Table 18 Bar & Restaurant (已結業)

這個青蘋果沙律超好食， 味道好fresh, 又多層次， 推薦龍蝦湯也好好味冷麵麵好多， 有成粒芝麻更好這個牛肉飯一般， 胡椒味太重， 也過鹹Overall, taste goodPs. 衛生方便要扣分， 因為見到一埋準備上台的棒棒條放在一邊， 部分點到窗簾， dirty

晚餐book枱要留言， 分了2個時段，入坐時間7點前或8點9。之前只係坐門口飲嘢， 今次試埋嘢食先。酥皮龍蝦湯(湯味夠，係個酥皮差啲)牛油焗磨菇田螺(比餐牌上的比例份量都大， 食完一件都飽了2]紐西蘭羊仔3]蕃茄鮮蝦耳朵粉(味太濃，但我鍾意耳朵粉口感4]Orange Tundr5]

其實都唔係第一次食這間餐廳，點知今次都係咁既服務水平！ 出品係ok 既！ 2 次都係要趕客交枱，仲要俾壓力你唔開心咁走人，d 野幾好食都唔會推介俾朋友！ 明白你要「番枱」做多轉客生意難做，但係手法同態度都唔好！ 由於唔係食茶餐廳d 快餐，當然有一定服務水平期望！

昨晚 同朋友食完晚餐 想找個地方坐多會聊一下在少數選擇下 去了table 18十點多入到去 被提醒23:30 last order心想沒問題 入座時才未到23:00誰知道 坐下沒多久就被很頻繁地被問可以落單未落完單 大約23:00就被告知last order 了沒其他需要 要先結帳我心想.... 你們很趕住收工嗎？😅到正題我點了杯好像叫 "Berliner" 的飲品Menu表示由類似桃酒 + champagne最後...... 聞上去十分香桃味飲的時候 就只有頭一下既桃味 之後就覺得自己在飲消毒藥水😂

當晚公司在觀塘開會，約埋同事一起食晚餐，知道這間出名食腸，豬手所以當晚除必食這兩樣外，另再點了薄餅，帶子刺身，當晚食到最後要你推我讓，因為實在太飽。我反而想推介佢哋的帶子刺身和牛柳意大利粉，帶子好鮮甜，牛柳好冧好有肉汁配黑松露意大利粉真是無我輸。

book枱時餐廳指用餐時間1小時30分鐘,我地7點入座,8:30交枱,本來冇問題嘅,但我地叫左隻豬手遲遲未到,一再催單先黎,黎到已經8點幾。佢話隻豬手需焗35分鐘,但我地一坐低已叫,唔明點解要成個鐘先整好。我地食完豬手8:25叫2個心太軟,侍應指幫我地extend交枱時間到8:45,但冇講明甜品製作時間要幾耐到8:45, 有人(後來知佢係manager)埋黎問我地邊個食甜品,我地話share食,佢叫我地轉出高枱食,因夠鐘交枱了,客人已到。我話你上埋甜品我地食完咪走囉,係你唔俾甜品我地啫。佢堅持我地要轉枱食。同行朋友話呢個係你餐廳安排問題,冇理由要我地幫你解決,所以我地唔會轉枱,點知呢位Nexxxn Wxng 竟然好倔咁話咁我地都唔會上甜品俾你。然後再帶枱客入餐廳範圍,示意係我地唔走所以佢地冇得入座,將所有責任推落我地度。我實在理解唔到點解一個服務性行業可以咁樣對客,態度惡劣接近呼喝,而如果d時間真係咁緊,可以提早問last order,唔好搞到時間咁混亂又blame d 客囉。

Tea Time 路過APM 黎左呢度坐低飲下野打發時間去到剛好餐廳裡面做緊buffet , 唔食buffet 只可坐店舖外的路邊坐位反正只是HEA一下就冇所謂啦~和朋友每人點了一杯特飲, 我呢杯係橙什飲落去似橙水, 橙味被溝到好淡.....另外叫左一份水牛城雞翼 (HK$68)個雞翼整得唔錯, 醬汁都幾好味服務員態度有待改善, 全程黑口黑臉如果有得坐餐廳裡的座位, 傾計食野應該會舒服好多

係APM搵嘢食，真係選擇唔多。走得遠又懶，最後都揀了這一間。點了西班牙風腸薯絲薄餅，最欣賞個餅底非常脆，我不喜歡吃火箭菜，但係㚒落個味道又唔苦。燒豬肋骨，侍應一早說了要等最小25分鐘，仲好，肯定即叫即製。醬汁帶點點辣，不過豬肋骨唔肥，就加晒分啦！門口有些高枱，可以比你蒲下，食吓cold cut, 飲吓紅酒. 正

