The BASE nature (已結業)

想試這間餐廳很久，今天終於和老公去試，食物出乎意料之外有心思，而且好食！本身想試海膽意粉，可惜原來lunch沒有，要dinner才有😭那就選了龍蝦湯海鮮意大利飯，有些店鋪用雪藏便宜既海鮮會吃不出海鮮原有既味道，但這個不會，海鮮很豐富有鮮味，有蜆肉，青口，櫻花蝦。龍蝦湯底味道濃郁。老公就點了牛扒，肉質嫩滑，好juicy, 配有兩種sauce, 都好好食！另外，店員都好nice好有禮貌，下次會再嚟幫襯。

呢間餐廳老公之前食過話個整體質素都幾好所以今日我嚟搵佢食lunch佢就帶我嚟呢度啦因為疫情嘅關係所以坐得比較疏落但係見到整體擺台都幾密如果回復正常應該都坐得幾迫會清楚聽到隔離枱傾偈內容嗰種😂午餐Menu最平嗰個餐$68係雞肉藜麥沙律如果想鋸扒就要$100頭呢個價錢我又唔會覺得貴因為佢真係有咁上下質素所以我唔係淨係睇價錢㗎！我都會睇食物質素先至決定佢係貴定唔貴😂今次我就叫咗個未來漢堡餐食物賣相冇得頂食落亦令人非常滿意個漢堡烘得啱啱好脆得嚟又唔會太乾牛油果唔會太生亦唔會太熟同爽脆嘅生菜同埋大大隻嘅大啡菇非常夾芝士下面係未來肉製成嘅漢堡超好食啖啖”肉”薯格數量都非常大方不過我只係食咗兩塊其他俾晒老公因為我減緊肥🤣薯格應該係啱啱炸起熱辣辣超惹味！至於杯飲品係佢哋自家製嘅紫米薏米水我揀咗無糖飲落都幾清新 好足料呢個未來漢堡餐$92價錢同質素成正比滿意！不過值得一提呢度上菜速度偏慢所以我個標題都寫係悠閒午餐🙈如果你係趕時間嘅話就最好下次先試啦因為真係會食唔切😂服務方面 全場得兩個侍應依家咁樣嘅客數就做得切但遲啲就應該要增加人手了

openrice 外賣自取網上落單真係好方便，而且又有折， 平時星期六日都成日去The Base而家冇得堂食梗係要去叫外賣啦因為返到屋企就掛住食唔記得影相 因為十五分鐘就有得拎，而且飛快地返到屋企啲食物質素重保持得非常之好。今日叫咗香煎日本刺身帶子配海鮮墨汁意大利飯， 平時鍾意食嗰個米形粉今次試下第二樣先， 帶子夠鮮意大利， 意大利飯有口感， 好食!跟住叫咗個澳洲草飼牛肉漢堡配炸薯格， 牛肉漢堡同薯格個配搭啱啱好，薯格炸得夠脆，牛肉漢堡生熟度適中，正!仲叫咗個慢煮博多地雞胸藜麥馬芝士芥末子汁沙律， 呢個我成日都叫，而家個價錢咁優惠叫多個set當菜食， 佢個雞胸係滑到冇朋友，個沙律汁同 ，沙律又好夾， 實在喺茶餐廳價錢餐廳質素!希望佢捱得過個疫情唔好執笠仲送3杯嘢飲，實在冇得輸!

經過荃灣 見到呢度環境優美 好有放鬆既感覺 就選了這間。餐牌選擇多，樣樣都想試 好困難地選了兩款食物紐西蘭西冷-賣相精美 個西冷好淋身好juicy, 加埋honey mustard 食真係perfrct match 配菜好吸睛 有南瓜 薯仔 蘿蔔 蕃茄 焗完個陣香草味真係好香 食唔停口蘑菇湯-真材實料 蘑菇味濃，夠哂暖胃。西柚檸檬冰茶-呢個冰茶非常解喝 又唔會太甜 西柚mix 檸檬 都好新穎，出尼效果唔錯wor!! 有果甜得尼又清新，好好飲，飲完真係好滿足。果然呢間真係無令我失望 唔係比環境呃左個啲餐廳 又睇得又食得 價錢仲要好經濟 邊度搵呀 一定會再來

