The BASE nature (已結業)

今日同朋友去咗荃灣荃新天地行街，經過一間西餐廳，見到好多人食漢堡包，門口有meun提供，都係$100以內仲要唔收一服務費！所以就即刻入咗去試吓個牛肉漢堡包🍔#澳洲草飼牛肉漢堡配炸薯格漢堡包份量適中，麵包有用牛油烘過，食落好香牛油味同埋熱辣辣好香脆！配料有生菜🥬，蕃茄🍅、脆脆嘅煙肉🥓配埋芝士同埋牛肉好夾好清新！澳洲草飼牛肉漢堡扒好大塊，牛肉好多汁，牛味好香濃、好Juicy，芝士半溶既狀態鋪上漢堡，好邪惡！加埋炸到熱辣辣既薯格🍟 ，好惹味！男仔一定食得飽，而且價錢唔貴值得一試！

適逢今日係我同男朋友既記念日Book左位 預訂左個寫 “Happy Anniversary “既甜品店家好有心思 仲加左蠟燭🕯️俾我地店員上甜品個陣仲會講「周年紀念快樂」真係有回應客人既需求 記住同做好睇得出店家有用心經營就算忙 細節都做得好足真係好窩心 揀左係依度食除咗店員服務好好食物都好高質甜品個幾隻字寫得超靚

今日同朋友去荃灣行街！今日去了荃新天地！食 The beas nature內面裝修好舒服，有大自然的感覺。我們兩個人點了澳洲m 級牛肉漢堡牛肉肉汁香濃！料好足！分量好大，麵包好鬆軟，內面的蔬菜都好新鮮！配薯格！😋😋脆脆的好好味！芝士焗薯格芝士焗一焗好香，可以拉絲～～～～🤤水牛雞翼味道不錯！但粉太厚！炸出來有點硬！甜品金箔朱古力心太軟！嘩！金光閃閃！😎蛋糕不錯味道香濃！但是蛋糕下面的好似坭的粉是咖啡查🤔

肺炎左一段時間，都無咩出黎食過野… 終於忍唔住要出街食😿平日黎the base nature 呢間好多人，依家肺炎期間少左d，但都無影響佢地食物質素。佢地響荃新天地入面，個位對正楊屋道街市果邊街景，可以一路食，一路思考人生柑桔檸檬冰茶 + 澳洲草飼牛肉漢堡炸薯格平日戴住口罩乜嘢味道都聞唔到，一除低個口罩啲味道好似大師兄咁返曬嚟，個漢堡包入面有塊生菜個生菜肉地好厚 ，未食過咁有肉哋嘅生菜 ，正，大漢堡扒同埋芝士一咬落去成個口都係肉汁，塊漢堡扒有成1.5到2cm咁厚，啱曬好似我呢啲咁嘅食肉獸，利申大食男，薯格嘅份量非常多多到我食唔曬剩左兩嚿，再配埋酸酸甜甜又凍嘅柑桔檸檬茶 ，可以話係冰火兩重天，肺炎之下好多小店生意冇以前咁好，如果大家有能力嘅話見到有啲小人幫襯嘅鋪頭都可以去睇下。

朋友以前係觀塘食過舊店後好推薦呢間餐廳，奈何地點對我黎講唔太方便所以一直無機會去試。而家佢地搬左黎荃灣，終於可以去食啦舖位雖然唔算好大，但開放式設計令人感覺好開揚，坐得好舒服。週末係brunch set menu, 主食連飲品都係$75-$118，價錢合理。如果想轉手調咖啡都係加$5香煎日本刺身帶子配海鮮墨魚汁意大利飯意大利飯的質地唔太硬，帶點煙韌，配上好有芝士鹹香的墨魚汁，食口好creamy,令人有追食的感覺。粒帶子都幾大粒下，外層煎到有啲焦香，而內裡好嫩滑juicy，食得出高質素另外，意大利飯中仲有放到菠菜同墨魚仔，豐富了整體的口感。慢煮紐西蘭香草西冷扒 見到特價中所以叫黎食。order左medium,成品係有做到中間粉色而無血水，火喉掌握得幾好。牛扒質地軟熟易食帶少少牛肉味。如果外層再煎得香口啲就更好食! 配菜係跟蕃薯條，炸到外脆但內裡又唔會乾，蕃薯甜甜的又香，好味Flat white加$5就可以轉手調咖啡，我地呢啲咖啡精梗係要試下啦～員工話佢地啲咖啡係用落double shots,所以都expect會幾香濃，但呢杯flat white就有啲少失望了。咖啡味都係唔太強，被奶味搶左

