The Captain’s House (已結業)

Not only the shopping was newly opened but also this economic fresh seafood restaurant too!They focus on seafood and you can see the lobsters are “tied up” to swim inside their tank! I ordered the Signature Combo (unfortunately you couldn’t top up to add more items) so we also ordered Salmon & Springrolls; all are yummy and fresh!Couldn’t neglect that their services was superb today (weekday lunch- different?) staff were relax, helpful and really used their heart to think about what the best sui

上次去完新商場「圍方」商場👣 鍾意佢夠大又夠近 今日又走咗o黎搵食😎 原來The Captain”s House 進駐了「圍方」🫧海膽多士🫧多士香脆可口 上面鋪上海膽和芝士🧀️ 令人垂涎欲滴🤤🫧封門牛柳羽衣甘蘭沙律🫧一排封門牛柳份量慷慨 牛柳飽滿肉汁👍🏿 沙律菜新鮮爽脆 蜜柑甜酸多汁 配蜜糖油醋沙律汁 胃口大開🫧西班牙式爐烤乳猪🫧外皮脆卜卜 肉質嫩滑充滿油香😮‍💨忍唔住一件接一件 配上千層薯仔和蕃茄仔 中和油膩感🥰🫧焦糖布丁🍮🫧口感香甜 布丁入口順滑🫧洋甘菊茶🫧

今日去FD屋企玩，啱啱好圍方都開咗，咁一定要行下啦。一直都有幫襯開The Captain's House，原來係大圍都開咗新分店，環境都幾唔錯。Ginger Ale, 搭配埋冰塊同檸檬，好贊。Cranberry，飲落微甜，好清爽。蒜片辣椒鳳尾蝦，蒜蓉同辣椒都幾多下，每一件蝦都裹滿辣椒同蒜蓉，食落好惹味。西班牙烤八爪魚，八爪魚切得好厚身同埋大件，上面仲加入沙律醬，同八爪魚好夾。下麵鋪滿煙肉薯蓉，煙肉一粒粒豐富咗口感，全部食曬。白酒海蜆扁意粉，上次食完就覺得好好味，今次繼續encore。海蜆用白酒煮完一啲都唔寒，白酒醬汁同意粉都好夾。西班牙式爐烤乳豬（配焦糖啤梨醬），落單已經講明要20-25分鐘，送咗一整條乳豬腿上來，切開乳豬即刻暴曬汁水，皮脆肉嫩。乳豬本身已經調味過，不過焦糖啤梨醬同甜麵醬有少少似，點落醬汁會更加好味。估唔到哩間鋪頭晚市都幾多人，一半都已經book咗台，好勁下。

西式海鮮餐廳，冇食佢最出名既撈海鮮，試左佢其他主食蒜片辣椒鳳尾蝦 $88雪藏味重，完蒜片辣椒欖油炒蜆 $88呢個名雖然同蝦個名差唔多，但呢個真係好食好多，煮得岩岩好，蜆夠juicy炭燒慢煮原條牛肋骨 $498肉夠淋，不過就冇乜炭燒味

Combo A （可選擇三款海鮮）用袋裝住賣相好特別😍我選擇左海蝦、鮑魚仔、扇貝，裏面仲有腸仔、粟米、薯仔，有幾款醬汁可以選擇，我選擇左檸檬牛油汁，將佢搖勻樣樣都沾滿醬汁，新鮮好味😋夏威夷風爐烤雞翼單骨雞翼好正呀…個醬汁又惹味，食到停唔到口。手拆蟹鉗蟹膏意大利燴飯意大利飯粒粒都好大，好有口感，最好味嘅地方係拆晒啲蟹肉撈係飯到，啖啖都食到鮮甜味。Coffe Mocha🥤濃濃朱古力味，加埋咖啡好好飲。Affogato☕️雪糕加左咖啡真係好好好飲，用左雪糕嘅甜👍🏻👍🏻👍🏻

望穿秋水，大圍新商場終於開喇搵咗好多間餐廳，呢間可以帶寵物一齊進餐餐廳寬敞好舒適好彩預早Book定，仲安排咗個靚位見好多食客都食揀海鮮袋我地都揀咗3款自選款式海鮮裡面仲加添咗粟米．薯仔．香腸有四款唔同嘅醬汁選擇有四款唔同嘅口味揀咗 卡彊蒜蓉汁一放低已經聞到好香蒜蓉味，入口帶點微辣好惹味✨波士頓龍蝦闊條麵龍蝦大大隻好多肉，蝦頭仲好多膏配上闊條麵，口感豐富✨菠蘿汁味道清甜，仲插上新鮮菠蘿今餐超滿足，下次唔揸車，飲下Cocktail 都唔錯

