SuperNormal (淘大商場2期)

營業中

休息中

約左朋友係九龍灣食飯，行過淘大花園見到呢間餐廳氣氛唔錯，仲比佢豬手menu 吸引住就決定入去試下柚子德國咸豬手$168勁大份好抵食！外皮脆口唔硬，豬手肉好嫩唔肥膩，配柚子醬同酸菜一齊食，味道岩岩好又唔會太咸，有驚喜！青芥蜜糖雞翼$68 / 5隻一上枱已經聞到好香，炸雞翼香脆好味，醬料係好淡嘅芥末味，配搭幾特別。蒜片紅椒蟹肉意粉 $105每啖都食到蟹肉，入面仲有大蝦，紅椒同蒜片，配料好足。扁意粉煮得好入味，充斥香濃嘅蒜油味，不錯！餐廳環境舒適，好適合同朋友傾計飲酒。當晚有3枱客都係同朋友慶祝生日，氣氛非常好！

經過一日辛勞嘅工作，最嘆就係同朋友放工去Happy Hour鬆一鬆！如果響觀塘、九龍灣返工，又唔想搭車出去油尖旺咁遠，可以近近地嚟SuperNormal！呢度係一間酒吧餐廳，裝修格調都唔錯，幾好feel～ 食品種類都幾多，意大利菜、日式串燒、美式漢堡、德國豬手等等多國菜都有！重點係佢地嘅酒類飲品，有特色手工啤酒，仲有靚到哇哇聲嘅Cocktail，啱曬靚女們影相打咭😂Chinese Hua Diao $58睇倒圖片我已經無理到係咩口味就決定叫呢杯Cocktail😂 因為賣相實在太太太靚太特別喇！其實佢係花彫酒、蘋果汁、肉桂、Gin酒四樣嘢特調而成～飲落去微甜，酒味中等唔算太濃烈，亦飲倒花彫酒嘅香味～ North Coast Old Rasputin Russian Imperial Stout（人氣黑啤）$62呢隻係美國黑啤，飲落去口感幾豐富，伴有微微嘅咖啡同朱古力味。值得一提嘅係個酒杯，好型格～ 飲酒都飲得有feel啲～ 巴馬火腿紅菜頭沙律 $78沙律菜夠新鮮，紅菜頭好清甜，parma ham唔會太咸，伴沙律一齊食好正。香煎鵝肝露筍牛肝菌意大利飯 $128鵝肝煎到半熟，外脆內軟啱啱好

精選二人餐 💲428·法式牛肉批·是日餐湯+蒜蓉包·美國頂級西冷配鵝肝汁🥩·雙層芝士海鮮焗飯🧀🧀法式鮮蠔湯 💲28 （跟餐）Green latte💲12（跟餐）✅ 法式蠔湯坊間比較少見🍲 口感creamy而且有蠔肉碎😜✅ 法式牛肉批係用一層酥皮包裹住一片厚切既肉📦 肉既質感似扎肉🧐 味道似火腿🍖 同酥皮幾夾✅ 西冷肉質緊實但唔韌😆 鵝肝汁仲有少少紅酒味🍷 配菜用炸薯餅取代左薯蓉🤪👅Taste：3.5/5💰CP值：3.5/5🙋🏻‍♂Service：3.5/5👁‍🗨Stylishness：3.75/5

今日又去搜尋美食淘大美食多蘿蘿，最後選中寵幸Supernormal 餐廳戶外同內都設有座位,職員幫我地左高卡半sofa 2 人座明太子原隻軟穀I法抗拒包都係脆卜卜U軟穀蟹炸到頭剛好再配以薯條再叫左d串燒串個全部都即叫燒，特別係燒雞腎同雞軟骨好好食芝士年糕仲完全唔會好濟的感覺鵝肝意大利飯好好味。每粒飯都吸收左精華野飲就叫左士多啤梨香橙梳打同hazellut lattle餐廳都滿座了，如果去前最好都book定位

今次試咗淘大呢間餐廳，發現淘大既餐廳食物質素越來越高。以前因為呢度有間健身室會經常來但好少會喺呢度食嘢，因為覺得都無咩岩食，但今次見到有西餐廳就試試佢呢間西餐廳我覺得可以話係西日合璧，除左有扒意粉，仲有串燒。朋友試左個軟殼蟹漢堡我就試左鵝肝牛菌燴飯，再叫左幾串串燒，想不到串燒咁好食1.雞軟骨 $26真係燒得好好好味，唔會燒到好乾仲好夠味，唔會得個咸字2. 燒栗米$32一樣唔會燒到乾身，好甜，有串燒既餐廳我都會叫粟米，有的會燒到無咩味又乾，但呢個真係好岩我口味3. 軟殼蟹漢堡$98入到餐廳見到幾台客都食緊呢個軟殼蟹漢堡，朋友就點左，她話個蟹炸到岩岩好唔會食到成口油，唔怪得咁多人點4.鵝肝牛菌燴飯 $128燴飯唔會太過水，傑傑地好有味，真心都好食既會再介紹比朋友試

