The Point - Pizza & Pasta (將軍澳中心) (已結業)

今晚諗住返屋企食，但行過有間西餐廳坐到滿哂，就一心搏一搏，等左15分鐘先有位。四條友悶悶地叫咗個Parma ham Caesar salad，平時叫開三文魚，今次叫火腿有驚喜，火腿唔會好鹹，包住啲菜好易入口，好開胃。小食我哋就嗌咗黑松露薯條，不過我鍾意食幼薯條多啲，所以覺得好多薯仔好飽咁，黑松露亦都好出色，應該啱啲鍾意食粗薯條嘅人。主菜帶咗個軟殼蟹pizza，以為個軟殼蟹炸到好油，點知食落口又好正喎！ Pizza係薄底啱晒我口味。另外亦食咗煙三文魚忌廉意粉，上層有煙三文魚下面亦撈左左三文魚去煮，好足料。叫完晒嘢食先見到將餐紙寫話入會有優惠，送勁多野，下次要入會先後嗌嘢食。

今日同女朋友食飯，去左屋企樓下接完佢，去左屋企樓下食個lunch！女朋友番工好攰，放假都唔想周圍走，屋企樓下有間高質素西餐廳，就入去食個lunch啦！我地叫左一個salad，一個pizza，一個pasta。女朋友叫左沙律，滿滿羽衣甘藍和藜麥，好健康，加上茄子和蔬菜，好清新開胃架！pizza叫左煙鴨胸、藍芝士、焦糖洋蔥，仲有合桃和炸大蔥等等，最重要有蜜糖。批底夠鬆軟夠薄，唔會好厚好飽濟，蜜糖微甜，好滋味！煙鴨胸好鬆軟好香口，唔會乾身！意粉是女朋友最鐘意既蕃茄汁，意粉彈牙掛汁力高，大蝦好爽甜。

今日同男朋友落左屋企樓下食個lunch，假日好多地方都要等位。落雨唔想行太遠，落樓搵左間西餐廳食個飯！The Point，主打pizza和意粉！早早之前同男朋友係尖沙咀食過一次，難得屋企樓下有一間，就去食個lunch啦！我地叫左一個salad，一個pizza和意粉！沙律滿滿羽衣甘藍，非常健康，加上藜麥和茄子等蔬菜，非常合我口味！Pizza叫左煙鴨胸口味，加上香甜蜜糖和合桃，鬆脆批底唔會太厚，滿口咸香清甜味道，好欣賞鴨胸香嫩唔會太乾！意叫是蕃茄汁，香濃意粉夠彈牙，醬汁濃郁，大蝦新鮮爽甜！

其實整體都好好...直到食意大利粉嘅時候覺得有嘢界口...一拎出嚟係一條鐵絲....其實都明白廚房好忙但係依啲嘢真係會整親同埋會食落肚真係會死人.....好彩侍應都好識做....送返嘢飲同甜品.....相反沙律有驚喜....沙律菜好新鮮而且爽脆...個Pizza其實芝士都幾多....但係龍蝦頭入面嘅龍蝦肉有酸味.... Pizza上面嘅龍蝦肉亦都唔係話好爽口有少少梅薯條整體上不過不失整體當日因為有優惠所以去依間到食....但係如果以原價去睇....唔算話好高CP值

身邊多咗朋友住係將軍澳，係毫無頭緒嘅情況下，都努力搵下餐廳食。呢邊我對上一次黎仲裝修緊，依家開始多鋪頭進駐。呢間商場指示麻麻，唔係好似方向，如果可以指番啲號碼會較易搵到鋪頭。餐廳係幾邊邊嘅位置都有啲開揚嘅位，邊嘅好處係人流少，唔會好嘈。我地有小朋友，佢亦準備好餐具同baby seat。估唔到星期六都有set可以點，又幾好喎。做會員好似幾抵叫咗4個set，前菜我地要咗小食，湯係粟米忌廉，又好似無咩新意。有三文魚，有肉丸，小朋友未必食到，前者係生，後者係辣辣地，大人覺得ok，好味。卡邦拿意粉，唔錯，汁算收得多，都幾入味。菌類味道恰當，唔會太過，面頭有芝士，可以中和到。叫咗兩個pizza ，喜歡菌嘅都唔錯，食咗意粉再食呢個pizza，又唔會話重複。另外一個係車厘茄味，一般，不過不失。薯條都係加$24，粗薯，小朋友大人都食得開心。仲有一個係白酒大蜆扁意粉，呢個都好食，蜆無沙，有酒味，意粉亦剛剛好，唔會過濕或乾。餐飲係菠蘿梳打，味道幾好，唔會過甜或太淡。店員都好好，自動加水同收碟，出邊落大雨又紅雨咁，我地都坐咗好耐。價錢唔貴，每人150。

