Table 18 Bar & Restaurant (已結業)

行開apm, 諗起呢間食豬手幾正，無book位7點前入左去食dinner, 門外一排排bar檯都多人放工黎happy hour, 都幾好氣氛。2個人叫左個香腸同豬手，仲有杯啤酒。香腸先到，爆多肉汁，配煎薯條餅，幾好食～之後主角豬手到，有專人幫手切，然後上檯。點知原來只係起左骨再切左幾刀，舊舊鬼死咁大舊要自己再切⋯切時勁難切，點解呀⋯⋯原來豬皮勁韌，點解唔脆呀⋯唔係應該脆皮的嗎⋯可能整定左放左一段時間啦⋯⋯其實都幾失望...唔係唔好食，但200$幾蚊點都俾返應有水準嘛⋯杯德國白啤酒幾好飲，易入口，全晚最滿意。下次有機會，叫杯飲品，叫多兩個小食算，dinner可以試下其他餐廳。

以前嚟過幾次食晚餐，今日第一次試午餐，有湯有沙律有野飲既黑毛豬都係百3蚊，唔趕時間既話真係一流，特別係呢度既凍檸茶，佢用既茶係我本身鍾意既，好清唔會澀，加少少糖水已經夠甜，其他地方既凍檸茶通常好俗加好多糖水先飲得落口。呢度既龍蝦湯又係我最愛，好夠熱又夠味，必叫之選，送麵包條好正，飲一碗湯食左3條，已經好飽，差啲食唔落主菜，好在唔係叫粉麵類。黑毛豬好夠淋，都幾香，十分好。沙律吧就普通少少，菜既種類唔真係太多。凍檸茶無得輸😘

最近很喜歡和朋友來這裡短叙！不單是因為它鄰近地鐵站上蓋和交通百通點，還是逛街時的一個歇腳點！ 處於觀塘APM廣場內的酒吧，可以說是唯一的一間！(我暫時找到我一個比較舒適的一間) 在地鐵站A出口，左轉IT旁一條電直上就到！ 不難找，也易認。在加上它設計時尚得來帶點懷舊味道，由內店伸延到店外， 有點洋味的門外還擺出二排枱！ 沒錯！是伸延到商場，有點意外嗎？ 不是那種梳化懶慵型，而是高木枱冷艷配置，讓你坐上也不唐突，更突顯舒適！店內有各式各樣的世界美食，每款的份量都不小氣，十足呈上！ 三五知己坐下閒聊，再配一杯生啤，真是極爽入心脾！

果日放工幾個女仔係apm附近搵野食見到menu 唔錯就入左去食•小食拼盤•有炸蝦、粗薯條、雞翼同埋炸魷魚圈等最欣賞魷魚圈煙軔得黎又唔怕油岩哂鍾意食炸野又怕油得濟既人😂•德國腸拼盤•呢到既德國腸皮脆而且唔怕太重口味平時最鍾意食酸菜但出面好多地方都唔夠味呢到酸菜超夠酸岩哂我口味而且開胃到可以食得哂一盤腸😄😃😃•肉眼扒•本身想叫豬手但比朋友阻止🙄所以叫左牛扒食😂🙈叫左整7成 岩岩好肉質好腍身😂唔夠1分鐘已經食左半塊不過肉味唔太濃🤔三個人食左$647個份量都大份所以除番開都接受到

如果你想同幾個知己談下心，呢到係一個唔錯既選擇～果晚諗住同兩個老友試下呢間餐廳，本身book左台，夜晚8點45分。點知8點鐘walk in有位，十分好。環境唔錯，入餐廳入面都唔會太嘈，少少昏暗幾好feel；餐廳出面都有幾張台坐高櫈，飲野的話出面唔錯架～一坐低即刻點茶，好餓啊～先黎1杯cocktail見佢有少少strawberry，個樣靚靚就叫左。點知一飲好strong，我同朋友都唔係好飲到，於是同waiter講睇下可唔可以調得甜少少，點知waiter即刻換過杯俾我地，之後仲有follow up睇下好唔好飲！服務加分然後係一份starter雞翼本身餐牌寫住有辣，我地要求唔辣，不過waiter話改唔到，點知黎到有驚喜少少辣岩岩好！炸魷魚唔錯，唔會太多炸粉，亦唔老～但炸蝦有啲失望，炸粉多，肉唔彈我地都叫左兩份main dishes叫左6份豬肋骨，3個女仔食岩岩好！BBQ汁調得非常唔錯，少少酸同豬肋骨好夾又唔會太油膩；肉唔會太腍有口感呢個係全餐最失望既... 首先係賣相，佢餐牌影得好靚俾佢吸引左。點知黎到之後一大pat汁係面的確幾倒胃口另外係味道方面，可能我地點餐時冇睇清楚掛，一食點知係好辣，

