會很高興。而飲品叫了Fresh up和fruit punch。由於太飽了的關係，所以最後也試不了甜品。

行THE ONE行到攰攰地, 就入左間餐廳食DINNER呢間餐廳吸引到我既就係佢半開放式既DESIGN我覺得係好高級之餘仲好令人有種舒服既感覺 龍蝦湯好濃郁既龍蝦味道, 食到有龍蝦肉粒同埋龍蝦鮮味好重, 一人份量價錢係有少少貴, 但係物有所值, 飲得出並非罐頭龍蝦湯可比較的味道 香草蕃茄汁海鮮意粉呢個意粉材料好豐富, 雖然話係海鮮, 本身點既時候都沒有很大的期望, 但係一黎到發現又有魷魚圈又有龍蝦肉就知道呢道意粉相當具心思, 蕃茄汁配上海鮮呢個組合真係好好味, 我地2個人share都每人食到一碗有多, 不但份量大而且真係好味到食到一條都冇油淨 Carnivore呢個pizza一上台就已經聞到勁香口, 而且11吋pizza都幾大份, 幾個人share都仲得, 上面係有芝士, 辣肉腸等等既材料, 帶點微辣, 非常惹口, 而且餅底又薄又香脆, 佢地係即刻用爐新鮮烤焗出來, 食落真係唔同d, 無論味道或是個口感都係讚讚!!

上星期收工後同男朋友去左尖沙咀行街，行到去THE ONE 就諗住搵埋有咩食啦~行下行下，見到之前同事係銅鑼灣食過話好食既THE POINT 擇日不如撞日就拉左男朋友入去試下~MENU 好多野揀，真係花多眼亂!但係! 龍蝦湯我地一眼就睇中左喇!! 龍蝦味聞都聞到，食落仲有不少蝦肉，絕不馬虎!以$68一碗既價錢完全超值!第2樣叫左棒棒雞翼配蜜糖燒烤醬就咁拎住食好方便，雞翼炸得好乾身，但JUICY D就好D喇，個醬好開胃，同雞翼都好夾~慢慢食下就食完嚕第3樣小食叫左黑松露芝士蛋黃醬薯條黑松露味好香，芝士可以拉絲，配合起上黎都夾，薯條可以再脆D就好喇!主菜叫左SMOKED SALMON PIZZA煙三文魚大大塊舖滿成個PIZZA，每塊都有返呢個厚度，配上魚子同溫泉蛋，口感味道都好新鮮而個白草忌廉芝士醬唔膩，中和返PIZZA 既油膩感仲要有成8塊，2個人食會太多!食完PIZZA 真係太飽，下次再黎試其他野啦~HEHE!最值得一提係，呢度SERVICE 真係好好，職員會有食物介紹，每次上茶都會提我地小心熱，又會問返我地對食物既意見!SERVICE係100分!

尖沙咀太多選擇，很少在The One吃飯。上一次，應該是宏開張的時候了。這天去買鞋，順道吃飯。這兩層較新的餐廳，全部都未試過，隨便選了裝修幾靚的意大利菜。Fruit Punch有橙汁、西柚汁、士多啤梨蓉和梳打，是正常雜果賓治的味。略嫌太甜，似乎比另一杯原以為是mocktail中最甜的一杯更甜。內有不少蘋果粒。Iced Oreo Chocolate朱古力、雲尼拿雪糕、牛奶和oreo碎打成的oreo奶昔，味道夠濃，竟然不算很甜。飲到底有oreo碎，吸滿奶，濕濕的，有吃cookie and cream雪糕的感覺。Salad Trio 廚師精選三式沙律拿不定主意要哪一款沙律，點這個就可以一次過試幾款。三款都不錯。新鮮蕃茄和水牛芝士，淋上黑醋，永遠都是最佳配搭。整碟沙律上撒了新鮮、切成絲的羅勒。墊底是混了橄㰖油和黑醋的沙律菜，新鮮，爽脆，清新。烤南瓜黑松露沙律，南瓜軟硬度剛好，清甜。沒看到松露，但滿口南瓜時，口裡有一陣松露香。加上少少松子，口感更有層次，再加點香。紅菜頭和啤梨很夾。啤梨腍中尚帶點爽，多汁，很甜。Homemade Meatballs 香辣蕃茄醬燜家鄉火雞肉丸很喜歡意式肉丸，但通常用

因工作關係而認識了The Point這家餐廳，可惜遲遲未有光顧的契機到訪位於登龍街的元祖店，直到於尖沙咀The One開設分店後，地點方便的驅使下，於是週末的午餐便出走一趟造訪。 門前是全開放的設計，佔地甚廣又開揚，裝潢大致上跟銅鑼灣店差不多，同樣走輕鬆悠閒路線。過了午餐的繁忙時間，店內顧客不算多，分散於店內不同角落，因此不太嘈雜喧鬧，樂得享受優悠寫意的氛圍。 坐下後還未點餐，就已自動為我這大腹便便的送上一杯暖水，不用言語表達的貼心，窩心得不禁暗地裏加了分呢！午餐的餐牌選擇款式雖然有點局限，不過由湯品、沙律到pizza、意粉等都有供應，午餐來說算是夠全面，價格則屬於中位。 Wild Mushroom Soup $58湯內不單有攪碎了的蘑菇蓉，更有切片的蘑菇加入，令喝下的口感非常豐富，香濃菇味之餘又有嚼感，實為不俗。 Lobster Soup $78龍蝦湯同樣有龍蝦肉的混入，用料絕不欺場，湯的稀稠度剛好也挺順口，不會因太過濃郁而喝得膩滯，加上龍蝦肉鮮甜，味道層次恰如其分。 Posh Hawaiian Pizza 9" $124批底厚薄度剛好，不會有只吃著粉團的感覺，邊位烤得