偶爾想放鬆，食下cake同飲下茶，可以嚟到荃新天地The Base，佢哋啲甜品唔錯，手工蛋糕有兩款，分別係紅莓芝士蛋糕同埋朱古力榛子蛋糕。揀左紅莓芝士蛋糕。蛋糕用黑色圓形嘅石碟盛載。伴碟有3粒藍莓。蛋糕分左三層，由上至下分別係紅莓醬、芝士同用消化餅整嘅餅底。一入口，已經食到紅莓嘅酸，好醒神醒胃呀！芝士好軟，質地近似乳酪。蛋糕面頭放左d餅碎，d餅好脆。跟餐送飲品。飲品款式好多，見到檸檬甘草茶隔離有個括號寫住N。原來N姐係「無咖啡因」。見到佢咁寫就一於試下啦！檸檬甘草茶冇乜檸檬味，比甘草味蓋過左，微甜。同酸嘅紅莓芝士蛋糕一齊食，甜同酸互相中和，味道啱啱好。一啖茶一啖蛋糕，好歎呀～另外一杯餐飲嗌左美式咖啡，奉送奶同糖供客人自己選擇落幾多。咖啡夠熱，好香。咖啡未飲淨係聞已經即刻醒神曬！加d奶落去，飲落好滑，唔會太苦，唔使落糖，味道啱啱好。

n 年前去過觀塘The Base, 大概係佢當時開張無耐？ 印象中味道唔錯, 不過觀塘始終太遠之後無再去. 前排同fd 講起先發現原來佢已經relocate 左去荃灣, 近好多就搵埋fd 搵日去試下搬址後水準brunch menu 比當時觀塘抵食, coffee or other drinks 都只係加$5同朋友share 左個扒同risotto 試香煎日本帶子配海鮮墨汁意大利飯 $88兩粒帶子, 頗大粒. 略煎至兩邊為微金黃, 煮得剛好口感仍係嫩腍, 帶微鮮甜, 很好吃.risotto 本身亦加入了墨魚等海鮮, 略咸左d, 個人喜好risotto 口感再硬身d. 不過味道整體還是不錯另外點左慢煮紐西蘭香草西冷扒 $1088oz, 配砵酒汁同蕃薯條沙律. request 左medium rare, 再次讚賞煮timing. 中間仲係嫩紅色, 保持到肉嫩有肉汁. 扒已經切開所以食得方便, 帶點牛肉香味, 不過邊位都有點筋位. 另外炸蕃薯條份量慷慨, 炸得香脆, 瀝乾油做得好所以放耐攞上手都仲係唔油膩而香脆.另外加$5 分別order 左杯flat white 同rose latte.問店

上次黎左呢度食左意粉，記得係幾好味，今次一於試新野，揀左個魷魚圈墨汁意大利飯捲其實睇menu相真係唔會睇得出會係點，出到黎原來係用魷魚圈包住個墨汁飯壽司捲，好有心思，好特別～呢碟既重點我確得係啲汁，整得好香，唯一係好似放左陣，因為感覺唔係熱騰騰既汁～但係都好味既，鹹鹹地好惹味～墨汁飯好香，雖然話其實壽司一個roll唔會好大份量，但因為有原隻魷魚（好足料！），其實食曬之後都好夠飽～btw隻魷魚都好彈牙好有咬口整體上都幾好～有機會再食下其他dishes

之前食過呢間係荃新天地 既The Base Nature 既野食，覺得返尋味，今日又黎左食飯～今次我試其他菜式，叫左個燒味贈三文魚扒糙米飯，好香！第一眼望其實唔記得自己叫左咩，因為望落立下眼以為係牛/豬😂 其實係調味過既三文魚～我食第一下覺得隻味勁熟，但又諗唔起係咩，只係記得係三文魚度平時唔全食到既味。不過好香濃，配上糙米飯就岩曬，因為如果個飯再加醬做調味就會太重味好漏，而家就好岩～一啖魚一啖飯就最正！煎得勁靚！食食下係咁諗之後終於諗到係咩調味啦！原來係好似鰻魚既調味😂😂😂真係似，但係食落又有三文魚扒既香味，係個好特別既Combination, 亦都好夾好惹味，呢種整法我好鐘意～隔離既好似係梨沙律，第一次試，酸酸甜甜咁幾特別，仲好爽口，因為梨既質感好清爽。好味～如果上菜可以更快會更好～

出奇地高質加$10有是日餐湯。香濃的南瓜湯，食得出絲絲的南瓜。無cream的油膩感。香煎帶子 墨汁西班牙飯。濕濕地的墨汁配上長長的西班牙米，味道一讚👍💞香煎日本帶子口感軟軟。上面的紫菜令個飯有焗的焦香味！飯入面有少少海鮮！出色的fusion菜。慢煮真係甘好食🤷‍♀️？慢煮紐西蘭西冷扒 配香烤雜菜。上碟已經係高級😋。牛係5成熟，但切無血汁，因為慢煮令牛的裏外都平均地受熱🏜️，所以肉質有咬口又不韌，咬下咬下有滴滴肉汁估佢唔到，雜菜都唔係隨便整。薯蓉食到粒粒薯仔，所以係自家製的。橢圓形的蕃薯係日本來佬貨😋，真係好有機心哦～這是長笛咖啡，係espresso加奶，又未至於cappuccino甘甜。香咖啡味，喜歡偏苦的咖啡。

