The Point - Pizza & Pasta (The ONE)

營業中

休息中

剛剛在尖沙咀The Point 吃午餐，明明在OpenRice 訂位可享有AsiaMiles 25里數，可是在結帳時服務員說只有銅鑼灣分店才可享有，覺得被騙了！希望OpenRice 有關方面可以澄清並在此更正資料，不要再誤導我們。食物方面okay, 仍有水準，Set lunch 份量尚可，足夠讓兩位女士用餐，男士可能會覺份量略少了。這個時段餐廳也坐不滿，可能地點不太好，位於商場走廊旁，私隱度非常低；如果加上半身屏風會較好。

夜晚收工肚餓，喺尖沙咀行左陣唔知食咩好，咁岩見到呢間餐廳幾多人食就同朋友一齊試下，點知真係有驚喜！Menu上面主要都係意粉同pizza為主，今次就嗌左一份ham platter，一份pizza同一碟意粉。上菜速度方面，可能由於人多嘅關係，大概都要等15分鐘左右，不過所有野出到嚟都係熱辣辣就無所謂啦！首先嚟既就係Ham Platter，成個platter口感好豐富，拎嚟做開胃菜係一流！賣相亦都唔錯，有效振興食欲食左一陣好快就已經上埋今晚嘅重點推介—Green Neptune Pizza！呢個 pizza 係由餐廳內嘅石爐整出嚟，口感少少煙韌。其中最主要既調味係鋪滿成個 pizza 既 pesto sauce 同水牛芝士，食落估唔到原來咁樣配搭出嚟係十分有新鮮感！平時食 pesto sauce 會怕陣草青味太強烈，食芝士又怕太膩太咸，但今次兩者結合埋一齊就拎到中間嘅平衡點！極力推介平時有選擇困難症，食咩都無所謂嘅朋友試吓呢個 pizza !最後嚟嘅係呢碟長通粉，本身 menu 上面係寫蜆殻粉，但應該賣曬所以就轉左做長通粉。可惜嘅係雖然當中嘅牛肉煮得好淋好入味，但長通粉質感過硬，而紅酒味亦都

尖沙咀，係其中一個我最愛去既地方。不竟，住在九龍，工作在九龍，家人在九龍，自然地，食也有在九龍。旺角人比較多，也比較雜，尖沙咀，便成為了我的必然之選。這日又閑逛來到 The One 商場，眼見這間餐廳裝潢不錯，而且等候既人龍不少，也不算非常多，便決定一試。在等候同時，可以看見餐廳裡的客人用饍，感覺好像為他們增添了一份無影的壓力，但從他們的角度看，看到有這麼多人等候，又多添了一份「等咁耐都值得既」的一份虛榮感。大約等了10分鐘，店員便為我們安排位置，也不算是等候太久。細看餐牌，都幾大本，而在第一個 Page 便list out 了餐廳的一些主打菜，也讓客人更容易立定主意。Caprese Salad $116頭盤我們先點了一個Caprese Salad，裡面有水牛芝士，蕃茄，羅勒，再配上香草汁。佢既份量都算幾大，尤其係水牛芝士既部份，個人特別喜愛水牛芝士既texture，帶點軟綿綿既口感，又唔會太漏，用來清一清味蕾絕對一流加係一種享受。Smoked Salmon Pizza $172Pizza方面，我們點了餐廳的其中一款signature dish，Pizza 裡面有煙三文魚，三文魚子，溫

一直好想試呢間既意粉好耐因為小妹係一個名正言順既意粉迷所以約朋友聚會 就諗起THE POINT多D人可以叫多幾樣野食嘛我地一行6人  叫左兩個意粉一個pizza同一個小食大蝦意粉 portion 比較少都幾掛汁軟殼蟹Pizza不過不失黑松露芝士薯條略嫌唔夠多芝士, 反而有好多牛油感覺有D油膩芝士煙斗粉呢個有好豐富既芝士味但都係份量太少

