The Point - Pizza & Pasta (The ONE)

營業中

休息中

The one 4樓多正野食就係人都知 但自己真係走去食就真係第一次！呢間西餐廳見到最近都幾多人講 價錢又唔會話太離地就去馬了！首先叫左個香辣炒蜆～每隻蜆都肥美大隻！仲要勁鮮甜 辣度岩岩好唔會蓋過蜆本身既鮮甜味再叫左個黑松露薯條 啲薯條十分大條又炸到岩岩好 唔會話燶哂或者好軟身主菜叫左個澳洲牛扒 7成熟師傅整得勁好 首先大大塊牛扒不在話下肉汁完全鎖住喺入面 啖啖都好滿足肉質都好鮮嫩～配埋佢個汁一流！最後叫左brownie with ice cream做甜品我好推介大家叫呢個熱辣辣既brownie再加雪糕完全係絕配！再加埋側邊陪襯既焦糖香蕉完全係無得彈！野飲方面叫左cocktail(lady rose)同Oreo特飲Lady rose主要係荔枝味 都幾清新又甜甜地 都幾岩女士飲Oreo特飲都好好飲好creamy 每啖都有oreo碎！

今晚約了舊同事吃飯，點了3個菜,包括pizza, 意粉及沙律，3款的味道不錯，個人比較喜歡意粉，意粉口感不錯，吃完也不會覺得口渴，我們點的pizza是薄批，料是足夠及新鮮，沙律不是很大碟，我們吃得很開心。其實食物及環境是不錯，就是服務生的態度不算好，我之前也去過銅鑼灣分店，銅鑼灣分店的服務態度比尖沙咀好，但尖沙咀店食物的味道我比較喜歡。

放假約左friend去the one睇wonder woman！太好睇！然後睇港生活介紹呢間餐廳 所以就黎望下見到menu幾吸引而且6點零 時間尚早唔多人等位 就入座了！見隔離有人食pizza 個size都幾大 就叫左個大熱龍蝦pizza 一上菜勁eye catching 大大個龍蝦頭喺到然後真係每一塊pizza都有龍蝦肉！再黎叫左個羊架！雖然份量唔算多 但勝在高質！唔會有羊羶味 肉質仲好鮮嫩好juicy！野飲方面就不過不失！不過見隔離枱嗌左cocktail都幾別緻架！下次再黎一定會試！

THE ONE 這排新開左好多餐廳，有間西餐廳係CWB食過唔錯,想係尖咀再食多次先!!餐廳半開揚，坐出面會同D路人好近。menu有好多野食。各式意大利風乾火腿香腸水牛芝士拼盤$148有很多不同款式的風乾火腿，加埋水牛芝士一流。黑松露芝士蛋黃醬薯條$74薯條炸到好脆，黑松露味道重，仲有芝士和蛋黃醬，多重味道紅酒燴和牛勒肉配蜆殼粉 $156主力推介!!紅酒醬汁做得很好，每粒殼粉 都有汁，而膩牛肋肉都有5-6粒，肉質好軟又嫩滑！一個人都食得晒！芥末烤雞薯蓉芝士通粉$128烤雞粒好脆，每一啖通粉都充滿住芝士，個底仲要有埋薯蓉吃！朱古力布朗尼餅、烤香蕉、合桃、雲呢拿雪糕$68合桃好有口感，Brownie唔會好實，有好重朱古力味，雪糕放係熱熱Brownie上面，小心好快溶。烤香蕉好香好軟，兩個人食感覺好幸福。Chocolate martini$68係Chocolate再加BAILEYS，好易入口,唔會好重酒，好岩女仔飲。Premium chocolate$44朱古力味香濃，面頭仲有cream，好邪惡。兩個人食左$750，都係因為肥仔叫得太多野食，不過真係好飽好滿足！佢最出名既PIZZA都未試!想下