好耐冇黎The Base食嘢，今日經過荃新天地，所以就梗係嚟食下啦～以前喺荃灣做過一排野，放晏晝嗰陣成日都會嚟呢間餐廳食嘢，因為啲嘢食幾好味，所以次次經過荃新天地都會諗起佢！今次嚟就梗係要食返啲小食啦，我叫咗雞翼，仲有個雜菌米型粉配63度嘅溫泉蛋，加$20仲可以有博多嘅雞肉，咁抵就梗係㗎啦！今次個雞翼係脆炸雞翼配韓式甜辣醬，好有口感，食落去外面果皮揸得夠趣，但係又唔會話好熱氣，因為面嗰度有啲韓式甜辣將，所以唔會好乾，食落好滋味！韓式甜辣將又唔算太難，啱啱好，幾好味。之後個咪認份我覺得超驚喜！我仲驚我唔會鍾意個咪認份嘅口感，但係我覺得承諾正過食意粉，因為我好似感覺上加埋啲溫泉蛋同埋雜菌咁樣撈埋食，一放入口個感覺會更加creamy，口感好豐富！隻博多雞肉亦都吼得好滑，有驚喜，而且份量好多！呢一碟好滿意！隔咗咁耐再嚟果然都係冇令人失望！

今日又去咗荃灣做嘢，同事一喺荃新天地經過呢一間餐廳，就即刻捉咗我入去食，係咁話佢以前食過覺得好好味，所以就同咗佢一齊入去食啦。打開個Menu都幾多嘢食，唔同種類嘅嘢食都有，有漢堡包、意粉、意大利飯、各式各樣嘅嘢飲、仲有幾款甜品，小食都有唔少，沙律都有幾款！咁多樣入邊我覺得佢嘅漢堡包好似最吸引，於是就叫咗個澳洲草飼牛肉漢堡～一上菜，嘩！賣相好吸引，仲有好多薯格！係我最鍾意嘅漢堡包餐配搭！個漢堡包非常高，亦都好大個，因為佢入邊有個大啡菇，仲有個漢堡嘅扒都好厚身，入邊嘅配料都唔少，仲有塊煙肉凸出來，所以望落去好邪惡因為好大個！真係好足料！一食落去好有層次，好豐富，口感好立體！啲肉都幾多汁！薯格揸得夠趣，但係又會有少少薯格應該有嘅琳琳地嘅口感，好有薯味，好好味！因為食完都已經好飽，所以今次冇追加甜品，下次有機會再試啦！

朋友升職請食飯！！仲要請食西餐，真係唔話得喇！餐廳環境好靚，環境令人好放鬆！最岩食西餐，食物仲好多選擇，簡左好耐，終於簡到。草飼牛肉漢堡-賣相好靚 包既表面烤到有小小脆邊但仲係非常鬆軟，個牛肉勁淋稔肉汁勁濃，配料仲有生菜煙肉同埋芝士，基本上厚到唔會一啖咬得哂，分開食都好好食 份量又多 食到好滿足！好明顯係心機之作！沙律配金橘柚子醬-個沙律好fresh 配左柚子調味醬更加清新 而啲菜都非常新鮮 令到食burgur 都無咁有罪疚感泰式奶茶-見到有泰式奶茶令我好surprise 估唔到係西餐廳又會有杯咁高質既泰式奶茶 茶底好香 練奶味好香濃 推介呀呢間餐廳一定會要encore!