今日一行四人去了尖沙咀搵食，星期五的夜晚周圍都好多人，唔BOOK位就注定要等！不過醒目既我地梗係有BOOK LA！一坐低就係睇餐牌，菜式多到真係唔識揀，呢樣又想食，個樣又想食。淨係PIZZA都兩頁，意粉又兩頁，多到不能盡錄。*軟殼蟹烤甜椒水波蛋沙律蜜糖芥末汁 ($124)軟殼蟹好酥脆，蜜糖芥末汁都好多，每一片沙律都沾到大量既汁。*原隻龍蝦茴香頭車厘茄水牛芝士海鮮汁 ($328)這個真的是天價PIZZA，但一分錢又真係一分貨，龍蝦肉的份量一點都唔少！批底中間軟，周邊似麵包脆條的口感；海鮮配蕃茄就沒有錯的了，又不會蓋過龍蝦的鮮味；仲有不要錯過龍蝦頭個龍蝦身內釀了的肉粒，很有沙律的感覺。*黑松露南瓜汁野菌蔬菜長通粉 ($134)黑松露南瓜汁又香又CREAMY，不會膩；長通粉不會煮得太淋。*黑松露芝士蛋黃醬薯條 ($74)小食的薯條是幼身的，唔知係唔係放得太耐先食，所以唔夠熱。醬方面如果可以多一點就好了！順帶一提，因為餐廳係開放式的設計，我們被安排在最出的位置，周圍都好多人經過。如果唔想坐開面的位置，可能要係訂位個陣要求了！

是晚happy friday來到這家pizza店, The One的位置太便利人很多, 還好提早訂座了。店內的枱也放得密, 幾乎錯過了門口, 而且限時1.5小時, 絕對準時叫你離開。好吧說回食物, 一行4人點了幾款share:軟殼蟹沙律: 先來一客軟殼蟹沙律, 蟹香脆但不熱, 菜量很多, 用上的芝麻醬很香,開胃清新。咸牛脷芝士薄餅: 這個薄餅芝士很多咸牛脷也很足, 吃著吃著不知怎的有種中西合璧的感覺, 可能是咸牛脷的味道跟中菜有相似的地方吧!黑松露芝士蛋黃醬薯條: 上桌的時候雖熱但芝士已凝固了, 黑松露味弱沒太能吃岀來, 但薯條本身就很好吃所以也救回了不少分數。Truffle Mac: 這個黑松露芝士通粉上枱時非常熱, 汁醬調味適中, 雖沒太多松露香但芝士味十足, 是全晚最岀色的一道!虎蝦意大利麵: 虎蝦大隻爽口, 意粉汁很濃很掛汁, 意粉口感軟了一點但尚可接受。整體而言一般, 環境及限時是很大的考慮因素。

A la carte portion likes served on a kids size, lobster soup $78 on a sharing bowl and 2 shrimp instead of lobster! Linguine vongole $118 with 6 pcs of clams and over-cooked pasta. I can finished all in 30 mins. Service fail. Not recommended!份量很少, 味道可以改善，服務人員後知後覺，牙簽都冇⋯

對銅鑼灣The Point印象很好，今天來尖沙咀回味~可惜，整體來說明顯地The One這所分店水準較遜。先說食物:這餐吃過最有印象是南瓜汁長通粉。喜愛它的原甜味被完全帶出，沒有過度調味的問題。即使它是creamy pumpkin sauce, 也不會覺得膩。份量多點就完美。友人點的Ham platter就這樣吃有點寡，附上的醋是普通貨，未能提昇味道。要是有哈密瓜或麵包才有動力吃。薯條剛送上來就是軟的，是未炸透還是油溫未夠下鍋？雖然是松露芝士薯條，實際上味道很淡，完全沒有鹽加上不脆，吃一兩口便覺得自己在浪費quota上次的Hawaiian pizza有驚喜，今次再點！因為乾身的關係，雞肉Pizza被比下去(Pizza方面本人口味prefer本土)重點是，the One這分店的批底徧厚很硬實，完全不是上一次那回事。後來點的甜品香蕉巧克力pizza亦同一命運，切割時用上九五之力才能勉強扯開，加上小小一個$72，還不如點個心太軟。Pizza算The Point 的名物，批底品質守不住，慘了。Carbonara 是很濃很實在那種，白汁控必試;怕膩像我可省嘗了tiramisu affragato