呢間pizza 放題其實想試好耐，清明呢日放假終於可以食，本來想食下午茶放題既，但見到野食好普通冇咩吸引，所以夜晚先去食。餐廳係商場裡面，有D位係直頭坐係路人隔離，感覺有D怪。落單後2分鐘，個pizza就上，即係一早整定，個底好軔勁難切，Pizza得11吋一個size，兩個人食完係唔洗食其他野既，所以我地食唔晒要打包，不過味道幾好，有肉汁。火雞肉丸，肉丸好淋唔洗點咬，蕃茄醬好濃好真，放上包食一流黑松露蛋黃醬薯條，個薯條唔係炸係焗架，完全唔脆。芒果汁，便利店十幾蚊枝果款可能我地食既時間好早，唔係好多客，點餐時隻手舉左好耐都冇人應，但係佢地係度吹緊水。

位於尖沙咀The One 4樓的The Point, 主打意大利菜，餐廳的招牌菜色為Pizza，之前吃過也頗為不錯，今次特別試試其他菜式。當天晚餐入座時，餐廳入座率為八成，可以先致電查詢呀。Minestrone Soup 意大利雜菜湯來到了，湯的份量也是頗大碗的，還有不少西芹和紅蘿蔔，切成一粒粒放在湯內。湯的味道醒醒的，十分醒胃。Smoke Salmon Platter 來到了，煙燻三文魚約有八件，而且每件也頗厚，吃落挺滿足。個人喜愛用三文魚捲著上面的配菜再一起享用，味道更加清新及有層次。主菜 M5 Wagyu Strip-loin - Served with roasted potatoes and grilled mixed vegetables （M5和牛西冷）來到了。和牛的Size比一隻手更大，份量十足，二至三個人吃也足夠。不過西冷較為韌了少許。西冷下面有些焗蔬菜，個人最喜愛吃黃椒片，味道清新，中和了吃扒的油膩感。最後點了一杯Fruit Punch ，材料有Orange Juice, Grapefruit Juice, Strawberry Puree, Soda。有汽的Fru

今日約友人尖沙咀食飯，揀左地點就腳嘅The One。爬文爬到呢間The Point，又即管入泥試下。唔知係米復活節假期啲人出左外遊，冇訂位情況下都唔洗等就入座。餐牌以salad，pizza， pasta為賣點。先泥一碟軟殼蟹沙律。菜好新鮮，軟殼蟹份量都ok，沙律汁以日式芝麻醬同芥末為主，好清新。Truffle Mac松露芝士通粉。味道香口而通粉大大粒，好開胃但又唔漏。另外叫左杯mango tango 同fresh up。前者以芒果為主但友人話芒果味淡，而後者以荔枝為主但比茶味蓋過。最後叫左個Brownie in a Pan.整體係幾好味但如果件brownie再熱啲就perfect!下次有機會試下pizza先。

今天同同事試下這家位於the one 的意大利餐廳。午餐有七款，價錢由$58-$98，有湯但唔包飲品。粟米湯：是平日礶頭粟米湯的味道，但質地過於稠身，真的是糊狀，稠到有如粟米肉粒飯的醬汁。spaghettis truffle carbonara with asparagus & mushroom黑松露野菌露笋卡邦尼拉意粉$78這意粉口感煙韌，醬汁幾多，入口creamy. 滿有芝士同忌廉的味道，但完全唔覺得有黑松露。意粉配料唔多，有磨菇片同露笋片，是全素意粉。雖然這意粉叫carbonara ，但同平日食的有好大出入，感覺似是磨茹忌廉汁意粉多一點。Carnivore Pizza$88這pizza都幾大個，可以分成六片。pizza 批底是薄的，口感香脆，上面鋪滿了辣肉腸、意大利辣腸、火腿、墨西哥辣椒和燒烤醬。一試pizza, 果然香口惹味，既有辣肉腸的咸香，又有燒烤醬同意大利辣腸的微辣，真的有點刺激又過癮，味道比意粉好。埋單每人約$90， 以尖沙咀而言，是ok的，意粉比較一般，但pizza 唔錯，一試無妨。