今日難得可以收早，專登搵個地方可以同同事們嘆個靚靚午餐。一行3人去到APM 諗咗好耐都唔食咩，又唔想平時係公司附近食到嘅野，所以就我地決定逐間逐間食店睇吓去諗....點之行到嚟table 18個門口就俾佢d甜品吸引住😁😁⋯⋯但估佢唔到原來3點幾仲有set lunch，見到個羊排已經冰冰眼仲要睇埋個價錢...嘩1xx 乍，仲包埋個自助沙律吧唔好似為個沙律吧得d菜咁簡單...個沙律吧有🍞有🌽仲有火腿同埋一d普通配菜。個沙律食咗2轉已經飽咗8成啦。總結個餐廳都唔差...淨係個排個汁比較重味，飲咗好多水

今天我和朋友去吃間餐廳吃晚餐，一班朋友可以叫多款食物^_^我們叫了小食拼盤，德國腸拼盤，燒豬仔骨，帶子pizza和墨魚汁意粉。飲品當然叫了我至愛的super hero（特登叫他調製）。小食拼盤方面，拼盤包括雞翼，薯條，炸蝦餅和墨魚圈。雞翼太細隻，不過味道不錯。薯條是即炸，而且是粗薯條。炸蝦餅都有鮮蝦味。最正的是墨魚圈，多數餐廳只有洋蔥圈，這間是墨魚圈，墨魚煙煙韌韌味道不錯。德國腸拼盤方面，我不懂分辦腸的種類，不過脆皮腸十分美味，咬下去時的腸汁十分美味。而且薯菜不會太淡，味道不錯。燒豬仔骨方面，豬仔骨和豬肋骨是有分別的，豬仔骨的肉比較有口感，而且比較煙韌，又有燒豬的香味，十分美味！帶子pizza方面，pizza是薄批，批底十分香脆可口，帶子都十分鮮甜，而且每塊pizza都有帶子，比較抵吃。墨魚汁意粉方面，這個便比較一般了，墨魚汁比較小，而且沒有什麼墨魚味，反而太辣了。Super Hero方面，這杯是的叫侍應特別製造的，因為其實餐廳之前有提供，不過現在已經下架，不過他可以另外調製給你，價錢好像比較貴一點，好像$8x。雖然比較貴，不過十分美味，4種烈酒製作而成的雞尾酒，喝下去時的那種口感真的

餐前餅乾條:餅乾好脆,好有香料味,不過無叫湯同飲品,只食就有少少口乾.黑椒汁焗美國安格斯牛小扒及蘑菇飯:雖然同餐牌既相有少少出入,不過份量都好正常,可惜既係牛小扒已經熟到8成左右,有幾塊仲有D韌,有少少失望,但味道都好有牛味,而蘑菇飯都好好味,醬汁好多,有少少辣,整體味道好惹味,唔錯.德國腸拼盤:一上我就試左酸菜先,但好失望,唔夠酸無咩味,再試白色腸,幾款都差唔多味道無咩特別,但當點埋芥茉醬就出事,太辣啦,完全蓋過左香腸味道,唯一好味既就係最長那條白色腸,食到有少少辣有D香料味,唔錯,另外圓形那條腸都好好味,皮脆之外,腸肉都比其他嫩滑.薯仔餅都唔錯.

去過APM既人都知呢度好多餐廳都要排隊，仲要正值星期日一點半既時間.....成日都經過TABLE 18，發覺都唔滿座，就即管去睇下有咩食。去到果然仲有大把位。不過侍應話入面就要2點半交檯，出面就可以坐耐D。其實出面都有冷氣，無所謂啦。反而係諗食佢個LUNCH BUFFET好定散叫好。LUNCH BUFFET $198+10% PP 到2點半，散叫佢就得十多款野食選擇。最後為左怕好趕咁食，都係散叫算。煙三文魚凱撒沙律: 三文魚好食，唯獨個菜唔夠新鮮，唔爽口，淋淋地。蜜糖烤豬肋骨:呢個我真係覺得唔好食。Ｄ肉好硬好鞋，可能我食過一Ｄ真係好軟熟，好入味既豬肋骨，呢個對我黎講唔得囉～水牛雞翼：雞翼又大隻又多肉，個醬唔太咸，肉又好滑，呢個好味～炸魚沙律配薯條：炸魚個漿唔厚，薄薄的。魚肉都好厚身，但略嫌仲有陣雪味。特別係放左１０分鐘之後再食，有陣生锈味。薯條我就覺得好失望，因為睇佢個樣炸得好靚好靚，但食落個薯仔應該出左事。因為我食唔到裡面既薯仔。個種口感係食到個皮，但入面空氣感好重，好奇怪。總之就麻麻。另外叫左２杯野飲，普普通通咁。如果下次都係唔駛等位，我都會黎試埋其他野食的～