平日需要排好耐時間先可以食，今次路過見唔洗排隊就即入👍🏻有薄荷水供應。可以係食之前清新口腔。💪🏻環境坐在室外位置bar枱，冷氣主要靠商場，炎熱夏天不算太涼，有街景，面向街市位置。光線充足。💪🏻侍應多在室內位置，要伸手較長時間才見到。餐食方面整體滿意，賓尼迪醬做得好好，但蛋有點過火，流心效果不多。攻瑰味清香，與咖啡好夾。薄荷水比平日只有水供應比較有心思P.S 如果可以選擇要坐室內。水杯有少許崩咗，應該要取走。

諗住去荃灣行個街，出發前先搵間餐廳補足多啲體力💪🏻入到呢間餐廳都幾多人，brunch set都幾多野揀，仲要免加一添😚1️⃣慢煮紐西蘭香草西冷扒8oz ($108)真係好鐘意慢煮牛，食落去肉質好夠嫩唔會韌，加埋啲砵酒汁一齊食好夾😋 隔離仲有舊好肥既脂肪，但小編都偷偷切咗少少黎食，都好香入口即溶😚另外伴碟係蕃薯條同沙律，同行友人話佢食慣薯條多啲，但小編就覺得蕃薯條出面比較少見，佢呢度整得好夠脆而且甜甜地好好食，人係應該試多啲唔同野架嘛🤪2️⃣芝士薯格 （$58）個芝士薯格份量好足，而且上面啲芝士都好厚，仲有少少拉絲添，邪惡度十足🙈

午餐選擇頗多，沙律、漢堡、牛扒、意大利飯，甚至連素食菜式都有提供，非常貼心。印度天多利烤雞漢堡酸甜沙律醬配脆薯格($78)• 漢堡分成三層：包、雞塊及蔬菜，令我感到驚喜的是蔬菜部分會經過處理，番茄稍為烤了一下，没有多餘的水份去影響其他食材。• 雞扒醃得十分惹味，烤的程度亦剛剛好，令雞扒吃起來很香口。• 若沙律醬的份量再多一點的話會更好。香煎日本刺身帶子配海鮮墨汁意大利飯 ($85)• 份量頗多，建議大胃人士選擇。• 十分creamy的意大利飯，墨汁的味道輕微海鮮味比較突出，而飯粒會帶一點咬口。• 帶子兩面燒得帶點焦脆，而內𥚃口感則保持嫩滑。• 灑在飯上的鰹魚乾令味有更加豐富，不過亦可能這樣令到整體偏咸了一點。冷泡熱情果烏龍茶 (+$5)• 清爽可口的果茶，甜度適中，充滿果香味，飲的同時還可以吃到一些果肉。

上網見評語好似唔錯，就決定去食啦~ 果然......西班牙海鮮飯 $178 (👅8/10)海鮮足料! 配埋檸檬汁，會係想一啖接住一啖既味道。不過飯既份量可以多返少少，而且價錢偏貴澳洲M級牛肉漢堡 $158 (👅7/10)中規中矩。餐廳超好心，幫我地預先切開4份。香煎日本帶子配海鮮墨汁意大利飯 $138  (👅9/10)超中意香煎帶子，食落去滿滿的煙熏味。每隻帶子都大粒厚實 (本人超中意食帶子呀🤤)炙燒蟹腳沙律 $72 (👅7.5/10)炙燒蟹腳好香! 材料新鮮! 大大份，抵食!。。。。。。。。整體: 味道 7.5/10 | 抵食 7/10 1 - 4 分: 不好食、有進步空間、唔抵食5 - 7分: 中規中規、價錢合理8 - 10分: 有驚喜，會想再幫襯

平時落嚟呢度食lunch實在太方便喇❗️所以lunch time 久唔久都會過嚟食🤓今日特登帶寶寶過嚟dinner💕 試吓呢度嘅晚餐😆餐廳主要用木材做設計🪑有d 森林小屋feel🍃背景播住令人放鬆嘅音樂🎶感覺清新舒服😌 非常relax💕Menu 上所有食物都可以+$35升級做套餐❗️會有埋指定餐飲+餐湯🥣/沙律🥗餐飲有要加錢嘅，亦有唔洗加錢嘅～唔使加錢嘅飲品都好多選擇👍🏻今晚我就升級咗一個餐，因為寶寶話今日lunch 食到好飽，只食到五成🙈是日餐湯：南瓜湯南瓜味非常濃郁👍🏻配埋香脆型牛油法包，邊食邊咬，好有口感❗️.炙燒蟹腳牛油果藜麥芥末籽汁沙律 $72沙律菜好新鮮🤩 而且份量得宜❣️唔會太多又唔太少👍🏻牛油果同芥末沙律醬好夾，味道配合得好好👍🏻蟹腳食到有啲鮮味☺️ 唔似係雪藏野～仲有五條咁多，一啲都唔小氣💕澳洲M級牛肉肉醬大啡菇芝士漢堡$158咬落超Juicy🤩 除咗大啡菇嘅汁液之外，底層仲有成塊肉+肉醬，想唔Juicy都幾難🤣不過最驚喜都係個薯格❣️真係新鮮即炸😍 香脆無比❗️仲應該加咗少少特別嘅調味粉，味道、口感、溫度都掌握得很好，非常推薦💕餐飲：蘋果梳打清爽又fresh🍹解一解啲膩滯感～啱晒