終於等到大圍站上蓋全新商場「圍方」開幕，趁今日放假，專登同朋友過嚟湊下熱鬧，順便吃頓午餐。商場樓高 4 層，佔地甚廣，見到唔少店舖門外都放有新張花籃，人流絡繹不絕。朋友想食西餐，揀左 3 樓嗰間美式海鮮餐廳「The Captain's House」。餐廳主打游水海鮮，以 Fresh from The Sea to your plate 為概念 ，店內設有巨型魚缸，供應鮮活珍寶蟹、麵包蟹、波士頓龍蝦等。至於晏晝嘅 Set Lunch，選擇都幾豐富，共有 9 款，午餐配有飲品，+$18 可以升級，包是日餐湯或沙律。煙三文魚蟹餅班尼迪蛋 ($158)  水波蛋淋滿香濃嘅荷蘭醬，切開見到蛋黃汁緩緩流出，非常治癒。煙三文魚十分厚身，肉質柔軟爽滑，入口鹹鮮又帶陣陣煙燻香。墊底嘅蟹餅煎得十分香脆，以鮮拆蟹肉弄成，入面全部都係一絲絲蟹肉，鮮味十足！炭燒美國安格斯肉眼扒8安士 ($258)  肉眼扒揀咗 5 成熟，切開裡面仲係好粉嫩，咬下完全唔嚡口，多汁又重牛味，食肉獸表示大滿足。配菜有翠肉瓜、意大利青瓜、蘆筍同粟米，另外仲可以選配薯條、意粉或飯，份量十足。跟餐飲品點咗杯 Captain's Fruit

放假帶媽咪去咗行新商場圍方，周圍行吓搵餐廳食lunch，見到有呢間shake shake海鮮，原來有lunch set，價錢$118-258都有，幾多選擇。波士頓龍蝦扁意粉 $258賣相夠晒吸引🤩半隻波士頓龍蝦笑得火候啱啱好，龍蝦肉保持肉汁爽彈，個鉗仲好鮮嫩，啖啖肉好多汁添😋扁意粉係好粗身的，好似闊條麵咁樣，每一條都掛滿龍蝦汁，好香好濃郁😋炭燒美國安格斯肉眼扒8安士 $258牛扒有靚網紋，炭燒味幾香，我哋揀咗五成熟，切開粉粉嫩嫩，肉味幾濃郁，點燒汁食更加好味😋配菜嘅薯條啱晒我胃口，夠粗身，外脆內軟。仲有幾款燒蔬菜，粟米、翠玉瓜、茄子、青瓜，都一樣好食👍🏻跟餐可以加$18要埋餐湯或者沙律。我哋每款都要咗一個，餐湯係蘑菇忌廉湯，蘑菇味好出，沙律都好fresh。我哋加咗$15 upgrade餐飲做Cappuccino 同埋Mocha。慢慢飲埋杯咖啡，好滿足😌

大圍站新開左大型商場圍方，而我喜愛的餐廳 ”The Captain’s House’亦在此開分店。今晚便同朋友行新商場並去食The Captain’s House. 而家至8月31號 follow 社交平台重有9折添。今次我哋唔食佢哋出名嘅海鮮袋，而係試吓其他食物。我哋叫左白洒海蜆意粉，蟹鉗蟹膏意大利燴飯，水牛城雞肉春卷，狂犇牛肉串。飲品叫咗Pina-Nana同Honey Ginger Black Espresso 。一如以往，佢哋出品都係非常出色，海蜆好大隻同非常鮮甜，蟹膏非常多。水牛城雞肉春卷好脆好美味。牛肉串好嫰好有肉汁。飲品Pina-Nana非常好飲，有banana,yogurt.Coconut milk同 pineapple,好飲之外，打卡真係一流。

📌The Captain’s House餐廳嘅signature係shake shake海鮮袋最近喺大圍嘅圍方開咗新分店，店面好大而且落地玻璃令環境更開揚舒適🫶🏽 🔖[ Seafood combo ］我哋揀嘅Combo A 可以自選3款海鮮🦐將海鮮同醬汁放落袋內搖勻，材料充份沾滿醬汁，呢個食法特別得嚟又好惹味☺️海鮮方面我哋揀咗海蝦、扇貝同墨魚仔🌶️配特製cajun garlic sauce，醬汁以多種香料混合而成，味道辛辣帶蒜香，海鮮袋一打開已經香氣撲鼻🦐海蝦份量都幾多，肉質結實🦑墨魚仔口感彈牙，鮮味十足🐚扇貝味道鮮甜，裙邊特別掛汁，食到香濃蒜香味配料仲有粟米、原個小薯同香腸，沾上醬汁嘅粟米特別香甜🌽海鮮袋份量都唔少，兩個女仔食已經好夠飽我哋另外點咗2份沙律，清新又健康🥗🔖[ 經典凱撒沙律 ］凱撒沙律以自家製沙律醬，加上新鮮沙律菜、香脆煙肉、半熟蛋同Parmesan Cheese，醬汁份量剛好，簡單又好味😚🔖[ The Power Boost Salad ］羽衣甘藍藍莓沙律材料豐富❤️有藜麥、菲達芝士、甜菜頭、青瓜、松子、蔓越莓乾、無花果乾、車厘茄，配上蜜糖檸檬汁，帶點果香，清新又開胃