收爐後同朋友飲杯嘢，叉一叉電，將猴年有咩衰嘢飲哂佢。坐入面都幾靜，傾計都爽啲，不過就要六點交枱。叫左snow white，傻仔地睇圖以為係凍飲，原來係熱，vodka反而更出，奶味就無咁重。朋友叫個兩杯味道麻麻，似乎呢間都係叫酒類飲品會好啲。我地叫左個naacos，以為係熱，就淨左啲，三款醬味道都ok。朋友好想食薯條，問下有無得淨叫薯條，即整熱上好好味。（meau無㗎，要自己問，想食可以問問㗎）新一年希望食得開心，食得滿足，繼續食好西，但唔會肥

本來之前食過豬仔骨幾好食，諗住再去食，點知就非常的失望同嬲。當晚再點了豬仔骨，但食落就非常之乾，同食硬柴無咩分別，咬到牙都痛埋，咁就打算同佢地經理反映，希望佢地可以知道同改進。點知講完個經理既回應係“咁你而家想點呀？”，好像我食左d豬仔骨唔想俾錢咁。咁我就回應番個經理話“我地之前食同樣既豬仔骨唔係甘乾甘硬柴，或者你地睇下有無辦法改善下”。之後經理既回應係“我地d 豬仔骨呢個煮法全部都係咁硬柴架，你地已經食左d，無得換。”其實一間餐廳食客同番佢地反映食物質素，唔係想聽聽食客既意見去改善，而係覺得食客想食左唔俾錢，我諗呢樣野呢間餐廳要好好反思一下。最後我們唔需要餐廳取消該碟豬仔骨，但我亦不會再光顧這間餐廳。

很久沒有見面的好友，難得約了聚聚，朋友之前試過在這間餐廳晚餐，覺得幾好，所以，今晚決定來食食。我們6:00pm入座，帶位的人兄，已經用不帶溫婉的語氣跟我說：「 7:45pm要交枱。」，我以為聽錯，再問多次，他用不耐煩的語氣，再講多一次。我想……或許星期日人多，想做多一輪枱生意，也是正常吧！語氣唔好，也是個人問題吧！所以，沒有介意，也欣然答應了。食物賣相及味道質數都滿意，環境也舒適，性比價高。落單的女孩服務態度很好，一直都很愉快！敗筆於最後……7:30pm一位男生來叫埋單，冇問題，早知道要7:45pm交枱，埋完單，7:35pm見仲有10分鐘，咁耐冇見，當然傾多陣，7:40pm…那位負責埋單的男生，竟然企晌我哋張枱前…黑面、睇錶！乜嘢態度？我哋即刻起身走，仲以為佢坐滿客，以為佢外面排長龍！？原來，唔係囉！下次唔會再幫襯！

今晚繼續係APM覓食，之前成日食西餐有點膩，點都要有D變化，所以去左食D間德國餐。因為唔算太肚餓，加上本身有麵包條送(但麵包條幾硬下，都冇食晒)，所以只係叫左3樣菜式。先來日式有機蕎麥冷麵芝麻醬沙津，芝麻醬本身已經係好容易配搭的醬料，加上一般沙津必備的青瓜蟹柳 ，真係好難失手，而配上比較少見的日式醃蘿蔔酸酸甜甜，令整個沙津生色不少。波子腸(牛肉及豬肉粒) - 第一次試波子腸，腸衣清脆，配茄汁一流，反而自家製脆薯餅比較油，但都好香口。黑椒汁焗美國安格斯牛小扒及磨菇飯 - 黑椒汁味太濃，太多汁令飯都有點淋，幸好牛小扒肉汁豐滿，挽回一點分數。整體而言，餐廳環境舒服，食物質素都ok，係APM來講算係高質素的餐廳。

兩人撐枱腳，嬲到一個點一開頭清楚地落單，點知。同我落錯單得三四樣野都可以落錯。最重要既係，我食完我果份，我cp果份先到。明明見住有已經煮完但都俾其他人先，你明唔明係我地先？我地等咗好奈，不分先後。浪費時間不得止，其實已經搞砸咗一餐飯局，好嬲！

