SUKIYA すき家 (亞皆老街)

營業中

休息中

行到旺角，聽過好多人推介，慕名而來。時間大概是6點，以為排隊的人不多，點知都有好多人一早排隊，我等左20分鐘左右就入去。餐廳不大，只有約40個坐位，而侍應只有4個，所以個個都好忙，有兩個應該是日本人，唔識廣東話，溝通可能有啲麻煩我點咗溫泉蛋牛飯加炸雞套餐，朋友點咗燒肉拼雞飯。溫泉蛋好滑好好食，但牛肉真係有牛味！女士門建議點 M size 就岩岩好，男士可考慮L值得一提係壽喜燒，好吸引，有牛肉或豚肉，大量菜同飯

今晚我們來到這間位於旺角的SUKIYA食晚餐。我們大約晚上六點左右到達，因我們見不是太多人等候，所以決定排隊，但可能因為店內的座位不多，我們最後都等了一個鐘才可入座。食物方面，除了牛丼，還有燒肉丼、雞肉丼、鰻魚丼、日式咖哩和壽喜燒。我們點了一個牛丼和一份香蔥溫泉蛋燒肉丼套餐，另外再加泡菜。套餐有沙律和可樂。M size 牛丼的份量剛剛好，味道也不錯，如果多些牛肉汁就更好。另外，點了一杯宇治抹茶，抹茶的味道不是太濃郁。鋪滿了蔥花的燒肉飯味道很吸引，值得一試。

每次經過食其家門外都是大排人龍， 我相信如果要堂食的話，起碼要等40分鐘以上， 真的再好食，人生都不應該這樣花時間排隊， 為什麼不像酒樓一樣拿籌呢？我實在等不下去，今次唯有叫外賣（溫泉蛋蔥花牛肉飯）跟住拿上巴士即食， 都不超過7分鐘時間，終於體驗到食其家嘅牛肉飯，跟吉野家去作出比較。 今次是早上11點半時間到食其家，真的也不錯，無論牛肉的味道，價錢都尚算大衆化。 但主角牛肉份量真的比吉野家少， 而且（米飯方面真比吉野家差）。 我真的很懷疑自己真的是在食出名的越光米嗎？ 他的飯實在（煮得太淋）了， 不像吉野家那種粒粒的口感，是此時段大師傅未回店舖嗎？ 我個人覺得，他在米飯方面應該要訓練人員下點功夫。 真的不要下那麼多水煮太久， 因為太多水米就會淋。 至於店內裝修真很一般， 坐位也不多。怪不得等那麼耐啦。

外面排咗半個鐘，入面明明有十個位以上，竟然淨係做外賣，唔叫人入去坐，咁差管理都有，第一次見。等待期間，起碼做咗十個外賣客，咁早知我買外賣算，堂食又等得耐，上菜又係好快手，咁淨係做外賣係咪代表唔想做堂食。btw,吉野家水準，冇下次～

🇯🇵《香蔥溫泉蛋牛丼》💰價錢：HK$48/ L size·記憶之中去日本食過松屋既香蔥豚肉飯真心係好好味🤤所以sukiya嚟香港開分店都算幾期待🤣但聽聞要排成兩粒鐘就算啦🙄咁岩尋日經過附近 中午時段發現人流唔多而且啲fd個個食完都話勁正😂所以心郁郁去咗排隊試吓雖然人流唔多但都排咗有7、8個字叫咗碗香蔥溫泉蛋牛丼 L size因為我聽聞m size似吉野家s size可能會唔夠食所以叫咗大份啲點知 食完發現其實一般女仔叫m size都夠食🧐唔知係咪我過分期待 食落冇想像之中咁好味😕香蔥份量係多 但係蔥味唔夠香牛肉份量適中反而醬汁好夠 撈勻嚟食真係粒粒飯都索滿晒牛肉汁可惜個人認為牛肉汁既牛味唔夠濃🤨隻溫泉蛋好靚😍 但撈埋飯食蛋味就冇曬特色 食唔出有咩特別飯就係用日本米 好有咬口另外有免費提供酸薑 酸薑真係太鹹太酸太辣唔啱我口味🙁 總結 唔明點解啲人講到咁好食🤷🏻‍♀️我個人覺得係還好 可能人人口味唔同未去到為咗食依碗飯要排成兩粒鐘咁誇張🤨

買蕃茄忌廉芝士牛丼, 變咗求其一個牛丼加啲蔥😭 錢又蝕畀佢, 味道又唔係好😖 仲要facebook message咗佢呢件事, 已讀之後都冇反應🙄 大家買外賣記住小心要check下個飯