在星期四同朋友一起晚餐，我們叫其中一位waitress加水，佢望了我們一吓就無回應，於是我們以為她聽唔到，就係位講可能佢聽唔到，再舉手示意加水，之後waitress 以惡劣態度回應「我聽到！」原定交台時間為1.5 小時，一搭正1.5 小時已經被要求離座，但當時店內極多吉位而外面亦都無人排隊，我認為此店以食物來講並未算有咩過人之處，但無人都要人離開就極之差劣！我仲以為自己去左茶餐廳，要咁急食完即走，以呢個價錢絕對有其他好選擇！同行朋友都表示此餐廳無下次

話說最近對黑松露薯條十分之沉迷，沉迷度見人就問有無好推介，咁岩問咗個都為食嘅同事，佢就介紹咗the point比我識🙈🙈🙈🙈🙈🙈🙈🙈🙈🙈我嚟個鄉下妹好少機會出大城市嫁嘛，咁岩有日想shopping，咁自己一個人就出咗去，但濕平之前都要醫飽自己先有力去同人迫💪🏻💪🏻💪🏻💪🏻💪🏻💪🏻於是自己一個殺咗嚟食個薯條😋😋😋😋😋😋睇落真係吸引到我流曬口水，而且黑松露勁香，但好可惜我係鐘意可口，脆卜卜嘅口感，所以我唔鐘意佢😭😭😭😭😭佢唔係炸，只係將啲芝士同黑松露加係薯條上面之後就攞去焗，口感我覺得同食薯蓉係無分別，最多只係有芝士同黑松露味😒就咁食薯條好dry，咁就叫多杯飲品啦！嚟杯雜果賓治外觀吸引，味道品錯wo!佢飲落有震鮮果嘅香甜味，好清新，飲落又唔係十分甜，值得一試👍🏻👍🏻👍🏻👍🏻👍🏻👍🏻不過飲品內啲生果佢唔Suppose你會食，因我問侍應攞匙羹佢地都好愕然，仲叫我唔好咗大力整到個杯，話個杯好脆弱😵😵😵😵！啲生果完全唔好食🙈齋飲會好啲🤣

又係一個月一次好朋友聚會嘅時間👭👫，朋友有住喺新界，又有喺觀塘。最好搵過中間點，尖沙咀就最好不過，今次我哋嚟咗The One 呢間The point☝🏻 , 喺openrice book 枱好方便又可以儲積分！今次我地嚟high tea ☕️, 叫咗以下食物:CAESAR SALAD 🥗 $88:＄88 呢個價錢來講，個size有點細咗D, 勝在羅馬生菜夠新鮮！PEPPERONI PIZZA🍕 $138:意大利餐廳當然要試吓最基本嘅Pizza，烤得都唔錯，而辣肉腸加芝士番茄醬係絕配。SPAGHETTI TRUFFLE CARBONARA $146:呢個先蘆筍野菌黑松露 Carbonara, 無特別，黑松露味略嫌太少，仍然都係覺得太細碟了。BANANA 🍌 HEAVEN PIZZA 🍕 $72烤香蕉朱古力雪糕pizza，呢個甜品簡單得來做得好出色！香蕉好香脆，配朱古力雪糕係一流配塔！喺尖沙咀找個好好坐嘅地方都幾難，呢一間都算唔錯嘅選擇！

諗返起啱啱開呢個account就係想分享下去邊度同朋友食飯/慶祝生日好🤔呢間餐廳係THE ONE既 要收切餅費既 有需要要打去餐廳問🎂🍴黑松露芝士醬薯條$68🍟無咩黑松露味 芝士醬都偏少 之後我都問左佢地拎茄汁 加埋茄汁就okay🍴香蒜辣椒橄欖油烤雞天使麵$142🍝又唔覺得辣喎 烤雞烤得唔錯 呢個麵都比較清淡🍴通粉🍝通粉好大粒 好咬口 有雞肉粒 調味得好好 好香 推介叫呢個不過我唔記得咗價錢同名🤦🏻‍♀️🍴Sweet Pizza-Banana Heaven$72🍕餡料包括烤香蕉,棉花糖,朱古力醬同雲呢拿雪糕😋細細塊但用來慶祝就一流 可以預先book位時講定想寫d咩就可以比朋友一個surprise

我們只叫了兩樣餸菜，環境開揚。我們先食一個黑松露意粉，菇菌都算足料，很creamy同cheese，但黑松露味不足。意大利粉份量足夠，都無過林身既。之後是pesto chicken pizza，我們看見是有火箭菜才特別選擇。材料有香辣雞，蘑菇，芝士同pesto等等。皮不錯，也不太辣。menu寫明有火箭菜，可惜上台時沒有。我們前後告知兩位店員，兩位都說今天火箭菜賣完了，但沒有和我們說！我們初頭都相信。但後來看見另外兩枱客人pizza上有火箭菜，問店員 她說這麼怪？我們都開始懷疑他們說的話，走時更看見他們正把有火箭菜的pizza送給客人。我們很失望，作為客人，我們不介意食店忙中有錯少給了食物，但說謊令人難堪！特別是我們看見其他客人正享用/準備享用。給差評是因爲店員誠信問題，食物味道是ok。