The Point - Pizza & Pasta (將軍澳中心) (已結業)

上午的工作暫時告一段落, 12：00在將軍澳中心想吃薄餅, 於是走進了這家餐廳。可能這裏附近沒有太多辦公室, 十二點鐘來的我是第一位客人。點了一個6”雞肉薄餅（$58）, 加上一個凱撒沙律（$8）。 隨午餐附送今天的菠蘿梳打特飲．凱撒沙律 上面有脆脆麵包粒、煙肉粒和parmesan 芝士碎片,菜是羅馬生菜,是正宗的沙律,所以加$8也是可以理解的。吃完沙律不久,熱辣辣的pizza送到．pizza上有火箭菜, 平常我嫌它有怪味, 都不會特登挑來吃． 不過今次放了在pizza上面, 竟然出奇地夾味道, 我全部吃掉了。pizza 上面有菠菜醬汁,橄欖油 ,雞肉和mozzarella芝士. 不要小看它6”,好像很迷你的, 其實也很飽肚.小插曲 ：侍應哥哥見我用手吃, 貼心地拿了一塊濕紙巾給我,很好的服務！

新年期間，好多鋪頭都唔開，見呢間鋪頭裝修得幾靚，就入去幫襯下，因為比較夜，唔駛等位，服務態度都好好，唔會催促你快啲點餐，仲介紹埋會員優惠，見呢度推薦龍蝦pizza 出名，我哋就點左個龍蝦pizza，11吋大Pizza, 因為其他地方都比較少有，都啖啖肉，幾好味，再叫多個軟殼蟹意粉，呢個就一般冇乜特別，唔夠飽再叫多個蟹肉意粉，食埋呢個就夠晒啦，想試吓d甜品但已經好飽，所以下次仲會嚟因為想試埋啲甜品，整體都唔錯

今日係將軍澳中心行街，差唔多到食飯時間，見到the point，裝修靚有格調，於是要試試。坐底覺得真係好舒服，侍應也很有禮貌。先黎個凱撒沙律，成個沙律配料豐富，蔬菜新鮮，仲好多芝士添。再黎個蕃茄肉醬意粉配溫泉蛋，這個配搭好特別，但食落又好夾。無扒不歡的我當然要叫個M5西冷和牛，因為要照顧小朋友，所以叫左7成熟，出到黎個效果都如我所料。和牛牛味濃鬱，油花比例剛剛好，我全程無點那個醬汁，經已好美味，配上兩條蘆筍更是畫龍點睛。最後甜品竟然是個pizza，好驚喜，配埋雪糕，又有棉花糖，細路仔開心到不得了。很滿意的一餐。

過年喎, 梗係要約朋友見下面。有人提議要見另外一位朋友的狗, 所以就相約去將軍澳食 tea 啦。不過這天天氣不太好, 不能坐戶外, 所以最後揀左將軍澳中心呢一間餐廳, 狗狗可以坐自己的車仔, 不過就要坐外面, 商場裝修過之後靚左好多呀。由於是日係 Saturday, 餐廳並不提供平日較平的 tea set, 改為 holiday set!頭盤揀左挪威煙三文魚, ok!飲品加 $10 改左美式凍咖啡!主食揀左香蒜辣椒白酒大蜆扁意粉!蜆大大隻又厚, 非常爽口又新鮮鮮甜。意粉軟硬度適中, 水準之作。食物份量不算很多, 畢竟是 tea set, 都 ok 的!棒棒雞翼香脆可口, 熱辣辣上枱, 唔錯呀。Dessert 揀左意大利奶凍, 麻麻地啦。朋友們之前都有推介呢間, 入左會即時有 9 折。