自從上次食完人氣牛丼飯 Sukyia 之後，今日同朋友嚟開旺角所以就帶佢嚟試下，不過今次等咗勁耐，差唔多等咗一個半小時先食得到，真係等到人都癲 🤮 上次食咗三式芝士燒肉丼同 W 温泉蛋牛丼，今日就試下 W 温泉蛋燒肉丼炸雞套餐。W 温泉蛋燒肉丼炸雞套餐 ($68) : 本身個飯就已經有兩隻温暖蛋，但因為抵食又好食既關係所以再加多咗隻 😝 燒肉幾入味不過份量就少咗啲，而炸雞都係依然咁出色，特製冰紅茶味道就麻麻地 ; 自己覺得呢間較吉野家出色，但朋友就啱啱相反。

我很喜歡吃牛肉和飯， 我不明白為何香港吉野家的牛肉飯今日本的有這麼大分別。直至最近有一間新的日本餐廳在香港旺角開了一間牛肉飯店，每日都是大排長龍，直至深夜都是大排長龍，好奇心底下，有一天早上，當沒人龍的時候去吃牛肉飯早餐。我叫了店的招牌菜 - 牛丼，有大中細選擇，又有單叫或套餐， 我選擇了牛丼M青菜套餐，$39。其實牛肉飯很簡單，就是牛肉和白飯， 越簡單的菜色越考功夫，這裏就表現到真功夫， 牛肉質量中上，飯是日本米，汁味道合適不太鹹，一碗青菜很健康。店舖內的氣氛跟外面有很大對比，坐落在旺角亞皆老街、旺角街市旁、最繁華最亂的街道上，在店內有日本色的寧靜。店內很有日本公司管理特色， 擺設很整齊、清潔、簡約。店員有名牌，頭髮用網頭箍扎起，戴上帽子，很有禮貌。日本的感覺，由食物、店員和店舖氣氛。$39 一個早餐，回味無窮。

近呢幾個月，越來越多日本過江龍店嚟到香港！😧相信呢一間鋪係大多香港人期待已久嘅食肆，大家有幾耐冇出過街食牛肉飯呢？😂 小編趁佢哋開張咗一排，熱潮退咁啲，排咗隊去食！🤪小編係平日3pm去，排咗15分鐘左右就入座⋯今次分別嗌咗一牛一豬丼，今個post先講牛⋯🤔牛丼種類有8款，分為4個size⋯ 圖中呢款係中size!🧐 分量上都足嘅，蔥花夠多，但牛肉比較碎&少！😕 論味道，佢鹹過吉吉家，但小編同朋友都覺得呢間好食啲，畢竟牛丼款式比較多，而且有小編同朋友最愛嘅蔥花，撈飯真係一流！😍 論價錢，佢比吉吉野貴，問心牛肉質素/份量確實一般，如果唔係排得太耐嘅可以一試，否則就等一陣子再算啦！😌IG: 90sfoodie_carman

SUKIYAすき家登陸香港已經一段時間了可以排隊的人還是超多 還停止了24小時經營時間等不到了就先在台北試一試囉🤣台北這家完全不用排隊😍我們分別點了蔥花牛丼套餐、秋葵牛丼外加一隻溫泉蛋～套餐包括了海帶湯、青菜和溫泉蛋整體來說比較喜歡蔥花牛丼滿滿的蔥花 配上香香的溫泉蛋白和牛肉真的很好吃美國的牛肉也很不錯! 如果牛肉汁能夠多一點更好比較X望的是米飯用的是台灣米　不是日本米口感太黏了　再配上溫泉蛋整個米飯變得太濕潤 (聽說香港那家的米飯也比較黏)可是價錢來說真的是超！划！算！中size的份量剛剛好 怕不夠的話點套餐好了 價錢也不是差太遠這次在台北吃了也算是滿足了好奇心～可是好像沒有去到很好吃的地步吧香港的排太久了　不太值得還是等熱潮稍為散去我再去香港那家吃好了～

上海食左一次食其家，覺得都唔錯又抵食，今次返黎香港又食多一次。平日係附近夜晚行街經過，見到人龍居然唔長就入去食左啦，適逢我地係上海都食左次食其家，今次又試多次啦。裝修唔知點解會咁有2000年的感覺，唔係太得。而且佢連中文名都冇，好難令D街坊記得間野，定位好古怪。最重要的牛肉，味道同吉野家分別唔大，呢度比較甜DD，份量多過吉野家味道唔錯，價錢係算良心價，不過都係偏高左少少，29蚊淨係得一碗細飯，套餐要加10蚊，其他特別少少都上到5、6字頭，而我係上海食過好好食的茶碗蒸，呢度居然冇，有DD失望因為好肚餓，相都唔記得影!

