TakEateasy X FirsTeǎ (已搬遷) 新店位置

TakEateasy有好多唔同口味嘅雞蛋仔同格仔餅，之前試過香濃意大利黑朱古力好好味，今次就揀左香濃咖啡。雞蛋仔即叫即整，拎上手時熱辣辣好香咖啡味，食落都一樣充滿咖啡同蛋香，外脆內軟！雞蛋仔面頭加左啲糖粉點綴，建議盡快食唔係放落膠袋拎走會好易變淋～TakEateasy同時都係一間茶飲店－FirsTea，買雞蛋仔加野飲嘅話可以變成combo，會有減四蚊優惠添！除咗朱古力同咖啡外，佢仲有啲特別嘅味道，例如斑蘭同香脆紫菜芝麻，每次經過舖頭都俾佢嘅香味吸引住，一定要幫襯下依間良心小店支持下。