SuperNormal (淘大商場2期)

營業中

休息中

今日去既係係淘大一間好多野食既西餐廳👅 呢到食物種類比較多 又有唔同款式既酒飲 岩哂同朋友gathering 🍻我地先叫左2個小食 分別係黑松露薯條同串燒既厚切牛舌芯🤤 黑松露薯條係已經將黑松露放左係薯條上 本身配既係茄汁 不過我個人比較鐘意點沙律醬所以叫店員比我😆 果然好好食😂 厚切牛舌芯燒到岩岩好 有咬口夠juicy👍🏻主菜我地就揀左明太子原隻軟殻蟹漢堡同香煎鵝肝露荀牛肝菌意大利飯😋明太子原隻軟殻蟹漢堡超足料太誇張啦😍 有一大隻軟殻蟹 仲有幾隻又大又彈牙既蝦 蟹籽 芥末沙律醬 蔬菜 整體好夾好fresh唔膩好食👅 香煎鵝肝露荀牛肝菌意大利飯上的鵝肝煎得夠香 意大利飯加上露荀一齊煮 口感更佳又無咁膩👍🏻最後當然都要試番杯cocktail啦 我地就試左Mo Mo Cha🍸入面有菠蘿 玫瑰 椰子 Rum Liqueur 甜甜的 杯既造型係椰子殼 打卡一流🌟

近排香港十分亂，每天都讓人感到很疲倦真係有好一排都無去過九龍灣，亦都少左出去食好西見今日係星期四，又早左收工，就近近地去淘大花園搵下好野食，見到supernormal評價唔錯，環境又幾舒服咁，就試下啦地點比較偏入少少，但見到小方糖，斜對面就係喇，舊糖水店位置！Supernormal有2檯戶外位，天氣凍少少黎食都幾浪漫wor！室內環境都唔錯，燈光少少昏暗，飲酒傾計飲到面仔紅紅地都無咁顯眼！有四方枱，又有高枱，我同老公就搵左個角落位既高枱坐低慢慢傾計價錢方面都可以接受，屬中價路線選擇都幾多，呢隻鹹豬手都好特別好吸引不過今日想食burger，惟有下次再試啦登登登登！呢個就係我今晚既dinner，望落都好chill下！明太子軟殻蟹漢堡，我實在太鐘意食明太子，所以一見到就吸引左有手掌咁大既軟殻蟹，脆卜卜咁仲有大大隻蝦，加埋明太子，食落好有咬感再加埋超香脆粗薯，無得彈！再配合埋日本人氣number one既Kagua  Blanc真心係咁大工作壓力既呢一個星期，係得到少少放鬆！Kagua Blanc 係其中一種手工啤，酒色輕淺，有少少日本橘子既味道，非常容易入口，口感亦十分幼滑！飲下酒，食下bur

之前經過呢間餐廳幾次都full booking冇得walk in，睇落好似幾受歡迎，今日終於可以同朋友黎試下。餐廳座位都闊落，同朋友坐高櫈嘅位，冷氣比較大。牛油果帶子沙律幾清新，唔會話落好多沙律醬，帶子煮得剛剛好，個心好嫩滑😋 雞翼好香口，唔會炸到好乾身扁意粉好香，雖然冇汁但都唔會乾淨淨，不過個蜆有啲沙，美中不足。漢堡塊牛鎖得住啲肉汁，切開中間都係粉色，唔會好老，如果芝士可以溶多少少就更好喇！不過可能係小店，人手未必咁充足，如果店員主動加水就更貼心😉