星期一的十點半等了20分鐘，才入到店內。但情況係入面位置很多，很多客人出店，但職員沒有好快安排入座。職員指示一個人去吧台坐下，我坐下後，職員話「一係坐左邊，或者右邊唔好坐中間個位」我感到十分錯愕，因旁邊一同入坐男子也是這樣坐，為何只話我😔而服務員說話態度也差。叫了香蔥溫泉蛋牛丼(M)，加$10有套餐，我選擇青菜配冰紅茶。本來想叫特飲，但服務員話沒有。牛肉汁偏咸，牛肉睇到同吉野家牛肉冇咩分別，可以將成個飯食曬，味道唔係「嘩，好好食」，碗牛丼ok既咁既價錢。個菜不錯有蒜茸炒，同杯冰紅茶都幾好飲，有紅茶味，唔會死甜（不可更改甜度），甜度適中，呢$10加得值既。埋單櫃枱無職員，等左10分鐘，有5、6個人等，職員先過黎同客人結賬。呢張係走既時候店內情況。睇到企係度d人排列成一條人龍係等埋單。服務員不足同其中有一個服務員態度可以改善，其他服務員態度都誠懇。下次如果唔排隊都會食，但排隊就不值得。

Sukiya食其家 5點幾am去到 摸門釘改咗營業時間: 6am~24:00 有早餐都有少少人排隊等開門追⭐6am 開門前環境火煱要15:00~24:00 至有供應早餐冇火煱供應 爐頭照供電 ……牛肉元氣早餐~ $29 牛肉&飯份量少 有牛香味 飯濕牛肉汁少海帶麵豉湯~ 麵豉香濃 頸渴漬物椰菜 爽硬淡味 醃未夠未入味加$8汽水 有凍水供應 冇熱茶冇奶茶咖啡肥牛肉香 冇洋蔥 肉汁少牛肉鮭魚早餐~ $39 原味鮭魚 腥 咖哩牛肉飯 (M)$48 +$20炸雞3粒&麵豉湯咖哩唔香唔辣 冇配菜冇薯仔 牛肉份量少 炸雞 唔脆 皮厚雞肉少海帶麵豉湯 夠濃味 但之後頸渴酸薑太硬太酸 中式辣油夠辣

最近得知日本人氣連鎖牛肉飯餐廳係香港開咗分店，依家食牛飯除左吉野家重有多個選擇了 👍🏻 所以今日就特登抽咗啲時間去潮聖喇，餐廳位置係正亞皆老街對出，加上有條長長既人龍，所以一啲都唔難塭。餐牌選擇都有幾多完化，有牛、雞、豬、咖喱、火鍋、小食等等，而且飯都有得擇S、M、L、LL 👍🏻 叫咗三式芝士燒肉丼炸雞套餐同W溫泉蛋牛丼。三式芝士燒肉丼炸雞套餐 ($68) : 以旺角區黎講定價唔算貴而且都幾抵食 ; 炸雞熱辣辣，肉質嫩滑得嚟有汁 👍🏻 三式芝士燒肉丼，芝士咸得嚟唔會話太膩，而且燒肉吸收哂啲醬汁幾好味 😋 不過如果啲米係珍珠米就正喇 (因為自己鐘意食珍珠米)W 溫泉蛋牛丼 ($38) : 侍應會送上兩隻煮好但未打爛既温泉蛋比你自己打爛佢，蛋黃又圓又大又夠流心 😍 呢款牛丼既牛肉有點似吉野家 😂 整體味道都唔錯，另外重有一樣要讚下就係加温泉蛋只要 $5 蚊非常抵 😱 係出面啲餐廳加隻温泉蛋都要十幾蚊。

呢間牛肉飯長期都大排長龍，食過兩次都係外賣返屋企食。第一次食咗香蔥溫泉蛋飯，個人覺得香蔥嗰陣味太勁，蓋過咗牛肉本身陣味，再加上個飯好似落咗啲秘製紅色嘅醬汁，所以唔係好食到牛肉嘅味，但係鍾意食蔥嘅人可能會鍾意。我朋友就食咗溫泉蛋牛肉飯，表現正正常常，吉X家牛肉飯好似，懷念吉x家牛肉飯不妨一試。第二次我就食咗蕃茄忌廉牛肉飯，意外地覺得有驚喜，個飯嘅番茄醬本身好好食，再加埋啲cream cheese撈埋落個飯度，成件事出奇地夾，再加埋個飯本身有少少辣，食落好過癮，非常推薦呢個飯！朋友就食咗溫泉蛋燒肉飯，我就覺得舒服同牛肉嘅分別好似唔太大，燒肉飯就係多咗啲燒肉汁嘅味。兩次食都有嗌野飲，好推薦大家飲牛奶綠茶布甸，本身牛奶綠茶唔係好甜，但係綠茶味好重，再加埋甜甜地嘅布甸，成件事就變到好夾，唔係好鍾意飲太甜嘅嘢嘅人可以一試！