新年過後就係情人節‼️各位男士book左枱同女朋友食未呢🙊？不過平有平食 貴有貴食嚟緊七日 我會日日推薦唔同口味嘅餐廳比大家第一間係位於將軍澳 The point我之前已經喺尖沙咀食過㗎啦今次呢 就食下唔同嘅嘢🤤棒棒雞翼配蜜糖燒烤醬 ($88)雞翼炸得熱辣辣 配上酸酸甜甜嘅燒烤醬食 正👍🏻而Pizza 我都推薦 Green Neptune ($116)味道幾特別 有醃安鰽魚 加上海鮮 幾鮮味🥰之後我好推薦大家叫 Lobster Mac ($154)芝士龍蝦味好重 通粉索哂啲汁❤️甜品方面當然必食 Banana in a Pan ($68)_________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

又係一家大細去食西餐嘅時候，食西餐每次都食到唔同嘅新嘢，好味龍蝦湯濃郁芳香，唔會有淨係殼個陣味，好厚實，唔會淨係停留喺舌頭上嘅感覺，飲到佢嘅香味同細滑感軟殼蟹沙律係清爽同香口嘅配搭，熱辣辣嘅軟殼蟹外脆內軟，配沙律就唔會油膩白酒煮蜆係一向中意食嘅嘢，依度唔會太濃酒味，但又隱約食到個陣香味，蜆肉新鮮甘甜鹹牛脷披薩好有特色，芝士同配菜都好多，食落啖啖都有好多料，鹹牛脷嘅鹹香令成個披薩都令人印象深刻，好滿意火腿拼盤一共有四款肉品，其中一款係肉腸，有配埋芝士、小蕃茄同橄欖清一清大家口入面嘅油味。四隻都各有特色，香氣撲鼻，下酒一流煙三文魚忌廉意粉奶味豐富，好順滑，煙三文魚比較清爽，配白汁就啱啱好和牛肋肉蜆殼粉冇乜食過，牛味好香，咬落去口感好好，醬汁包裹哂所有蜆殻粉，味道新穎桂花梨披薩配雪糕，披蕯都可以做甜點，桂花煮梨本身就係絕配，梨又多，加上雪糕一冷一熱，零舍不同好滿足嘅一餐，食得飽又試到新嘢，開心

對哩間舖認識係，佢初初開業可以任食pizza同雞翼不過依家已經無左啦～今次第一次光臨就帶埋狗狗，有獨立三張枱放係餐廳外方便客人下午茶時間都好多選擇不過帶住小朋友關係，食得清淡啲～叫左芝士羅勒蕃茄披薩🍕餅底唔錯，薄身脆口，面層蕃茄甜甜酸酸，配上羅勒嘅香，芝士嘅咸，恰到好處自己唔鐘意餅邊太脹太實心，哩款啱哂我～朋友叫嘅意大利泡沫咖啡～佢話次次都叫，我相信唔錯～最後叫左個甜品好味道吖～BANANA HEAVEN PIZZA因為有餅底關係唔會一味得個甜字，配埋雪糕食一流

The Point 係 Openrice 評價甚高，今日特意約朋友喺呢度食飯傾計。我哋見到 set dinner for two $298 幾吸引，於是就叫咗呢個餐。首先頭盤揀咗：香蘭番茄醬炆火雞肉丸 & 挪威煙三文魚。火雞肉丸有五粒，真材實料， 充滿火雞肉，沒有太多粟粉在其中，配番茄醬好味道！挪威煙三文魚有三片，味道不錯！Pizza 我哋揀咗: slow cooked duck breast pizza. 揀呢個係因為唔想食辣嘅Pizza。這是一個鋪滿芝士和蜜糖的Pizza，每片都有一件鴨胸在其中。芝士份量不少能做出拉芝士的效果，加上甜甜的蜜糖，香脆的薄餅底，口感豐富，讚！除此之外，薄餅的份量很大，兩個人食必定會很飽很滿足！Pasta我哋揀咗：經典蕃茄肉醬意粉配溫泉蛋。是傳統的肉醬意粉味道。有新鮮蕃茄用在其中。加了溫泉蛋口感相當豐富！飲品set定左係柚子茶兩杯。呢個柚子茶有點驚喜，不是傳統的開稀了的柚子蜜，他是用紅茶沖的，亦有啖啖柚子沉在底。味道很香很夾很不錯！呢間餐廳環境很不錯，食物質素好，播着柔柔的音樂不會太吵耳，是一個傾計相聚的好地方！