淘大商場有各種餐廳，呢一種酒吧西餐就比較少見，餐廳門外有兩個戶外桌可以邊飲啤酒邊食煙,happy hour 一流餐廳裏面嘅壁畫幾有氣氛happy hour 時段仲有午市套餐八折優惠，一於食個early dinner「法式燒羊架配雜菜」一共有四骨，肥瘦適中羊肉味濃，7成熟中心仲有小小粉紅，有肉汁，推薦雜菜都處理得幾好「頂級美國西冷牛扒配雜菜」 250克份量大，牛肉味濃，點咗5成熟但似乎熟至七成「跟餐薯條」連埋薯皮新鮮好食想飲小小酒，點咗cocktail 「Chinese Hua Diao」，點知都幾勁，花雕再加Gin ，只係加咗小小蘋果汁調一調味。「芝士大啡菇」佢加咗好多芝士可以拉絲，大啡菇真材實料有手掌咁大隻，佢合左少少煙肉幾香口，佢即叫即焗所以要等耐少少時間。見到好多人嚟到飲啤酒都幾relax

Supernormal 係位於淘大商場平台位置，走進淘大內街的食物街，很容易便會找到餐廳裝修風格以黑色為主，非常型格，晚餐更有精選二人餐，但我哋選擇了單點食物首先叫咗一盒小食香煎鱸魚配雲吞$138鱸魚非常香脆和嫩滑，以白汁浸泡雲吞，好味到食不停口，出色另外我哋仲叫咗一個黑松露野菌扁意粉$105同埋香煎蘆筍鵝肝牛肝菌意大利飯$128黑松露野菌扁意粉的碟灑上芝士碎，而每條意粉上都沾上黑松露碎，加上面頭鋪滿野菌，令整個意粉味道非常香濃另外一個意大利飯是以鵝肝為主，鵝肝非常厚切無雪味，加上意大利飯粒比較彈牙有口感，以蘆筍燴飯，討厭乾爭爭嘅我，岩哂！附上menu

一直以來，經常在淘大都見到呢間餐廳，外觀十分有特色，除了室內的位置，還設有室外位置，在平凡的小商場裡，好似在蘇豪區的一個小酒吧而且，餐廳環境寧靜，和朋友把酒談心確係不錯！另外，食物質素都十分高，味道不錯！

在淘大商場中bar and restaurant，小酒館風格的裝修，很有書香氣息。座位選取了胡桃木吧台桌及椅，更有空間感，也有格調。午市座無虛席，一個人，總，比較容易找位置。午市套餐可選前菜，餐湯或薯條或沙律。看到鄰桌的薯條，的確很吸引。不過意志戰勝了薯條，最後選了沙律。當然，是吃，久違了的BURGER。藍芝士漢堡，加十元便可升級安格斯。唯有真正喜歡芝士的人，才會欣賞藍芝士😎藍芝士，散發強烈的腐味，足以令人聞之變色。其柔軟綿密的質感，味道香濃，與麵包絕配。漢堡包烤至香脆，安格斯漢堡扒，煎香後咬下還有肉汁，上蓋一片芝士片，雖然沒有拉絲，芝士的半融效果，更美觀及容易食用。吃漢堡，不用配味道較濃的拉絲芝士。漢堡下，當然有生菜番茄增加濕潤感。很欣賞整個漢堡並不油膩，有一撮菜伴碟更有心思。席上看到，鄰桌的cocktail非常有特色🤩鄰桌的東西，果然比較吸引......由於時間尚早，還是飲咖啡好了。凍玫瑰咖啡，優雅的，呈現眼前。誰說，吃漢堡，不可配咖啡。

喺淘大行完街，見到一間裝修風格幾靚嘅餐廳，入到去睇一睇餐牌，晚市嘅精選二人餐都幾抵食。海蜇燒雞沙律沙律好大碟，係好清新既田園風味沙津，煎雞肉條同埋海蜇mix 埋一齊，海蜇好爽口令到沙律更添口感，入口有點柚子汁，酸酸甜甜很開胃。蒜蓉包佢哋嘅蒜蓉包味道好香口，蒜蓉味極重。粟米湯好香粟米味，湯嘅口感好滑，佢哋整到蓉咁冇大大粒嘅口感。整體來講都幾滑，不錯寶雲酥焗法式羊架今次叫咗三成熟嘅寶雲酥焗法式羊架，羊架嘅賣相好吸引，羊架外層的寶雲酥焗到香脆可口，而羊架的肉質，口感鮮甜幼嫩，中間好juicy ,值得一試帶子龍蝦汁意大利飯龍蝦汁嘅味道好濃，每一粒意大利飯都被龍蝦汁包裹着，帶子味道鮮甜。兩杯飲品