今天在The one尋找美食我們決定來點意式風情飲品點了Mock Champagne用蘋果汁和薑汁汽水調配而成的確有點喝香檳的感覺頭盤先來挪威煙三文魚煙三文魚鹹鮮美味配上酸豆食用更有地中海風情我們都是海鮮的狂熱者選擇了香蒜辣椒白酒煮大蜆汁料調配得超惹味大蜆肉質厚實飽滿薯條在西餐的地位舉足輕重黑松露薯條是我們的comfort food適逢當天薄餅焗爐故障就心甘情願地吃義大利麵吧紅酒燴和牛肋肉配蜆殼粉是當店推薦牛肋肉超嫩滿牛味也濃郁蜆殼粉汁料也做得出色巴馬臣芝士白汁西蘭花烤雞扁意粉緊接這款味道比較濃郁汁醬也濃稠芝士味豐富緊緊黏住每條意粉沒有薄餅的一個夜晚也可以吃得十分意大利

和媽媽一起慶祝我生日，於是和她一起到尖沙咀吃西餐，The Point 在openrice 頗多好評，決定試一試。餐廳為於The One 商場內，商場門口有電梯直達四樓餐廳樓層，方便快捷。餐廳環境很有歐式格調，播放著lady gaga 名曲，洋溢著西洋風情。龍蝦湯侍應端上來時仍熱辣辣，是用新鮮龍蝦熬製，非常有龍蝦的鮮味。龍蝦pizza原材料有原隻龍蝦，茴香頭，車厘茄，水牛芝士及海鮮汁，整個pizza 都鋪滿了龍蝦肉，芝士有拉絲效果，媽媽都食得很滋味。海鮮意大利脆米湯飯海鮮有大蝦，三文魚，魷魚，青口及大蜆等，多種食材融令這個湯的海鮮味道香濃Premium Chocolate即使一杯朱古力，也做得非常認真，朱古力味突出，一試難忘。

又到左weekend可以同老公二人世界 去完addidas買左對波鞋之後 就諗住去食個dinner 見到the one 4/F有好多野食 就求其入左the point試下 我地叫左個芥末烤雞薯蓉芝士通粉同個法式香草烤羊架 個人好中意個通粉 因為有我最愛嘅芝士 有少少雞粒一齊好好味 至於個羊架 雖然有少少肥 但有好多肉 同老公一人一舊就啱啱好 之後我就口痕 叫左個朱古力brownie 呢個真係成晚最愛 微暖嘅brownie同埋vanilla icecream一齊食 超溶化 旁邊仲有燒左個banana同nuts superlike👍🏻

今日星期六 係the one行完街shopping完就諗住搵間好d嘅餐廳坐底食下飯休息下 朋友想食pizza 所以就入左去the point食***我地叫左個龍蝦pizza 好大個龍蝦頭 上面仲有車厘茄同茴香頭 大量嘅cheese配埋海鮮醬汁 超飽超滿足 另外我地仲叫左caesae salad入面有烤雞 d菜幾fresh 有埋我最愛嘅麵包脆脆 之後我地仲叫左個虎蝦配海鮮汁意粉 d蝦都算有肉爽口 個汁都好香濃 食食下有d口乾就叫感杯香滑嘅blueberry milk🤤

出黎尖沙咀行下街，到了商場吃個晚飯，一家大細還是到商場找吃的比較方便。是晚到了The point試試，聽說這裏的pizza很好味的。店員送上水及餐牌，選擇很多呢，看著看著越覺肚餓，哈哈，一口氣點了很多Truffle Fries ($74)小吃先點了松露薯條，是關家中小朋友十分愛吃薯條薯條很香口，大量芝士半瀜勁正，上面加了香料粉微微辣，好合大人口味，小朋友則辣了一點，吃底層沒味粉的就ok了。Caesar Salad ($88)前菜是凱撒沙律，有模有樣十分對點，煙肉碎，麵包糠，芝士片樣樣都齊，菜葉爽脆新鮮，最正係個salad dressing，自家調配味道好對胃，家人比滿分呢。Antipasto Platter ($148)另一前菜點了凍肉併盤，忘了有那幾款凍肉了反正全部都好吃，肉嫩鮮味，不肥膩亦不過鹹，加點火箭菜，芝士片，黑醋同橄欖，完美組合！Lingunie Alfredo Con Pollo ($146)主食有雞肉扁意粉，個醬汁好creamy，意粉彈牙吸滿醬汁好正，雞扒嫩滑，西蘭花香口，好味又飽肚。Pesto Chicken ($152)再來是這裏的名物pizza，意外地大塊呢呢款係