逢星期五APM人頭湧湧，難得呢間等咗15分鐘就有位！呢間餐廳座位比較寬闊，坐得舒服！由於太肚餓嘅關係，連麵包條都唔放過！安格斯牛柳粒伴香草醬意大利粉值得推薦！最鐘意熱辣辣的意粉！香草醬味道唔錯，唔乾唔濕啱啱好，唔會整到意粉一舊舊！呢個牛柳粒係驚喜！無諗過係扒房質素！肉質鮮嫩，一啲都唔韌！仲非常juicy! 真係好抵食！芝士豬肉蛇餅腸香腸非常juicy,有啖啖黑椒味，再配上脆脆、芥末醬及薯餅，口感豐富！如果芝士味再濃少少就更好！薯條最愛食粗薯條！熱辣辣即叫即整，食落表面脆脆的！無諗過份量超多！兩個人一定食唔晒！如果果一刻有埋黑松露醬咁就perfect喇！每次嚟呢間所點嘅野食都無令我失望！建議可以4個人食，咁就可以試多啲！

難得一日可以同個friend一齊閒日放假, 即興約去apm食個lunch。揀左table 18係因為我未試過佢嘅lunch同埋成日想試嘅時候都好多人/full booking。 今日難得唔洗等位, 一於試一試。有限時嘅, 大概可以坐1小時15分鐘。lunch set包左salad bar, 餐湯, main course同餐飲。是日餐湯係南瓜忌廉湯, 味道都唔錯, 有少少南瓜粒, 都甜甜地。沙律bar有幾款ham, 沙律菜, 麵包同貝殼粉沙律等。refill都快, ham味道唔錯, 多選擇。羊架配忌廉野菌意大利飯羊架唔"穌", 肉質唔鞋口, 無overcook。risotto都多野菌, 但啲飯冇咩野菌味。鍾意食菌類嘅朋友可能失望。比目魚配芝士薯仔比目魚唔腥, 肉質似石斑魚口感, 實肉, 唔係嫩嗰type魚!!! 我鍾意個汁係辣味蕃茄汁, 幾惹味! 芝士薯仔就有啲失望, 爽口冇咩芝士味。餐茶叫左熱檸茶, 有茶壺同檸檬片自己加。味道正常。走嘅時候都叫到幾多人, 出面啲high chair位都full。環境都唔逼同唔算嘈嘅。

睇完展覽諗食乜 突然好想食下午茶buffet竟然諗起觀塘apm有間Table 18 $150 位 + 10 % 算budget內 1500 到達安排左坐位後 地方細細但尚算多野食 食物精緻味道也不錯 頭盤煙三文魚 + 火腿 + salad bar多選擇 熱食雞肉沙爹 幾嫩囗本人推介牛尾同牛脷 cheese西蘭花 / 龍脷柳 小食 雞亦 炸雞柳 香腸 兩款 蘑菇雞肉派 包一人一杯Drink 甜品都幾款 還有雀巢Ice Cream添

都係果句 --- 預訂了，不用等。其實當時19點左右，已近滿坐，亦有不少人等位。一入到去，燈光仍然是幾年前那麼暗。嗯! 果然是BAR & REST. !今次叫了杯野飲 --- 可惜冇咩味囉! 可能冰太多!  另外也叫了腸、酥皮龍蝦湯，當然亦叫了次次都叫的豬手。腸方面 --- 真係冇乜特別... 除非在歐洲食，味道間間差唔遠。湯 --- OK丫，夠味，酥皮亦造出應有形態。豬手 --- 通常人手都食唔哂 ! 今次亦唔例外，食剩了約1/4 ! 講真，好食還好食，真是比較膩 ! 這是菜色的問題，不關餐廳事。總結是，食物水準保持到，仍有機會再來。

因為今次係同mentor 食飯，真係想搵間好d, 環境舒服d 既，可以坐耐d 同mentor 傾下計。好彩早左d 去，平日唔book 等一陣都有位。裡面環境唔錯，外面有酒吧高枱，入面有西餐廳闊身坐位。同mentor 傾左兩句，之後就叫左個pizza 同黑椒牛柳飯。pizza 落到幾多料，加左幾多cheese, 同埋有d 香草，薄餅底幾脆口惹味。呢個牛柳飯食落幾好味，黑椒汁好濃郁，加埋有d 鑊氣，鐘意黑椒牛肉既會幾like。唯一缺點就係賣相不太吸引。另外仲有食左d 野，但冇特别影低。整體感覺有d 唔夠喉，食物size 太小，如果多幾個男仔就唔夠食。同埋要限時，坐唔到太耐，不過環境同食物質素都係唔錯既