黎過幾次叫到會，上星期黎落order,服務員問要唔要係度食埋晚餐，不過果晚無。但我同老公講今個星期一定要黎試下，因為之前聽同事講d野都唔差。今晚黎到差不多9點，唔使等位，但得返餐廳外的位置坐，即係係商場d人行過會見到你食野，雖然我prefer坐入面，但冇得揀，坐出面都可以接受。因為佢地出面既枱櫈比較高，所以比人見到你食野時，感覺唔會太差😆我同老公一黎到已經想食香腸拼盤，之後再點了個小食拼盤和一杯德國黑生啤。黑生啤很快就可以上枱，味道不錯，而且餐廳供應的啤酒一般比自己買返家的好飲，因為氣泡狀態和盛載的器皿產生的味道也不同。之後上的是小食拼盤，當中包括薯條，雞翼，炸魷魚圈和炸蝦。薯條一向是我的至愛，而且你會見到佢地既薯條係由薯仔切條而成, 調味適中，唔使加茄汁都可以。之後再試炸蝦，蝦肉還有一點點彈牙的質感，當中混了其他林林地的，估計是魚肉，很有心機，另外炸魷魚圈也很好食，不過我一向對炸粉麻麻地，如果炸漿可以再薄d, 會更加好。雞翼也調的很入味，不個我怕生豆豆，對於依個小食拼盤唔敢食太多。最後上的是香腸拼盤，我第一樣食既係佢既酸菜，由於岩岩上枱，d酸菜熱辣辣，感覺有少許怪，因為之前食時係室溫

同男友吵左舖勁嘅。。。。。。。其實好小事，但就係行行下街吵起來，兩個人，向左向右走唔開心嘅我，好想去海邊睇下海，由我可以番Part time，即係決定自己幾點番屋企嘅時候，我一唔開心，唔理係係上環收工收11，定係金鐘收12點，都會衝去tst海旁今晚想去個平平地又有海嘅地方食飯，冇去tst，去左Kwun tong，可惜，行過工廠區，去到係有海，但冇餐廳開，可能係因為星期日晚，工廠區嘅office都冇人番工，索性唔開好黑仔，冇海，但都想食好d，唔熟路嘅我，只好去番apm食好d就牛排紅酒放縱一下吧一個人一塊扒一支酒左右兩枱都比我嚇親牛扒應該話係牛柳先真，要5成，第一次真係好熟，要求換過，第二次都係，不過要5成係為左佢會比7成，可惜比7成再熟d又未到10成嘅牛味唔算濃，不過冇筋係常識，不過就唔係淋滑嘅肉質了薯條外層脆脆，而且好似有小小調味咁，一d都唔dry呀，伴菜亦因為係鐵板上，本身都整到好熟，食落口都仲有爽口，粟米亦好甜，我分左牛上嘅香草牛油去粟米度食，更為可口一個女仔，傷心失意就係可以咁放縱酒好老實，我唔識，只係想飲到小小wing，所以叫一支，見平平地丫麻，一杯又一定唔夠，咁咪一支，又唔係

好似好耐冇同媽媽出黎食好西今日難得同男友, 媽媽3人行就臨時去左Table18因為臨時關係所以冇打黎book位要walk in高枱可以即時有，不過好似比人望住晒咁所以要求坐入面，幸好唔係等左太耐就有得入座坐左係窗外位置，而且沙發位，都幾舒服水牛城雞翼 $68（7隻）呢個價錢出去食到有7隻雞翼真係幾抵，而且佢個醬汁酸酸地咁，唔似出面既水牛城雞翼咁咁酸，食落去令人好想食多1，2隻 蜜糖豬仔骨 $72上枱果時覺得佢好似唔太起眼，但呢個豬仔骨燒到好香口，豬仔骨既肉質都幾嫩，唔會過份地老，而且骨與骨次間仲有軟骨，多左份層次感, 好食!  黑椒汁焗美國安格斯小牛扒磨菇飯 $108食落個安格斯小牛扒冇menu show 岀黎張圖咁靚，牛扒肉差不多近乎全熟，幸好佢地採用既係小牛扒，雖然唔太生但依然可以保持果份林身既感覺 飯底唔係一般白飯而係珍珠米黎, 而且飯底有事先炒過, 令到個飯食落更香口個黑椒汁好濃厚同好入味, 撈埋個飯一齊食真係好正!德國咸豬手 $208德國咸豬手終於出場喇! 因為佢地既咨豬手係事先用啤酒同其他配料醃好落order之後先幫大家整, 明乎其實既即叩即整, 所以等候既時間比其他菜