生日飯🎂屋企人帶咗我去九龍灣淘大食呢間SuperNormal！叫咗十多款嘢食😋當中包括佢哋主打嘅脆皮德國鹹豬手，牛舌芯同焦糖菠蘿！真係好正👍🏻👍🏻👍🏻好好味如果嚟一定要試吓！羊架都唔錯😄其他叫咗西冷牛扒、燒安格斯牛肉、茄子、燒墨魚咀、黑松露金菇牛肉卷、安格斯牛肉漢堡⋯⋯其實總括嚟講樣樣都咁好食今餐真係好滿足！食得好開心呀！🥳

今日去到一間朋友成日食既西餐廳，話大份又抵食。咁就試下好唔好食啦🙂🙂選擇太多，都唔知揀邊樣好，店員同我地推介左幾款熟客食完都讚既。最後揀左第一位既柚子徳國咸豬手$228😋😋😋😋😋😋😋😋😋果然冇介紹錯，用自家製柚子啤酒浸足8個鐘，一上枱已經好香柚子味，放入口更什，好入味👍🏻👍🏻皮又厚又脆，好厚骨膠原🤭而且肉超軟淋，唔洗用刀就可以分開😋😋😋😋😋😋超好食呀！再配埋啤酒一流！啤酒叫左兩款，右邊款係自家製手工啤supernormal beer$78 果味好香甜，容易入口👍🏻👍🏻左邊係temple du ciel $59 白茶味重，朋友唔鍾意甜既，所以好岩飲🙂🙂整體店員對客人耐心，主動，唔錯。絕對會返轉頭食多次個豬手😋😋😋👍🏻

今晚同朋友食呢間supernormal，佢有分室外同室內位，裝潢有點現代工業風，十分舒適。我們點了香煎海鱸魚配意大利雲吞，外貌吸引，魚柳皮煎得香脆，略厭魚肉帶腥，但沾上白汁，味道有所提升，至於意大利雲吞內餡為忌廉菠菜，皮滑，餡料豐富。另外，刺身帶子蛋白露筍炒飯，第一口充滿日式醬油鹹香，配料有蟹肉，蛋白，蟹籽和帶子，味道偏重。小食方面，我們點了青芥雞翼同牛舌，青芥醬不會嗆口，又能帶出温和的芥末味，雞翼炸過，肉嫩。牛舌牛味濃郁，厚切能吃到牛舌的爽口。整體而言，餐廳環境舒服，食物尚可，下次可以試下burger。

上星期下班跟舊同事晚飯，Supernormal 名字特別，所以一於試下。晚市有精選套餐，不過我們還是單點自己喜歡的食物。地方寬敞，這夜我們選擇了坐高檯。帶子牛油果沙律 $86 兩大粒香煎帶子，鮮甜爽口，配上新鮮牛油果，沙律菜，蕃茄仔，感覺好清新。青芥蜜糖雞翼 $68 一碟有5隻，香炸的蜜糖雞翼，配上青芥醬，甜甜的，少許辣，一隻雞翼，兩種味道。柚子德國咸豬手 $168 相當大份，豬手上碟時已經切好，脆炸豬皮，豬手肉質鮮嫩，可配上柚子醬食，碟邊還有酸菜。

