TakEateasy X FirsTeǎ (已搬遷) 新店位置

📍TakEateasy X FirsTea 💛💛 [ 超多唔同雞蛋仔口味😔］ 經過大埔想搵野食 食完正餐想食啲甜嘢 見到呢間好似幾吸引😋 ————————————斑蘭味雞蛋仔 $19 🧇 斑蘭味好香 好少會有啲咁特別嘅味道👍 但係唔知係咪咁啱我嗰個底唔脆😔 拎住唔夠3分鐘已經唔好食 🤭 唔知大家以前有冇試過葵涌廣場有一間食雞蛋仔好好食😭但已經告急執咗❗️呢間大家經過就可以試吓嘅😍特登去就唔使啦🤨————————————

1️⃣ 香濃斑斕 $19 (6/10)平時好鍾意食斑斕，第一次見有斑斕味雞蛋仔緊係要叫😍 整緊嘅時候非常香斑斕味，朋友都話好正咁👍🏻 出黎嘅雞蛋仔外脆內軟，質感幾好☺️ 可惜班蘭味食落冇乜，比雞蛋仔本身嘅烘焙味蓋過咗🥺 不過呢個價錢實在太抵食，下次試埋其他味先💕

專登入大埔搵食，點知有一間vegan cafe無開到，肚餓嘅我唯有搵野頂住當先。行入商場，見到呢間雞蛋仔，仲要痴滿memo紙，當然要試試佢。呢度起碼有10款雞蛋仔可以選擇，包括超人氣嘅意大利朱古力味。我同朋友都唔係好想食朱古力，改為叫左一個斑蘭味嘅雞蛋仔。睇到佢地整嘅雞蛋仔好足料，佢地整另一個雞蛋仔嘅時候，加左好多檸皮，唔會只係得一兩位就過骨，仲要即叫即做，真係良心店黎架。而我地嘅斑蘭雞蛋仔，都好大件，加上佢粒粒都好飽滿、脆身。另外我地仲叫左杯爆檸，唔好睇佢用咁普通嘅杯裝就睇小佢，佢入面有大約半隻檸檬，一隻青檸、桔仔，仲有柚子醬，真係好夠檸、好清新。只係飲佢呢杯野都好值得入大埔多次。

小編唔係住大埔都一早聽過TakEateasy個名，呢度分Eat同Tea兩部分，Eat嗰邊就有好出名嘅雞蛋仔，Tea呢邊就等小編為大家介紹啦！ 😋 泰檸爆 $36 😋 紅西柚綠茶 $16（學生價） 先講泰檸爆，入面有梳打水、檸檬同埋原隻泰國青檸壓汁，所以喺好熱好大汗嘅時候飲落去真係好有泰國feel～ 真係酸到爆😖 不過由於啲檸檬同青檸都係新鮮，所以真係好多核，飲頭三啖已經飲到10粒核😂 紅西柚綠茶係學生優惠系列，雖然紅紅哋咁鮮艷，但紅西柚陣苦味唔係人人鍾意，除咗紅西柚，仲可以揀士多啤梨、香檸或者青蘋果味㗎～

大黃埔係有好多嘢食嘅，包括左呢一間小妹認證暫時全香港最好食嘅良店雞蛋仔。街坊朋友話，小店高峰期買雞蛋仔要等成20分鐘，為左懲罰佢仲有好多同路人一齊等，秩序良好和平，等食期間店裏嘅電視都會播出頭條新聞啦，香港電台，訪問等節目，所以等的時間過得快。好好彩今日過嚟嘅時候等咗一陣就有得食，但係唔見朋友所講嘅人潮有少少失落。支持顏色經濟圈唔係一日半日嘅事，係行常持久每一日做每日每人幫襯一小店咁慢慢去壯大的，你的支持雖然微小但係都十分十分重要，齒輪雖小，但合作起來可以推動一架船航行，向更遠大嘅方向進發。我哋試咗將自朱古力同橙朱古力雞蛋仔，有一次係小妹自己單獨幫襯食咗一個玉桂蘋果醬格仔餅，飲過泰式珍珠奶茶，桃味梳打，全全部都好好味，格仔餅同埋雞蛋仔外脆內軟，泰式奶茶有香料味好特別，仲附埋茶包俾你越飲越濃茶味～ 正近幾個月雖然百業蕭條，各行各業都需要幫助，大家如果有能力嘅話同路人互相扶持一下捱過這個飲食業的寒冬。