參觀鬆弛熊聖誕佈置後，到<The Point>享受披薩滋味。室內設計走型格路線，排列有致的啤酒櫃及吧枱高椅，營造舒逸的Bar & Restaurant氛圍。看到餐桌上的巨型Pizza，我們都很心動。軟殼蟹Pizza $17811吋的軟殼蟹Pizza共8大塊，足夠3-4人享用。薄脆的餅底焦脆，舖滿蝦肉、甜椒粒及菠蘿莎莎， 我也豪邁地直接用手拿來吃。大啖咬下去，蝦肉夾雜菠蘿莎莎，酸甜有致，再淋上滿滿芝士粉，咸香誘人! 軟殼蟹炸至甘香酥脆，入口脆卜卜，可惜只有2隻，我們3人不夠分，以軟殼蟹為題pizza，份量應增添一點。原隻龍蝦配車厘茄忌廉汁扁意粉 $268紅彤彤的原隻龍蝦完全掩蓋意粉，加上香草的點綴，充滿視覺誘惑。龍蝦原來已殼肉分離，並已切粒，方便慢慢品嚐，感覺貼心。車厘茄混合忌廉汁，酸甜恰宜，扁意粉微酸而清新，龍蝦粒鮮味十足，口感彈牙，十分開胃。如果意粉可以選配龍蝦汁，讓食客有更多選擇，感覺更吸引。Fruit Punch $48吃過濃味的Pizza及龍蝦意粉，Fruit Punch是最好的解渴良方。Fruit Punch是橙汁及草莓醬的結合，香甜帶酸，加上青蘋果粒粒，口感

去 The One 吃飯真的有太多選擇，正當我和寶寶不知所措時就看見 The Point 的 logo，感覺有點面熟，難度就是銅鑼灣的那間？經 Openrice証實果然是，我倆一直也沒機會試的餐廳今晩終於可在尖沙嘴試了。餐廳開揚，座位寬闊，讓人坐得舒適。我們先點一客八件的棒棒雞翼($88) 小食，新鮮炸起的雞翼做到外表香脆，內裡的雞肉嫩滑又多汁，配上蜜糖燒烤醬非常惹味！棒棒形令客人吃得更方便，也避免吃全翼的狼狽。煙三文魚露芛刁草忌廉汁天使麵 ($148) 竟然有脆卜卜的魚籽呢！三文魚的份量也不少，滿鋪整碟意粉。天使麵配上香滑的忌廉汁更好吃。鮮露筍野菌黑松露卡邦尼亞意粉 ($146) 是一個素菜。每口也吃到黑松露的香味，卡邦尼亞醬汁很 creamy 和 cheesy，吃多了有點膩，所以最好與朋友 share。但説到最喜歡的意粉就非香草蕃茄醬家鄉火雞肉丸長通粉 ($138) 莫屬了。蕃茄味很濃郁，越吃越開胃。肉丸的口感也不錯，長通粉煮得煙韌。最後便是期待已久的牛舌 Pizza ($168) 了，薄餅焗得十分香脆和薄身。牛舌薄餅也是我第一次吃。每塊薄餅有有一舊又厚又長的鹹牛舌，牛舌煮得腍而入

星期日訓到晏一晏，起身已經過哂lunchtime，唯有食個early dinner啦6點未夠嚟到the one嘅the point，都已經有兩三枱客Menu款式唔算話勁多，不過絕對足夠令人花多眼亂我地2個人就揀左意大利風乾火腿芝士併盤、黑松露芝士蛋黃醬薯條、紅酒燴和牛勒肉配蜆殼粉同埋龍蝦芝士通粉平時啲火腿併盤真係得少少畀你樣樣試下咁架咋嘛，佢地依個就勁足料，多到兩個人食會有啲多😂多人嚟嘅話不妨試試依個黑松露芝士蛋黃醬薯條嘅黑松露味好香！芝士都算多，岩岩熱辣辣上枱嗰時仲有拉絲效果添！跟住就係賣相勁吸引嘅龍蝦芝士通粉，佢嚟之前我地仲諗緊點樣拆隻鉗好，原來已經起左肉出嚟，一舊舊龍蝦肉係哂兜通粉入面！個醬汁都勁重龍蝦味，龍蝦怪們必試！！！最後就係我個人勁鍾意嘅和牛蜆殼粉！和牛肉夠哂軟腍又香，個汁惹味得嚟仲有微微酒香，因為我本身麻麻地酒味，但係佢又真係微微得恰到好處嗰下真係加哂分！邊食邊見到佢用火爐烤啲pizza好似好正咁，下次多啲人嚟就再試埋佢！