Pink Killer 坐低先黎支啤酒🍻一睇menu見粉紅色既packing，就揀左來自比利時🇧🇪既啤酒，有西柚汁既味道，絕對岩晒女士們。法式鮮蠔湯的確係愛蠔朋友不能錯過既餐湯，而且唔係到到都可以隨便飲到既。蠔仔肉blend到爛晒，個湯有些許蠔既鮮味&鯹味，但絕對令你難忘😋😋三重奏芝士安格斯牛肉漢堡依個價錢有依個份量，真係好抵食。安格斯牛肉好juicy，又有濃郁既牛味，配上煙肉，蕃茄，生菜等既配料，真係非常夾！伴碟既薯條都好多，非常新鮮脆口，即炸唔會食到一口油既感覺，讚👍柚子麥啤浸脆皮德國咸豬手好鼎盛既擺盤，大大碟，一舊舊起晒肉，外邊係金黃色脆皮，裡面係啖啖肉，食到柚子既清香味。旁邊有沙律菜同酸蘿蔔絲，食得太多肉，換個伴菜即即去掉膩口感。串燒：茄子 🍆焦糖菠蘿🍍茄子一串有兩舊，同外邊用蒜蓉燒唔同，佢係加左木魚，一上碟就有木魚香，仲有動感郁郁下😉焦糖菠蘿要襯熱食，因為凍左焦糖會更甜。外面焦糖薄脆層，完全鎖住菠蘿本身既果汁，好鮮甜，大愛🥰

話說早兩日同個friend食左一間德國餐廳既水煮豬手今日就試下依晶餐廳既柚子烤豬手真係有對比就有傷害😂😂😂依間啲豬手烤到卜卜脆，肥肉少，膠質多，一絕！我全家本身唔係好食豬肉(成日食到豬臭味🤔🤔)但係唔知係咪用橘類醃製過，無咁大陣味2個女仔，居然食完一大碗拉麵，再食晒成碟豬手！！！(個碟野大過我個頭為左比大家FACT CHECK，我特登影埋食淨幾少！😎😎😎溫馨提示，圖片慎入😎😎😎除此之外，其實我地係打算飲下野吹下水叫左個個自家釀製既Draft Beer(Friend)+Craft Beer(我)當然唔少得「借」少少來飲下…我對酒唔熟，以下純感受…自家釀製既Draft Beer，聞落有啲蜜糖味，易入口，應該有落水果(FC有用柚子皮)，女仔口味😬Craft Beer - 白茶×綠茶？(總之係茶😂睇圖辨認)，清新口味，唔甜，好香花味，易入口！總括而言，我鍾意P.S. 拉啤酒泡比例玻璃杯抹得幾乾淨基本功夫做得足

上年買落唔少既UA戲飛就快到期，所以呢一輪頻頻走去淘大同埋Megabox睇戲，夜晚通常都會係附近食埋晚飯😛呢間西餐廳喺後街稍微隱蔽左啲，一開始入去仲擔心緊點解得一兩檯人，原來係我太早食飯了，到我走時八點已經滿座🤣▪️ 刺身帶子蛋白露荀炒飯（7/10）💲108刺身帶子底面都煎得金黃，肉質細嫩唔會韌，味道鮮甜😍雖則係西餐廳，但係個飯底感覺上會係偏向中式，有蟹籽、蟹肉、蛋白，炒飯唔會係濕嗰種，又唔至於係好乾身▪️ 經典煙肉卡邦尼扁意粉（7.5/10）💲86彈牙既意粉入口會以忌廉味為主，加上一貫既煙肉、蘑菇，如果有埋蛋黃就不得了，不過就咁都已經好掛汁幾香口🍝▪️ 藍芝士水牛城雞翼（7.5/10）💲68/5隻雞翼皮係炸到好脆身，而且淋上唔少醬汁，陣酸辣味頗為強烈，亦可以自行蘸上藍芝士，夠曬惹味🐥伴碟仲有沙律菜▪️ Lanterne Pale Ale（7.5/10）💲59呢度既手工啤酒既種類簡直令我大開眼界，而且喺餐牌入邊每一款都有詳盡介紹，有唔同嘅資料例如出產地、酒精成份、味道等等，聞落果然係有陣陣花香，亦都不乏麥味🍺▪️ Rose Latte（7/10）💲36呢杯帶有少少玫瑰味，亦都有啲咖啡香，不過兩者