呢間餐廳係半開放式，環境幾別緻，同朋友静静地傾下計都唔錯。叫左香煎日本剌身帶子配海鮮墨汁意大利飯，有2粒剌身帶子，非常鮮甜，個飯仲有魷魚圈、車厘茄等配料，意大利飯質感正常，墨魚汁好濃，有芝士拉絲，唔錯。另外叫左慢煮紐西蘭西冷牛扒配番薯條沙律，砵酒汁。牛扒叫左5成熟，煮出來生熟程度符合預期，肉質唔錯，本身塊牛扒牛味幾濃，但砵酒汁太多，如果鐘意牛味的朋友，建議唔需要點太多汁食。另外番薯條好脆，加埋少少鹽食落幾有層次。道菜有砵酒汁、番薯條，加上沙律醋搭配，所以成道菜以甜酸味為主調，開胃而且唔會覺得肥膩，都幾有心思。養生關係，叫左東方美人茶同伯爵果茶。伯爵果茶上嘅時候係連茶包上，聞落果味幾香，飲落就伯爵茶味突出啲，茶包放太耐會較濃，唔想太濃嘅話可以早啲拎起。兩杯都高質，但個人喜歡東方美人茶多啲。今餐整體來講都幾滿意，食物質素對得住個價錢，staff服務唔錯，有機會再試。

澳洲草飼牛肉漢堡配炸薯格@幾好味，配菜薯格都好味，又夠哂脆，份量都好夠，賣相唔錯香煎日本刺身帶子墨汁意大利飯@好好食，帶子夠鮮甜，又唔會太熟啱啱好飲品都唔錯，價錢都好合理！有下次⋯

THE BASE nature (荃新天地）今晚約左朋友係荃新天地睇戲（1/2的魔法）😂近近地就係商場搵野醫肚！朋友話食中菜但得兩個人真係食得唔多。無意中發現一堆運動用品店前小小有間餐廳 而佢就係今次嘅驚喜🤩🤩餐廳特別在於有有小部分係室內露天座位有四人座位亦有吧枱 由於我地比晚市時間早所以我地可以坐吧枱😄玻璃窗外對著楊屋道街市雖然有人會覺得感覺唔好 但係當你望住街市樓上嘅唐樓就有另一種風味！餐廳菜色以西式及牛肉為主當中亦有不少Fusion菜。例如 蟲草花配松露雜菌米形配63度溫泉蛋、燒味噌三文魚配香梨沙律藜麥診珠飯、韓式BBQ燒大三角牛肩肉漢堡等等..今次我就介紹60℃慢煮手撕雞漢堡同埋燒原隻日本八戶魷魚釀墨魚汁意大利飯😋真係食到流口水🤤60℃慢煮手撕雞漢堡$138包面包底有搽牛油烘底😍手撕雞有少少雞皮滑滑嫩嫩唔會榎歰歰 當中最令我驚喜係有我中意嘅流心太陽蛋同埋大啡菇加埋芝麻醬 薄片青瓜生菜 哩個組合絕對係無敵 香口不油膩😍 另一個亮點就係佢嘅配角*炸薯格 你以為佢會炸到一係乾爭爭一係淋啤啤 如果話佢係主角絕對不成問題 我真係好想知到底點解可以炸到外脆內軟非常香口 由於伴碟所以分量唔多