食到停唔到口@The Point尖沙咀彌敦道100號The ONE 4樓The point 出名食pizza 意粉，自己最愛它的pizza,因為配料是創新又好味，每次同朋友來都可以一個人食3,4件，就是一個人食完一大個pizza程度。先挑pizza才點其他食物，我要用pizza塞滿肚子。$156 carnivore,辣肉腸兩款，火腿，燒烤醬，因為有墨西哥辣椒微辣食得更開胃，好多辣肉腸片味道濃厚惹味，重口味人之選。$152 pesto chicken，有garlic,eggplant,arugula,用上pesto sauce，相對比較清新，一拉起就芝士呈絲啦。同埋pizza好快爐好，新鮮出爐食永遠是最美味。$118 arugula pear salad,火煎菜， 合桃，梨肉片，芝士及黑松露醋調味，片爽口清新，一定要落油醋先唔會苦同澀身架，仲有walnut有焦糖面中和了若味，增添層次，更伴了芝士粒。$182三文魚配黑松露忌廉汁，只要魚皮煎得香脆我都會吃,勁大塊好抵，個黑松露忌廉汁分開上，淋多少依個人口味，個汁好濃郁黑松露香，真係落了很多黑松露無欺場架。魚肉煎得熟透卻不老，帶魚油的柔潤口感

上次在The One晚飯後經過The Point，好奇翻了翻餐牌，覺得餐點幾吸引，便book mark了她之後要來吃這天機會來了雖然沒有街景或海景相伴，但這𥚃採取開放式設計，感覺幾開揚這𥚃主打意粉和pizza，選擇眾多，小食的選擇也不少由於男友早早就被鄰桌的lobster pizza所吸引，所以已經鎖定要點這個pizza。我們還點了沙律、貝殼粉和brownieSalad trio($98)：蕃茄、紅菜頭和南瓜都是我愛吃的蔬菜，這沙律可謂一次滿足了我三個願望三款沙律分別是蕃茄配水牛芝士、紅菜頭沙律和南瓜沙律，三款都又美味又清新開胃最喜歡的是南瓜沙律，南瓜又軟又香甜，松子加添口感，而且有滿滿的松露香Lobster pizza($328)：讓男友期待萬分的pizza，以龍蝦作裝飾，十分引人注目不過，吃的時候卻不用擔心儀態問題，因為龍蝦肉已起出切粒放在pizza上啦但這龍蝦又不是虛有其表，因為內𥚃釀了菇和蝦肉這pizza的餅皮得特別，厚度介乎厚批和薄批之間，口感帶點煙靭，邊位又烤得脆脆的Conchiglie with wagyu beef ribs ($156)：很久沒吃貝殼粉了這貝殼粉有嚼勁

一向都是個芝士迷，恰逢友人生日，於是便試試the point。我們點了4道菜，分別是煙三文魚三文魚子溫泉蛋香草忌廉芝士醬PIZZA，和酒燴和牛勒肉配蜆殼粉，棒棒雞翼配蜜糖燒烤醬，多重芝士通粉主菜份量不少，PIZZA建議兩個女生吃點一份pizza，上面好多煙三文魚，好足料，食落啖啖都有好滿足!多重芝士通粉加上芝士還蠻滯的，但唔膩，芝士控既我食到唔停口，好想叫多份啊!棒棒雞翼配蜜糖燒烤醬，雞肉有少少乾，但配埋蜜糖燒烤醬，甜甜地，都幾好食，又細細隻~ 食得好方便燴和牛勒肉配蜆殼粉，酒味唔太重，牛肉好LUM，一咬就斷~ 呢個配搭好新奇~店員服務非常殷勤，上每道菜都有簡約介紹，亦有不時為客人換碟及加水，是另一個加分的部分。