今晚約朋友去左淘大商場食街嘅SuperNormal，位置好近地鐵，好方便。SuperNormal裝修好有酒吧feel，有高身bar枱或普通餐桌選擇，今晚同朋友專登黎試下佢地嘅柚子德國咸豬手，餐廳好貼心，豬手黎到已切好一件件，嘩，皮脆肉嫩，比想像中冇咁咸，咸度岩岩好，始終豬手都有小小肥膩，食到溜溜地，可以食下側邊伴碟嘅酸酸柚子，清新番口腔之餘又可消消滯😋，今次食左隻豬手已經好飽，已約定朋友下次黎試下呢度嘅二人套餐。

之前去過Super Normal食過佢地嘅香辣茄蓉大蝦🍤扁意粉，一試難忘，今晚屋企冇飯開，索性放工就去開餐🍴🍝，扁意粉嘅靱度剛剛好，有咬口，小小辣加埋茄蓉好濃濃嘅汁好開胃，隻大蝦好大隻，又彈牙，蝦頭又有膏，正到不得了，仲有幾隻剝咗殼嘅蝦🍤🍤🍤🍤都好彈牙架😋😋😋

今日黎到呢間西餐廳食午餐午餐餐牌都好多選擇 $56-100 都有最平既焗雞排飯 鯖魚飯去到漢堡 意粉都有好多選擇叫左鯖青飯+ 特飲 $8 特飲都好好飲 荔枝梳打 唔會太甜 岩岩好鯖魚味噌飯 3 大塊鯖魚食唔哂 勁抵！

今日約左朋友去淘大傾計，我地簡左間西餐，佢門口個豬手真係好吸引，入到去見到似酒吧格局，但同時兼容家庭客同晚飯，客路真係好廣。我地最後係點左二人餐，朋友想食牛扒多啲，我地叫左個法式牛肉批，美國頂級西冷配鵝肝汁，同埋帶子龍蝦汁意大利飯餐湯及蒜蓉包：蒜蓉包夠味，香口得黎有啲油份唔會太乾，湯係南瓜湯，不錯法式牛肉批：最初擔心同個牛扒好似重複咗咁又係食牛，，但係一上枱嘅時候個酥皮好香，令人食指大動，啲牛肉似午餐肉質感，但係就係鹹牛肉嘅味道，都幾得意。美國頂級西冷配鵝肝汁：我地叫左三成，但香港人三成往往都係over,可能驚啲人接受唔到，牛肉入口鬆化，有適量油脂，嫩滑又有口感，不錯，配菜仲有個炸薯，又幾得意喎，味道仲要唔錯帶子龍蝦汁意大利飯：醬汁夠多又濃，飯有咬口，帶子同蝦仔都有海鮮味。不錯餐飲仲係罐裝汽水，食完慢慢傾，真係一樂也！

一d都吾normal同男朋友在淘大看完電影隨便逛逛找間餐廳吃，行過見到有西餐食下，選擇都多。坐低之後剛好餐牌上有二人餐套餐，依個餐$428，包埋餐湯，蒜蓉包。餐湯及蒜蓉包未食已經聞到好香既蒜蓉包味聞到好香食落都系香脆，點湯食，好味。海蜇燒雞沙侓沙侓份量夠大碟，菜同肉比例夠平均，有雞柳同海蜇，配合都幾特別，味道都夠清新開胃。美國西冷配鵝肝汁揀左medium，啱啱好，切開肉顏色嫩紅，食落牛味濃，有汁～肉腍，CP值高～加埋鵝肝醬汁，同西冷味道匹配。黑松露野菌扁意粉多黑松露，所以香～好岩我男朋友黑松露控既滿足感，意粉入面都加埋炒得好香既野菌，yummy。

九龍灣淘大花園不嬲都係出名嘢食多，原來係戲院前邊條巷新開左一間酒吧餐廳食國多國菜🤨牆壁掛滿了富有美國色彩嘅木製招牌餐廳嘅天花亦都吊咗幾架舊式飛機，而吧枱就用咗水喉鐵通搭建，好重工業風 👍🏽🉐青芥雞翼價錢雖然唔平但係雞翼就一啲都唔奀，熱辣辣炸出嚟，在喺雞翼上邊塗料一層青芥末籽醬，五隻真係唔多夠喉🤭🉐明太子原隻軟殼蟹漢堡打開漢堡，就有一層厚厚嘅明太子，配合微辣的青芥末籽醬，豐富足料；軟殼蟹原隻脆炸，咬落仲有豐富肉汁，旁邊配了薯條及沙律，分量超大，而且都只係$98，非常抵食！😛🉐柚子麥啤浸脆皮德國鹹豬手豬手經自家釀製柚子啤酒浸泡8小時，食落口帶著柚子的微甜。可能酒浸關係，肉質超鮮嫩，微甜易入口，後味帶點麥香。又係超大份量，直頭4個人都夠食！👬👭我就叫咗一款日本人氣手工啤，味道都好獨特大家都可以試吓🍺三五知己嘅話亦可嘆住手工啤酒，食埋串燒。我見餐廳亦都有多款日式串燒供應！—————————— 食物質素：8/10 環境衛生：7.5/10 舒適度：8/10 服務：8/10 性價比：7.5/10 總評分：7.8/10 ——————————