呢間尖沙咀分店真係長期排滿人，店舖雖然係商場入面但無野隔住，好似有好多道門開哂咁都幾開揚，但係無阻大家排隊入去食。店舖就係好似有好多大門咁打開左，商場既光都照到入去，而座位都算坐得舒服，我坐得入少少又唔覺得好嘈。入去就會見到個Open Kitchen，望到烘Pizza個石爐，見到個爐火都好猛烈仲見到店員即整咁放入去。牆身都係好多鐵板既裝飾。意粉叫左餐廳推介既《鮮露筍野菌黑松露卡邦拿拉》($146)，意粉較為淋身醬料都幾濃厚，配搭上幾片薄切既露筍。薄餅用上左石爐烘烤，叫左《煙三文魚批》($172)，將溫泉蛋放上中間整穿就會流到成個餅都有，烘好薄餅之後煙三文魚大塊咁舖左面，再加上三文魚子同香草忌廉芝士醬，餅邊較脆餅底厚同淋身。小食叫左《香蒜辣椒白酒煮大蜆》($118)，大約有十幾隻蜆，入面見到有啲辣椒碎都叫惹味，白酒味就有少少咁滲出黎。最有驚喜係甜品《朱古力布朗尼餅》($68)，個鐵盤真係熱辣辣咁上，香蕉烤過甜味足，布朗尼朱古力味都幾濃。店名：The Point地址：尖沙咀彌敦道100號The ONE 4樓409號舖餐牌:

今日男朋友個爸爸生日 我哋就一齊去食尖沙咀呢間the point 之前已經喺將軍澳嗰間分店食過味道好好 今次就食尖沙咀分店 唔知有冇驚喜 星期日嘅夜晚嚟到都幾多人 要等一陣位 枱凳比較窄 冇將軍澳店咁舒服 清酒煮蜆蜆嘅份量超多 而且大大粒 厚肉 酒味唔太濃 鮮味十足半生熟溫泉蛋炒雜菌 雜菌牛油味好香 夠曬新鮮有咬口 而且乾身無出水 上面嘅溫泉蛋好香濃嘅蛋味鹹香 配上雜菌一齊食勁正 焗煙燻芝士配薄餅 上次喺將軍澳食完一直念念不忘 今次再喺尖沙咀店食稍為失色 因為可能唔夠熱 拉絲效果唔係太出 好快芝士就變咗一嚿 不過味道一樣咁好味 火箭菜合桃沙律配黑松露汁 呢個沙律主打係火箭菜 我勁鍾意食火箭菜因為甘甘甜甜 上面仲有蜜糖醬汁 同埋勁量嘅合桃同巴馬臣芝士 食落鹹鹹香香 配上好濃沃嘅黑松露醬汁有 又黑醋嘅味道夠曬醒神 黑松露味亦好出 一啲都唔單調 軟殼蟹沙律配芝麻醬 呢味沙律好清新 軟殼蟹炸得脆卜卜 夠啖啖肉 主菜方面叫咗巴馬臣火腿薄餅 上面嘅巴馬臣火腿勁多 不過就較為煙靭 味道一流 配上個薄餅一齊食好夾 夠曬香口惹味 原隻龍蝦薄餅 個龍蝦頭好大 個影相呃like一流 龍蝦頭入面塞滿咗已經調味

同女朋友行The One ，經過一間叫The Point既食店既時候，我地俾張印有龍蝦pizza 既poster深深吸引住，咁就入左去試下。The Point有唔同種類既食物，有沙律，拼盤小食，pizza, pasta，甚至連甜品都有提供。我地心裏掙扎左一輪之後(因為樣樣都好想食)，就叫左凱撒沙律配煙三文魚 (HKD 118)，Lobster Pizza (11寸，HKD 328)，甜品就叫左Banana Heaven Pizza (HKD 72)。另外，仲叫左兩杯mocktail試下：Mango Tango (HKD 48)和Fruit Punch (HKD 48)。先黎既係凱撒沙律，賣相唔錯，有好多沙律菜，煙三文魚色澤好靚，非常鮮甜，而且仲有三文魚籽添，令到個口感更加豐富。跟住黎既就係signature dish: Lobster Pizza。 個pizza材料有原隻龍蝦，茴香頭，車厘茄，水牛芝士配以海鮮汁。佢既賣相超級有排場，成隻龍蝦放係個pizza度，霸氣十足。個pizza未食已經聞到好香既芝士味，龍蝦肉肉質鮮嫩，唔韌而且爽口。隻龍蝦內面仲有玄機，係蘊藏左菌菇既，吸收哂龍蝦肉既