將軍澳中心有很多食肆，其中The Point就是我喜愛之一。平日中午有lunch set，選擇也不少。今日餐湯是粟米湯，香滑的粟米湯，味道很好很吸引，絕對不是出面一般的粟米湯可比。每一口都是香滑濃郁。煙三文魚露芛刁草忌廉汁天使麵，麵條沾滿濃濃creamy忌廉汁,配上煙三文魚及蘆筍,味道吸引更豐富可口。不錯的煙三文魚天使麵口感十分軟身鮮露筍野菌黑松露卡邦拿拉意粉，意粉沾滿濃濃的醬汁，滲有黑松露的香味，露荀爽口，吃起上味非常可口、美味，做得唔錯！意粉軟硬剛好餐飲是菠蘿梳打，十分合口味和解暑，最適合在炎熱的天氣下飲用。這裏環境舒服，裝修雅緻，食物水準高，最適合傾計，聊天的聚腳點。空間感十足的The Point

難得放假搵間舒服嘅餐廳慰勞一下自己，很久未光顧這間餐廳了，Pizza雖然幾好食但就偏貴同埋服務麻麻！以前成人排好長龍，今日午餐計埋我得兩檯！揀咗個Green Neptune Pizza, 套餐包餐湯同埋一杯指定飲品（波蘿soda）餐湯無咩特別，特別在點解無包嘅Pizza 就咁睇似海鮮批，點知一黎到聞到陣咸魚味，再細心看看餐牌，原來裡面有(anchovies) 係外國人好鍾意食嘅醃魚！頓時打了折扣，不過都要照食，點知個D魚係有好幼好長嘅軟魚骨，仲攝住喺牙縫！oh no呢嘅時候需要杯野冷靜下！俾杯甜甜地嘅野我會開心D囉，soda 配呢個咸魚批唔得吖！俾杯凍檸茶我會開心D囉！但轉飲品要加錢吖佬細

第一次試the point，先講講環境，座位闊落，裝修也挺不錯食物方面，小食試左棒棒雞翼，炸得香脆，而且醬汁非常好味，推介Pizza叫了龍蝦pizza，賣相非常精美，味道方面比想像中清淡，不會太滯，龍蝦肉也頗多，不錯。意粉叫了白汁西蘭花烤雞扁意粉，白汁香濃，雞肉也不錯，不過意粉略嫌過淋了一些，我比較喜歡有咬口一點，但整體來就都不錯。另外要一讚的是，侍應們都非常殷勤，服務周到，下次會再來試試其他食物。

公司其中一個同事鐘情於Pizza，話呢間質素唔錯，其實我一向少食意大利菜，其中原因係Pizza少食到覺得好味，不過心諗唔食餅都仲有其他嘢食，就跟大隊食晏。兩點左右嘅時間客人唔多，餐廳分兩個區，燈光偏橙黃，感覺乾淨環境幾舒服。我哋點咗個3個set lunch同1個lobster set一齊share，今次呢個披薩令我改觀，餅底完全啱我口感，而奇他食物質素亦唔錯，十分滿意。加$8有是日餐湯或迷你凱撒沙律，當日餐湯係雜菜湯，好濃蕃茄味。加$24一份棒棒雞翼(3隻)，起肉炸起好似雞槌，但係食落口感都似雞槌，炸得太乾，不過造型細心，棒棒形方便客人享用。另一款加$24嘅黑松露薯條芝士焗，好香而且芝士都幾多，唔會好似一啲餐廳只係上面有，新鮮好味。煙三文魚露笋刁草忌廉汁天使麵，忌廉汁掛住天使，唔會太乾啱啱好，有熟三文魚同煙三文魚，更多味道同口感。黑松露南瓜汁野菌蔬菜長通粉，雖然食唔出黑松露味，長通粉軟硬口感適中，而且個汁味道唔濃，唔錯。意大利風乾火腿，無花果，火箭菜，蕃茄醬披薩9”，呢個Pizza我好鐘意，餅底鬆脆，但唔係硬同食落感覺好熱氣嗰種，好驚艷，完全吸引，微甜嘅無花果中和鹹香嘅火腿，配上新鮮嘅

今日三人行黎試呢間野嘅意粉，叫咗個煙三文魚忌廉意粉、雜菌卡邦尼意粉同埋four cheese mac。呢間野算係中價位嘅一間鋪頭，每一個餐平均都要一百幾蚊，本來以為呢啲意粉嘅份量應該唔會好多，但係估唔到係幾大碟飽到食唔晒嘅，所以我哋三個人食三個意粉其實係多得滯，如果同朋友嚟嘅話建議叫意粉+Pizza or小食share，呢個份量會好啲。煙三文魚忌廉意粉個味好淡好清新唔會好滯，煙三文魚極大塊，而且意粉入邊撈左好多細細塊熟熟地嘅煙三文魚，好好食。至於雜菌卡邦尼意粉既味道非常之濃，上菜嘅時候見到個面鋪左好多芝士碎，都幾出色，而且佢係素食嘅，所以素食嘅朋友可以試一試。至於four cheese mac其實係用咗四種唔同既芝士去焗一個通心粉，超級滯，無論面、定係底、定係通心粉中間都塞滿晒芝士，其實可以當佢係一個小食同朋友share食，絕對唔可以自己一個食。