之前同朋友去左大埔揾食，經過見到呢間好似好好味，好多人排隊，所以我哋就決定試下😝。我哋叫左個意大利朱古力雞蛋仔，同一杯百香果火龍果茶。百香果火龍果茶味道清新，透心涼，咬到粒粒百香果核，真材實料！火龍果同百香果嘅味道都好夾。另外朱古力雞蛋仔都好好味，朱古力係有少少黑朱古力嘅感覺，唔係嗰啲好甜嘅假朱古力味。食完一底好想再食多一底😂，而且朱古力嘅份量都好多，粒粒雞蛋仔都會食到朱古力，可見係落足本，有機會嚟大埔嘅朋友都要嚟試下！

最近經過呢邊 就去咗買雞蛋仔食啦！呢間店我都試過幾次 今次終於記得影相 可以寫番個食評啦呢間小店真係好有小店feel 人手唔多 但好好禮貌！香濃意大利黑朱古力雞蛋仔 $25價錢可以接受 唔算特別平 味道幾好 真係好有黑朱古力味 唔會好甜 而且每一粒都係滿滿嘅朱古力 唔會得中心部分有朱古力 趁熱食就最好 因為裡面嘅朱古力醬會有少少流心嘅感覺🥰

今天去大埔超級城是經過保護，看到這間地道香港特色的（時代）小食店，作為一個地道的香港人，當然要懲罰懲罰啦！八香火龍果井茶作為一個百香果fans，當然要飲百香果的飲品啦！這個百香果和茶的配合剛剛好，茶的味道不會被百香果的結尾蓋過，在香港同學個百香果飲品之中算是數一數二，喜歡百香果的朋友不要錯過。意大利黑朱古力雞蛋仔這個雞蛋仔的價錢絕對對得住它的價格，吃上去裏面的朱古力好像吃緊流心朱古力的樣子，而且外層的雞蛋仔非常香脆，吃想去確確聲，而且他還有一個杯型的紙盒裝着， 10分方便。最後說一聲，香港人加油！

我估住大埔既人都知道呢間舖架啦。我每一次經過呢頭，一入商場就見到三四十人企係門口係度等，而且佢Ｄ雞蛋仔真係好香好吸引。奈何見到每一次都咁多人，我都決定ＳＫＩＰ左佢，等有一日唔洗排隊先去。終於今次比我等到啦！（真係第一次見少過十個人等唔係講笑）即刻諗都唔諗就叫左個咖啡味雞蛋仔（佢個價錢同媽咪差唔多，味道口感講真都差唔多，因為媽咪都幾好食。但重點係黃到發金，咁唔洗諗一定揀佢ＯＶＥＲ媽咪啦！）。講番個雞蛋仔先，雞蛋仔好唔好味對我黎講第一樣野係唔會好林，有Ｄ好地道既細舖我有時見到都會ＡＳＳＵＭＥ係Ｄ好有經驗又會好好味，點知好多時都失望。呢個雞蛋仔第一件事係脆！咖啡味唔會超重但對我黎講已經夠。熱熱地唔會辣手，但又唔會係凍，所以係岩岩好。我同女朋友用左５分鐘唔夠就ＫＯ晒成件野，已經唔洗太需要講太多。（另外，間舖有賣台式奶茶，我自己無試過，但係又係超多人飲，所以應該唔會伏）。至於點解黃到金，佢成間舖你ＵＰ得出宣傳五大訢求既野佢都有齊，等緊既同時都可以好似去睇博物館咁欣賞一下（當然有Ｄ大家都可以買番屋企）

