Sweet Secrets (已結業)

前兩日去完花展，便走o左呢間吃大家都推介的secret - o' cheesecake($25)。估唔到原來冇得坐的，係take away only，如果可有位坐o下、飲o下o野會更好。secret - o' cake 真係好好味，有三層，用oero 做餅底、中間那層係creamy cheese 的mixture，而面層就係芒果味的cheese，三層一齊食好match~~睇到一個cake 叫honey rose，cheesecake 加上一層有玫瑰花碎+honey，好似o者喱咁透明的，感覺好清新。下次try o下先~~

我試咗Opera, 成HK$28件都幾貴下,不過一試入口,即刻有種物有所值的感覺.o個種幼滑,仲有不同朱古力,咖啡等層次的感覺,令我同我男友都覺得貴得有道理.我覺得用义或小刀切一小片一小片咁食係最好味的.

唔該哂呀~~我而家收集0左好多資料喇,openrice0既朋友都好好人呢,我一定要呢几日去食一次!!!好期待...

Exit Time Square on southern side, walk along Sharp Street to the west to Canal Road, shop at corner on your left hand side.<br />Around HKD25 per piece not very big size

sweet secrets有兩間舖,總店o係中環,新開分店o係銅鑼灣.中環o個間o係擺花街, 如果你行中環行人電梯o既話,到pizza express時就落樓梯,轉入結志街(有蘭芳園o個條街),第一個街口轉上去擺花街, 抬頭望就會見到佢地紫色橢圓形o既招牌嫁啦! 店員carmen好nice嫁, 得閒同佢傾下計丫所有cheesecake一slice都係$25~

我覺得都幾隔sip lor呢度,我都搵左一陣先搵到,你係UA Time Square天橋果邊直行(唔好過對面馬路啊!)見到間寵物店再行前少少就會見到!佢d cakes都係25蚊(不過唔知係咪全部都係呢個價),我食過幾款都係覺得cookies n' cream最好味(仲好味過secret o' cheese),有少少滯啦如果食晒成件,但係真係唔錯~~~

我想問佢呢間舖0係邊??我想去試下呢~~係咪0係天橋附近呀?會唔會難搵?另外,我想問佢d cake係大概几多錢到?會唔會好滯或好大件?唔該哂~

尋日買左兩件餅，分別係blueberry cheese caske同cookies 'n cream，先食cookies 'n cream，好香芝士味，但又不乏曲奇味，咁當然係芝士味香濃好多啦﹗兩種味好夾，好味﹗再食blueberry cheese caske，可能之前0個舊較甜，所以覺得好酸，但又幾好味喎，無咁"漏"，都唔錯﹗不過兩舊比較就鍾意cookies 'n cream多d，嘻~

尋日同男朋友去試過,我試左cookie n' cream, 我男朋友唔知要邊件ga時候, 個應該係老闆娘就介紹一件有兩層ga朱古力cheese cake俾佢, 試過之後, 唔好cheese cake ga 男朋友都讚好食, 兩件都好好食, 無論餅底, 芝士味, 硬度都好正, 好似我咁愛好cheese cake ga朋友一定要try try...個人覺得如果同Teresa Festival比較, 呢間好好多食完呢間唔會再去Teresa Festival食...^^

你都有你o既道理o既...無疑, 文華o既cheesecake係好traditional o個種...無乜選擇...其實我唔係一味支持文華...我都係sweet secrets o既擁戴者...我成日買佢d cheesecakes, 同佢個老闆娘&門面都識嫁...佢d cheesecakes真係幾好味嫁!

HeHeHe! 原來有文華忠實Fans.我都係Cake迷, 仲係Cheesecake迷, 仲曾經係文華Cheesecake迷; 所以出面食親Cheesecake或者自己整都以文華為標準作比較.公道D講, 文華多年來堅持Original Recipe, 所以同新派Cheesecake 已經有段距離, 各有其道理與Fans; 的確係唔應該比較.Sweet O-cheese 可能係用少D麵粉, 零舍軟滑細緻, 但係就少左Original Cheesecake應有的Texture; 哩個雖然可能係每個人口味取捨不同, 但無可否認香港人多數鐘意幼細D口感, 加上Mix & Match手法, 我覺得Sweet Secrets算係暫勝一局; 有競爭就會有進步, 文華Ganbade!

我覺得好難將sweet secrets o既secret o-cheese同文華o既cheesecake比較...因為文華無呢種兩層layer o既cheesecake, 亦都唔會用oreo做餅底...個人意見係, 文華餅店o既$19 american cheesecake slice唔太好食, 一來無餅底, 二來唔甜,不過就幾滑!不過佢個cafe$55個blueberry cheesecake就好正!至於sweet secrets呢, 因為係cheesecake専門店, 有好多varieties! 而且食過幾種都好正! 個人推介係secret o-cheese同埋dark cherry white chocolate cheesecake!

哩兩日試左sweet-O-chese同理ZOE個1459,几好的Homemade cake, 己經超出文華幾皮, 但我暫時都係至鐘意Shangrila, 遲D試理Theresa Festival

去到銅鑼灣,順便探下老闆娘o既新舖.因為手上無帶地址,去到time square,都花左我一段時間先至搵到!去到,咁o岩老闆娘o係度,同佢傾左一陣! 我仲推介我個friend買佢d cheesecakes, 結果我地臨離開銅鑼灣前佢o係o個度買左一件secret o-cheese同埋一件apple teacake走!

以前係中環返工成日經過架..不過唔知好唔好食所以走寶啦~今日特登去試下..一入去見到好多款啊..有成廿款啊..真係唔知點揀,樣樣都想試,老闆見我無乜主意..問我駛唔駛介紹,咁我緊係話好啦(本來想要dark cherry cheese cake因為有人推介,不過我見唔到有),我比較中意食硬身cheese cake,咁佢就介紹左好多比我,揀左一陣..終於決定要cream & cookies(好似係呢個名),老闆反而無介紹佢個house cake~secret o cheese,不過我見大家都咁極力推介,點可以唔試呢~~,所以都要左一件...先試個secret o cheese~~嘩..個面果層mango cream好滑啊..第二層cheese 好夠味..加埋個oreo餅底真係唔錯.個cake 既邊都係oreo做架,都唔係好漏喎.,正~.不知不覺就成個食晒啦..平時我都算細食,今次一個人吞晒一件,真係好飽啊~至於件cream & cookie就係買比細妹食既..返到屋企雪左一晚,我梗係"痴"左d黎食啦,一食..嘩..仲好味過個secret o cheese啊..d cheese味有d唔同..