呢排好多人講大圍嘅圍方，呢日放工去行下啦。見到呢間「The Captain’s House」大圍新分店喎，一於支持下啦！💪🏻環境主要以藍色為主，充滿海洋感，空間感好大。眼見幾乎每枱都有叫「shake shake海鮮」，不過上次已經食過，所以今次反而想試下其他。🤣先黎肉醬闊條麵，麵條軟硬適中，唔係濃厚的汁底，所以食完好爽快。💪🏻當然都要叫個海鮮嘅，呢個牛油白酒青口，仲有薯條好脆香，絕對一流！💯酥皮焗慢煮羊膝，比想像中大份，羊膝肉好滑嫩，香料唔會蓋過羊本身嘅味，味道好平衡。👏🏻👏🏻👏🏻食埋甜品完滿呀！😋呢度嘅咖啡飲品好特別呀👍🏻叫左呢個honey ginger black,好醒神😆

The Captain’s House終於在新界區開分店啦， 這家是大圍新分店！之前在灣仔店和尖沙咀店吃過很多次，我特別喜歡這家美國家庭式海鮮餐廳的輕鬆氛圍，菜式款式多，很適合一家大細或朋友同事聚會。【蒜片辣椒鳳尾蝦】十隻大蝦用一個小煎pan上，蝦肉爽脆，蒜片辣椒惹味。【焗海膽帶子雲吞】咬下去是香脆雲吞皮，然後就嘗到海膽和鮮爽帶子。【手拆蟹鉗蟹膏意大利燴飯】啖啖濃濃蟹肉蟹膏味，意大利飯軟硬適中， 口感不錯。【龍蝦湯】我們加了酥皮，蘸湯吃味道不錯；龍蝦湯加了忌廉更香滑，如果有蝦肉會更好。【西班牙式爐烤乳豬】一整條乳豬脾，切下去乳豬皮像玻璃般脆，然後就是豐富脂肪和厚厚嫩肉。咬下去脂肪油香和嫩肉肉香混合，肉汁甚豐富，吃著幸福感滿滿。可以蘸焦糖啤梨醬中和膩感。【流心朱古力蛋糕配雪糕】最後當然是要吃甜品，流心朱古力蛋糕溫熱，外皮香脆朱古力味濃厚，配合雪糕冰凍甜滑，一冷一熱互相衝擊，味覺感覺雙重享受。

海鮮食物屬正常水評，味道特別可以接受。海鮮汁夠重味道可以再試。飲品正常，薯條調味不錯👍 漢堡就正常野沒太特別其他食物水準有待改善，如意粉等等的。裝修環境具特色👍👍👍

又係新界第一間🤤 作為新界人嘅我，覺得圍方呢嗰新商場好多嘢食又好方便，搞到我成日都想嚟食好西🤘🏻🤘🏻 灣仔同尖沙咀都食過，用環境嚟講呢度應該係最寬敞同埋光猛，佢嗰佈置都幾海洋世界🌊🛳️⚓️🛟 店員都有所不同，灣仔大部分店員係講英文，而今日所見呢度全部都係講廣東話😉 今日主打介紹嘅一定係龍蝦湯法式煮青口 1LB $168，如果叫1.5LB係$198，首先龍蝦湯好濃味🦞佢湯嘅精華完全入到青口，絕對唔係後加湯👍🏻👍🏻手拆蟹鉗蟹膏意大利燴飯 $158 - 第二嗰值得推介就係risotto，一如既往佢啲飯麵類都做得入味加出色😼鵝肝焦糖燉蛋 $108 脆炸蟹肉薯波 $88 路易斯安那蟹餅 $138美式朱古力曲奇伴雪糕 $88 - 好邪惡嘅肥食之選，係有啲驚喜嘅👽 佢係焗完再攤凍一陣再加雪糕上枱，嗰雪糕可以減低曲奇嘅油膩感同埋食落口感都好夾🫶🏻

之前食過灣仔店，所以好期待。呢間嘢食唔得，同灣仔間比差好遠。海鮮味道過咸、唔夠熱。燒雞老實講最好唔好再賣，胸”鞋”，整體來說無味。薯條不過不失。其他都不值一提。Mac&cheese龍蝦版本，基本mac&cheese的三重芝士都做唔好。提外話，有waitress中途加水，加一杯，其餘6人都無加，好奇怪。不過現在請人難，算數。整體來說，超失望。應該run好先開張。咁大個商場，其實做得好，前途無限。再來就唔會了，祝好運。