年幾之前食過一次，失望上少左左火箭菜。今次嚟到當然食火箭菜會一會佢！Arugula & Pear Salad $118 火箭菜梨子沙律，仲有芝士 合桃同黑松露醋汁黑松露醋汁淨放上枱都好香黑松露既味。食落先知係啤梨，好耐無食。唔加汁既火箭菜好甘苦，都係加份佢先。點講好呢？黑松露醋汁酸度岩岩好，無被黑松露cover哂d味道。火箭菜好爽口新鮮，配上Arugula芝士食添”臭”濃烈味，幾好味呀。啤梨比普通梨軟林同多一份濃郁啲既甜味。份量多，仲有合桃，抵食既沙律！Stuffed eggplant $72 經典肉醬芝士釀茄子起絲既肉醬芝士好岩肉食狂，啖啖肉之外，仲添健康既！有蕃茄肉，唔酸嫁。女仔可能覺得酸啲好，哈哈。茄士走過油炸過，所以無哂青味，茄子肉嫩多汁。Lobster pizza $328 原隻龍蝦pizza有茴香頭 車厘茄 水牛芝士及少見既海鮮汁。賣相一流大方，有睇頭！熱度大熱點更正。佢每件pizza都有滿滿龍蝦肉 水牛芝士 蟹子及2-4粒不等的蕃茄。一口先嚟芝士味，唔會太濃。之後就食到龍蝦肉，因為佢有啲厚度，所以咬個時有少少車住咁既。龍蝦海水味唔重，但勝在真係每份都有一定份量，唔會偏心。

今日放工就約友人於公司附近食飯- the one 4樓的the Point食西餐。煙三文魚露芛刁草忌簾汁天使麵$148 店員端上來時, 見賣相吸引, 已令我們涶涎三尺, 天使麵每條也是滿滿的忌簾汁。我很喜愛因為好Creamy, 好好食, 味道一流。 酥炸軟殼蟹, 蝦肉,烤甜椒, 菠蘿莎莎pizza $178Pizza 餅底做得好好，夠香脆。pizza面鋪滿芝士,蝦肉。亮點是pizza中間兩隻軟殻蟹，軟腍。M5和牛西冷牛扒$318西冷牛扒煎得靚仔，有網紋，牛肉味濃郁。配菜蘆荀也好吃。朱古力布朗尼餅,烤香蕉,合桃,雲呢拿雪糕$68

媽媽放假話要黎接我放工，一齊食飯，咁就緊係我諗地方啦諗起The One開左The Point一段時間都未試，就帶媽媽去試吓啦。Menu都未打開，我已經話要食龍蝦pizza。再睇吓廚師推介~先黎2杯飲品，Mango Tango 🍸芒果比例較少，橙同石榴味比較突出，賣相都幾吸引, 好有夕陽既感覺。Honey Latte ☕呢杯似一般latte, 不過加左蜜糖，感覺較滋潤。先黎媽媽至愛~軟殼蟹沙律有一整隻軟殼蟹，仲有烤三色椒，嫩滑的水波蛋加埋蜜糖芥末汁，令到本來好平凡既沙律菜變得更有層次, 分量都幾多添 龍蝦pizza 原隻龍蝦喺11吋既pizza上面，確係吸睛龍蝦肉平均分佈, 龍蝦頭同身都釀左蝦肉，用左水牛芝士, 配合底層既海鮮汁, 唔會太漏, 就算2個人都食得哂~ 係唔錯既！再黎香蒜辣椒白酒煮大蜆辛辣度剛好, 刺激一吓味蕾又唔會搶去蒜香味,  白酒又帶出大蜆既鮮甜味, 味道恰到好處~ 

Unmm 無意中行過拉 見到有pizza同意粉就入左去了原來係之前facebook都有睇過既介紹佢既自制pizza個啲所以都叫左依個set拉但原來無咩好揀 意粉的話味道真係好一般咁如果講佢本身嘅Pizza 我覺得還好嘅似係coffee Shop食到嘅Pizza底一樣可能重心就放左係自助Pizza嗰度啦咁我同友人都有嘗試過去整嘅um 食得多就唔好啦 食一次半次都得嘅總括嚟講 貪新鮮嘅話可以試一次有得揀唔會係首選😂