今天晚上去了將軍澳中心商場The Point 食晚餐，這家餐廳主打意粉，薄餅，也提供餐酒類飲品！這𥚃裝修簡潔明亮，座位舒服，店員招呼也熱誠有禮！我倆人依餐牌點了二人套餐（$298）選了前菜凱薩沙拉，主食煙三文魚溫泉蛋香草忌廉芝士批、和鮮露荀黑松露卡邦尼醬意粉！意粉有濃郁芝士香味，加上鮮露筍黑松露的香氣，食味可口！煙三文魚比薩，薄批但份量不少，咸香囗感,令人食指大動！餐特飲是一杯鮮菠蘿汁加冰，清涼潤喉！感覺舒服！

閒日來The Point吃early dinner，人少少幾舒服。Green Point ($48): 顏色好夢幻，有好香嘅菠蘿味飲品。The Point Favourites 系列1) 香蒜辣椒白酒煮大蜆（$118）:蜆肉好大隻，鮮甜有口感；醬汁有蒜蓉同辣椒味，好開胃。2）紅酒燴和牛肋肉配蜆殼粉（$136）：呢個味道比較香濃，牛肋肉炆得好淋，個人覺得蜆殼粉可以再煮淋少少會更好。Pizza 揀左Carnivore ($108)：pizza 有9”同11”，呢個係9” size，份量適合2個人share，材料豐富，有辣肉腸同燒烤醬嘅惹味，pizza新鮮焗起熱辣辣又鬆脆。甜品揀左tiramisu affogato ($58)：愛好咖啡嘅朋友一定要食，因為佢有非常香濃嘅咖啡味，加上雲呢拿雪糕中和左個香濃口感。

就黎新年親戚住將軍澳附近就約左喺將軍澳中心食晏Lobster Bisque 龍蝦湯濃厚鮮甜而且龍蝦肉質爽彈加埋香草好正Soft Shell Crab Salad軟殼蟹漿粉夠薄配搭水波蛋沙律同蜜糖芥末醬汁香甜微辛感覺新清唔膩Antipasto Platter各式意大利風乾火腿同香腸油潤咸香配搭水牛芝士半軟煙韌同黑油橄欖幾開胃White Wine Clams蜆肉肉質飽滿鮮嫩而且乾淨無沙；醬汁蒜蓉味濃帶白酒香加上辣椒香辣惹味OX Tongue Crossover Pizza餐廳供應多款特式薄餅；鹹牛脷肉味香濃加上靈芝菇菌香濃郁配搭烤煙燻水牛芝士同埋墨西哥辣椒意外咁夾Conchiglie with Wagyu Beef Ribs和牛肋肉牛味濃郁而且燴煮得軟腍入味；蜆殼粉大大粒可以鎖住醬汁Capellini with Smoked Salmon擺盤用左煙三文魚卷花賣相精緻；三文魚同露芛連忌廉汁烹煮富奶油香加埋刁草配搭海魚啱哂Osmanthus Pear Pizza甜品居然都有披薩好特別；桂花啤梨清甜帶淡淡桂花香配搭蜜糖里哥特芝士微甜加上雲呢拿雪糕同香脆嘅杏仁片層次豐富

