TakEateasy X FirsTeǎ (已搬遷) 新店位置

✨撐良心小店🔥爆餡格仔餅✨好食既餐廳太多 但有良心既唔多呢間真香港人開既小食店 值得支持———————————————————主要係賣港式雞蛋仔 格仔餅同飲品有好多新口味可以揀☺️Eg.有咖啡味 抹茶紅豆雞蛋仔等等.🥞比利時蘋果餡格仔餅（$28）格仔餅烘得熱辣辣 好脆😗😗入面蘋果餡滿瀉😍甜甜地好開胃如果格仔餅蛋香重d會更正一定要同人share 食完會好飽😂😂———————————————————

大埔賣雞蛋仔嘅鋪頭唔多，都係賣比較傳統嘅口味，直至呢間小店開張，見menu有大概10隻味，除咗原味仲有其他甜、咸、甚至辣味，仲可以加雪糕，夠曬多選擇👍🏽👍🏽 之前經過已經覺得好香，但嗰陣趕時間見太多人等冇試，今次終於有機會試😋😋😋我本身好鍾意食jacob’s隻橙餅，所以毫不猶豫就揀積及橙味，飲品都幾多款式有生果類、奶茶類、乳酸類，今次就試比較特別嘅百香火龍果龍井，套餐優惠仲減$4添因為都多人買同埋即整關係，所以要等幾分鐘，好彩商場有冷氣如果唔係熱死🥵飲品好fresh好啱夏天飲，我叫咗少甜，味道啱啱好，茶味夠，百香果酸酸甜甜好有咬口，不過唔太覺有火龍果，可能淨係想攞個顏色😂然後雞蛋仔一攞已經好香橙味，食落就係jacob’s橙餅味🤤 外脆內軟，裡面唔係空心，質感同味道都調得好，jacob’s fan一定會鍾意🤤 總結：食物款式多，味道有驚喜，會encore👍🏽

食完飯無意中行過見到好多人，一定係好食先咁多人啦，就決定買個甜品食下我個人係抹茶控，買左個抹茶紅豆雞蛋仔，點知等左唔係太耐就有，個老闆仲好風趣咁話我地咁好彩未食已經聞到香噴噴係雞蛋仔必須，佢當然有啦，如果唔係點吸引到我一meet落去，好鬆脆，做得幾好。食第一啖，係好香既紅豆味！佢一d都唔孤寒比好多紅豆，配埋個抹茶真係非常match個抹茶唔係太濃唔會搶味，我好滿意！佢價錢適中，比起好多出名既雞蛋仔平得多！下次會再試另一個味先

呢個野係出哂面支持香港人既小店，我咁岩經過見到佢貼住既Poster。—金莎朱古力格仔餅新鮮熱辣辣咁食，好正。格仔餅非常脆，金莎朱古力都唔少，唔會太甜。😊—聽講間野既野飲唔好飲，但係藍妹冇試所以唔知啦。格仔餅就唔錯既，不過唔會成日比30蚊食個格仔餅。😢作為香港人，最後都講句，We are HongKongers，香港人加油！❤️️

有次經過寶湖見到有唔少人排隊買格仔餅同埋嘢飲，我都即刻買咗個「比利時蘋果餡格仔餅」黎試下先😋認真有驚喜！格仔餅好厚身，而且做到外脆內軟，唯一缺點係蛋香味爭d！蘋果餡方面，唔會太甜同埋酸，係幾天然嘅香甜味👍🏻今晚喺附近食完飯，想食d甜品就諗起呢間小店，今次就試咗「香濃意大利黑朱古力雞蛋仔」同「香桃蘋果烏龍茶」🤓首先講下雞蛋仔，每一粒都真係食到有香濃嘅黑朱古力，同格仔餅一樣做到外脆內軟，食到底都仲係脆嘅！👍🏻跟住就係杯「香桃蘋果烏龍茶」喇，原本怕會好甜想叫少甜，不過友人話想試下最original 嘅味道，好啦好啦～即管試下啦，喂！味道又幾清甜喎，好啱夏天飲。（好彩冇叫少甜啫😙）杯茶入面仲有兩塊蘋果添。❤️溫馨提示❤️杯入面有個茶包，篤飲筒嗰下睇住呀！友人吉穿咗少少個茶包🤣🤣

今天剛好在大埔上課，看見有賣朱古力雞蛋仔的店舖，買了一款來試試，食物是即叫即造的，熱烘烘的雞蛋仔非常脆口，朱古力也很足料，之後叫了一杯蘆薈茉莉花茶，入口很清香，沒有一般市面上飲品一樣很甜，所以飲多少也不會覺得甜膩，而且蘆薈肉很多，花茶是一整個茶包放進去，非常夠茶味

我個人唔係太喜好飲珍珠奶茶呢類飲品，但最近真係太熱，行過見到五顏六色既果茶，就買杯試下，順便試埋雞蛋仔。杯茶好有驚喜，我叫左杯火龍果百香果茶，茶味好香，同啲生果味好夾，啲茶味都好出，飲完發現原來成個茶包向度，唔怪之茶味咁香。我試左士多啤梨味，佢哋有個工具，可以一下就放晒啲士多啤梨乾落每個格。雞蛋仔夠脆，味道唔錯，仲有好多隻味揀，但廿幾蚊一底雞蛋仔，加埋杯茶，差不多一個飯既價錢，唔可以成日食呢間我會再幫襯。

朋友話佢地 ge 百香火龍龍井茶好好飲 , 年初咁岩行過就過黎試下喇百香火龍龍井茶 ($28)顧名思義 , 即係百香果 + 火龍果 (係紅肉火龍果) + 龍井茶聽落用料較貴價 , 幾吸引 ~ 😍坊間茶品店比軟少用龍井茶沖果茶 , 呢個組合都幾創新 ~落單後大概 5 分鍾就有得拎喇 ~賣相都幾靚 ~ 顏色夠鮮豔 ~面頭個層唔係奶蓋 , 只係泡泡龍井茶係成個茶包放落去沖 !! 2 種水果都食到果肉 , 當然百香果會明顯 d , 一粒粒可以咬下茶底幾清 , 明顯飲到 2 種水果 ge 味道 , 紅肉火龍果夠甜 , 不過個人認為紅肉火龍果味可以再出 d呢款飲品幾有創意 , 出到黎效果都唔錯 , 幾夾 ! 食店仲有好多款飲品選擇 ~  大家不妨試試 ~