朋友話平時做gym成日都會路過呢間新餐廳，即使平日都座無虛席，難得九龍灣有新野，今晚就陪佢黎探下虛實。刺身帶子牛油果沙律 ($86)估唔到呢個價位真係食到咁厚身既刺身級帶子，微微煎香中間仲係半熟，好鮮甜軟滑，其實淨係帶子已經回本。 沙律以黑醋為主調，新鮮爽甜，如果牛油果比重再多d就好喇。柚子麥啤浸德國咸豬手 ($168) 特價一入口就感覺到與別不同，作為德國豬手獵人，平時食開既豬手脆皮多數較厚硬，呢度豬手大隻得黎居然做到乳豬玻璃皮薄脆既口感，完全係嘆為觀止。  豬手肉質好軟滑，近乎唔洗咬就散開一梳梳，仲醃到好入味添，可以話係近年食過最高質既豬手。 最開心係百幾蚊一隻豬手仲可以切到三大排肉，兩個食肉獸唔洗爭，食到心滿意足。香煎鵝肝露筍牛肝菌意大利飯 ($128)鵝肝夠厚又煎得香脆，香醇惹味。 露筍牛肝菌意大利飯好足料，整體好creamy幼滑，口感煮得岩岩好。青芥雞翼 ($68)炸得酥脆、保持肉汁，青芥調味好特別，惹味到瞬間清碟，之後黎食都會再叫。Chinese Hua Diao ($58)古董花樽賣相真係打卡一流，但絕對唔係得個樣，Gin底易入口得黎有少少玉桂香味，隱約有種古式古香感。S

今日同女朋友又食新餐廳，黎間都係西西地既西餐廳，但好似混合左少少日式既烹飪方法。入到去環境昏暗，好岩同朋有仔去似下酒同傾心事。當放左工仲要絞盡腦汁選擇食咩既時候，最中意就係餐廳有set dinner。價錢係睇你揀咩主菜，價錢相差100蚊左右。我女朋友中意食牛排，所以選左美國頂級西冷。頭盤係個法色牛肉批，外層個酥皮淋過弟弟，睇黎都係叮返熱。南瓜湯正常幾好似，有少許南瓜肉粒👍蒜蓉包配茄汁係咩玩法😂，店員將佢哋一齊放係枱面，所以點左d黎食，蒜蓉包好夠味好蒜蓉。之後到主菜，頂級真係頂級，無根之餘仲好琳，牛味10分有8分。帶子龍蝦汁意大利飯，飯心唔係全熟👍，識食一定咁食，正宗做法，帶子同幾舊蝦仔都好彈，用料新鮮。

今日去九龍灣淘大探朋友，順便係個到食埋個晚飯先返屋企！淘大個到都算多野食，之前係到食過幾間餐廳都幾好食，又幾多選擇，仲有出名既小方糖糖水店添！食完晚飯可以食返個甜品先走！今次見到有間好似幾新既西餐廳，叫supernormal ，之前未見過，一於就試下有幾平凡啦係門口睇到價錢都係正常價啦，有意粉、燴飯、burger等等。入面個環境都幾好，感覺舒服，可以慢慢食吹下水。牆上有靚靚既佈置！可能我地早食啦，未有咁多人吾駛等位，非常正，7點令開始full！枱多數都係2至4人,如果你多人去食，建議你早d去。我睇完餐牌就叫左個鵝肝牛肝菌意大利飯，張相就好靚，來到實物都係靚。因為有d餐廳相同實物有好大出入，應該有吾少人試過。飲品夠特色，呢杯叫做Chinese hua diao 我仲叫左個燒菠蘿。個飯味道好好，夠濃味，份量上都岩岩好俾本人食。如果你係大食王就差d，要叫多d小食先夠飽！鵝肝煎到外表少焦，入面軟軟，食落口感不錯。同埋個鵝肝份量都吾細，同相分別不大。飲品就係花瓶一個，用花瓶黎做器皿，好特別！酒精飲品，酒味都算重。如果你鍾意飲酒人士就推介俾你。上面插左薄荷葉同放左隻肉桂。Cocktails 價錢適

淘大有唔少小店，午餐去到呢間好似酒吧樣嘅西餐廳，午餐非常抵食。午餐價錢都係$60至$100左右，選擇都算多。跟餐可揀沙律或薯條或湯。我揀咗蕃茄牛脷焗意粉，意粉份量好多，牛脷夠林，餐湯都算OK。另外，當然要試吓呢度嘅burger。叫咗黑松露牛肉burger ，burger唔算好大個，正常size，味道幾好，不過黑松露味唔夠香，但係牛肉幾好食。咁啱薯條賣晒，所以配左洋蔥圈。洋蔥炸得唔算多油，都唔錯。餐飲一個加$8轉左特飲，蘋果蜜桃特飲味道酸酸甜甜幾好飲。