今晚到Samuel將軍澳的新居参觀，我地揀左The Point食完dinner先，The Point半年前我食過一次，印象不錯，原來Samuel和太太也是常客，Samuel還指定一定要食白酒大蜆意粉呢！Arugula & Pear Salad $118火箭菜極新鮮，配上爽甜的梨子，歌方蘇拉芝士和合桃，配以黑松露醋汁，好清新和健康Smoked Mozzarella $88未試過食水牛芝士是用烤和煙薰的烹調方式，好特別！口感比較煙韌 , 有好香的煙薰味，芝士味更濃郁，用三角薄餅夾來吃好matchRoman 9" Pizza $118餅皮薄而脆，意大利風乾火腿咸咸香香，新鮮無花果清甜，配上火箭菜獨特的苦澀味， 番茄醬的酸味，口感甚為豐富，好美味Linguine Vongole $118香蒜辣椒白酒大蜆扁意粉~ 份量甚多，意粉彈牙爽口，恰到好處，充滿蒜香而帶点微辣，還有淡淡的白酒香味，正十多隻蜆隻隻肥美鮮嫩，鮮甜而帶海水味，由於我和Samuel都極喜愛食大蜆，所以甚為讚賞

之前The Point淨係去過銅鑼灣分店，依家將軍澳都有得食啦！開咗咁耐都係第一次過嚟，今晚同媽媽過嚟呢邊食飯！佢哋嘅pizza好似都出名，但之前無食過，今次就叫咗個11吋嘅Herbivore($142)我覺得呢度個Pizza的確唔錯，批底厚薄適中，外脆內煙韌，好特別！而且個底唔會焗到黑蚊蚊👍🏻配料豐富，味道搭得好，全素都好惹味！呢款係上面有香草醬，中間係無搽醬，全部都係芝士❤️只係香草醬油左啲，但整體都係好食！我地仲點左一款pasta同main course，蟹肉白酒刁草紅胡椒天使麵($128)上枱真心有驚喜！好多大大舊鮮蟹肉！口感飽滿！蒜片切得薄薄的又爽脆，令成個pasta更惹味👍🏻天使麵雖然幼，但依然好彈牙，唔會煮到淋曬~酒味都食到啲，不過就唔太濃。有樣嘢唔好就係個底太油。。。少油會更好！而且搵唔到有紅椒。木烤三文魚配黑松露忌廉醬($182)三文魚扒整得唔錯，外脆內嫩，中間未去到全熟，入口嫩滑！魚皮脆又唔會脆到硬，好食，黑胡椒調味簡單又可以突顯三文魚嘅鮮味！點左黑松露忌廉醬反而蓋過左三文魚味。唯一失望嘅係配菜，全部都好油，而且薯仔係爽口嗰種，硬硬的！不過今晚都食得好開心，店員好有禮

因為當年一次的失約，我倆已很久沒有聯絡.....上星期她突然找我，並非有什麼特別事情，而是記掛我，感覺很安慰。馬上相約見面，今次再沒有失約了！來到她的工作區，本以為她有好介紹，點知....她從來不吃午餐，放工又馬上回家，在此工作了三年多也好似陌生的。幸好，這裏我也有心水，想起它的意粉和薄餅...餐廳裝潢沒有改變，同樣分了兩區，座位不少，環境舒適優雅，配上柔和旳燈光和伴着輕快的音樂，很寫意。三份餐牌都設計清晰精美，分別有一份Set Dinner For Two、一本A la carta餐簿和一份飲品餐牌。A la carta分別有Soup & Salad、Nibbles、Crossover Pizzas、Specialty Pizzas、Pastas、Mac & Cheese、Mains和Desserts；而飲品則分有Mocktails、Cocktails、Craft Beer、Wine、Coffee & Tea和Others，兩者都有不少選擇。***************************我最喜歡這裏的廚師精選三式沙律 Salad Trio ($98)，可一次過吃齊三款沙律，最

實在太愛這店了，才隔了兩天我們又再到訪，今次是到將軍澳店。再次與我最愛的棒棒雞重逢。😆😆今次吃晚飯，除了棒棒雞，還點了蟹肉天使麵、磨菇pizza和芝士焗通粉。棒棒雞 🐔，將軍澳店的棒棒雞炸得沒銅鑼灣店的久，但仍然酥脆可口，愛死了～～💕磨菇pizza: 一直認為這家店的pizza做得很出色，皮脆、薄薄的，配料非常多，芝士配磨菇是絕配，實在太好吃了！三個人，吃得飽飽的，很滿足！正計劃下一次何時再吃呢！