天氣開始熱，一經過就想買杯野飲🌞我就叫左杯珍珠泰奶茶，茶底真係泰式奶茶嚟，加埋珍珠就咬口十足🤤 可以再試👍🏻而我朋友就叫左泰檸爆，價錢方面就冇咁抵飲，但係真係好有青檸味，鍾意酸味嘅人一定好鍾意👍🏻

TakEateasy有好多唔同口味嘅雞蛋仔同格仔餅，之前試過香濃意大利黑朱古力好好味，今次就揀左香濃咖啡。雞蛋仔即叫即整，拎上手時熱辣辣好香咖啡味，食落都一樣充滿咖啡同蛋香，外脆內軟！雞蛋仔面頭加左啲糖粉點綴，建議盡快食唔係放落膠袋拎走會好易變淋～TakEateasy同時都係一間茶飲店－FirsTea，買雞蛋仔加野飲嘅話可以變成combo，會有減四蚊優惠添！除咗朱古力同咖啡外，佢仲有啲特別嘅味道，例如斑蘭同香脆紫菜芝麻，每次經過舖頭都俾佢嘅香味吸引住，一定要幫襯下依間良心小店支持下。

每次入大埔我都會食嘅雞蛋仔店佢宜家裝飾好靚，塊牆掛滿色彩繽紛嘅打氣memo紙佢嘅電視亦好有教育意義，會update食客近排嘅時事新聞、熱門話題所以即使佢係即叫即製，要等店員整雞蛋仔，都唔怕企喺度無野做啦-佢都好多味道提供我叫左個「泰國肉鬆花生雞蛋仔」老實講肉鬆、花生味道都唔算話十分之濃郁唔算話好多肉鬆同花生碎粒但整體來說個味道都幾好味，鹹鹹地、又幾有雞蛋香個雞蛋仔本身都幾鬆脆，但略顯唔算好鬆軟綿密唔係最頂級嘅雞蛋仔，但都係我食過數一數二最好食嘅雞蛋仔！-想順便讚讚這小店嘅後生仔職員！我上次光顧時已經係臨近收店準備收爐時忽然黎左個媽媽同細路女個staff即刻叫兩母女慢慢黎然後好有禮貌咁整雞蛋仔俾個小朋友👍🏻👍🏻👍🏻

仔仔下午4點幾話肚餓，原本打算同佢去寶湖既暢和食完麵，至去takEateasy買嘢飲，可惜去到𣈱和，佢剛關門。無麵食，唯有返去買嘢飲。見到排鷄蛋仔，阿仔話要紫菜味。好啦，咁一次過哩度解決曬。次次嚟買，都見到個保安位個叔叔呆呆咁望住部電視播警暴、唱榮光，佢個樣長期好呆，唔知佢睇咗咁耐，依家咩立場？佢覺得哩個位係優差或苦差？不過今日唔見個保安叔叔。點紫菜味鷄蛋仔，黑糖奶茶，成為$50。等咗約10分鐘，鷄蛋仔厚實，好多紫菜，正！杯黑糖好好味。仔仔成為fans, 下次再encore

When we saw that this yellow store had appeared on youtubers such as 大J's videos, we knew we had to support this store and try out their egg waffles. We ordered a pandan flavoured egg waffles and was pleasantly surprised by how aroumatic and strong the pandan flavour was. The pandan leaf smell was intense, and seeped through with each bite into the crispy exterior. The insides were soft and pillowy, and had a good ratio of a crunchy exterior: cake-like interior. The waffles were very light and a

呢間黃店我幫襯過幾次，質素唔錯。鋪頭仲有電視播警暴，又有連儂牆，抵支持😝————————🔸香脆紫菜芝麻雞蛋仔 $24最鍾意食呢個味！岩岩整好個時食係最好食既，外皮好脆，粉唔厚，料幾多👍🏻紫菜食落鹹鹹地，仲有d芝麻既香味，正！評分：🌕🌕🌕🌕🌗-🔸香濃班蘭雞蛋仔 $19掛住食完全唔記得左影lol 其實就係綠色既原味雞蛋仔，班蘭味冇乜，就算有都係好淡，可以試返d有加料既雞蛋仔評分：🌕🌕🌕🌑🌑