晚上來了這裏食它的dinner set，dinner set只有星期一至星期四有在供應的，包一個餐湯，一個主菜，還有一杯飲料。它提供的水是有加薄荷葉跟檸檬，就是一個detox water的概念，超級加分的，太體貼了。餐湯是洋蔥湯配蒜蓉包，湯很濃，洋蔥超多，配上很脆很蒜的湯很搭～主菜點了美國自然飼養有骨豬胺扒 配燒菜 芥末焦糖蘋果汁 ($168)。豬扒肉質很嫩，很juicy，表面煎得好香，豬味很濃。配上特別的醬汁，感覺很清爽，很清新，有解膩的作用。配菜種類很多，也有輕輕的煎過。整體來說，這家很用心，很為客人著想。

今日放工就黎左荃新天地搵朋友行街，我地行左一陣，見有d肚餓，就搵下商場有咩好食，之後見到THE BASE NATURE西餐廳，望落去環境幾舒服，一於就決定今晚係依間餐廳到食啦餐廳裝修風格，令人感覺好似去左森林裏面既小木屋，悠閒得黎又可以令心情放鬆，每款晚餐都可以加$35升級套餐(飲品，是日餐湯/沙律)南瓜湯南瓜味濃，有小許微辣蘋果梳打有蘋果香但唔會太甜，飲落爽口西班牙海鮮飯$178海鮮飯裏面有3大隻肉質彈牙虎蝦，爽甜魷魚，鮮甜青口，食落冇沙既蜆，海鮮份量非常足，而且每食一口飯，都會食到海鮮既鮮味燒大三角牛肩肉漢堡$148依款漢堡同我出面食既唔同，裏面係用左牛肩肉做主角，食落同韓燒差唔多，加上用左BBQ醬汁，非常惹味

前排同朋友去開荃灣行街，諗住搵間餐廳食晚飯，朋友就推介呢間西餐廳，風格有D似CAFÉ的形式，平日來的時候也滿座，座位也挺舒適_🥘西班牙海鮮飯 $178單點食物可以加$35轉套餐包餐湯同餐飲餐湯係南瓜湯，味道非常濃郁，附送的餐飲我們叫了蘋果梳打，淡淡的蘋果香氣配上果粒非常開胃呢個海鮮飯有驚喜，海鮮種類有好多包括蜆、青口、蝦、魷魚等等，味道非常吸引，而且飯也吸收了海鮮的味道_韓式BBQ燒大三角牛肩肉漢堡 $148漢堡用料非常充足，韓式BBQ醬令到整個漢堡更惹味可口，牛肩肉分量非常多，另外旁邊仲有薯格，同朋友都覺得呢個好正，下次會來是他們的甜品看起來也很不錯😘

去荃灣諗住買野，順路揾下附近邊到有野食。見到依間野啲食評好似唔錯。就即管試試佢。點知瀨左野。平日lunch原來冇果啲野食。諗住食benedict 又冇。見到佢啲意粉又冇。最後係冇乜選擇既情況下。擇左個滑蛋比目魚飯同生薑豚肉飯。一拎碗野上台我已經聞到腥味，心知不妙。魚煎得唔香之餘，皮又唔脆，好皮淋哂。好似煮定咁。連魚都唔新鮮。都唔知舊魚入左貨返黎幾耐。味都係好普通既日式鰻魚汁。一啲誠意都冇。好難食。依個生薑豚肉飯就係正常味道。冇乜問題。同街邊啲普通日本餐廳住既都差唔多味。都冇乜咩投訴。

以前在觀塘吃過The BASE nature現在只剩下荃灣店風格類似西餐廳又CAFÉ的形式剛巧四周都是爬山運動用品的商鋪，有點戶外的味道晚市沒有套餐，全部單點的看到旁邊枱的pasta和burger份量很多飲品方面，也很著重健康除了自然的茶葉茶，也有手調的咖啡和酒類材料很主打香港製造，如冷壓果汁用香港製造的「Bless」冷壓果汁單點消費滿$150可加$35升級套餐有飲品+是日湯品或精選沙津黑安格牛橫腹扒(8oz) - $178可以從以下選一種汁、一種鹽及配以精選烤蔬菜法國灰鹽/夏威夷紅鹽/煙燻岩鹽/喜瑪拉雅山鹽/黑海鹽牛肉燒汁/些利醋紅酒汁/蜜糖黑醋汁/柚子薑汁/芝麻汁/芥末子忌廉燒汁精選烤蔬菜也很美味有西蘭花、粟米仔、南瓜、蕃茄及紅蘿蔔最美味的是蒜香薯蓉，牛油蒜香味很濃郁雖然是四款牛扒中最便宜，但絕不遜色Hanger Steak是取自於牛的橫膈膜小腿這個部份是一條牛身上最嫩的部位之一在口感和風味上都十分類似於腹脇肉牛扒，它的嫩度僅次於菲力、而風味則類似於紅屋牛扒五成熟，牛味濃有韌性American Choco (70%朱古力芝士蛋糕) - $4870%的朱古力糖份含量較低，較為健康芝士