將軍澳中心幾多特色美食，喜歡呢間餐廳地方闊落而附近人流不多，所以甚為休閒。香蒜辣椒白酒大蜆扁意粉尤為出色，大大隻蜆肉味鮮甜，夾著淡淡白酒清香和蒜香，加上辣椒的辣，味道顯得更具層次，扁意粉軟滑彈牙配合可口嘅汁料，頗為美味。

不知是否商場找不到商戶，竟然在樓上樓下兩間意大利餐館，上星期我們剛光顧地層那一間，今晚特別試試這一間，可以在短時間作一比較。晚上餐館大約三成滿，我們選了二人晚餐，頭盤可選兩款，主菜也是選兩款，不包括甜品。 飲品指定果汁兩杯。頭盤選了挪威煙三文魚及經典凱撒沙律，主菜選了Pesto Chicken Pizza 和 香蒜辣椒白酒大蜆扁意粉。雖然餐館在裝修方面落足工夫，但失望地，菜式煮法不太像地道意大利菜。 Pizza 做法已露敗筆，有點像某連鎖店的樣式，意粉將大蜆整齊砌在底層，有點新意但其實不需要這樣做，而且醬汁過鹹。整體來說，食物質素一般，樓上樓下同一類餐館，一定給此店很大壓力。另外，很奇怪在搜尋此店的資料時，發覺其他分店和此店的滿意食評非常多，莫非是我的口味和眾人不同？

在開飯看到 The Point 有大量的好評，於是打算去試一試，結果是另一失望之選。( 可能只是我點了「伏食」，因為感覺上，其他菜式不會這麼差。)我點了 Set Lunch 中的燒三文魚露芛刁草忌廉汁天使麵，跟餐有一杯菠蘿特飲；我額外再加了8蚊跟餐湯和20蚊跟甜品(意式奶凍)。餐湯是意大利雜菜湯，味道非常濃郁，菜蔬味很豐富，而且亦很足料，酸酸甜甜非常醒胃。説實話，我實在對這客天使麵相當失望。忌廉汁是很到位的，夠濃郁亦夠奶香，而且不會過多，導致難入口。惟天使麵被煮得像公仔麵一樣。我不知自己是否帶點先入為主，我甚至覺得味道也與公仔麵有點相似，像是忌廉扒公仔麵的friend. 煙三文魚和露芛算是比較正常，露芛夠鮮嫰，而三文魚就被熱力弄得稍為老了一點。意式奶凍的賣相出了點問題，不過整體也算是不錯的，夠香滑，又有士多啤梨醬。

It's not the first time for me to try out this western restaurant, with delicate dishes providedyesterday when my friend and I were struggling what to eat for our tea or dinner, we have looked up some suggested restaurants on eatigo, and surprisingly, they offered 50% off for every cuisines, except the set ones. So, we chose this restaurant, without any hesitation. Once we sat down, the staff poured a cup of water with lemon for us straight away. Lastly, we have ordered a soft shell crab salad f

本來見 The Point 有幾間分店而且食評唔錯諗住來試下，點知叫幾樣野冇樣得，完全係出乎意料地差。凱撒沙律醬汁好似溝咗水咁稀，什菜湯係罐頭貨色，已經覺得伏，但主菜更失望。紅酒和牛肋肉蜆殼粉：所謂和牛完全唔似和牛，肥得來係肥膏多但唔係油脂分佈平均果種，似啲 cheap 肥牛，牛味亦欠奉。紅酒汁味道可以，但底部比較油膩。蜆殼粉冇特別，不過不失。海鮮意大利脆米湯飯：有虎蝦、三文魚、青口、魷魚、蜆，看似幾豐富，但海鮮明顯係雪藏貨，冇鮮味可言。湯都好普通。原隻龍蝦配車厘茄伏特加忌廉汁扁意粉：呢個係最失望，龍蝦好細隻，肉全都拆了出來得番個吉殼，但重點係意粉裏面嘅龍蝦肉又嚡又冇味！可以話係食過最難食嘅龍蝦。蕃茄亦冇鮮茄香，更加唔覺有任何“伏特加”酒味。總之三個人盛惠$8xx 但質素連快餐店都不如，性價比奇低，絕對冇下次!